Morgunblaðið - 23.01.2001, Blaðsíða 6

FRÉTTIR
6 ÞRIÐJUDAGUR 23. JANÚAR 2001 MORGUNBLAÐIÐ
ÁHUGAHÓPUR um tvöföldun
Reykjanesbrautar afhenti í gær
Sturlu Böðvarssyni samgönguráð-
herra undirskriftalista með nöfnum
um 9.200 manns sem lýst höfðu yfir
stuðningi við að tvöföldun Reykja-
nesbrautar yrði flýtt þannig að
framkvæmdum lyki árið 2004. Jafn-
framt afhenti hópurinn Sturlu og
Sólveigu Pétursdóttur dómsmála-
ráðherra bílabæn þar sem ökumenn
eru minntir á þá ábyrgð sem fylgir
akstri. Sólveig notaði tækifærið til
að bjóða hópnum á fund með sér á
miðvikudag. Þá fengu allir þing-
menn slíka bæn og hópurinn mun
afhenda ökumönnum um Reykja-
nesbraut bænina á næstu dögum í
samvinnu við lögregluyfirvöld.
Sturla fundaði með nokkrum
fulltrúum áhugahópsins í gær þar
sem m.a. var farið yfir niðurstöðu
borgarafundarins í Stapa 11. janúar
sl. Sturla sagði í samtali við Morg-
unblaðið að fundurinn hefði verið
gagnlegur. „Þeir ítrekuðu vilja sinn
til þess að framkvæmdum yrði
hraðað. Ég lýsti því sem ég hef lýst
áður að þegar tilboð hafa borist í 1.
áfanga, frá Kúagerði til Hafnar-
fjarðar munum við taka ákvörðun
um framhaldið við endurskoðun á
vegaáætlun sem fer fram á næsta
ári,“ sagði Sturla. Hann vonast til
þess að hægt verði að bjóða 1.
áfanga út snemma á næsta ári.
Yrðu tilboð lág myndi það án efa
auðvelda verkið, jafnvel svo að
hægt yrði að ljúka tvöföldun braut-
arinnar á skemmri tíma en nú er
gert ráð fyrir.
Undirskriftarsöfnunin fór fram á
Netinu. Í stað þess að prenta út
nafnalistana var Sturlu afhent blað
þar sem fram kom slóðin að heima-
síðu þar sem hægt er að skrifa und-
ir. Steinþór Jónsson, talsmaður
hópsins, segist afar ánægður með
hvernig til tókst. Hann segir þá að-
ferð að safna undirskriftum á Net-
inu vera enn öruggari en hefð-
bundnari aðferðir. Það væri t.d.
auðveldara að ganga úr skugga um
að hvert nafn væri aðeins ritað einu
sinni á listann.
Listann má nálgast á heimasíðu
Víkurfrétta, www.vf.is.
Undirskriftarlistar um tvöföldun Reykjanesbrautar afhentir
Rúmlega 9000 manns
hafa skrifað undir
Morgunblaðið/Jim Smart
Steinþór Jónsson, forsvarsmaður áhugahópsins, afhenti Sólveigu Pétursdóttur dómsmálaráðherra og
Sturlu Böðvarssyni samgönguráðherra bílabæn sem minnir á ábyrgð ökumanna.
RÚSSNESKA rétttrúnaðarkirkjan
hefur nú til athugunar að stofna
söfnuð á Íslandi. Séra Longin, sem
er erkibiskup kirkjunnar og starfar
í Þýskalandi, er staddur hérlendis
um þessar mundir til að undirbúa
málið. Hefur hann þegar fengið
undirskriftir 100 Rússa, sem er for-
senda þess að kirkjan hefji raun-
verulegan undirbúning.
Séra Longin söng messu í
Friðrikskapellu á sunnudaginn og í
gær átti hann viðræður við biskup
Íslands. Þá ræðir hann einnig við
ráðherra í Íslandsheimsókn sinni,
m.a. Sólveigu Pétursdóttur kirkju-
málaráðherra. Synóða eða biskupa-
stefna rússnesku kirkjunnar sam-
þykkti á liðnu ári að hefja mætti
könnun þess að stofna söfnuð hér-
lendis en nokkur hundruð Rússar
eru hér búsettir. Erkibiskupinn
kom til Íslands á liðnu sumri, m.a. í
tilefni kristnihátíðar, og ræddi hann
þá við Karl Sigurbjörnsson biskup
og fleiri vegna málsins.
Jón Ólafsson og rússnesk kona
hans, Ksenia, hafa verið erkibisk-
upnum innan handar við heimsókn
hans. Jón Ólafsson tjáði Morgun-
blaðinu að við guðsþjónustuna í
Friðrikskapellu hefðu verið afhent-
ar undirskriftir rúmlega 100 Rússa
til stuðnings þess að söfnuður yrði
stofnaður hérlendis. Í framhaldinu
er síðan stefnt að því að prestur
kæmi til landsins. Jón sagði hins
vegar ekki ljóst á þessari stundu
með hvaða hætti fjárhags-
grundvöllur starfsins yrði tryggður.
