Morgunblaðið - 16.06.2000, Síða 16

16 FÖSTUDAGUR 16. JÚNÍ 2000
MORGUNBLAÐIÐ
AKUREYRI
Pflagríms-
ganga úr
Eyjafírði
að Hólum
í Hjaltadal
í TILEFNI af því að 1.000 ár eru lið-
in frá Kristnitöku á íslandi efna
Prestafélag Hólastiftis, Ferðafélagið
Hörgur og Minjasafnið á Akureyri
til ferðar frá Akureyri að Hólum í
Hjaltadal laugardaginn 8. júlí.
Ferðatilhögun er sú að lagt verður
af stað í hópbifreið frá Glerárkirkju
kl. átta að morgni og komið við á
Gásum og hinar fornu tóftir skoðað-
ar.
Eftir stuttan stans í nýuppgerðri
Vallakirkju í Svarfaðardal verður
ekið að Örðarkirkju þar sem fram
fer stutt helgistund. Að því loknu er
ekið fram í botn Svarfaðardals þar
sem þátttakendur munu síðan ganga
yfir Heljardalsheiði allt að Hólum í
Hjaltadal.
Ef menn óska þess geta menn
fengið kvöldverð og gistingu á Hól-
um, en daginn eftir verður messað í
Hóladómkirkju. Par mun kirkjukór
Glerárkirkju syngja og sr. Gunn-
laugur Garðarsson messar. Að lok-
inni messu er boðið upp á hópferð til
Akureyrar.
Þátttökugjald er 1.000 kr. og nær
það yfir allan akstur hópferðabflsins
út í Svarfaðardal og frá Hólum til
Akureyrar. Þátttakendur verða
sjálfir að greiða mat og gistingu.
Allir eru velkomnir en bent er á að
gangan yfir heiðina getur tekið allt
að 6-8 klukkstundir. Upplýsingar og
skráningar eru hjá Sverri Pálmars-
syni í Glerárkirkju alla virka daga kl.
11-14.
Sólarlag
í Eyjafirði
Morgunblaðið/Rúnar Þór
KVÖLDIN við Eyjaijörð eru fögur
nú þessar björtu júnínætur og
margir vaka frameftir til að fylgj-
ast með sólarlaginu. Þessi mynd er
tekin frá Svalbarðsströnd og sést
Svalbarðskirkja í forgrunni. Besti
tíminn til að fylgjast með sólarlag-
inu er framundan, en síðustu tvær
vikurnar í júníþykja einkar heppi-
legar fyrir þá sem unun hafa af því.
Skipulag við Langholt,
Akureyri:
Tillaga um breytingu á Aðaiskipulagi Akureyr-
ar 1998-2018 og deiliskipulag athafnasvæðis
við Langholt
Með vísan til greina 7.2.2 og 6.2.3 í skipulagsreglugerð auglýs-
ir Akureyrarbær tillögu að breytingu á Aðalskipulagi Akureyrar
1998 - 2018 og deiliskipulag athafnasvæðis við Langholt.
1. Breyting á aðalskipulagi: Bæjarstjórn Akureyrar hefur í
samræmi við 21. gr. Skipulags- og byggingarlaga samþykkt
breytingu frá gildandi aðalskipulagi þar sem athafnasvæði við
Langholt er stækkað til norðurs.
Athugasemdafrestur er þrjár vikur frá birtingu auglýsingar, þ.e.
til kl. 16.00 föstudaginn 30. júní 2000.
2. Deiliskipulag: Gerð er tillaga að skipulagi athafnasvæðis
sem afmarkast af Langholti að austan, Undirhlíð að sunnan,
Hörgárbraut að vestan og íbúðarbyggð við Langholt að norð-
an.
Athugasemdafrestur er sex vikur frá birtingu auglýsingar, þ.e.
til
kl. 16.00 föstudaginn 21. júlí 2000.
Skipulagstillögurnar liggja frammi almenningi til sýnis í upplýs-
ingaanddyri Akureyrarbæjar, Geislagötu 9 og á heimasíðu Ak-
ureyrarbæjar: http://www.akurevri.is/ þannig að þeir sem þess
óska geti kynnt sér tillögurnar og gert við þær athugasemdir.
Athugasemdum skal skila til Skipulagsdeildar Akureyrarbæjar.
Þeim sem telja sig verða fyrir bótaskyldu tjóni vegna þessara
skipulagsáætlana er bent á að gera athugasemdir innan til-
greinds frests ella teljast þeir samþykkir þeim.
