Morgunblaðið - 09.12.2000, Qupperneq 66

66 LAUGARDAGUR 9. DESEMBER 2000
FRETTIR
MORGUNBLAÐIÐ
Jólin
" undir-
búin
Nú þegar fímmtán dag-
ar eru til jóla er verið að
undirbúa jólahátíðina
um allt land. Þótt veðrið
sé frekar vorlegt en
jólalegt enn sem komið
er bæta jólaskreyting-
arnar úr því og lýsa upp
skammdegið. Aðventan
er sérstaklega skemmti-
legur tími í leikskólum
og þar leggja börnin sitt
af mörkum til að gera
hátíðina eftirminnilega.
Morgunblaðið/Guðrún G. Bergmann
s
Ovenju-
legur
aðventu-
krans
Hellnum - Þessa dagana
eru margir að útbúa að-
ventukransa. Flestir
nota til þess greni, trjá-
greinar, köngla, borða
og ýmislegt annað
skraut. Guðjón Jóhanns-
son, kúabóndi í Syðri-
Knarrartungu í Breiðu-
vík, fékk hins vegar
hugmynd að óvenjuleg-
um aðventukransi þegar
í ljós kom að konan hans
hugðist ekki búa til
krans. Hann skrapp út í
skemmu og náði i gam-
alt mjaltatæki, stakk
kertum í spenahylkin og
setti skraut í kringum
þau og úr varð hinn
virðulegasti aðventu-
krans. Kolbrún og
Bryiy'ar Gauti nutu vel
ljósanna af kransinum
óvenjulega sem pabbi
þeirra gerði.
Morgunblaðið/Sigurður Jónsson
Hurðaskellir
kallar á við-
«. skiptavini
Selfossi - Hinn skemmtilegi og
þjóðlegi jólasveinn, Hurðaskellir,
situr fyrir utan verslunina Sjafnar-
blóm á Selfossi og minnir á jólin og
undirbúning þeirra. Hurðaskellir
er glaðlegur og þjóðlegur að sjá í
ár, eins og í fyrra, þegar hann fang-
ar athygli viðskiptavina og býður
þá velkomna f verslunina. Þrjú ár
þar á undan var það Grýla sjálf sem
sat lyrir utan verslunina og minnti
á tímann.

3ITELLI
Morgunblaðið/Sigurður Jónsson
Malbikað á
jólaföstunni
Selfossi - Víða er verið að gera fínt
fyrir jólin, bæði innandyra og utan.
Veðrið hefur verið með eindæmum
gott á Suðurlandi, sannkallað verk-
takaveður. Hingað til hefur þótt
óvenjulegt, svo ekki sé meira sagt,
að sjá malbikunarframkvæmdir á
jólaföstu. Sigurður Karlsson í
Verktækni á Selfossi vann við það
að malbika bílastæði og plan fyrir
framan nýtt verslunarhúsnæði á
Austurvegi 42 á Selfossi þar sem
opnuð verður ný 10-11-verslun í
vikunni. Hlýtt var í veðri og gott að
athafna sig við vinnuna enda starfs-
mennirnir glaðbeittir og sögðu að
kafteinninn væri með gildan staf í
hendi. Hér er Sigurður með mönn-
um sínum, Davíð Erni Ingvasyni og
Gauta Sigurðssyni, í valtaranum
situr Jón Trausti Ingvason.
Morgunblaðið/Kristín Ágústsdóttir
Piparköku-
dagur á
Sólvöllum
Neskaupstað - Mikil tilhlökkun er
eftir jólunum hjá börnum leikskóla
um land allt og er margt gert til að
búa þau undir hátiðirnar. Börnin á
leikskóla Fjarðabyggðar, Sólvöllum
í Neskaupstað, eru engin undan-
teking frá því. Þau voru að undir-
búa jólin þegar fréttaritari leit við í
skólanum. Með aðstoð foreldra
sinna og starfsfólks á leikskólanum
útbjuggu þau skó til að hafa i
gluggum þegar jólasveinarnir fara
að láta sjá sig í byggð og bökuðu
piparkökur. Kökurnar voru skorn-
ar út, bakaðar og málaðar og svo
fengu börnin sér að smakka og
nutu þess af hjartans lyst. Afrakst-
ur bakstursins verður svo snæddur
á jólaballi Sólvalla síðar í desem-
bermánuði.