Eimreiðin - 01.01.1911, Blaðsíða 44
44
EldfjalL tekur að gjósa. »Blái-dauði« breiðist yfir landið.
Grasið verður eitrað, hesturinn fellur fyrst, því að honum er ekl<-
ert fóður ætlað. í*á er ómögulegt að ná að sér neinni björg
handa hinu, sem eftir lifir. Ef skipaferðir teppast þá líka, kemur
almennur fellir.
Árnar ryðja vikri til sjávar. Pað hrekur um hafið og fælir alt
lifandi frá ströndunum. Fiskarnir deyja af brennisteins-ösku, sem
sjórinn er fullur af. Einu skepnurnar, sem fást úr sjónum, eru
nokkrir grindhoraðir hákarlar, með hítirnar fullar af vikri.
Lífið á íslandi er svo háð atvikum og dutlungum blindra
náttúruafla, að ekkert má út af bera.
Sjá, hér er vitnin. Pau hrópa og hrópa mannsaldur eftir
mannsaldur, en menn heyra það ekki fyrir þjóðargorgeir og
pólitiskum belgingi. Pau hrópa svo, að allur heimurinn heyrir það,
nema íslendingar sjálfir.
Pau hrópa um varnir gegn þessum voða — ráð til að
standast hann, þegar hann ber að höndum; ráð til þess, að láta
ekki eina magra kú éta alt, þó að hún éti mikið.
Og vitið þið, að aldrei er Island fegra og frjósamara, en þegar
einni slíkri plágu er af létt. Pá rís það eins og fuglinn Fönix úr
sinni eigin ösku. Aldrei finna menn betur en þá, hvílík gæði það
á í móðurskauti sínu.
Samgöngubrautirnar inn í landið. Pað er fyrsta kraf-
an. Fær eru lífæðar þjóðlífsins, hvað sem hver segir. Ef þær
stíflast, er dauðinn vís. fær eiga að liggja um landið, hvað sem
sjónum líður.
Bygðina inn í landið! Pað kemur af sjálfu sér, þegar
hitt er komið. Pá eignast lífið og menningin sterkar borgir í
miðjum sveitunum, öflug, óvinnandi vígi, sem hungurdauðinn verð-
ur frá að hverfa. Pessi vígi leggja landið undir sig, lengra og
lengra út frá sér, græða það og bæta, utiz ekkert er eftir, nema
jöklarnir — til prýðis.
Pá fyrst verður Island unnið undan valdi dauðans og tortím-
ingarinnar — numið að nýju.
Pá er meinið falda, beygurinn og kvíðinn fyrir hungurdauð-
anum, sem liggur blýþungur fyrir brjósti þjóðarinnar, rætt upp
með rótum.
Pá kunnum við að geta nefnt sjálfstæði, án þess að líta
undan um leið.