Skírnir - 01.01.1888, Blaðsíða 33

FKAKKLAND.
35
I októberm. var Caffarel hershöfðingi tekinn fastur og um
leið frú nokkur Limouzin. Var borið upp á hana, að hún
hefði útvegað ýmsum mönnum fyrir peninga krossa og merki
heiðursfylkingarinnar, og Caffarel hafði hjálpað henni til þess.
þegar var fa'rið að rannsaka málið betur, fannst ýmislegt i
húsum og skjölum frúnnar, sem sýndi að Wilson, tengdasonur
Grévys, var bendlaður við málið. Mörg bréf frá honum fund-
ust hjá frúnni, og kvað hann þó hafa komist yfir þau vestu og
stungið þeim undir stól. Parísarbúar höfðu lengi haít ýmu-
gust á, að Wilson brúkaði Grévy sem fjárþúfu og skjólshús
fyrir allskonar klæki, án vitundar Grévys. Wilson er þing-
maður og því varð ráðaneytið að biðja þingið um leyfi til að
draga hann fyrir lög og dóm. þingið gekk enn lengra og
setti nefnd til að rannsaka málið. Bréf frá Boulanger fundust
hjá frúnni, en ekkert var í þeim honum til vansa. Hann varð
reiður, ritaði bréf til blaðanna og sagði, að málið væri soðið
saman til að steypa sér, en bogalistin hefði brugðist. Svo var
haft eptir honum í blaði einu, að hermálaráðgjafinn væri suðu-
maðurinn, og þegar ráðgjafi spurði, hvort hann stæði við þau
orð, svaraði hann já. Hann var settur í 30 daga varðhald og
þó svo vægt, að honum var allt heimilt, nema að fara út úr
varðhaldsstofunni og tala við menn. Nú hélt rannsóknin
áfram í máli Wilsons, þvert ofan í vilja Grévys, sem ekki vildi
skiljast við börn Wilsons, dótturbörn sin. Clémenceau leidd-
ist, hvað seint gekk rannsóknin og lagði spurningar um það
fyrir ráðaneytið á þingi 19. nóvember. Ráðaneylið vildi fresta
að svara, en meiri hluti þings var með Clémenceau. Rouvier
fór þá til Grévys og sagði af sér. það er hið tólfta ráðaneyti,
sem Grévy hefur haft siðan 1879, er hann varð forseti eða
ríkisstjóri (président) á Frakklandi, en það átti líka að verða
hið síðasta. Hann kallaði hvern af öðrum af þingskörungunum
til sín og jafnvel Clémenceau sjálfan, þó honum væri ekki sem
bezt við hann. Nú komst upp, að Wilson hefði falsað bréf
og enginn vildi voga sér i ráðaneyti, til að hlífa þeim Grévy
og Wilson, því þeir vissu, að þingið mundi sálga ráðaneytinu
samdægurs. þeir sögðu Grévy, að hann gæti ekki lengur
3*