Skírnir - 01.01.1888, Qupperneq 86

88
ÍSLAND.
arsamningurinn komst ekki á, sé vinstrimönnum að kenna.
Benedikt Sveinsson ritaði í Andvara 1885, að hin danska stjórn
hefði eins mikinn áhuga á þeim málum, sem ekki lytu að
landsréttindum Islands, eins og það væri landfast við Sjáland.
Báðar deildir þings hafa þakkað konungi 1885 fyrir ræktar-
semi þá, er hann sýndi atvinnuvegum landsins. Hvernig stendur
á því, að Islendingar þegar þeir hafa komið sínu fram ætíð
biðja um meira eins og Oliver Twist *). Landið er fátækt eins
og írland nema hvað það er enn fátækara. Ef Danir taka
18% af lánum, þá geta Islendingar lánað hjá öðrum, Skotum,
Norðmönnum o. s. frv. Fátækt landsins er víst ólæknandi og
það er því von þeir fari úr landi. Ekki vantar samt þjóðar-
drambið. þeim finnst hinn léttasti silkiþráður liggja á þeim
eins og járnhlekkur.
Samkvæmt hinu nýja frumvarpi er konungur hinn eini
sambandsliður milli íslands og Danmerkur. íslandsjarl ræður
svo mikiu, að vald Danakonungs er ekki nema nafnið eitt. Ef
Danmörk gengi að þessu, mundu þeir því næst vílcja Kristján
9. úr völdum og gera Island að þjóðveldi, en halda þó áfram
að taka við fé frá Dönum og heimta 240,000 krónur á ári
eins og Jón Sigurðsson. Síðan er sagt frá gangi stjórnarskrár-
málsins; svo margir hafi greitt atkvæði með þvi af því þeir
vissu, að það var ekki hætt við það yrði samþykkt. Greinin
endar þannig. «Jeg held að margir Danir vildu fara að ósk-
um Islendinga og skera sundur hið síðasta band, sem hnýtir
eyna við Danmörk. Vorir norrænu samþegnar hafa æft sig í
að vera svo óþjálir og óþægir félagar, að það mundi virðast
léttir að losast við þeirra eilífu kvartanir og ef Islendingar
virkilega óska þess, að eiga ekki neitt saman við oss að sælda,
þá mundu ýmsir Danir hallast að þeirri meiningu, að þeir gætu
víst þolað að losast við fjarlæga ey, sem ekkert leggur til
rikisþarfa, enga hermenn sendir til hersins, enga sjómenn í
flotann, enga skatta í fjárhirzlu ríkisins, en heimtar samt fjár-
tillag. En konungur og ráðgjafar hans gátu ekki tekið sér
') Sjá skáldsögu eptir Dickens með því nafni.