Erkibiskup rússnesku rétttrúnaðarkirkjunnar í heimsókn á Íslandi
Morgunblaðið/Árni Sæberg
Vel fór á með séra Longin, erkibiskup frá Rússlandi, og Karli Sigurbjörnssyni biskupi í Kirkjuhúsinu í gær.
Stofnun
rússnesks
safnaðar
undirbúin
AÐ MATI fjármálaráðuneytisins er
árlegur kostnaður ríkissjóðs við
gerð nýs kjarasamnings við fram-
haldsskólakennara rúmlega 800
milljónir þegar samningurinn verð-
ur að fullu kominn til framkvæmda
árið 2004. Ráðuneytið telur að heild-
arlaun kennara hækki með samn-
ingnum um 20,28%. Hækkun dag-
vinnulauna á samningstímanum
nemi hins vegar 48,94%. Hækkun
dagvinnulauna strax við upphaf
samningsins sé aftur á móti 38,32%.
Fjármálaráðuneytið telur að
kostnaður við upptöku nýs launa-
kerfis um nýliðin áramót sé um
9,8%. Á móti falli niður sjálfvirkar
hækkanir í eldra kerfinu byggðar á
starfsaldri o.fl. Kostnaðarauki
vegna þessara kerfisbreytinga sé
því áætlaður 4,8%.
Tilfærslur
nema 26,62%
Fjármálaráðuneytið segir að
nokkrir kostnaðarsamir þættir úr
eldri kjarasamningi, sem leitt hafa
til yfirvinnu, séu felldir inn í nýja
samninginn. Þetta leiði ekki til
breytinga á heildarlaunum. Ráðu-
neytið metur þessar tilfærslur á
26,62%, en inni í þeirri tölu er 6,12%
hækkun vegna nýrrar aðalnámskrár
í framhaldsskólum.
Í yfirliti frá fjármálaráðuneytinu
kemur fram að 1. ágúst nk. verður
kennurum gefinn kostur á að gefa
eftir kennsluafslátt fyrir launa-
hækkanir. Óvíst er hvað margir
kennarar nýti sér þennan möguleika
en 60% kennara njóta kennsluaf-
sláttar í dag. Velji allir þessa leið
verða áhrifin um 4,6% hækkun dag-
vinnulauna og ámóta lækkun yfir-
vinnu. Ekki er því gert ráð fyrir að
þessi breyting leiði til kostnaðar-
hækkana.
Upphafshækkun 11,7%
Í yfirliti fjármálaráðuneytisins
kemur fram að laun kennara hækka
í upphafi um 11,7% að meðaltali. Er
þá reiknað með að enginn kostn-
aðarauki felist í tilfærslum milli
vinnuþátta, en þær nema 26,62%
eins og áður sagði.
„Í fjárlögum yfirstandandi árs er
launakostnaður í framhaldsskólum
áætlaður rúmir fjórir milljarðar
króna. Má því gera ráð fyrir að
kostnaðarauki vegna hins nýja
kjarasamnings, þegar allir þættir
hans verða komnir til framkvæmda,
muni nema rúmlega 800 milljónum
króna á ári,“ segir í yfirliti fjár-
málaráðuneytisins.
Fjármálaráðuneytið metur kostnað við samning framhaldsskólakennara
Heildarlaun kennara
hækka um 20,3%
ÞINGVALLANEFND hefur auglýst
eftir umsóknum um stöðu fræðslufull-
trúa í fullt starf. Sigurður Oddsson,
framkvæmdastjóri Þingvallanefndar,
segir að hér sé um nýja stöðu að ræða
og hlutverk fræðslufulltrúans verði
móttaka skólahópa og annarra gesta.
Jafnframt sinnir hann ýmsum
fræðslumálum og útgáfu á vegum
Þingvallanefndar.
Í vor, hugsanlega strax í apríl,
verður hafist handa við byggingu
Fræðslumiðstöðvar við Hakið.
Fræðslufulltrúinn á að útbúa það efni
sem þar verður á boðstólum. Þar
verður náttúrufar og saga þjóðgarðs-
ins kynnt. Þessu starfi hefur fram-
kvæmdastjóri Þingvallanefndar og
staðarhaldari sinnt áður. Eins stend-
ur til að setja upp heimasíðu með
ýmsu fræðsluefni um þjóðgarðinn.
Sigurður segir að mikil aukning
hafi orðið í heimsóknum skólabarna.
Einnig verður þörfum erlendra gesta
sinnt af fræðslufulltrúanum.
Starf
fræðslufull-
trúa auglýst
Þingvallanefnd
ÓVENJU mikið var um hraðakstur í
umdæmi lögreglunnar á Húsavík um
helgina. Á einum sólarhring mæld-
ust 12 ökumenn aka bifreiðum sínum
of hratt. Sá sem hraðast fór ók um
Aðaldal á 135 km/klst.
Lögreglan á Húsavík segir
óvenjulegt að ökumenn aki svo hratt
að vetri til en færð hafi reyndar verið
með eindæmum góð.
Lögreglan lagði einnig hald á 8 g
af hassi um helgina.
Hraðakstur í
góðri færð
♦ ♦ ♦