Morgunblaðið - 11.11.2000, Blaðsíða 10

10 LAUGARDAGUR 11. NÓVEMBER 2000
MORGUNBLAÐIÐ
FRÉTTIR
Þingflokkur Samfylkingar með opinn þingflokksfund í Ráðhúsi Reykjavíkur
„Viljum taka fast á mál-
efnum Reykvíkinga“
Morgunblaðið/Ásdís
Nokkrir þingmenn Samfylkingar ásamt Ingibjörgu Sólrúnu Gísladóttur
borgarstjóra.
ÞINGFLOKKUR Samfylkingar-
innar hélt í gær opinn þingfiokks-
fund í Ráðhúsi Reykjavíkur en
Ingibjörg Sólrún Gísladóttir borg-
arstjóri var gestur fundarins. Ýmis
málefni höfuðborgarinnar bar á
góma á þessum fundi en nokkur
hópur borgarbúa mætti til að hlýða
á mál þingmannanna.
Þingflokkur Samfylkingar hefur
verið á ferðaiagi um landið að und-
anförnu og í gær heimsótti hann
Reykjavíkurkjördæmi. Fram kom á
fundinum í gær að það væru tölu-
verð nýmæli að haldinn væri opinn
fundur sem þessi en fyrr um daginn
höfðu þingmenn m.a. heimsótt
Landsspítalann og Hampiðjuna og
kynnt sér starfsemina þar.
„Það er stundum sagt að þing-
menn Reykvíkinga sinni ekki mál-
efnum Reykjavíkur," sagði Össur
Skarphéðinsson, formaður Sam-
fylkingarinnar, á fundinum í gær.
„Eg hef auðvitað haft aðra skoðun
og þessi ferð okkar hér um kjör-
dæmið sýnir það að við viljum taka
fast á málefnum Reykvíkinga."
Höfuðborgin stundum útundan
Fram kom í máli þeirra Jóhönnu
ALÞINGI
Sigurðardóttur og Rannveigai’ Guð-
mundsdóttur að áherslumál Sam-
fylkingarinnar á þingi væru m.a.
menntamálin og afkoma aldraðra
og öryrkja. Ýmis mál sem tengdust
höfuðborginni sérstaklega væni
hins vegar einnig í brennidepli, s.s.
vegamálin og breytingar á tekju-
stofnum sveitarfélaganna.
Ingibjörg Sólrún Gísiadóttir
borgarstjóri sagði þingmenn
Reykjavíkur að mörgu leyti líta á
sig sem þingmenn landsins alls.
Hún sagði það bæði eðlilegt og
ágætt en borgin yrði því miður
stundum útundan og ríkið sinnti
ekki alltaf skyldum sínum þar sem
skyldi. Nefndi hún m.a. heilsu-
gæslumál og aðbúnað í framhalds-
skólunum í þeim efnum.
Borgarstjóri gerði vegamálin
einnig að umtalsefni en hún sagði
borgaryflrvöld undantekningalaust
þurfa að standa í barningi við ríkis-
valdið um fjárframlög í þeim mála-
flokki hér í höfuðborginni. Hið
sama mætti segja um stofnun
nýbúamiðstöðvar, Aiþjóðahúss, en
Ingibjörg tók fram að borgin væri
ekki að biðja ríkið um aðstoð heldur
fara fram á að það axlaði ábyrgð
sína.
Dísilbílum
fjölgað um
40% síðan í
ársbyrjun
1999
ÞUNGASKATTUR skilar ríkis-
sjóði 282 milljónum króna meira á
næsta ári en áætlað er fyrir árið
2000 skv. frumvarpi til fjárlaga
2001 eða 4.227 milijónum króna.
Þetta gerist þrátt fyrir að ekki hafi
verið gert ráð fyrir auknum álög-
um á landflutninga við síðustu
breytingu á lögum um fjáröflun til
vegagerðar.
Þetta kemur fram í skriflegu
svari fjármálaráðherra við fyi’ir-
spurn Arna Gunnarssonar, vara-
þingmanns Framsóknarflokksins.
Segir í svarinu að helstu ástæður
aukinna tekna af þungaskatti sé að
finna í fjölgun dísilbíla. Þannig var
gi-eitt fast árgjald þungaskatts af
10.472 bílum í ársbyrjun 1999 en
við álagningu í júní 2000 voru bíl-
arnir orðnir 14.572, tæpum 40%
fleiri. Mest var fjölgun bíla á bilinu
2-3 tonn, rúm 60%.
I svarinu kemur enn fremur
fram að engar ákvarðanir hafi ver-
ið teknar varðandi breytingar á
heildarskattheimtu af landflutning-
um en málið verði m.a. skoðað í
nefnd sem fjármálaráðherra skip-
aði 28. ágúst síðastliðinn til að end-
urskoða lög um fjáröflun tii vega-
gerðar. Er nefndinni sérstaklega
ætlað að kanna möguleika á upp-
töku olíugjalds í stað þungaskatts.
