Skírnir - 01.01.1888, Side 59

DANMÖRK.
61
Wales o. fl. í allt 30 konungmenni. Konungur fór til Eng-
lands um sumarið og var viðstaddur júbilhátíð Victoríu drottn-
ingar. þyri, dóttir hans, sem er gipt hertoganum af Cumber-
land, var geðveik um tima og fóru þau foreldrar hennar að
vitja um hana. Henni batnaði geðveikin fyrir árslok.
Danir misstu 4 merkismenn árið 1887, Monrad, Jacobsen.Suen-
son og Goldschmidt. Monrad dó 28. marz á Falstri, þar sem hann
hafði verið biskup. Hann kemur mikið við sögu Danmerkur á
þessari öld. Hann var ráðgjafi óhappaárið 1864 og fór sjálfkrafa
til Nýja Zeelands þegar Danir höfðu misst hertogadæmin.
Síðan kom hann heim aptur og var kosinn á þing. Hann
reyndi að miðla málum milli vinstri og hægrimanna, þó hann
hallaðist meir að vinstrimönnum, en honum heppnaðist það
ekki. Mælska hans og lærdómur var framúrskarandi. Jacobsen
dó í Rómaborg. Hann var einhver hinn mesti auðmaður í
Danmörku og hafði fengið þann auð eingöngu með því að
brugga og selja bjór þann, sem kallast Karlsbergbjór eptir
bruggstaðnum. Bjór karlsins var kallaður gamli Karlsberg til
aðgreiningar frá bjór sonar hans, nýja Karlsberg. Enginn
maður i Danmörk hefur stutt eins mikið listir og vísindi eins
og Jacobsen. Hann hefur lika stofnað mikinn sjóð (Carlsberg-
fondet) til að styðja listir og vísindi. Suenson var foringi yfir
hinni dönsku flotadeild, sem sigraði Prússa og Austurríkis-
menn i sjóbardaganum við Helgoland 9. maí 1864. Tegethoff,
sem stýrði skipum Austurríkismanna í þeim bardaga, vann 1866
sigur á Itölum í sjóbardaganum við Lissa. Austurrikismenn
reistu Tegethoff minnisvarða eptir dauða hans og Danir eru
að safna fé til minnisvarða eptir Suenson. Hinn fjórði var M.
A. Goldschmidt, einn af mestu ritsnillingum Dana. Hann var
Gyðingur og kemur hann mikið við blaðasögu Danmerkur.
Skáldritahöfundurinn Thomas Lange dó sama árið.
það kom út bók um æfi Madvigs, sem hann iiafði látið
dætur sínar rita eptir sér í elli sinni. Hann fer þar hörðum
orðum um Friðrik 7. og Ploug. þessi bók sýnir líka vel livað
einstakur ráðvendnismaður hann var, og hvað sanngjarn hann
var alla æfi sina, við hvern sem hann átti að skipta. Drach-