Morgunblaðið - 09.12.2000, Side 38

38 LAUGAKDAGUR 9. DESEMBER 2000
LISTIR
MORGUNBLAÐIÐ
Aðventu-
tónleikar
Amnesty
International
ÍSLANDSDEILD Amnesty Int-
emational heldur hina árlegu að-
ventutónleika félagsins í Neskirkju
við Hagatorg á morgun, sunnudag,
kl. 15.
Tónleikarnir eru styrktartónleik-
ar íyrir Amnesty International og
rennur allur ágóði til alþjóðlegrar
herferðar samtakanna gegn pynd-
ingum sem nú stendur yfir.
Dagskrá tónleikanna er ætluð allri
fjölskyldunni.
Flytjendur á tónleikunum eru: As-
hildur Haraldsdóttir flautuleikari,
Karlakórinn Fóstbræður, Stefán
Örn og Marion Herrera, selló og
harpa, Einar Ktistján Einarsson gít-
arleikari, Nora Kombluh ásamt hópi
Suzuki-sellóleikara, Nína Margrét
Grímsdóttir píanóleikari, Sigurður
Halldórsson sellóleikari, Guðbjörn
Guðbjörnsson söngvari, Jónas Ingi-
mundarson píanóleikari, Elín Ósk
Óskarsdóttir söngkona og Blásara-
kvintett Reykjavíkur. Allir þeir sem
fram koma á tónleikunum, sem og
allir aðstandendur tónleikanna, gefa
vinnu sína.
Miðaverð á tónleikana er 1.000
krónur.
Miðar fást á skrifstofu íslands-
deildar Amnesty Intemational í
Hafnarstræti, einnig er hægt að
panta miða í gegnum tölvupóst á
netfanginu amnesty@hi.is eða í síma
551 6940. Einnig verður hægt að
kaupa miða í Neskirkju við upphaf
tónleikanna.
--------------
Jazzandi
á Múlanum
HLJÓMSVEITIN Jazzandi leikur
á Múlanum, en Múlinn er djass-
klúbbur með aðsetur á efri hæð
Kaffi Reykjavíkur annað kvöld,
sunnudagskvöld, kl. 21.
Tríóið Jazzandi hefur leikið víða
frá stofnun þess fyrir u.þ.b. ári,
m.a. á listasumri á Akureyri,
djasshátíð Reykjavíkur og bæði í
útvarpi og sjónvarpi. Meðlimir
tríósins eru allir langt komnir
nemendur í djassdeild tónlistar-
skóla FÍH. Tríóið leikur blöndu af
gömlum og nýlegum djassstan-
dördum en að þessu sinni ætla
þeir einnig að leika fmmsamið
efni. Jazzandi skipa Sigurjón Al-
exanderson gítarleikari, Sigurdór
Guðmundsson bassaleikari og
Gestur Pálmason trommuleikari.
Aðgangseyrir er 1.200 krónur og
600 krónur fyrir námsmenn og
eldri borgara.
-----♦-♦-♦----
Jólatónleikar
Reykjalund-
arkórsins
HINIR árlegu jólatónleikar Reykja-
lundarkórsins verða í Laug-
ameskirkju, á morgun, sunnudag,
kl. 16.
Á efnisskránni eru jólalög úr ýms-
um áttum, negrasálmar, Ave María
eftir Nyborg og Ave María Sigvalda
Kaldalóns. Stjórnandi Reykjalund-
arkórsins er íris Erlingsdóttir sópr-
ansöngkona og söngkennari. Iris
mun jafnframt syngja einsöng með
kómum.
Tvær dætur fyrram stjómanda
kórsins, Lárasar Sveinssonar, Hjör-
dís Elín og Ingibjörg kom til liðs við
kórinn í þessum jólatónleikum. Mun
Hjördís Elín syngja með kómum og
annast píanóundirleik og báðar syst-
urnar munu síðan leika á trompet í
nokkram af eftirlætislögum Lárasar
í flutningi kórsins.
Aðgöngumiðar eru seldir við inn-
ganginn og er miðaverð 1.000 krón-
ur, en ókeypis fyrir börn.
Jólatónleikar Sinfómuhljómsveitar Norðurlands
Um 130 börn koma fram
með hljómsveitinni
Akureyri. Morpunblaðið.
Sinfóníuhljómsveit Norðurlands á tónleikum, Guðmundur Óli
Gunnarsson stjórnar.
