Morgunblaðið - 11.11.2000, Blaðsíða 20
20 LAUGARDAGUR 11. NÓVEMBER 2000
MORGUNBLAÐIÐ
T
LANDIÐ
Morgunblaðið/Onundur Bjömsson
Kirkjugestir þökkuðu presti fyrir eftir hátiðarmessu í Krosskirkju.
Að messu lokinni var boðið til hátiðardagskrár í fálagsheimilið. í forgrunni er prófastur Rangæinga, Halldóra
J. Þorvarðardóttir, sr. Sváfnir Sveinbjamarson, fyrrverandi prófastur, og kona hans, Ingibjörg Halldórsdóttir.
150 ára afmælis
kirkjunnar að Krossi
hátíðlega minnst
Breiðabólstað í Fljótshlíð - Haldið
var upp á 150 ára afmæli Kross-
kirkju í Austur-Landeyjum með
messu og veglegum veitingum síð-
astliðinn sunnudag. Vitað er um
kirkju þar frá því um 1100 og var
hún helguð Guði, Maríu drottn-
ingu, Jóni postula og Ólafi kon-
ungi. Prestssetur hefur aldrei ver-
ið á Krossi því jörðin hefur alla tíð
verið í meirihlutaeigu kirkju-
bænda, samkvæmt upplýsingum
sr. Halldórs Gunnarssonar, sókn-
arprests í Holtsprestakalli í Rang-
árvallaprófastsdæmi.
Við messuna þjónaði fyrir altari
sóknarpresturinn, sr. Halldór
Gunnarsson. Sóknarnefndarfólkið
Guðrún Aradóttir á Skíðbakka og
Þráinn Þorvaldsson í Oddakoti
lásu ritningarlestra og sr. Hall-
dóra J. Þorvarðardóttir las guð-
spjall. Vígslubiskup Skálholtsstift-
is, hr. Sigurður Sigurðarson
predikaði. Kirkjukór Landeyja
söng undir stjórn Haraldar Júl-
íussonar organista, bónda í Akur-
ey. Meðal annarra sálma frum-
flutti kórinn sálminn „1000 ára
þjóðarkirkja" við lag eftir sr.
Gunnar Björnsson á Berþórshvoli
og texta eftir sr. Halldór Gunnars-
son. Meðhjálpari við athöfnina var
Sigurður Óli Sveinbjörnsson,
bóndi á Krossi.
Vígslubiskup lagði út af texta
dagsins sem voru „sæluboðin", en
þau liggja gjarnan til grundvallar
á þessum sunnudegi kirkjunnar,
sem var Allra heilagra messa, en
þá er minnst látinna. Vígslubiskup
tengdi á afar táknrænan hátt þús-
und ára sögu, svið og sæluboðun
kirkjunnar þeim atburði sem verið
var að minnast. I predikun sinni
fór hann orðum um hlutverk
kirkjunnar fyrr og síðar, menning-
argildi hennar í fortíð og samtíð og
fór sterkum orðum um þá þjón-
ustu sem kirkjan hefur staðið fyrir
og gerir enn.
Systkinahús fyrir
safnaðarheimili
Fyrr á þessu áru eða annan í
páskum var vígt safnaðarheimili
við kirkjuna á Krossi sem nefnt er
Systkinahús.
Það var síðasta eftirlifandi
systkinið af fjórum frá Gulási í A-
Landeyjum sem vildi minnast
sóknarkirkju sinnar með því að
arfleiða hana öllum veraldlegum
eigum systkinanna, en þau voru öll
einhleyp.
Húsið, sem er hið glæsilegasta
að allri gerð, var reist fyrir arfínn
sem nam 7 milljónum króna. Þar
sem margir utanhéraðsmenn voru
á ferð var sérstaklega boðið upp á
skoðun þess.
Að messu lokinni var boðið til
hátíðardagskrár í félagsheimilið
Gunnarshólma þar sem borið var
fram kaffi og meðlæti. Dagskráin
hófst með því að Þorsteinn Þórð-
arson, formaður sóknarnefndar,
bóndi á Sléttubóli, ávarpaði hátíð-
argesti og fól sr. Halldóri Gunn-
arssyni veislustjórn. Að því loknu
kynnti veislustjóri Guðrúnu
Maríu Guðmundsdóttur 11 ára frá
Búlandi sem síðan lék eitt lag á
fiðlu. Þórður Tómasson á Skógum
hélt lærða tölu um Krosskirkju
og reytur hennar við vísitasíur
biskupa. Margt fróðlegt kom
fram í máli Þórðar sem m.a. gat
þess að núverandi kirkja hefði
verið byggð árið 1850 en yfir-
smiður var Halldór Guðmundsson
í Strandarhjáleigu. Altaristaflan
er ein hin elsta hérlendis eða frá
árinu 1650.
Sr. Halldóra J. Þorvarðardóttir,
prófastur Rangæinga, afhenti
Krosssöfnuði 20 áritaðar sálma-
bækur að gjöf frá prófastsdæminu.
Magnús Finnbogason, bóndi og
fræðimaður á Lágafelli í A-Land-
eyjum, ávarpaði gesti og minntist
ára sinna sem ungs manns og
þeirra unaðsstunda sem hann oft
átti í Krosskirkju og kaffinu sem á
eftir fylgdi. Dagskránni lauk með
söng kirkjukórsins við stjórn og
undirleik organista.