20% bankamanna semja
sjálfír um launin
UM 20% allra bankastarfsmanna hér
á landi semja um laun sín við atvinnu-
rekendur sjálfir, eða nálægt 700
manns. Samningamir taka mið af
kjarasamningum bankamanna um
allt annað en launaliðinn. Friðbert
Traustason, formaður Sambands ís-
lenskra bankamanna, segir að stétt-
arfélög bankamanna á Norðurlönd-
um haldi námskeið fyrir trún-
aðarmenn og einnig almenna
félagsmenn hvemig þeir skulu standa
að því að semja sjálfir um laun sín. Yf-
irleitt era námskeið af þessu tagi
haldin um helgar og áður en tekin er
upp nýskipan af þessu tagi hjá fyrir-
tækjunum. Um þetta var m.a. fjallað
á aðaifundi norrænna bankamanna,
sem lauk sl. fimmtudag.
„Að okkar áliti era u.þ.b. 20%
starfsmanna hérlendis sem er verið
að semja við á einstaklingsgranni.
Þegar markaðurinn kallar eftir
starfsfólki verða bankamir eins og
aðrir að keppa um það. Þá er samið
um laun ofan við lágmarkskjör hvers
hóps íyrir sig,“ segir Friðbert. Hann
segh’ að fæstir hafi þekkingu á því
hvemig eigi að standa að slíkum
samningum og full þörf sé á því að
þjálfa félagsmenn í þessu skyni. Á
Norðurlöndum hefur tekist góð sam-
vinna við fyrirtækin um slík námskeið
og þau hafa jafnframt þjálfað yfir-
menn á vinnustöðunum sem eru held-
ur ekki tilbúnir tii að gera kjarasamn-
inga.
Friðbert segir að meðallaun banka-
starfsmanna á Norðurlöndum séu á
bilinu 10-40% hærri en hér á landi.
Á fundi norrænna bankamanna vai’
einnig rætt um menntunarmál banka-
starfsmanna. Á Norðurlöndum er
haldið uppi námi á háskólastigi í sam-
vinnu við bankana og nú er verið að
ræða um hvernig námið verði sam-
ræmt milli Norðurlandanna. Friðbert
segir að til standi að samnýta
fræðsluefni um fjármálamarkaðinn
og sagði hann að ísienskir bankamenn
ætluðu að verða virkir í þessu sam-
starfi. „Við treystum því að bankamir
vinni að þessu með okkur og höfum
viðrað þetta við samninganefndina.
Ég heyri ekki betur en að bankarnir
séu tilbúnir að taka virkan þátt í
þessu,“ sagði Friðbert.
Jarðskjálftarnir á Suðurlandi
Viðskipta-
ráðherra skipar
nefnd
VALGERÐUR Sverrisdóttir við-
skiptaráðhen-a hefur í hyggju að
setja á laggimar nefnd sem geri
tillögur um það sem betur megi
fara í framkvæmd og rekstri við-
lagatryggingar þegar lokið verður
uppgjöri þeirra tjóna sem urðu á
Suðurlandi síðastliðið sumar og
þegar fyrir liggja upplýsingar um
allai' afleiðingar jarðskjálftanna.
Þetta kemur fram í skriflegu
svari ráðherrans við fyrirspurn
Björgvins G. Sigurðssonar, vai'a-
þingmanns Samfylkingar, um
bótagreiðslur vegna rekstrar-
stöðvana fyrirtækja af völdum
náttúruhamfara.
Fram kemur í svarinu að meðal
þeiiTa atriða sem hugsanlega
komi til athugunar hjá nefndinni
sé hvort rétt kunni að vera að
skylda atvinnurekendur til að
kaupa rekstrarstöðvunartrygg-
ingu vegna náttúruhamfara.
Myndi þá væntanlega verða tekin
afstaða til þess hvort rekstrar-
stöðvunartryggingar henti sem
skyldutryggingar.
Alþingi
Utan Hagskrár
Umræða í skjóli serlegs umboðs almættisins
Eftir Davíð Loga Sigurðsson
þingfréttamann
ÞAÐ er víst óhætt að fullyrða að
atkvæðagreiðslur á Alþingi ná því
sjaldnast að verða jafnspennandi
og tvísýnar og forsetakosningarn-
ar í Bandaríkjunum í þessari viku.
Við því er heldur ekki að búast
enda þingmeirihlutinn afar örugg-
ur og aukinheldur uppi sérdeilis
óvenjuleg staða þar vestra nú um
stundir. Á þetta er minnst hér
vegna þess að þrátt fyrir allt eru
þingmenn eins og fólk er flest,
a.m.k. að því leytinu til að kosn-
ingarnar vestra hafa verið þeim
ofarlega í huga í þessari viku. Sýn-
ist sitt hverjum eins og gengur en
allir bíða vitaskuld spenntir eftir
endanlegri niðurstöðu.