JÓLATÓNLEIKAR Sinfóníu-
hljómsveitar Norðurlands verða
haldnir í kvöld, laugardagskvöld, í
Glerárkirkju og
hefjast þeir kl.
20.30. Þá verða
einnig haldnir
tónleikar í sal
Borgarhólsskóla
á Húsavík á
sunnudag og
hefjast þeir kl.
16.
Með hljóm-
sveitinni koma
fram Ólafur Kjartan Sigurðsson
barítón, Barnakór Glerárkirkju,
Skólakórar Borgarhólsskóla,
Stúlknakór Húsavíkur og stúlkur
úr Kór Menntaskólans á Akureyri
og söngdeild Tónlistarskólans á
Akureyri. Á efnisská tónleikanna
era jólakonsertinn eftir Corelli,
jólalög fyrir barnakór og hljóm-
sveit og jólaævintýrið Heimskauta-
hraðlestin eftir Robert Kapilow.
Jólakonsertinn eftir Corelli er
skrifaður um það leyti sem fiðlan
er að taka við af gömbunni sem að-
alstrengjahljóðfærið. Concerto
Grosso var algengt konsertform á
barokktímanum, þar sem hópi ein-
leikara var teflt á móti hljómsveit-
inni. Corelli samdi fjölda slíkra
verka sem á sínum tíma nutu mik-
illa vinsælda um alla Evrópu og er
jólakonsertinn einn af hans þekkt-
ustu verkum og nýtur enn vin-
sælda.
Sinfóníuhljómsveitin hefur áður
fengið til liðs við sig barnakóra
þegar kemur að jólatónleikum.
Kórarnir sem nú era kallaðir til
munu flytja sex jólalög, allt þekkt
lög sem verið hafa til í kórútsetn-
ingum, en hljómsveitarútsetningu
gerði Guðmundur Óli Gunnarsson
hljómsveitarstjóri.
Jólaævintýrið
Heimskautahraðlestin
Á tónleikunum í Glerárkirkju
syngja Barnakór Glerárkirkju og
Stúlknakór Húsavíkur með hljóm-
sveitinni og á tónleikunum á Húsa-
vík skólakórar Borgarhólsskóla og
Stúlknakór Húsavíkur. í allt munu
um 130 börn koma fram með
hljómsveitinni á þessum tónleikum.
Jólaævintýrið Heimskautahrað-
lestin segir frá dreng sem ferðast
með lest til norðurpólsins á Þor-
láksmessu og tekur þar við gjöf úr
hendi jólasveinsins. Hann glatar
gjöfinni, en hún kemst til skila á
aðfangadagskvöld.
Ævintýrið samdi Chris van Alls-
burg en Hjörleifur Hjartarson
þýddi. Ólafur Kjartan Sigurðsson
barítón syngur söguna en með
honum syngja stúlkur úr Kór
Menntaskólans á Akureyri og
söngdeild Tónlistarskólans á Akur-
eyri.
Ólafur Kjartan
Sigurðsson
Polarfonia
með fimm plötur
ÚTGÁFUFYRIRTÆKIÐ Polarfon-
ia Classics ehf. kynnir nú fimm út-
gáfur. Nýlega var gengið frá samn-
ingum milli félagsins og Danacord í
Danmörku um dreifingu geisladiska
Polarfonia þar í landi. Samningar um
dreifingu víðar á Norðurlöndunum
era í deiglunni.
Polarfonia Classics sérhæfir sig í
útgáfu á sígildri tónlist og djassi en
fyrstu útgáfur félasins komu út fyrir
síðustu jól.
Þær plötur sem fyrirtækið kynnir
nú era:
Halldór Haraldsson leikur tvær af
stærstu píanósónötum tónbókmenn-
tanna eftir Franz Schubert og
Johannes Brahms. Halldór er einn
okkar þekktasti píanóleikari og hef-
ur hróður hans borist víða. Þetta er
fyrsti geisladiskur Halldórs en hann
hefur áður leikið inn á hljómplötur.
Hinn heimsþekkti píanóleikari Al-
berto Portugheis fjallaði um diskinn
í fagtímaritinu Piano Joumal í Lond-
on og talar hann um „meistaralegan
flutning!“ verkanna.
