Morgunblaðið - 09.05.2000, Blaðsíða 26

26 ÞRIÐJUDAGUR 9. MAÍ 2000
MORGUNBLAÐIÐ
ERLENT
AP
Reomel Ramones, fyrir miðju myndarinnar, sést hér í fylgd filippseysku rannsóknarlögreglunnar. Ramones,
kærasta hans og systir hafa öll verið handtekin vegna „ástarvírussins.“
Þrennt handtekið
vegna „ástarvírussinsu
Manila, Washington. AP, AFP.
LÖGREGLA á Filippseyjum hand-
tók þrjá í gær vegna tölvupóstsvið-
hengisins „ástarvírussins" svo
nefnda sem olli miklum usla víða
um heim fyrir helgi. Fyrr um dag-
inn hafði filippseyska lögreglan, í
samstarfi við bandarísku alríkis-
lögregluna FBI, gert húsleit á
heimili fólksins þar sem fjöldi
tölvugagna var gerður upptækur.
Talið er að „ástarvírusinn", sem
telst skæðasti vírus sem greinst
hefur til þessa, eigi rætur sína að
rekja til Filippseyja og hafa þar-
lend netfyrirtæki þegar staðfest að
þau hafi verið notuð við að senda
vírusinn. Fólkið sem lögregla
handtók í gær eru bankastarfs-
mennirnir og sambýlisfólkið Reom-
el Ramones og Irene de Guzmann,
sem bæði eru á þrítugsaldri, og
systir Ramones, Jocelyn, barn-
fóstra parsins. Að sögn AFP-frétt-
astofunnar neitar Ramones allri
aðild að málinu.
„Málið er enn í rannsókn," sagði
Federico Opinion, yfirmaður rann-
sóknarlögreglunnar og gaf í skyn
að fleiri handtökur kynnu að fylgja
í kjölfarið þar sem lögregla hug-
leiddi nú að æskja fleiri húsleitar-
heimilda. „Fleiri kunna að eiga að-
ild að málinu,“ sagði Opinion.
Talið er að ástarvírusinn hafi náð
að sýkja 10 milljónir tölva víðsveg-
ar um heiminn, m.a. í Hvíta húsinu,
bandaríska varnarmálaráðuneyt-
inu, breska og bandaríska þinghús-
inu og hjá hundruð fyrirtækja.
Bandaríska fyrirtækið Computer
Economics áætlaði í gær að það
tjón sem vírusinn hefur valdið
nemi þegar nærri fímm milljörðum
dollara, eða um 350 milljörðum
króna og eigi sú tala enn eftir að
hækka. „Það er ljóst að þegar fjár-
hagslegar afleiðingar ormsins
verða endanlega teknar saman, eft-
ir að tekist hefur að útrýma hon-
um, mun kostnaðurinn reynast yfir
10 milljónir dollara [700 milljónir
króna],“ sagði Michael Erbschloe,
aðstoðarforstjóri fyrirtækisins, en
fjöldi nýrra afbrigða hafa komið
upp í kjölfar „ástarvírusins".
Höfundurinn í Ástralíu?
Lengi var talið að höfundur „ást-
arvírusins" væri 23 ára karlmaður,
sem búsettur væri í Pandacan á
Filippseyjum, eða þar til rannsókn-
arlögreglan greindi frá því í gær að
höfundurinn væri kona. Því hefur
þó einnig verið haldið fram að höf-
undurinn sé þýskur skiptinemi,
Michael að nafni, sem búi í Ástralíu
þó dreifingaraðilinn sé á Filipps-
eyjum.
„Þó vírusinn hafi verið gerður
virkur á Filippseyjum, þá er eng-
inn ástæða til að ætla að höfund-
urinn hafi verið staddur þar,“ sagði
Fredrik Björk tölvusérfræðingur
við háskólann í Stokkhólmi, sem er
sannfærður um að Michael sé
sökudólgurinn.
