Morgunblaðið - 06.12.2000, Blaðsíða 33

MORGUNBLAÐIÐ
LISTIR
MIÐVIKUDAGUR 6. DESEMBER 2000 33
Reuters
La Traviata í Sevilla
ITALSKA sópransöngkonan Stefania Bonfadelli sést hér syngja í ópcru
Giuseppes Verdis La Traviata. Óperan er flutt í Maestranza-leikhúsinu í
Sevilla á Spáni og er það Placido Domingo sem þar leiðbeinir söngvurunum.
Englar og hirðar
TOiVLIST
H I j ó m d i s k a r
JÓL
Kvennakór Reykjavíkur. Stjórn-
andi: Sigrún Þorgeirsdóttir. Sigrún
Hjálmtýsdóttir, sópran. Píanó: Þór-
hildur Björnsdóttir. Orgel: Mar-
teinn H. Friðriksson. Upp-
tökustaðir: Digraneskirkja, Fella-
og Hólakirkja og Seltjarnar-
neskirkja í desember 1999, febrúar
og maí 2000. Upptaka: Stúdíó
Stemma. Upptökumaður: Sigurður
Rúnar Jónsson. STEF. Kvennakór
Reykjavíkur KVKR 02.
KVENNAKÓR Reykjavíkur
kemur hér með stórfína jólaplötu,
mjög fallega sungna og einstaklega
vel valda söngskrá. Að vísu er ég alla
jafna meira fyrir blandaðar raddir
(kvenna og karla) en „óblandaðar“,
bæði í jólalögum og annarri alvöru-
kórtónlist yfirleitt, en undantekning-
ar eiga ekki bara rétt á sér heldur
eru nauðsynlegar á stundum. Nægir
að skírskota til atriða í óperutónlist
án þess að farið sé lengra út í þá
sálma eða aðra. Og auðvitað snýst
spurningin um það hvort sungið er
vel eða illa. Söngskráin hefst á mjög
viðeigandi nótum með íslensku þjóð-
lagi (Hvað flýgur mér í hjarta blítt) í
raddsetningu Þorkels Sigurbjörns-
sonar og síðan Immanúel oss í nátt
úr Hymnodia sacra (raddsetn. Þor-
kels). Síðan koma hefðbundnari jóla-
lög innan um önnur minna þekkt, en
ekki síður áhugaverð, svo sem Cant-
ique de Jean Racine eftir Fauré
(Heill þér, himneska orð o.s.frv. í
þýðingu Böðvars Guðmundssonar
1939) eða Englar og hirðar, latnesk
bæn og ungverskar þjóðvísur (í þýð-
ingu Rúnars Einarssonar) við tónlist
Z. Kodálys. Einnig má nefna forn-
kirkjulegan sálm, Nú kemur heims-
ins hjálparráð, í raddsetningu Rób-
erts A. Ottóssonar og umritun
Ulriks Ólasonar. Svo koma kunn-
ingjar héðan og þaðan, svo sem Lof
syngið Drottni við lag Hándels,
Laudate Dominum (með frábærum
einsöng Sigrúnar Hjálmtýsdóttur)
og Ave verum corpus eftir Mozart.
Hér koma orgel, Marteinn H. Frið-
riksson, og píanó í „Laudate" við
sögu, og píanóið víðar. Þórhildur
Bjömsdóttir er góður píanóleikari,
sem gengur ákveðið til verks. Einnig
indæl ensk-frönsk og pólsk jólalög.
Þá held ég að ég sé bara (óvart) langt
kominn með söngskrána og ekki
annað eftir en að minnast á lag
Scheichs, Ó, Jesúbam blítt, í radd-
setningu Bachs. Söngskráin er eins
og fyrr segir mjög vel valin, hvort
heldur er með tilliti til kórsins sjálfs
eða jólanna (og okkar jólabarna), en
umfram allt er hún falleg og hæfi-
lega fjölbreytt, og alltaf í réttum
anda.
Mér finnst kórinn aldrei hafa verið
betri en á þessum hljómdiski, radd-
irnar virka ungar og ferskar (maður
gæti stundum haldið að þetta væra
allt ungar stúlkur) og fínt jafnvægi
milli radda. Svipað má segja um
fremur látlausa túlkun, en ekki svip-
lausa, sem er viðeigandi, og gott
hraðaval, þó að einstaka sinnum sé í
hægari kantinum, að íslenskum sið,
þegar við viljum vera hátíðlegir. Það
getur komið svolítið niður á gleðinni
- ef ekki músíkinni, en Kvennakór-
inn, undir mjög góðri leiðsögn og
stjórn Sigrúnar Þorgeirsdóttur, er
samt oftast á réttu róli hvað þetta
varðar. Og ef skeikar herslumun er
það trúlega meira spurning um
smekk (sbr. í dag er glatt í döprum
hjörtum, reyndar mjög vel sungið).
