Skírnir - 01.04.1905, Qupperneq 89

Utlendar fréttir
185
»Þar sem allir meölimir ríkisráðsins hafa lagt niður em-
bætti sín; þar sem hans hátign konungurinn hefur lýst yfir
því, að hann geti ekki komið á nýrri stjórn fyrir nkið; og
þar sem þingbundið konutigsveldi er þannig óframkvæmanlegt
orðið, — þá veitir Stórþingið þeim meðlimum ríkisráðsins er í
dag hafa lagt niður völd sín umboð til þess fyrst um sinn að
hafa á hendi sem Noregsstjórn það vald er stjórnarskrá Nor-
egs og gildandi lög veita konungi, með þeim breytingum er af
því hljóta að leiða, að slitið er sambandi við Svíþjóð undir
sameiginiegum konungi, þar sem konungur hefur látið af að
vera Noregskonungur«.
Með þessari ályktun lýsir þá norska þingið yfir, að Óskar
konungur II. sé ekki lengur Noregskonungur, þar sem hann geti
ekki fullnægt fyrirmælum stjórnarskrár landsins, og þar með er
sambandinu við Svíþjóð slitið. En jafnframt sendi þingið konungi
ávarp og óskaði að einhver ættingi hans vildi gerast konungur
Norðmanna, en afsala sér um leið konungdómi í Svíþjóð. Því
Norðmenn kenna konungi ekki um að þeir hafi ekki náð jafnrétti
við Svía og bera engan kala til konungsættarinnar. En konungur
mótmælti eindregið aðferð þingsins og eru litlar líkur til að Norð-
msnn fái konung frá Svíþjóð. Mælt er, að þeir muni þá næst
leita til Danmerkur og hafa augastað á Valdemar prinsi, yngsta
syni Kristjáns IX., eða Karli prinsi, syni Friðriks krónprins en
tengdasyni Játvarðar Bretakonungs.
Óskar konungur hefur nú kvatt til aukaþings í Svíþjóð til
þess að málið verði rætt þar, því Svíar telja ekki sambandinu lög-
lega slitið nema með samþykki beggja ríkjanna og stjórn Svía tel-
ur núverandi Noregsstjórn ólöglega. En Norðmenn skeyta því
engu og hafa dregið sambandsmerkið niður, en sett hreina norska
fánann í staðiun.
Uti um heiminn mælist aðferð Norðmanna í þesu máli mjög
vel fyrir; þykja þeir hafa farið hyggilega að, aldrei rasað um ráð
fram, en þó fylgt fast máli sínu. Er þetta að öllum líkindum
hin friðsamlegasta stjórnarbylting sem sögur fara af.
20. júní p. G.