Við rannsókn málsins hefur lög-
regla á Filippseyjum notið aðstoð-
ar FBI, Interpol og sænska
menntaskólanemans Jonathan
James, sem áður hefur aðstoðað
FBI við að hafa uppi af höfundi
töluvírus. Þá er ekki ljóst hvernig
yfirvöld á Filippseyjum munu fara
að því að lögsækja þá sem ábyrgð
bera á vírusnum, en lög í landinu
henta illa til þess að taka á tölvu-
glæpum og kann að sögn AFP svo
að fara að Bandaríkjamenn æskji
þess að fá sökudólgana framselda.
Ekkert lát á ofbeldisverkunum
í Zimbabwe
Bóndi deyr eftir
barsmíðar land-
tökumanna
Harare. AP, AFP.
HVÍTUR bóndi í Zimbabwe lést á
sjúkrahúsi í gærmorgun eftir að
hafa orðið fyrir hrottalegri árás
landtökumanna sem hafa lagt bú-
garð hans undir sig.
Bóndinn, Alan Dunn, hafði verið í
dái á sjúkrahúsinu og þjáðst af inn-
vortis blæðingum eftir að landtöku-
mennirnir höfuðkúpubrutu hann og
brutu báðar hendur hans á sunnu-
dag.
Landtökumennirnir réðust á
bóndann þegar hann sneri aftur í
búgarð sinn nálægt bænum Beatr-
ice, um 56 km sunnan við Harare,
eftir stutta fjarveru. Dunn var
stuðningsmaður helsta stjórnarand-
stöðuflokks landsins, Hreyfingar
fyrir lýðræðislegri breytingu
(MDC).
Framkvæmdastjórn samtaka
bænda í Zimbabwe var boðuð á
skyndifund í gær vegna málsins.
Landtökumenn rændu einnig
tveimur veiðieftirlitsmönnum á
laugardag og gengu í skrokk á þeim.
Hópur hvítra manna réðst í gær á
svartan landbúnaðarverkamann ná-
lægt Beatrice, að því er virðist til að
hefna drápsins á Dunn.
Að minnsta kosti 18 manns hafa
verið drepnir frá því ofbeldið hófst í
febrúar, þegar tillaga stjórnarinnar
um breytingar á stjómarskránni
var felld í þjóðaratkvæðagreiðslu.
Mörg fórnarlambanna voru félagar í
MDC, sem barðist gegn stjórnar-
skrárbreytingunni.
Stuðningsmenn stjórnarflokks-
ins, ZANU-PF, hófu jarðanámið
skömmu eftir þjóðaratkvæðið og
Reutars
Hvíti bóndinn Alan Dunn fluttur á sjúkrahús í Harare eftir að hafa orðið
fyrir barsmiðum landtökumanna.
hafa lagt rúmlega 1.000 jarðir hvítra
bænda undir sig. Að minnsta kosti
þrír bændur hafa verið drepnir og
sex hafa orðið fyrir hrottalegum
líkamsárásum.
Robert Mugabe forseti hefur
réttlætt jarðanámið og kveðst
stefna að því að taka helming búg-
arða hvítu bændanna eignarnámi og
úthluta fátækum blökkumönnum J
jörðunum. Um þriðjungur besta
ræktarlandsins er í eigu 4.000
hvítra bænda.
Andstæðingar forsetans hafa sak-
að hann um að hafa staðið fyrir
jarðanáminu til að kúga stjórna-
randstöðuna og afla sér atkvæða fá-
tækra blökkumanna. Landið geng-
ur nú í gegnum verstu efna-
hagskreppu sína frá því að það fékk
sjálfstæði fyrir tuttugu árum og
fylgi MDC hefur aukist verulega
vegna ástandsins. Búist er við að
flokkurinn veiti ZANU-PF harða
keppni í þingkosningum, sem gert
er ráð fyrir að fari fram í sumar.
Hvítu fólki með breskt vega-
bréf verði vísað úr landi
Leiðtogi landtökumannanna,
Chenjerai Hunzvi, hvatti lands-
menn um helgina til að leita að hvít-
um íbúum Zimbabwe með breskt
vegabréf og hrekja þá úr landi.
Hunzvi sagði að þeir sem vildu vera
áfram í Zimbabwe yrðu að deila
jörðum sínum með blökkumönnum
og fleygja vegabréfunum.