Skipulagsstjóri Akureyrar
Kaffisala Kvenfélagsins
Baldursbrár
HIN árlega kaffisala Kvenfélags-
ins Baldursbrár verður í Glerár-
kirkju þjóðhátíðardaginn, 17. júní,
frá kl. 15 tfl 17.
Einnig verður sýning á því sem
kvenfélagskonur hafa verið að
gera í vetur, bæði á föndurkvöldum
í kirkjunni og heima. Allui’ ágóði af
kaffisölunni rennui’ til kaupa á
steindum glugga í Glerárkirkju.
Listasumar 2000
kynnt á Akureyri
LISTASUMAR 2000 á Akureyri
verður sett á þjóðhátíðardaginn 17.
júní og stendur það yfir allt til af-
mælis Akureyrarbæjar, eða til 29.
ágúst. Að sögn Þórgnýs Dýrfjörð,
formanns Gilfélagsins á Akureyri, er
Listasumarið hugsað sem víðtæk
heildarkynning eða regnhlíf yfir
ólíka menningarstarfsemi sem Ak-
ureyringum og gestum þeirra stend-
ur til boða í allt sumar.
Að sögn Þórgnýs er afar mikil-
vægt fyrir listalíf á Akureyri og jafn-
framt ferðaþjónustu í bænum að
bjóða upp á öfluga menningarstarf-
semi yfir sumarmánuðina þegar aðr-
ar menningarstofnanir liggja í dvala.
Helsta breytingin frá Listasumrum
síðustu ára er að nú í ár er stefnan að
bjóða sem mest upp á fasta viðburði
á föstum tíma til að auðvelda neyt-
andanum að hafa yfirsýn yfir menn-
ingarviðburðina.
Auðgar mannlífið
í máli Þórgnýs kom einnig fram að
tilgangur með Listasumri væri með-
al annars að auðga mannlífið og gefa
heimamönnum og öðrum tækifæri til
listsköpunar. Einnig sé slík hátíð
mikilvæg fyrir ferðaþjónustuaðila,
því æ fleiri ferðamenn velji sér staði
eftir framboði menningar- og af-
þreyingarviðburða.
Meginþættir Listasumars eru
vikulegir djasstónleikar í Deiglunni,
vikulegir sumartónleikar í Akureyr-
arkirkju, vikuleg bókmenntadag-
skrá, auk myndlistar, fagursöngs,
óperusýningar fyrir böm og leiklist-
ar. Að sögn Guðrúnar Pálínu Guð-
mundsdóttur, listræns ráðunautar
Listasumars, mun dagskrárbækl-
ingur Listasumars verða borinn í
hús á Akureyri 16. júní, en auk þess
verður hátíðin kynnt með vegg-
spjöldum og kynningarefni hjá
ferðaþjónustuaðilum. Áhugasamir
Morgunblaðið/Rúnar Þór
Aðstandendur Listasumars 2000 ásamt framkvæmdasijóra þess.
geta einnig fræðst nánar um dag-
skrárliði Listasumars á heimasíðu
Gilfélagsins á slóðinni www.listagil.is
Tengsl við atvinnulífið
Þórgnýr kom einnig inn á kostnað-
arhlið Listasumars en að hans sögn
var í ár gerð tilraun til að leita eftir
verulegri aðstoð í atvinnulífínu. „Við
náðum ekki því peningalegu mark-
miði sem við settum okkur en sköp-
uðum okkur hins vegar mikilvæg
tengsl. Hins vegar voru nokkur fyr-
irtæki sem sáu sér fært að koma að
þessu með okkur og höfum við nefnt
þau máttarstólpa Listasumars
2000,“ sagði Þórgnýr. Fyrirtækin
sem um ræðir eru Sparisjóðir Norð-
lendinga, íslensk verðbréf, Karólína
Restaurant/Café og verslunin Val-
rós. Að sögn Þórgnýs var ekki um
eiginlega styrki að ræða heldur við-
skiptasamninga, þar eð fyrirtækin
hefðu séð sér hag í því að koma að
Listasumri.
Eins og áður segir er Listasumar-
ið sett formlega á þjóðhátíðardaginn
og verður það gert í Deiglunni með
opnun myndlistai’sýningarinnar
Heimamenn, Ijóðlestri og ávörpum.
Auk þess opnar einnig mynd-
listarsýning í Kompunni, klassískir
tónleikar verða í Deiglunni kl. 20 og
að lokum munu hljómsveitimar
Norðanpiltar og Helgi og hljóðfæra-
leikararnir sjá um miðnætur-
skemmtun í Deiglunni.
Það eru Sigurður Hróarsson, Elín
Halldórsdóttir, Jón Erlendsson og
Guðrún Pálína Guðmundsdóttir sem
skipa listrænt fagráð Listasumars
2000.