Skírnir - 01.12.1911, Síða 70

374
Lögmannsdæmi Eggerts Ólafssonar.
sem var búsettur í Kaupmannahöfn hafði 24. febr. 1767
lagt það til við konung, að Vigfús fengi embættið, en 9.
marz sama ár fékk hann bónarbréf frá Eggert um em-
bættið. Það er ekki óhugsandi, að einhver, t. a. m. Jón
bróðir hans, hafi sótt um embættið fyrir Eggert að hon-
um fornspurðum, eftir bendingu málsmegandi manna í
»lærdóms Societætinu«, eins og síra Björn segir; slíkt er
ekki óþekt, að sótt hafi verið um embætti fyrir menn að
þeim fjarverandi og fornspurðum, en hinsvegar er það
ólíklegt, að það hefði þá ekki verið gjört fyr. Það var
algengt þá, að skip gengu frá landinu seint á hausti og
urðu mjög síðfara, lentu í Noregi og lágu þar lengi; það
er því mjög líklegt, að umsókn Eggerts hafi eigi komið
fyr en þetta, fyrst í marz. Það mætti draga þá ályktun
af því, að embættið var enn óveitt 9. marz, þótt afgreiðsla
stiftamtmanns væri dagsett 24. febrúar, að veitingin hefði
verið dregin fyrir tilstilli þeirra »háu herra í societætinu,«
meðan þeir væru að undirbúa málið, en það sannar ekki
neitt, því menn flýttu sér ekki mjög í þá daga, enda leið
fullur mánuður frá því stiftamtmaður gjörði nýja tillögu
19. marz, þangað til embættið var veitt 24. apríl, og til
þess dráttar var engin orsök, hafi alt verið undirbúið áð-
ur. Loks virðist það taka af öll tvímæli, að Rantzau
segir, að Eggert eftir »eget Tilbud« ætli að semja lög-
fræðisritgerð í stað þess að taka lögfræðispróf. Líklegt
er, að umsóknin finnist í ríkisskjalasafni Dana, og væri
það þess vel vert, að það væri rannsakað hvort Eggert
hefir sjálfur sótt, eða annar’ fyrir hans itönd, því hann
var svo merkilegur maður, að . öll atriði er snerta líf
hans, ættu að upplýsast sem bezt.
Þegar greifi Rantzau hafði fengið umsókn Eggerts,
gerði hann aðra tillögu, sem hér fer á eftir, og rituð er í
Stiftamtsbréfabók 13. bindi bls. 177—178.
mannsembætti, og hafði sterk meðmæli þeirra Magnúsar amtmanns og
Ólafs Stephánssonar, enda var hann kvæntnr systur hans.