Annars sé ég ekki ástæðu til þess að
fjalla sérstaklega um einstök lög því
að þetta er allt í sama gæðaflokki ef
út í það er farið. Sigrún Hjálmtýs-
dóttir toppar þó herlegheitin, en hún
syngur einsöng í mörgum laganna,
má þar (auk ,,Laudate“) nefna t.d.
Ave María (Kaldalóns) og síðasta
lagið, Ó, helga nótt (enskur jólasálm-
ur við lag A.C. Adams), sem endar
fallega söngskrá á hrífandi nótum.
Ekki er auðvelt að taka upp og
hljóðrita söng stórra kóra (í Kvenna-
kór Reykjavíkur eru 74 dömur, þar
af 24 í fyrsta sópran og 18 í öðrum,
sem segir kannski eitthvað um
„birtu“ heildarinnar), en upptaka og
hljóðritun Sigurðar Rúnars Jónsson-
ar (Stúdíó Stemma) er einstaklega
hrein og vönduð í alla staði án þess
að vera „steríl". Og samkvæmt góð-
um sið era textar í snotram og jóla-
legum bæklingi.
Oddur Björnsson
V arfærnin í fyrirrúmi
TOIVLIST
Gcislaplötur
EIRÍKUR HREINN
HELGASON
Ingi T. Lárusson: Það er svo margt.
Karl Ottó Runólfsson: I fjarlægð.
Árni Thorsteinsson: Kirkjuhvoll,
Vorgyðjan kemur. Sigvaldi Kalda-
lóns: Ur Islendingadagsræðu, Ég Iít
í anda liðna tíð, Mamma ætlar að
sofna. Sveinbjörn Sveinbjörnsson:
Sprettur. Eyþór Stefánsson: Á
vegamótum. Bjarni Þorsteinsson:
Sólsetursljóð. Þórarinn Guðmun-
dsson: Kveðja, Þú ert, Sumargleði.
Björgvin Guðmundsson: Islands
lag. Pétur Sigurðsson: Ætti ég
hörpu. Sigfús Halldórsson: Þetta er
kvæði til konunnar minnar. Emil
Thoroddsen: Vöggukvæði. H.J.
Höjgaard (úts. Bjarni Jónatansson):
Sumarkvöld í Færeyjum. Flytjend-
ur: Eiríkur Hreinn Helgason (bar-
yton). Aðrir flytjendur: Garðar Þór
Cortes (tenór) syngur dúett með
Eiríki Hreini í Sólsetursljóðum og
Á vegamótum og Karlakór íslands
og Nágrennis syngur með í íslands
lagi, Ætti ég hörpu og Sumarkvöldi
í Færeyjum. Kórstjóri: Jón Stef-
ánsson. Meðleikari: Bjami Þór
Jónatansson (píanó). Heildartími:
50’07. Verð: kr. 2.199
SUMARKVÖLD er fyrsta ein-
söngsplata Eiríks Hreins Helga-
sonar. Hann hefur samt sem áður
verið virkur í íslensku tónlistarlífi,
sungið einsöngshlutverk í íslensku
óperanni, tekið þátt í flutningi
veigamikilla kórverka með ýmsum
kórum og sungið einsöng við góðan
orðstír með fjölda kóra hér heima
og erlendis.
Eiríkur nam söng við Söngskól-
ann í Reykjavík og síðan við
Hochschule fúr Musik und darstell-
ende Kunst í Vín.
Eiríkur Hreinn hefur ómþýða og
hljómmikla rödd og býr yfir tals-
verðum túlkunarhæfileikum eins og
glöggt heyrist í lögunum Mamma
ætlar að sofna og Vöggukvæði. En
verkefnavalið á þessari nýju plötu
er nokkuð einslitt og gefur ekki til-
efni til mikilla átaka. Samt finnst
mér flutningurinn vera helst til var-
færnislegur. Menn halda sér á afar
lygnum sjó, taka enga áhættu og
fara sjaldnast fram úr meðalgöngu-
hraða. Mér fmnst að minnsta kosti
vanta ögn meiri ferskleika og kraft,
meira líf. Of djúpt er t.d. á gleðinni
og tilhlökkuninni í Vorgyðjan kem-
ur. Og hvar era fjöllin, golan og allt
súrefnið í Spretti? Kannski má leita
skýringarinnar í lagavalinu sem
getur varla veitt flytjendum mikinn
innblástur en lögin sem Eiríkur
Hreinn hefur valið hér til flutnings
era svo ofnotuð að það eitt að horfa
á verkefnalistann aftan á plötunni
vekur ekki hjá manni mikla löngun
til að kynna sér efni hennar frekar.