Að sögn sr. Halldórs tókust há-
tíðarhöldin vel og gerðu gestir góð-
an róm að.
Þess má til fróðleiks geta að um
1850 bjuggu 4.305 manns í Rangár-
vallasýslu. Þá voru Krossþing (nú
Krosssókn) fjölmennasta presta-
kall Rangárvallaprófastsdæmis
(um 600 manns) og 14 prestaköll í
prófastsdæminu með jafnmörgum
prestum. Nú búa í sýslunni tæp-
lega 1.000 færri en fjórir sóknar-
prestar að störfum.
A
Ármúla 1, sími 588 2030 - fax 588 2033
Opið hús
Opið hús verður í dag, laugardag,
hjá Einari og Ingu Ástúni 10, (íbúð
4-A), Kópavogi á milli kl. 14 og 17.
íbúðin er mjög góð og vel staðsett
80 fm íbúð á 4. hæð með glæsilegu
útsýni. Áhv. ca 4,2 millj. í lang-
tímalánum. Ákveðin sala. Mögu-
leiki á stuttum afhendingartíma (2-
3 vikur).
FASTEIGNA
ÞING
KRINGLUNNI 4-12, s. 800 6000
ÁLFALAND - FOSSVOGUR Vorum
að fá í sölu glæsilega 114fm íbúð í
tvíbýli með innbyggðum 31 fm bíl-
skúr. íbúðin er á 2.hæð en inngangur
inn í hana er beint inn af götu - engir
þröskuldar. Tvö svefnherb. og stór
stofa.Stórar suðursvalir. Verð 16,9
millj. í SKIPTUM FYRIR GOTT EIN-
BÝLIS / FtAÐHÚS í FOSSVOGII
SMÁRARIMI - GRAFARVOGUR
Sérhannað hús fyrir fatlaða! Engir
þröskuldar! Til sölu fallegt einbýlish-
ús sem er á EINNI HÆÐ með bílskúr
í rólegu hverfi. Þrjú rúmgóö
svefnherb., stórt baðherb. og rúm-
góð stofa..Parket og flísar á gólfum.
Húsið getur losnað fljótlega ! Verð
19.9 millj.
Vesturberg Vorum að fá í einka-
sölu fallegt 131fm parhús sem er á
EINNI hæð, auk 27fm bílskúrs. Þrjú
svefnherb, rúmgóð stofa og
borðstofa.Parket og teppi á gólfum.
Verð 16,8 millj.
ÓSKALISTI
STAÐGREIÐSLA í BOÐI !! Leitum
að 20 íbúðum - 2ja, 3ja og 4ra herb.
á höfuðborgarsvæðinu.
Erna leitar að einbýlishúsi nálægt
Kringlunni - verð allt að 30 millj.
Birna leitar að rað-eða parhúsi eða
sérhæð allt að 16.millj - er með íbúð
í Foldahverfi.
Elín er með 5.herb. íbúð í Árbænum
og óskar eftir einbýli í Grafarvogi.
Ágústa leitar að 2-3ja herb.íbúð ná-
lægt Melaskóla allt að 10 milij.
OPIÐ í DAG FRÁ KL. 12-14
Morgunblaðið/Högni Sigurþórsson
Yfir djúpinu
Flatcyri - Flug til ísaQarðar hefur löngum haft orð á
sér fyrir að vera með eindæmum erfítt fyrir flugmenn
og óþægilegt fyrir farþega. Hins vegar hefur alltaf þótt
enn erfiðara að koma þeirri tilfinningu í orð sem fylgir
því að fljuga norður yfir Isafjarðardjúp á góðum degi
og horfa út um gluggann yfír vogskornustu strandlengju
Iandsins. Á flugi mcð Fokker 50 yfir ísaf jarðardjúpi.
Skötufjörður teygist inn Iengst til vinstri. Fyrir iniðju er
sólbaðaður Hestfjörður og lengst til hægri handan við
fjallið Hest og nesið Folafót glittir í Seyðisfjörð.
Fyrstu íbúar
í Fosshverfið
Morgunblaðið/Sigurður Jónsson.
Orn og Sesselja bera eldhússtólana inn í hús sitt að Þóristúni 24.
Selfossi - Fyrstu íbúarnir í nýjasta
íbúðahverfinu á Selfossi, Foss-_
hverfi, eru fluttir inn. Hjónin Örn
Grétarsson prentsmiðjustjóri og
Sesselja Sigurðardóttir snyrti-
fræðingur fluttu miðvikudaginn 8.
nóvember inn í hús sitt í Þóristúni
24.
Fyrsti áfangi hins nýja hverfis
hefur byggst hratt upp, þar rís
hvert húsið af öðru og vitað er að
nokkrir til viðbótar munu flytja
inn fyrir jól. I öðrum áfanga eru
stórar fyrirtækjalóðir við Eyra-
veg þar sem framkvæmdir eru
hafnar og þriðji áfangi hverfisins
er í undirbúningi en þiir er gert,
ráð fyrir 116 íbúðum og er þegar
búið að ráðstafa lóðum í þeim
áfanga.
Það er fyrirtækið Fossmenn
ehf. sem stendur að frainkvæmd-
um og sölu lóða í Fosshverfinu á
Selfossi.
D