Morgunblaðið - 16.06.2000, Síða 22

22 FÖSTUDAGUR 16. JÚNÍ 2000
MORGUNBLAÐIÐ í
LANDIÐ
V eruleg spurn eftir
lóðum á Flúðum
Morgunblaðið/Sigurður Sigmundsson
Unnið við götulagningu á nýja byggingarsvæðinu á Flúðum.
Hrunamannahreppi - Um þessar
mundir er verið að vinna við undir-
búning að byggingu nýs íbúða-
hverfis á Flúðum. Þetta hverfi er
nefnt Hofahverfi og verður á svo-
kölluðu Hofatúni, skammt frá bökk-
um Litlu-Laxár.
Landið keypti sveitarfélagið úr
landi jarðanna Grafar, Laxárhlíðar
og Sunnuhlíðar á síðasta ári. Búið
er að skipuleggja 29 íbúðir, en um
er að ræða einbýlishús, parhús og
raðhús við þrjár stuttar götur.
Vinna við gatnagerð og lagnir var
boðin út í apríl og á verktakinn að
vera búinn að skila verkinu 1.
ágúst, miðað er við að bygginga-
framkvæmdir geti hafist 1. júlí. Þá
eiga að vera tilbúnar allar götur og
lagnir, einungis eftir að setja slitlag
og gangstéttir. Verktaki er Gröfu-
tækni ehf. á Flúðum og Nesey hf. í
Gnúpverjahreppi, en þessi fyrir-
tæki áttu sameiginlega lægsta út-
boð.
„Þetta eru hvorutveggja mjög
traustir verktakar og óskastaða að
fá þá til verksins," sagði Loftur
Þorsteinsson oddviti þegar rætt var
við hann um framkvæmdimar.
„Þegar er búið að úthluta lóðum
undir fimm einbýlishús og tvær
íbúðir í parhúsi. Eg er viss um að
þegar farið verður að byggja þá
fara fleiri af stað, væntanlega í
haust. Það er margt fólk sem vill
setjast hér að en húsnæðisekla hef-
ur verið geysilega mikil á Flúðum
undanfarin ár. Sveitarfélagið á
margar leiguíbúðir og það er næst-
um slegist um þær. Við verðum að
sjá um að útvega kennurum íbúðir
og höfum t.d. leigt hús af einstakl-
ingum til að leysa þau mál,“ sagði
Loftur. Hann bætir við að á Flúð-
um sé atvinnuleysi nánast óþekkt
og erfitt að fá fólk til starfa, m.a.
fyrir sveitarfélagið.
Hinn 1. desember voru skráðir
íbúar í Hrunamannahreppi 726 og
fjölgaði um 22 á síðastliðnu ári, eða
um 3%. Loftur sagði einnig að fjölg-
un íbúa hefði á undanförnum árum
verið vel yfir landsmeðaltali að und-
anskildu árinu 1992. Það væri því
ekki að ófyrirsynju að sveitarfélag-
ið hefði keypt 40 hektara lands á
síðastliðnu ári og undirbúið nýtt
svæði undir íbúðabyggð. Þarna er
ákaflega fallegt, gott byggingar-
land og vinsæll staður, segir Loft-
ur, hann væri mjög bjartsýnn á að
lóðirnar myndu seljast fljótlega.
Þá sagði Loftur ennfremur að
búið væri að skipuleggja 7-9 íbúðir
á öðrum stað, einnig iðnaðarhverfi
og þjónustumiðstöð á þriggja hekt-
ara svæði sem verður við nýjan veg
sem liggur að brú yfir Hvítá við
Bræðratungu.
Unnið að lagningu hitaveitu til Btiðardals
Hitun lækkar um 25%
Morgunblaðið/Amaldur
Starfsmenn Verkiðnar ehf. leggja stofnlögnina úr Reykjadal í Búðar-
dal. Bræðurnir Sigfurður B., sem hér sést að störfum, og Ragnar Sig-
urðssynir sjá um að krumpa samskeytin, eins og þeir kalla það, bræða
plasthúlka yfir þau. Þeir voru búnir með 30 samskeyti þegar blaðamenn
voru á ferð og taldist til að 1970 væru eftir.
