Skírnir - 01.12.1908, Síða 1

Gráfeldur.
Eftir
Jón Tkausta.
Rétt fyrir hvítasunnu eitt vor vorum við þrír á ferð
úr Grundarfirði, og vorum staddir í kaupstaðnum í B-firði.
Yið ætluðum gangandi þaðan yfir fjallið heim til okkar
aðfaranótt laugardagsins fyrir hvítasunnu.
Við Grundfirðingarnir vorum þessir: Einar gamli póst-
ur, Jónas Arnason og eg, og allir áttum við heima á Grá-
feldseyri.
I B-firði slóst fjórði maðurinn í förina. Hann hét
Baldvin og var trésmiður. Hann hafði komið á gufuskipi
þangað og mæltist til þess að fá að verða okkur samferða
yfir fjallið.
Þetta kom okkur því kynlegar fyrir, sem Grundfirð-
ingar voru þar einnig á báti og ætluðu heim fyrir hátið-
ina. Baldvin kom koffortunum sínum á bátinn, en vildi
ekkert annað en ganga yfir fjallið.
Hitt kom okkur sízt til hugar að meina manninum
að verða okkur samferða.
Um háttatíma á föstudagskvöldið ætluðum við að
leggja á stað. Þá var búið að loka búðum fyrir löngu.
Við Einar gamli vorum alveg tilbúnir. Baldvin kvaðst
líka vera tilbúinn. Hann hélt til í húsi hjá ekkju, sem
við könnuðumst við, og bað okkur að vitja sín þangað.
En Jónas vantaði.
19