Sigríður Björnsdóttir frá Kleppu-
stöðum ákvað á níræðisaldri að láta
draum sinn rætast og syngja inn á
geisladisk. íslensk einsöngslög eru
henni hugleikin og hafa fylgt Sigríði
alla tíð. Hér syngur hún nokkur upp-
áhaldslaga sinna. Úlrik Ólason leik-
urmeðápíanó.
Uppeldisstöð íslenskra tónlistar-
manna, Tónlistarskólinn í Reykja-
vík, hélt upp á 70 ára afmæli sitt á
árinu. Af því tilefni var gefinn út
þessi tvöfaldi diskur þar sem nem-
endur skólans leika og syngja. Sin-
fóníuhljómsveit Islands leikur með
einleikararprófsnemum.
Vínartónleikar Sinfóníuhljóm-
sveitar íslands era vinsælustu tón-
leikar hljómsveitarinnar. Uppselt er
á tónleikana ár fram í tímann og
komast færri að en vilja þrátt fyrir
endurtekningu og tónleikastað á
borð við Laugardalshöll. Nú er í
fyrsta skipti hægtaðnálgast vinsæl-
ustu Vínarlögin af efnisskrám þess-
ara tónleika á geisladiski.
Garðar Cortes er sennilega þekkt-
ari fyrir annars konar söng en hér
gefur að heyra. Á geisladiskinum
Daydreams syngur hann við undir-
leik Roberts Sunds rómantísk dæg-
urlög úr ýmsum áttum. Garðar sjálf-
ur kallar þetta rauðvínstónlist.
Snemma á næsta ári era svo vænt-
anlegir geisladiskar þar sem
Sinfóníuhljómsveit íslands flytur
Sifnóníu nr. 9 eftir Beethoven,
hljóðritun tónleika Sólrúnar Braga-
dóttur og Einars Steen-Neklebergs
frá í maí og Guðný Guðmundsdóttir
konsertmeistari leikur einleik á
fiðlu.
Kór Atthaga-
félags
Stranda-
manna
AÐVENTUHÁTÍÐ Kórs Átt-
hagafélags Strandamanna
verður haldin á morgun, sunnu-
dag, kl. 16.30 í Seljakirkju.
Kórinn mun, ásamt barna-
kór, flytja jólalög undir stjórn
Þóra V. Guðmundsdóttur.
Píanóleikari er Jón Sigurðsson.
Einsöngvari að j)essu sinni er
Anna Pálína Árnadóttir, en
undirleikari hennar er Aðal-
steinn Ásberg Sigurðsson. Að
loknum tónlistarflutningi og
jólahugvekju, sem Matthildur
Sverrisdóttir flytur, býður kór-
inn upp á kaffihlaðborð í safn-
aðarsal kirkjunnar.
Jólatónleikar
Selkórsins
SELKÓRINN heldur jólatðnleika
í Seltjarnarneskirkju á morgun,
sunnudag, kl. 17 og mánudaginn
11. desember kl. 20.30.
Flutt verða, auk íslenskra og
erlendra jólalaga, tvö tdnverk,
Lobet den Herrn, alle Heidcn
(Lofið Herrann lýðir allir), mót-
etta eftir J.S. Bach og Gloria í D-
dúr eftir A. Vivaldi. Texti mót-
ettu J.S. Bach er lofgerðarsöng-
ur, 117. Davíðssálmur, sem á
þýsku hljóðar svo: Lobet den
Herrn alle Heiden und preiset
ihn alle Völker. Denn seine
Gnade und Wahrheit waltet iiber
uns in Ewigkeit. Alleluja. Eða
eins og það útleggst á íslensku:
Lofið Drottin allar þjóðir. Veg-
samið hann allir lýðir, því að
miskunn hans er voldug yfir oss -
og trúfesti drottins varir að ei-
lífu. Halelúja.
Mótettan, fjögurra radda, með
bassafylgirödd var fyrst gefin út
1821. Gloria í D-dúr sjálfstætt
verk og fjölbreytt í tólf tengdum
köflum sem hafa ólíkan blæ.
Verkið þykir flétta haganlega
saman gamla og nýja tíma í tón-
smiðum og er í raun jafntengt
sviðsverkum Vivaldis og konsert-
um hans.
Verkið er ríkt af tilfinningu og
tjáir lotningu, guðsótta og tæra
gleði í tónlist sem er grípandi, en
þó rík af andstæðum og fjöl-
breytni. Þessir eiginleikar hafa
vafalaust stuðlað að vinsældum
verksins.
