Morgunblaðið - 18.03.2000, Blaðsíða 10
10 LAUGARDAGUR 18. MARS 2000
MORGUNBLAÐIÐ
FRÉTTIR
Háskólarektor og borgarstjóri undirrita samstarfs-
samning um stofnun Borgarfræðaseturs
Eflir stöðu Reykjavík-
ur sem háskólaborgar
Morgunblaðið/Ami Sæberg
Páll Skúlason háskólarektor og Ingibjörg Sólrún Gisladóttir borgar-
stjóri undirrita samstarfssamninginn í gær. Á bak við eru stjórnarmenn
Borgarfræðaseturs, frá vinstri: Jón Sigurðsson formaður, Anna Soffía
Hauksdóttir prófessor, Bjarni Reynarsson skipulagsfræðingur, Kristín
A. Árnadóttir, aðstoðarkona borgarstjóra, og Magnús Diðrik Baldurs-
son, aðstoðarmaður rektors.
PÁLL Skúlason, rektor Háskóla
Islands, og Ingibjörg Sólrún Gísla-
dóttir, borgarstjóri Reykjavíkur,
undirrituðu í gær samstarfssamn-
ing milli Háskóla íslands og
Reykjavíkurborgar um stofnun
Borgarfræðaseturs. Á blaða-
mannafundi sem haldinn var af
þessu tilefni kom m.a. fram að
bæði Páll og Ingibjörg vonast til að
þetta frumkvæði verði til að
styrkja tengsl Háskóla íslands og
Reykjavíkurborgar til muna.
Undirbúningur að stofnun Borg-
arfræðasetursins hefur staðið yfir í
rúmt ár og kom fram á fundinum í
gær að m.a. hefði verið gerð skipu-
leg úttekt á starfsemi sambæri-
legra stofnana erlendis sem víða
eru starfræktar í samvinnu há-
skóla og borgaryfirvalda.
Markmið Borgarfræðaseturs eru
margs konar og kvaðst Páll Skúla-
son háskólarektor sérstaklega
leggja áherslu á að með þessari
nýjung mætti styrkja tengsl Há-
skóla Islands og Reykjavíkurborg-
ar og þar með stöðu Reykjavíkur
sem háskólaborgar. Háskóli og
borg ættu mikið hvort undir öðru
og kvaðst hann eiga von á góðu
samstarfi á nýjum vettvangi.
Undir þetta tók Ingibjörg Sólrún
og sagði að tengsl borgarinnar og
háskólans hefðu e.t.v. ekki verið
eins mikil og þau hefðu þurft að
vera, en að með stofnun Borgar-
fræðaseturs væri bætt úr því. Hér
væri því um mikil tímamót að ræða
enda skipti háskólinn borgina
miklu máli, og borgin skipti háskól-
ann miklu máli.
Leitað að heppilegu húsnæði
og auglýst eftir forstöðu-
manni
Markmið Borgarfræðasetursins
eru annars að standa fyrir, efla og
samhæfa rannsóknir og fræðslu í
greinum sem tengjast bæjum og
byggðum eða það sem kallað hefur
verið borgarfræði. Með setrinu er
einnig stefnt að því að efla rann-
sóknatengt framhaldsnám í borg-
arfræðum, gefa út fræðirit og
kynna niðurstöður rannsókna í
borgarfræðum og veita upplýsing-
ar og ráðgjöf í borgarfræðum.
Jafnframt er ætlunin að gangast
fyrir námskeiðum, ráðstefnum og
fyrirlestrum í borgarfræðum og
stuðla að samstarfi við innlenda og
erlenda rannsóknaraðila á sviði
borgarfræða.
Fram kom jafnframt á fundinum
í gær að stjórn Borgarfræðaseturs
hefði fyrr um daginn komið saman
til síns fyrsta fundar. Jón Sigurðs-
son, bankastjóri Norræna fjárfest-
ingarbankans í Helsinki, sem hefur
verið skipaður formaður stjórnar-
innar, sagði starf Borgarfræðaset-
ursins örugglega munu fara hægt
af stað en meðal fyrstu verkefna
hinnar nýskipuðu stjórnar væri að
gera starfsáætlun, leita að heppi-
legu húsnæði fyrir starfsemina og
auglýsa eftir forstöðumanni.
Þau Jón, Páll og Ingibjörg lýstu
þeirri ósk sinni aðað húsnæði set-
ursins yrði staðsett einhvers staðar
á mörkum háskólasvæðisins og
hjarta borgarinnar, svona til að
sýna táknræn tengsl þessara
tveggja stofnana. Þau lögðu þó
áherslu á að ekki ætti aðeins að
stunda rannsóknir á Reykjavík
einni og sér undir merkjum hins
nýja Borgarfræðaseturs heldur
ekki síður öðrum byggðum og bæj-
um í landinu.