Þing Norðurlandaráðs í Reykja-
vík setti einnig svip sinn á þing-
haldið. Þannig kom Alþingi aðeins
saman tvo daga í vikunni og skýr-
ist það af þeirri staðreynd að
framan af var sá hópur þingmanna
og ráðherra, sem afskipti hafa haft
af Norðurlandasamstarfinu, fjarri
góðu gamni. Ekki má heldur
gleyma starfsfólki Alþingis sem
átti fullt í fangi með að hafa um-
sjón með Norðurlandaráðsþinginu
enda fáliðað. Ekki er laust við að
stundum eigi það samúð manns
alla.
Líklegt brotthvarf Hjálmars
Jónssonar af þingi bar sömuleiðis
á góma í vikunni. Hjálmar er vel
liðinn meðal þingmanna en þeir
geta hins vegar huggað sig við að
hitta dómkirkjuprestinn væntan-
lega að minnsta kosti einu sinni á
ári í framtíðinni. Hjálmar mun
fyrir sitt leyti sjálfsagt nýta sér
vel það tækifæri sem honum gefst
framvegis við þingsetningu á
haustin til að messa yfir fyrrum
samstarfsmönnum sínum með sér-
legt umboð guðs almáttugar í far-
teskinu.
XXX
Vegna þings Norðurlandaráðs
er fundur Alþingis á miðvikudag
harla lágstemmdur. Ein af
skemmtilegri uppákomunum er
þegar Páll Pétursson svarar ásök-
unum um að ástæða þess að hann
vilji ekki koma að stofnun
nýbúamiðstöðvar í Reykjavík sé sú
að hann og ríkisstjórnin öll hafi
horn í síðu borgaryfírvalda. Fé-
lagsmálaráðherra segir út í hött
að saka hann um óvild í garð
stjórnenda Reykjavíkurborgar og
vekur orðaval hans nokkra kátínu
en eins og kunnugt er þá er Páll
kvæntur Sigrúnu Magnúsdóttur,
einum af forystumönnum R-
listans.
Páll er einnig í aðalhlutverki á
fimmtudag en þá mælir hann fyrir
framvarpi sem felur í sér breyt-
ingar á tekjustofnum sveitarfé-
laga. Umræðan stendur allan dag-
inn, ef frá er taiinn sá tími sem fer
í tíðindalitla utandagskrárumræðu
um loftlagsmái, og stendur hver
þingmaðurinn á fætur öðrum upp
til að létta á hjarta sínu. Kannski
er skýringin á þessu málæði sú að
óhemju margir þingmenn eru fyrr-
um sveitarstjórnarmenn. Þeim
rennur því blóðið til skyldunnar.
Guðmundur Árni Stefánsson fer
mikinn í þessari umræðu og þekk-
ir málaflokkinn enda vel úr bæjar-
stjóratíð sinni í Hafnarfirði. Hann
kemur þeirri kenningu á framfæri
að megintillaga frumvarpsins sé
runnin undan rifjum sjálfstæðis-
manna, að hún feli einfaldlega í
sér skattahækkun en fléttan sé sú
að koma málum þannig fyrir að
hér í Reykjavík geti almenningur
kennt R-listanum um allt saman.
Markmið íhaldsins sé fyrst og
fremst að koma höggi á and-
stæðinginn í borgarstjórastólnum.
Sigríður Anna Þórðardóttir
maldar í móinn fyrir hönd sjálf-
stæðismanna en hefði líklega bet-
ur látið það ógert því Guðmundur
færist allur í aukana, ef eitthvað
er.
Nokkuð ber á framíköllum úr
sal í þessari umræðu og vekur það
spurningar um hvort slíkt eigi að
umbera í jafnvirðulegri stofnun og
Alþingi. Niðurstaðan er þó sú að
yfirleitt lífgi framíköllin upp á um-
ræður í þingsal og séu þar af leið-
andi ómissandi þáttur þingfund-
anna.
XXX
Flestum finnst framlag Péturs
H. Blöndals nauðsynlegt innlegg í
umræður á þjóðþinginu en hann
hljómar þó oft sem heldur hjá-
róma rödd á þeim vettvangi.
Stjórnarandstæðingar gera sér
gjarnan leik úr því að kalla Pétur
talsmann Sjálfstæðisflokksins í
hinum og þessum málunum og
þykjast þannig koma höggi á
íhaldið, afhjúpa það sem hinn
versta hægriflokk. Á fimmtudag
gerist það að Pétur ber sjálfur af
sér sakir um að hann sé talsmaður
Sjálfstæðisflokksins í einu eða
öðru. Hann lýsi aðeins sínum eigin
skoðunum.