Morgunblaðið - 16.06.2000, Side 36

36 FÖSTUDAGUR 16. JÚNÍ 2000
MORGUNBLAÐIÐ
LISTIR
Rakarinn í Sevilla 1 flutningi Qperustúdiós Austurlands
Sumir söngvarar
langt að komnir
Egfilsstöðum. Morjninblaðið.
GAMANÓPERAN Rakarinn í Se-
villa sem yerið er að sýna á Eiðum í
flutningi Óperustúdíós Austurlands
er ekki eingöngu í höndum nýliða
og nemenda. Bakhjarlar sýningar-
innar eru atvinnufólk í söng sem
kemur sumt langt að. Flest lítur
það svo á að með því að taka þátt í
uppfærslunni á Eiðum séu góð
tækifæri nýtt og ennfremur geti
það lagt sitt af mörkum í mikið upp-
byggingarstarf sem er að eiga sér
stað hjá Óperustúdíói Austurlands.
Kristín Ragnhildur Sigurðardóttir
sem syngur hlutverk Bertu ráðs-
konu, hefur lokið níunda stigi í söng
í Söngskóla Reykjavíkur. Hún
stundaði söngnám á Italíu í 3 ár.
Hún hefur tekið þátt í nemenda-
uppfærslum í Reykjavík og sungið
á tónleikum á Italíu og víðs vegar
um ísland. Kristín sagði skemmti-
legt og spennandi að koma austur
og taka þátt í þessarri uppfærslu.
Þátttakan bætir góðri reynslu í
reynslubankann og hún sagði flutn-
inginn vera gott framtak og gaman
að sjá framfór söngnemenda frá því
í fyrra þegar Töfraflautan var flutt.
Jóhann Smári Sævarsson fer
einn með hlutverk Don Basílíós í
óperunni. Jóhann tók einnig þátt í
uppfærslu Töfraflautunnar á Eið-
um í fyn-a. Jóhann starfar sem
deildarstjóri söng- og óperudeildar
Tónlistarskólans á Akureyri. Jó-
hann lauk sínu söngnámi í London
og að námi loknu var hann ráðinn
við Óperustúdíó Kölnaróperunnar
og þar eftir sem einsöngvari við óp-
eruna í Köln. Hann hefur áður
sungið um 35 hlutverk í óperuupp-
færslum og starfað með virtum
hljómsveitum og mörgum heims-
þekktum hljómsveitarstjórum. Jó-
hann sagði það ekki vera launin
sem drægju hann inn í þetta verk-
efni, heldur þyrfti að finna annan
flöt á því en peningalegan. Hann
sagði framtak þetta stórt tækifæri
fyrir nemendur og það væri mikil-
vægt fyrir þá að geta staðið við hlið
atvinnufólks sem hefði reynslu til
að byggja á.
Sá sem lengst kemur að er Mark
Morouse en hann er bandarískur
en starfar sem atvinnusöngvari við
Óperuhúsið í Bonn í Þýskalandi.
Mark er 37 ára og hefur mikla
reynslu af óperuflutningi og tón-
leikahaldi. Hann hefur áður staðið í
sporum Fígarós rakara en hlut-
verkið syngur hann bæði á þýsku
og ítölsku. Mark fékk leyfi í tvær
vikur störfum til þess að koma og
syngja Fígaró á Eiðum. Aðspurður,
sagði hann að borið saman við stóru
óperuhúsin úti í heimi þá væri meiri
áhugamannabragur á uppfærsl-
imni héma, enda kannski ekki hægt
að bera það tvennt saman. Hann
sagði það ekki hafa verið erfitt að
taka þessu tilboði um að koma og
vera með þegar leitað var til hans.
Mark sagði gaman að sjá hvemig
Keith Reed vinnui’ og hvernig hann
hefur komið þessu í kring af krafti
og einurð og hvemig hann nær að
laða það besta fram í fólki. Mai'k
sagði að þrátt fyrir að hann hefði
fengið kvef við komuna til íslands
vegna mikilla hitabreytinga og þess
að hafa þurft að bíða í sólarhring í
Reykjavík vegna þess að flugsa-
mgöngur lágu niðri vegna óveðurs
þá væri það skemmtileg reynsla að
syngja með Óperustúdíói Austur-
lands.