Segja flugfélög ásaka flug-
umferðarstnóra ranglega
Tafir ekki
sök flugum-
ferðarstjóra
ALÞJÓÐAFÉLAG flugumferð-
arstjóra hvatti á nýlegum ársfundi
sínum flugfélög til að hætta að
kenna slæmri flugumferðarstjóm
um tafir í flugi. Segir forseti fé-
lagsins, Samuel Lampkin, að flug-
félögin hafi flugstjórnarkerfin fyr-
ir rangri sök og tafir í flugi stafi
miklu frekar af of þéttri áætlun
flugfélaga, aukinni ferðatíðni,
slæmu skipulagi á flugvöllum og
breyttum flugreglum sem víða
hafi verið settar til að draga úr
hávaða.
Alþjóðafélag flugumferðar-
stjóra hefur um 40 þúsund félaga
innan vébanda sinna í 114 félögum
víðs vegar um heiminn. Félagið
sinnir eingöngu faglegum hliðum
og hefur aðsetur í Montreal í Kan-
ada.
Loftur Jóhannsson, formaður
Félags íslenskra flugumferðar-
stjóra, sem sótti þingið frá Is-
landi við þriðja mann, segir að
þessi vandamál séu í raun ekki
fyrir hendi hérlendis en þó geti
komið fyrir að tafir verði í flugi
frá Keflavík þegar til dæmis
margar þotur eru með áætlaðan
brottfarartíma á sömu mínút-
unni. „Ef tíu vélar eiga að fara í
loftið á sömu mínútu er vitanlega
ljóst að aðeins ein þeirra fer á
réttum tíma, hinum níu mun
seinka, og það er ekki síst þetta
atriði sem gerist víða á erlendum
flugvöllum þar sem mörg flugfé-
lög skipuleggja brottför á sömu
mínútu," segir Loftur.
Flugfélög sýni ábyrg og upp-
byggjandi vinnubrögð
Alþjóðafélagið hvetur til þess
að allir aðilar í flugi taki á sig
ábyrgð vegna seinkana í flugi og
beinir hvatningu sinni ákveðið til
forráðamanna flugfélaga. Eru
þeir hvattir til að láta af því að ein-
blína á hagkvæmni og samkeppn-
isstöðu og einbeita sér að því sem
Alþjóða flugmálastofnunin, ICAO,
hefur á stefnuskrá sinni, flugör-
yggi. „Það er kominn tími til þess
að flugfélögin láti af óviðeigandi
árásum sínum á flugumferðar-
stjórnina og sýni af sér uppbyggj-
andi vinnubrögð og ábyrgð," segir
Samuel Lampkin. Hann segir að
flugfélög kenni flugumferðar-
stjórn um of um seinkanir þegar
þær í raun stafi af áætlun flugfé-
laganna sjálfra, aukinni ferðatíðni
í fluginu, lélegu stjómkerfi á flug-
völlum, veðri, seinum farþegum
og öðrum orsökum sem í raun
valdi þessum seinkunum. Segir
hann nauðsynlegt að hætta að
veita stjórnmálamönnum, farþeg-
um og öllum almenningi misvís-
andi upplýsingar af þessum toga.
Loftur segir það rétt að tafir í
fluginu megi sjaldnast rekja til
flugumferðarstjóra og kveðst
sammála því sem fram kom á
fundinum, að þær séu iðulega
vegna slæmrar aðstöðu og skipu-
lags á flugvöllunum sjálfum. Flug-
félög séu í stöðugri keppni um að
auka ferðatíðni og öll vilji þau
fljúga á sama tíma. Það hafi leitt
til mikils álags á ákveðnum tímum
sem hafi alltaf tafir í för með sér.
Þá segir hann stífari reglur og
takmarkanir á ílugi að og frá flug-
völlum til að draga úr hávaða
einnig hafa kallað fram seinkanir.
Þá er bent á það í frétt frá Al-
þjóðafélagi flugumferðarstjóra að
sífellt aukin flugumferð og ferða-
tíðni muni hafa slæm áhrif á um-
hverfið.
Jafnréttislög brot-
in við ráðningu að-
stoðarskólastj óra
JAFNRÉTTISLÖG voru brotin
við ráðningu í stöðu aðstoðar-
skólastjóra Grunnskólans á
Blönduósi í maí á síðasta ári.
Þetta er niðurstaða kærunefnd-
ar jafnréttismála.
Málsatvik eru þau að auglýst
var laust til umsóknar starf að-
stoðarskólastjóra við Grunn-
skólann á Blönduósi í apríl í
fyrra. í auglýsingu í Morgun-
blaðinu komu hvorki fram hæfn-
iskröfur né lýsing á starfi að-
stoðarskólastjóra, en tiltekið var
að skólastjóri veitti nánari upp-
lýsingar. Umsækjendur um
stöðuna voru fjórir, tvær konur
og tveir karlar. Báðar konurnar
og annar karlinn voru starfandi
kennarar við grunnskólann.