UNNIÐ er að lagningu hitaveitu í
Búðardal og hluta sveitabæja í
Dalabyggð. Áætlað er að hefja
tengingar húsa í september og
ljúka verkinu fyrir áramót.
Sérstakt félag, Hitaveita Dala-
byggðar ehf., sem er í meirihluta-
eigu sveitarfélagsins, stendur fyrir
hitaveituframkvæmdunum. Vatnið
er leitt úr Reykjadal. Þar átti
sveitarfélagið jarðhitaréttindi og
góður árangur varð af viðbótarbor-
un í vor svo vatnsöflun er trygg.
Hefur hitaveitan nú yfir að ráða
23-25 sekúndulítrum af 84 stiga
heitu vatni og er það mun meira en
veitan þarf á að halda.
Kostar 200 milljónir
Vatnið er ieitt til Búðardals, um
22 kílómetra leið, og er verið að
leggja stofnlögnina. Jafnframt er
unnið að lagningu dreifikerfis í
Búðardal.
Einar Mathiesen, sveitarstjóri
Dalabyggðar, segir að kostnaður
við lagningu hitaveitunnar sé áætl-
aður 200 milljónir kr.
Framkvæmdin er kostuð að
verulegu leyti með hlutafé og
tengigjöldum notenda og er stefnt
að því að hún verði svo til skuld-
laus þegar framkvæmdum lýkur.
Segir Einar að áætlanir geri ráð
íyrir að húshitunarkostnaður
þeirra sem tengjast veitunni lækki
um 25% að meðaltali.
Morgnnblaðið/Ágúst Blöndal
Nýútskrifaðir svæðisleiðsögumenn um borð í Eldingu, bát
Fjarðaferða, sem bauð þeim í siglingu.
35 svæðisleiðsögu-
menn útskrifaðir
Neskaupstaður - 35 svæðisleið-
sögumenn á Austurlandi útskrifuð-
ust nýlega á Hótel Snæfelli á Seyð-
isfirði.
Það voru Verkmenntaskóli Aust-
urlands í Neskaupstað, Framhalds-
skólinn í Austur-Skaftafellssýslu
og Menntaskólinn á Egilsstöðum
sem buðu upp á námið í samvinnu
við fræðslunefnd Austurlands og
Ferðamálasamtök Austurlands
undir eftirliti Ferðamálaskóla
Menntaskólans í Kópavogi. Námið
stóð yfir í allan vetur og var kennt í
fjarfundabúnaði á Hornafirði,
Vopnafirði, Neskaupstað, Seyðis-
firði og Egilsstöðum. Þá var farið í
fjórar vettfangsferðir sem hver um
sig stóð yfir heila helgi.
Nemendur komu víðsvegar af
Austurlandi, 2 frá Borgarfirði, 2
frá Vopnafirði, 3 frá Austur-
Skaftafellssýslu, 13 úr Fjarða-
byggð og 15 af Fljótsdalshéraði.
Menningarhátíð
í Isafjarðarbæ
VIKUNA 17.-25. júní verður haldin
menningarveisla í ísafjarðarbæ í
samstarfi við Reykjavík menningar-
borg Evrópu árið 2000. Tónlist, leik-
list, myndlist,saga og náttúra eru
m.a. þeir menningarþættir sem setja
munu svip sinn á vikuna og hefst hún
formlega með hátíðarhöldiun á
Hrafnseyri 17. júní í samvinnu við
Hrafnseyramefnd. Forseti íslands,
Ólafur Ragnar Grímsson, mun setja
hátíðina.
Skúlptúrsýningin Sjávarmyndir,
sem haldin verður á fjórum stöðum í
ísafjarðarbæ, markar upphaf menn-
ingarvikunnar, en hún hefst á mið-
nætti 16. júní. Menningarmiðstöðin
Edinborg stendur fyrir sýningunni.
