Morgunblaðið - 23.01.2001, Blaðsíða 34

Slæðingur
á hafs-
botni
DYKKERNE Leikstjóri Åke Sandgren. Hand-
ritshöfundur Bent E. Rasmussen,
Anders Thomas Jensen. Tón-
skáld Randall Meyers. Kvik-
myndatökustjóri Dan Laustsen.
Aðalleikendur Robert Hansen,
Ralf Hollander, Laura Aagaard,
Otto Brandenburg, Jytte Abild-
ström. Sýningartími 90 mín.
Dönsk. Árgerð 2000.
Sæbjörn Valdimarsson
SÖGUHETJURNAR eru tveir
ungir bræður, Christian (Robert
Hansen) og Ask (Ralf Hollander).
Þeir eru komnir í heimsókn til afa
síns (Otto Brandenburg), sem býr
í sjávarplássi á eynni Sejerø, en
aðaláhugamál bræðranna er köf-
un. Þeir hugsa sér gott til glóð-
arinnar og ekki minnkar áhuginn
er þeir komast að því að dularfull-
ir náungar eru á sömu slóðum í
leit að flaki þýsks kafbáts sem var
sökkt þarna í grenndinni undir
lok seinni heimsstyrjaldarinnar.
Bræðurnir finna flakið, en það
er ekki hlaðið gulli, heldur öðrum,
ógæfulegri farmi, sem þeir verða
lítið hrifnir af að kynnast, og
kosta Ask næstum líftóruna.
Það má ætla að framleiðandi
Nattevagten, sem einnig stendur
að baki Dykkerne, hafi hugsað sér
að feta í fótspor spennumynda-
gerðarmanna Hollywood, en það
mistekst hrapallega. Dykkerne
minnir meira á ævintýri Enid
Blyton, með smáþjófnaði frá
Stephen King. Myndin fer vel af
stað sem fjölskylduskemmtun, en
lendir um miðbikið í yfirnáttúr-
legum hremmingum sem höfund-
arnir ráða engan veginn við og
fara með efnið veg allrar veraldar
fyrir bragðið. Fuglalífið á Tjörn-
inni er æsilegra. Hinsvegar er
tæknivinnan, einkum neðansjáv-
artökurnar, nokkuð góðar.
EINHVERJAR vinsælustu gam-
anmyndir Dana voru myndirnar um
Olsen-gengið en hætt var að fram-
leiða þær upp úr 1980. Þær voru sér-
lega geðþekkar og alvörulausar
grínmyndir um stórsnilling á sviði
þjófnaða og bjána tvo sem voru hon-
um til aðstoðar og sögðu frá djörfum
ránstilraunum þar sem hlutirnir
fóru mjög úrskeiðis. Oft voru þær
hugvitsamlega gerðar og húmorinn
var danskari en smurt brauð.
Lengi hafði verið rætt um það að
gera enn eina Olsen-mynd og var
loks ráðist í það fyrir um þremur ár-
um og er afraksturinn hér á danskri
kvikmyndahátíð eins og vera ber.
Olsen-gengið hefur auðvitað elst
talsvert, en myndin segir frá því
þegar snillingurinn Egon (Ove
Sprogöe) sleppur af geðveikrahæli.
Gömlu félagarnir hans, Keld (Poul
Bundgaard) og Benny (Morten
Grunwald), koma sér í samband við
hann og brátt hafa þeir nóg að iðja.
Það furðulega er kannski að enn
má hafa talsvert gaman af uppá-
tækjum Olsen-gengisins þótt langt
sé um liðið frá því þeir voru upp á
sitt besta og margt hafi breyst í tím-
ans rás. Þeir hafa lítið sem ekkert
breyst. Gamansemin er ýkt sem fyrr
en skemmtileg og fyndin á sinn
bráðeinfalda hátt. Sérstaklega eru
hlægilegir embættismenn krúnunn-
ar klæddir lafafrökkum og með
kúluhatta, sem varðveita ægilegustu
leyndarmál veraldarsögunnar, og
hugvitsemin á bak við rán Egons
eru ekkert síðri en finna má í „Miss-
ion: Impossible“.
Allir eru þeir í Olsen-genginu enn
í fínu formi þrátt fyrir nokkurn ald-
ur og halda mjög sínum séreinkenn-
um. Þannig er Ove Sprogöe í hlut-
verki foringjans skapstyggur sem
fyrr, Morten Grunwald er eins og
skopparakringla í kringum hann og
Poul Bundgaard vælukjói.
Þeim sem vilja endurnýja kynni
sín af Olsen-genginu er óhætt að
fara á myndina. Hún er skemmtileg.
Olsen-gengið
enn á ný
SÍÐASTA RÁN
OLSEN-GENGISINS