Er ekki löngu búið að segja allt
sem segja þarf í lögum eins og Ætti
ég hörpu, Það er svo margt, Þótt þú
langförall legðir, Ég lít í anda liðna
tíð, Islands lag, Sólsetursljóðum
o.fl.? Meira að segja ágæt lög eins
og Vöggukvæðið hans Emils Thor-
oddsens, I fjarlægð eftir Karl Ottó
Runólfsson og lögin þrjú eftir Þór-
arin Guðmundsson, Þú ert, Kveðja
og Sumargleði, era nú komin í flokk
mestu stríðsfáka íslenskra ein-
söngslaga og eru á góðri leið með
að verða illþolanleg. Og það er
sorglegt. Er ekki kominn tími til að
hvíla sumar af þessum meintu „ís-
lensku söngperlum"? Ég held að
söngvarar vanmeti stundum smekk
hins almenna hlustanda. Er það al-
veg víst að söngáhugafólk vilji bara
heyra þessi sömu 20-30 lög aftur og
aftur? Ég held ekki. Þau tvö lög
sem ég hafði aldrei heyrt áður og
vöktu smávon um nýja upplifun,
Sumarkvöld í Færeyjum eftir H.J.
Höjgaard og Þetta er kvæðið til
konunnar minnar eftir Sigfús Hall-
dórsson, risu ekki undir vænting-
um.
Garðar Thór Cortes og Karlakór
Islands og nágrennis koma við sögu
í nokkrum laganna án þess þó að
framlag þeirra geti talist afgerandi.
En píanóleikur Bjarna Þórs Jón-
atanssonar finnst mér prýðilegur
og jafnvægi milli flytjenda ágætt.
Énginn vafi leikur á því að Eirík-
ur Hreinn er hæfileikaríkur söngv-
ari og myndi ábyggilega njóta sín
mun betur í áhugaverðara verk-
efnavali. Rödd hans er kraftmikil
en hljómar þó vel á hljóðlátu nótun-
um eins og í Mamma ætlar að sofna
og Vöggukvæði en þessi tvö lög era
hiklaust bestu lögin á diskinum.
Eflaust á Eirikur Hreinn Helga-
son eftir að sýna betur hvað í hon-
um býr og býður þá upp á áhuga-
verðari efnisskrá.
Valdemar Pálsson

Félag viðskiptafræðinga
og hagfræðinga
Er þitt fyrirtæki að bregðast við harðnandi
samkeppni um athygli viðskiptavina þinna?
Stjórnun viðskiptatengsla
(Customer Relationship Management)
Félag viðskiptafræðinga og hagfræðinga stendur fyrir hádegisverðarfundi fimmtudaginn,
7. desember nk. kl. 12 - 13:30 á Radisson SAS, Hótel Sögu, Ársal, 2. hæð.
Á fundinum verður farið hnitmiðað yfir þau atriði, sem stjórnendur og starfsmenn þurfa að hafa
í huga þegar verið er að innleiða CRM í fyrirtækið. Gert er ráð fyrir að þátttakendur hafi grunn-
þekkingu um CRM og verður því lítil áhersla á almennar skilgreiningar. Fjaliað verður m.a. um
nokkrar ástæður af hverju sumum fyrirtækjum tekst ekki að viðhalda tengslum við viðskiptavini
og leiðir til úrlausnar. Sérstök áhersla er lögð á flokkun mikilvægra atriða um viðskiptavini
(CRM trough segmentation) og tekið verður raunhæft dæmi um íslenskt fyrirtæki sem er að
innleiða CRM.
Fyrirlesarar:
Björn Erik Westergren, markaðsráðgjafi hjá Hugtök ehf., og Art Schalk, ráðgjafi hjá IMG.
Hilmar S. Sigurðsson, framkvæmdastjóri sjónvarps Norðurljósa, verður fundarstjóri og mun
segja frá reynslu fyrirtækisins af M12 tryggðarkerfinu og hvernig slikt kerfi er rekið.
Fyrirlesturinn fer fram bæði á íslensku og ensku.
Vinsamlega skráið þátttöku með tölvupósti fvh@fvh.is eða í síma 551 1317.
Verð með hádegisverði fyrir skuldlausa félagsmenn FVH 2.000 kr og 3.000 kr fyrir aðra.
Opinn fundur - allir velkomnir