í Slunkaríki sýnir Harpa Áma-
dóttir málverk og verður sýningin
opnuð kl. 16,17. júní.
Þann 18. júní kl. 12:30 verður tek-
inn í notkun nýr golfvöllur í Tungu-
dal. Ætlunin er að opna völlinn með
þvi að leika einn hring, sem er sex
holur. Klukkan 14 sama dag verður
opnuð stjómmálasögusýning í
Gamla sjúkrahúsinu á ísafirði og
verður málþing í tengslum við hana
sem ber heitið Vestfirðir og stjóm-
mál. Þingmenn Vestfirðinga standa
fyrir málþinginu undir forystu Ein-
ars K. Guðfinnssonar alþingismanns.
Á kvennadaginn 19. júní standa
kvenfélögin í ísafjarðarbæ fyrir mál-
þingi sem ber heitið Staða kvenna við
aldamót í sögulegu samhengi. Mál-
þinginu lýkur með náttsöng í ísa-
fjarðarkirkju kl. 23, prestur er sr.
Guðrún Edda Gunnarsdóttir.
Þriðjudaginn 20. júní verður boðið
upp á gönguferð á söguslóðir. Farið
verður „í slóð Hannesar Hafstein
sýslumanns", en það er heitið á ferð-
inni. Lagt verður af stað kl. 14 frá
minnismerkinu um slysið á Dýrafirði
10. október 1899, þar sem gamli
Bessastaðabærinn stóð. Gengið
verður þaðan eftir Mýramelnum út
að Hrólfsnaustum, en þaðan verða
ferðamennimir fluttir út í bát sem
sigla mun yfir fjörðinn og setja far-
þegana á land í Haukadal. Þar verð-
ur boðið upp á kaffi í gamla sam-
komuhúsinu. Ferðafólkinu verður
svo ekið að minnismerkinu þar sem
ferðin hófst.
Sunnukórinn heldur vortónleika
sína í Isafjarðarkirkju miðvikudag-
skvöldið 21. júní. Á efnisskránni em
m.a. kórar úr ópera, óperettu, trúar-
leg tónlist, klassísk kórlög og gömul
dægurlög. Tónleikamir hefjast kl.
20:30
Djassað verður í Tjörahúsinu
fimmtudagskvöldið 22. júní og hefst
dagskráin kl. 21:00. Vestfirskir
djassarar munu töfra fram ljúfa tóna.
Laugardagskvöldið 24. júní verða
haldnir stórtónleikar í íþróttahúsinu
á Torfnesi. Hópur tónlistarmanna og
söngvara mun flytja lög eftir vest-
firska höfunda. Hljómsveit undir
stjórn Jóns Olafssonar leikur undir.
Sunnudaginn 25. júní kl. 11 er fyr-
irhugað að afhjúpa listaverkið Úr
álögum efth- Einar Jónsson. Sr. Jón
Auðuns, fyrram dómprófastur í
Reylqavík sem lést árið 1982, ána-
fnaði ísfirðingum verkið í erfðaskrá
sinni til minningar um foreldra sína,
sem ættuð vora frá ísafirði og úr
Djúpinu.
Dagskrá menningarveislunnar
lýkur síðan kl. 14 með útimessu uppi í
Stórarð á Ísaftrði. Sr. Magnús Erl-
ingsson sóknarprestur á ísafirði
messar.
Nánari upplýsingar er að ftnna á
heimasíðu ísafjarðarbæjar:
www.isafjordur.is undir M2000.
Einnig veitir Upplýsingamiðstöð
ferðamála á ísafirði nánari upplýs-
ingar.

a
m
m
Þrisvar sinnu
Bókaðu ísíma 5703030 og 4711210
ff3 9.730 kr. meftflu^llarsköttum
FLUGFÉLAG ÍSLANDS
Fax 5703001 • websales@airiceland.is •www.flugfelag.is