Einsöngvarar eru Hulda Guð-
rún Geirsdóttir sópran, Þuríður
G. Sigurðardóttir sópran og Sig-
rún Jónsdóttir mezzosópran.
Strengjasveit leikur með kórnum
og er Szymon Kuran konsert-
meistari.
Jón Karl Einarsson stjórnar.
Jólavaka
Stefnis
KARLAKÓRINN Stefnir verður
með jólavöku í Hlégarði annað kvöld,
sunnudagskvöld, kl. 20.
Karlakórinn Stefnir heldur upp á
60 ára afmæli sitt á þessu ári og því
hefur verið mikið um að vera hjá
þeim.
Afmælistónleikar voru haldnir sl.
vor þar sem Kristinn Sigmundsson
söng með kómum.
Sjálf aímælishátíðin verður haldin í
Hlégarði 13. janúar nk. og verður sú
veisla endapunkturinn á viðburðaríku
aftnælisári.
Einnig verður stór stund hjá Stefni
í febrúar á næsta ári. Þá mun Gunnar
Guðbjömsson óperusöngvari syngja
með kómum í Grafarvogskirkju.
Hin nýja Grafarvogskirkja hefur
vakið athygli fyrir góðan hljómburð,
enda var það Gunnar sjálfur sem ósk-
aði eftir að syngja í því húsi.
-------♦+-♦------
Kertaljósa-
tónleikar í
Hveragerði
HINIR árlegu kertaljósatónleikar
kammerhópsins Camerarctica verða
að venju haldnir nú í desember.
Fyrstu tónleikarnir verða nú á
sunnudag í Hveragerðiskirkju kl. 17.
Eins og áður verður leikin tónlist
eftir Wolfgang Amadeus Mozart.
Camerarctica skipa þau Armann
Helgason klarinettuleikari, Hildi-
gunnur Halldórsdóttir og Sigurlaug
Eðvaldsdóttir fiðluleikarar, Guð-
mundur Kristmundsson víóluleikari
og Sigurður Halldórsson sellóleikari
og gestur þeirra í ár er víóluleikar-
inn Þórann Marinósdóttir.
Verkin sem hópurinn hefur valið
að þessu sinni eru Kvartett fyrir
klarinettu og strengi og Kvintett fyr-
ir strengi eftir W.A. Mozart. í lokin
verður leikinn jólasálmurinn „í dag
er glatt í döprum hjörtum" sem einn-
ig er eftir Mozart.
Tónleikarnir verða um klukku-
stundarlangir og verður kirkjan ein-
ungis lýst með kertaljósum við þetta
tækifæri.
Aðgöngumiðar verða seldir við
innganginn, eldri borgarar og nem-
endur fá helmingsafslátt og ókeypis
aðgangur er fyrir börn.
-------♦-♦-♦-----
Jólatónleikar
Samkórs
Rangæinga
SAMKÓR Rangæinga heldur jóla-
tónleika í Árbæjarkirkju í Reykjavík
í dag, laugardag, kl. 16.
Á efnisskrá era jólalög frá ýmsum
löndum og ýmsum tímum. Einsöngv-
arar á þessum tónleikum eru þau
Eyrún Jónasdóttir messósópran og
Gísli Stefánsson baritón. Píanóleik
annast Hédi Maróti og á orgelið leik-
ur Hilmar Örn Agnarsson. Stjórn-
andi kórsins er Guðjón Halldór Ósk-
arsson.
Um þessar mundir er Samkórinn
að gefa út geislaplötu með jólalög-
um. Á þeirri plötu eru þessir sömu
einsöngvarar auk sópransöngkon-
unnar ungu Sigurlaugar Jónu Hann-
esdóttur. Hljóðfæraleikarar era ein-
ig þeir sömu auk Hauks
Guðlaugssonar á orgel og Lazló
Czenek á horn.Þetta er í fyrsta sinn
sem rangæskur kór ræðst í útgáfu á
jólageislaplötu.
-------♦-♦-♦-----
Fleiri
jólasöngvar
FJÓRÐU tónleikum Kórs Lang-
holtskirkju, Jólasöngvar, hefur verið
bætt við og verða þeir haldnir laug-
ardaginn 16. desember kl. 19.
Miðar era til sölu í Langholts-
kirkju og kosta 1.500 krónur og er
innifalið heitt jólasúkkulaði ogpipar-
kökur.
i
*
I