Skírnir - 01.12.1908, Síða 50

338
Kvenréttindabreyfingin í Ameriku.
að halda 19, og 20. júlí. Ekki var ætlast til, að' hanre
sæktu nema konur.
Þær Lukretia og Elizabet höfðu ekki minst á þenna
fund síðan í Lundúnum, fyrir 8 árum, og voru því alls
ekkert við honum búnar. Nú varð að raða öllu niður á
4 dögum. Engin fundarsköp voru eða lagafrumvörp
eða fundarályktanir til hliðsjónar. Þá las ein þeirra upp
frelsisyfirlýsingu Bandaríkjanna. Hana tóku þær til fyr-
irmyndar, og sömdu nú yfirlýsingu, sem lesa skyldi upp
á fundinum, í jafnmörgum greinum. Öllum 18 sakargift-
unum móti Georg Englakonungi, sneru þær upp á karl-
mennina, og kröfðust allra þeirra réttiuda sem amerískum
borgurum bæri. Yfirlýsingin endaði þannig:
»Nú þegar vér hefjum þessa baráttu, þá göngum vér
að því vísu, að vér ávinnum oss með því óvild, misskiln-
ing, og alls konar rangfærslur. En vér ætlum að nota
öll þau meðul, sem í voru valdi standa, til að ná tak-
marki voru. Vér ætlum að senda út málsflytjendurr
bænaskrár og áskoranir til löggjafarvaldsins í ríkinu, og
sjálfs sambandsþings Bandaríkjanna. Vér ætlum að fá
presta, stjórnmálamenn og blaðamenn í lið með oss, strá
út flugritum og áskorunum og ferðast um landið þvert
og endilangt til að halda fyrirlestra og umræðufundi um
þetta mál.
Fundurinn var haldinn í Methodistakirkjunni, og var
hún troðfull báða dagana bæði af konum og körlum.
Þótt konur einar ættu í fyrstu að vera með, varð karl-
mönnum þegar í fundarbyrjum leyft með fundarsamþykt
að taka þátt í honum. Ýms mál voru þar á dagsskrá.
En aðalfundarefnið var þó yfirlýsingin; í henni fólust
öll sérmál kvenna. Undir hana rituðu 100 konur nöfn
sín. A þessum fundi var kvenréttindafélagið stofnað, hið
fyrsta í sinni röð í heiminum. Aðalmálin á þessum fundi
voru, auk yfirlýsingarinnar, kröfurnar um, að konur fengju
aðgang að öllum æðri mentastofnunum, embættum og
iðnaðargreinum sem karlmenn, með sömu launum og þeir
og jafnrétti í hjónabandinu: að konur ráði yfi sjálfum sérr