Á fundi skólanefndar Blöndu-
óssbæjar var maðurinn ráðinn
að tillögu skólastjóra. Fundar-
gerð skólanefndar var svo sam-
þykkt af bæjarstjórn 1. júní
1999 sl. Ráðningin var svo sér-
staklega á dagskrá bæjarstjórn-
ar á fundi 15. júní þar sem hún
var samþykkt með öllum at-
kvæðum nema einu. Einn bæj-
arfulltrúi sat hjá og lét bóka að
með ráðningunni væri brotinn
réttur á umsækjendum sem
hlytu að teljast hæfari vegna
lengri starfsaldurs og/eða meiri
menntunar auk þess að jafnrétt-
islög væru brotin.
I áliti jafnréttisnefndar segir
að ekki verði séð að bæjarstjórn
Blönduóss hafi lagt mat á
hvernig umsækjendur uppfylltu
þau skilyrði sem tilgreind séu í
lögum og að enginn samanburð-
ur hafi verið gerður á hæfni
þeirra. Hið sama eigi við um
skólanefnd sem samkvæmt
grunnskólalögum sé skólastjóra
til ráðgjafar um málefni skól-
ans.
Loks kemur fram að þegar
tekið sé mið af þeim atriðum
sem samkvæmt lögum skuli
leggja til grundvallar mati á
hæfi umsækjenda og þar sem
ekki hafi komið fram nein sér-
stök málefnaleg sjónarmið sem
leitt geti til annarrar niður-
stöðu, sé það niðurstaða kæru-
nefndar jafnréttismála að telja
verði kæranda hæfari til að
gegna stöðu aðstoðarskólastjóra
en þann sem ráðinn hafi verið.
Beinir nefndin þeim tilmælum
til bæjarstjórnar að viðunandi
lausn verði fundin á málinu sem
kærandi geti sætt sig við.
Veitingastaðurinn Sommelier opnaður við Hverfísgötu
Boðið upp á 2.000 vín-
tegundir á vínlistanum
Morgunblaðið/Kristinn
Þorleifur Sigurbjörnsson, Haraldur Halldúrsson og Vignir Már Þor-
múðsson voru siðdegis í gær að undirbúa opnun Sommelier.
VEITINGASTAÐURINN Sommel-
ier var opnaður á Hveríisgötu 46 í
gær. Auk þess að bjóða upp á mat
verður á staðnum mun meiri áhersla
lögð á borðvín en hingað til hefur
tíðkast á íslenskum veitingastöðum.
Alls verða fáanleg 2.000 víntegundir
á Sommelier en til þessa hefur ís-
lenskur veitingastaður mest boðið
upp á á fjórða hundrað víntegunda.
Eru vínin geymd í sérhannaðri
hitastýrðri víngeymslu í hjarta stað-
arins en þar verður einnig smökkun-
araðstaða fyrir 15 manns og er ætl-
unin að halda þar námskeið og
fyrirlestra. í víngeymslunni er stöð-
ugt hitastig, 12°C, en einnig verða
sérstakir kæliskápar með stillanleg-
an hita fyrir vín sem þarf kaldara eða
jafnvel heitara loft. Sommelier-
Brasserie dregur nafn sitt af franska
orðinu „sommelier" sem merkir vín-
þjónn eða sá sem veitir ráðgjöf um
samsetningu víns og matar.
Framkvæmdastjóri Sommelier er
Haraldur Halldórsson, Þorleifur
Sigurbjörnsson er yfirvínþjónn, Al-
freð Ómar Alfreðsson, matreiðslum-
eistari og stjórnarformaður, er Vign-
ir Már Þormóðsson veitingamaður.
Haraldur var áður veitingastjóri á
Hótel Holti og hefur lengi haft mik-
inn áhuga á vínum. Árið 1997 sigraði
hann í keppninni Vínþjónn ársins og
hefur frá stofnun verið forseti Sam-
taka íslenskra vínþjóna. Einnig hef-
ur hann tekið virkan þátt í alþjóða-
samtökum vínþjóna og er
viðurkenndur alþjóðlegur dómari í
vínkeppni. Haraldur segir að opnun
veitingastaðarins hafi verið gamall
draumur þótt hugmyndin um endan-
lega útfærslu hafi ekki farið að mót-
ast fyrr en fyrir um tveimur árum.
Matargerð staðarins segir Haraldur
vera í þeim nútímalega stíl, sem nú
sé vinsæll í Evrópu. Byggt sé á hin-
um sígilda evrópska grunni en ekki
hikað við að tína til hráefni og að-
ferðir úr öðrum heimshlutum.
Hann óttast ekki að opna veitinga-
stað á Hverfisgötu þótt flestir veit-
ingastaðir séu á öðrum slóðum í mið-
bænum: „Það er nú víða svo að bestu
staðirnir eru á erfiðustu stöðunum.“
Sommelier hefur opnað heimasíðu
og er slóðin www.sommelier.is.