Skírnir - 01.01.1888, Side 78

80
AMEKÍKA.
(congress) kom saman og Washington hinn fyrsti forseti
vann eið að stjórnarskránni. Ameríkumenn búa sig undir
mikil hátiðarhöld þann dag. Arið 1892 eru 400 ár síðan
Columbus fann Ameríku og verður þá ekki minna um hátíðar-
höld. J>ess skal getið, að 29. október var líkneski Leifs heppna,
sem hérumbii árið 1000 fann Vínland (Massachusetts?),
afhjúpað i Boston.
í flestum ríkjum eru nú lcomin hörð lög móti drykkjuskap
og vínfangasölu. 1 sumum rikjum er drykkjuskap hegnt með
fangelsi eða útlátum og í sumum ríkjum eru bindindislög orðin
rikislög. I ríkinu New York eru komin á lög um, að allri vinnu
skuli hætt á hádegi kl. 12 á hverjum laugardegi, og á marga
vegu er reynt að bæta kjör verkmanna.
Af óknyttum, sem brenna við í Bandaríkjunum, skal hér
nokkurra getið. Bæjarstjórnin i New York hafði þegið mútur,
eins og sagt var í siðasta Skírni. það var verið að bisa við
í heilt ár, að fá menn i kviðdóm til að dæma einn úr henni,
sem hét Sharp og er sjötugur að aldri. Kviðurinn var ónýttur
hvað eptir annað á ýmsa vegu. Loksins var lcarlinn samt
dæmdur. í Chicago flýði maður úr bæjarstjórninni, sem varð
uppvís að sama athæfi, til Canada og þar verður ekki náð til
hans. Cleveland forseti neitaði að samþykkja eptiriaunalög
frá þinginu í Washington. Síðan þrælastríðinu mikla lauk 1865
hafa eptirlaun verið veitt þeim, sem tóku þátt i striðinu norðan-
manna megin og ekki geta unnið fyrir sér, og ættingjum þeirra,
sem fallið hafa. Nú hafa þeir, sem sækja um eptirlaun, fjölgað
á hverju ári og Cleveland þótti því nauðsynlegt, að takmarka
þessa útsóun á fé ríkisins og neitaði veturinn 1886 — 87 að
auka þessi laun.
Bókmenntir Bandarikjanna standa nú í mörgum greinum
jafnfætis bókmenntum Englendinga, og eru vaxnar saman við
þær þannig, að góðir höfundar hjá öðrum hvorum eru lesnir
jafnmikið báðu megin við Atlantshafið. Munurinn á bókmálinu
er ekki meiri en munurinn á hinu danska bókmáli Norðmanna
og dönska bókmáli. Amerikumenn eiga, sem stendur, betri
akáldsöguhöfunda en Englendingar, Howells, Henry James,