Morgunblaðið/Anna Ingólfsdóttir
Atvinnusöngvarar sem taka þátt í Rakaranum í Sevilla eru: Mark
Morouse, Kristín Ragnhildur Sigurðardóttir, Jóhann Smári Sævars-
son, Sigríður Elliðadóttir og Manfred Lemke.
Verk eftir Halldór Ásgeirsson. Það var sýnt í Innsbruck
í Austurrfki árið 1999.
Umgjörð um hverful-
leika vatns og birtu
„OG að vindur beri vatn“ er yflr-
skrift sýningar Halldórs Asgeirsson-
ar myndlistarmanns, sem opnuð
verður í kvöld, föstudagskvöld, kl.
22, í Ljósaklifi í Hafnarfirði. Gjörn-
ingur verður framinn kl. 22.27.
Sýningin fer fram bæði í sýningar-
íýminu og á hraunsvæðinu umhverf-
is og snýst um vatn, en nærvera
hafsins er mjög sterk í umhverfinu.
Þó að Halldór hafi undanfarin ár
unnið jöfnum höndum við að um-
bræða hraun og setja í nýtt sam-
hengi, þá verður hraunið einungis
notað sem umgjörð að þessu sinni.
„Sýningin fjallar bæði á huglægan
og myndrænan hátt um hverfulleika
vatns og birtu; um sýnir, þ.e. að við
sjáum öðruvísi í gegnum vatn og
ekki síst um samskipti manns og
hafs. Skuggar sjómanna, sjávar-
háskinn, augnablikið, bátshræið í
fjörunni, ljósbrotið í vatninu....,“ seg-
ir Halldór.
Ljósaklif er á vernduðu hraun-
svæði við sjóinn vestast í Hafnarfirði
og er aðkoman frá Herjólfsbraut.
Sýningin stendur til 3. júlí og er
opin daglega frá kl. 14-18.
^arley s barnamatur frá Heinz
Fullkomin
máltíð
I meira en 100 ár hefur Heinz framleitt gæöabarnamat
af ýmsum gerðum. Aðeins eru notuð bestu hráefni í Farley's
it* barnamat og lögð er áhersla á að hann sé bæði bragðgóður
og næringarríkur. Farley's barnamatur er fyrir öll
börn sem náð hafa 4 mánaða aldri og hægt
er að fá hann sem morgunmat, aðalmáltíð
eða eftirmat.

fyrír barnið þitt
Óli G. í Galleríi
Reykjavík
„SENN skín þinn morgunn" er yf-
irskrift sýningar Óla G. Jóhanns-
sonar sem opnuð er í dag, föstudag,
í Galleríi Reykjavík. Sýnd verða
akrýlmálverk á striga og blekteikn-
ingar í stærri kantinum. Verkin eru
öll ný og til sölu.
Óli G. hélt sína fyrstu einkasýn-
ingu árið 1972 á Akureyri, en á átt-
unda áratugnum varð mikil vakning
í myndlist í höfuðstað Norðurlands.
Stofnað var til Myndlistarfélags
Akureyrar og undir þess merkjum
var unnið ötult brautryðjendastarf.
Óli G. var félagi þess, formaður um
tíma, og beitti sér ásamt nokkrum
kunningjum fyrir stofnun Mynda-
smiðjunnar, sem var forveri Mynd-
listarskólans á Akureyri. Undan-
gengin sjö ár hefur málverkið átt
allan tíma listamannsins.
Sýningin er opin dagana 16. júní
til 2. júlí 2000.
------M-*-------
Málverk Hörpu
í Slunkaríki
HARPA Árnadóttir opnar sýningu í
Slunkaríki á Isafirði á morgun, laug-
ardag, kl. 16.
Á sýningunni verða málverk og
teikningar en sýningin er hluti af
vikulangri „menningarveislu" Isa-
fjarðarbæjar sem stendur til 25. júní.
Slunkaríki er opið fimmtudaga til
sunnudaga kl. 16-18 og sýningu
Hörpu lýkur sunnudaginn 2. júlí.