Um 20.000 af 70.000 hvítum íbú-
um Zimbabwe eiga rétt á bresku
vegabréfí.
Átök friðargæsluliða og uppreisnarmanna í Sierra Leone
Bretar senda herlið eftir
helgarinnar
átök
London, Freedora. AP, AFP.
BRESKA varnarmálaráðuneytið sendi í gær
700-800 manna herlið til Senegal til að vera
reiðubúið að aðstoða við brottflutning um 500
Breta frá Sierra Leone eftir að til átaka kom
milli friðargæsluliða Sameinuðu þjóðanna
(SÞ) og liðsmanna uppreisnarhreyfingarinnar
RUF á laugardag. Breska og bandaríska ut-
anríkisráðuneytið hafa þegar hvatt þegna sína
til að yfirgefa Sierra Leone í kjölfar átakanna
um helgina, en talsmenn SÞ og RUF segja
um óþarfa áhyggjur að ræða.
„Það er mikilvægt í þeirri ringulreið sem
nú ríkir að öryggi okkar eigin sveita sé ekki
ógnað,“ sagði Geoff Hoon varnarmálaráð-
herra Breta í viðtali við BBC. „Við verðum að
tryggja að þeir geti varið sig og þá sem við
flytjum á á brott.“ „Ég vil fullvissa almenning
um að það er enginn ástæða til að óttast,"
sagði Mohammad Garba, Hðsforingi sveita SÞ
eftir að hafa kannað átakasvæðið ásamt leið-
togum RUF á sunnudag. Að sögn Laurence
Wormandia, talsmanns RUF, hófust átökin á
laugardag í kjölfar frétta um að Foday San-
koh, leiðtogi RUF, væri í stofufangelsi og
linnti þeim er Sankoh hafði samband við upp-
reisnarmenn að beiðni Garba og bað þá að
draga sig í hlé.
Allt að 500 haldið
í gíslingu
Um 300 starfsmönnum SÞ hefur verið hald-
ið í gíslingu af RUF eftir að til ágreinings
kom vegna afvopnunarferlis RUF í upphafi
síðustu viku. SÞ hafa auk þess misst samband
við 200 manna friðarsveit, sem margir telja
vera í haldi uppreisnarmanna. RUF neitar þó
að svo sé.
Að sögn Oluyemi Adenidji, sérstaks sendi-
fulltrúa framkvæmdastjóra SÞ, var í gær enn
unnið að því að fá gíslana leysta úr haldi og
sagði Adenidji Sankoh hafa heitið því að gísl-
unum yrði sleppt lausum.
„Við leggjum mikið á okkur til að það sé
öllum ljóst að gíslatakan er óviðunandi fyrir
erlendar þjóðir" sagði Adenidji, en í gær voru
uppi hugmyndir um að sérstök sendinefnd SÞ
og RUF héldi á svæðið þar sem talið er að
gíslarnir séu í haldi.
Atök í
Kosovo |
Pristina. AP, AFP.
EKREM Rexha, iyrrverandi
skæruliðaforingi í Frelsisher Kos-
ovo (UCK), var skotinn til bana við
heimili sitt í gærmorgun. Kvöldið
áður særðust fjórir Serbar, þar af
tvö börn, í skotárás Albana.
Rexha stjórnaði skæruliðum í
fjallahéraði í suðurhluta landsins,
við landamærin að Aibaníu, áður en |
Frelsisher Kosovo var leystur upp.
Hann starfaði sem umhverfis- og ör-
yggismálafulltrúi bæjarstjórnarinn-
ar í Prizren og sá þýskum hermönn-
um í friðargæsluliðinu fyrir kortum
af jarðsprengjubeltum UCK, eink-
um við landamærin að Albaníu.
Friðargæsluliðar sögðu að skotið
hefði verið með rifflum á fjóra
Serba, þar af tvær ellefu ára stúlkur,
í almenningsgarði í Kosovska Vitina,
um 35 km suðaustan við höfuðstað ,
héraðsins, Pristina. Bandarískir
hermenn handtóku síðar þrjá Alb-
ana sem eru grunaðir um árásina.