1 ⁄2
Olsen bandens sidste stik. Leik-
stjórn: Lasse Hesselholdt. Aðal-
hlutverk: Fanny Bernth og Stefan
Jurgens. Danmörk 1999.
Arnaldur Indriðason
„Allir eru þeir í Olsen-genginu enn í fínu formi þrátt fyrir nokkurn
aldur og halda mjög sínum séreinkennum,“ segir í dómnum.
BARNA- og fjölskyldumyndin
Fálkahjarta segir frá ungri stúlku
sem á sér aðeins eitt áhugamál en
það eru fálkar. Í nágrenni hennar
er fallegur fálki úti í skógi og hún
fylgist með honum þegar hann fell-
ur úr tré sínu og kemur honum til
hjálpar en örlögin haga því svo til
að þau lenda saman suður á Ítalíu
þar sem enn frekari ævintýri ger-
ast.
Hér er um óvenjulega mynd að
ræða, fallega í sínum einfaldleika
og með náttúruvænan boðskap.
Eins og fálkinn er í útrýming-
arhættu er stelpan barnategund
sem varla þekkist lengur. Hún hef-
ur áhuga á náttúrunni í kringum
sig, dýralífinu og hefur sérstaka
ást á fálkum. Hún er einmana og
vinafá, foreldrarnir sinna henni
ekki neitt og það vekur enga at-
Saga af fálka
FÁLKAHJARTA

1 ⁄2
Falkehjerte. Leikstjórn:
Morten Arnfred. Aðalhlutverk:
Ove Sprogöe, Morten Grunvald
og Poul Bundgaard. Ráðgjafi:
Eric Balling. Danmörk 1998.
Arnaldur Indriðason
hygli þegar hún hverfur í marga
daga.
Varla er nokkurt tal í myndinni
að heitið getur, mest þá ítalskt, en
höfundurinn, Lasse Hesselholdt,
reiðir sig á myndræna frásögn nær
eingöngu og það gengur mæta vel
upp. Það er ósvikinn ævintýrablær
yfir ferð stúlkunnar suður á bóginn
og atburðunum sem þar verða og
má segja að hér sé á ferðinni fjöl-
skylduvæn skemmtun frá frænd-
um vorum Dönum.
Danskir bíódagar í Regnboganum 20. til 28. janúar
LISTIR
34 ÞRIÐJUDAGUR 23. JANÚAR 2001 MORGUNBLAÐIÐ
Gullsmiðir
BORGARBÓKASAFN Reykjavíkur
tekur nýjan bókabíl í notkun í dag
kl. 15. Forráðamenn Heklu afhenda
borgarstjóranum, Ingibjörgu Sól-
rúnu Gísladóttur, bílinn við Borg-
arleikhúsið. Bíllinn verður til sýnis
þar frá kl. 15–18 og verður hægt að
taka safnefni að láni í honum.
Bústaðasafn, sem er heimasafn
bókabílanna, flytur í Kringluna síð-
ar á þessu ári og verður framtíð-
arhúsnæði bókasafnsins til sýnis á
sama tíma. Kl. 18 leggur bíllinn svo
upp í sína fyrstu ferð og er fyrsti
viðkomustaðurinn við Skalla í Ár-
bæjarhverfi. Þar verður bíllinn frá
kl. 18.30–20.30.
Bókabíllinn, sem er mynd-
skreyttur af Gunnari Karlssyni
myndlistarmanni, hefur hlotið
nafnið Höfðingi, sama nafn og for-
veri hans sem þjónað hefur borg-
arbúum í yfir 40 ár en lætur nú af
störfum fyrir aldurs sakir.
Höfðingi hinn nýi er af tegund-
inni Scania og kemur hann hingað
með öllum búnaði frá Kiitokori-
verksmiðjunni í Finnlandi.
Hinn nýi Höfðingi verður til sýnis við Borgarleikhúsið.
Nýr Höfðingi
tekinn í notkun
FJÖGUR námskeið á menningar-
sviði eru að hefjast hjá Endurmennt-
unarstofnun HÍ og hefst það fyrsta
5. febrúar. Þá mun Haraldur Ólafs-
son mannfræðingur kenna á nám-
skeiði sem hefur yfirskriftina Trú og
töfrar – guðir og goðsagnir. Fjallað
verður um trúarbrögðin frá sjónar-
hóli mannfræðinnar.
6. febrúar verður haldið námskeið
í samstarfi við Þjóðminjasafn Ís-
lands um Sögu íslenskrar ljósmynd-
unar. Brugðið verður upp ljósmynd-
um sem teknar voru á 19. og 20. öld
og fjallað um merkustu ljósmyndara
okkar. Kennarar eru Inga Lára
Baldvinsdóttir og Ívar Brynjólfsson.
15. febrúar hefjast svo námskeið
um Granna í vestri – um sagnaheim
og menningu Grænlendinga sem
haldið er í samstarfi við grænlensk/
íslenska félagið Kalak.
Þar verður fjallað um sögu búsetu
á Grænlandi, sagnaheim og list
Inúíta, verkmenningu þeirra og lífs-
hætti. Þá verður Grænlandi lýst í
máli og myndum og sérstaklega
fjallað um norrænar byggðir.
Á námskeiðinu Forníslenska sem
Haraldur Bernharðsson, málfræð-
ingur frá Harvard-háskóla, kennir
er fjallað um ætt og uppruna íslensk-
unnar og skyldar tungur og skýrt frá
því hvernig íslenska tengist öðrum
málum t.d. tokkarísku og sanskrít.
Þá verður rýnt í fornar rúnaáletranir
og farið í helstu hljóðbreytingar í
málinu á frumnorrænum tíma og
breytingar sem orðið hafa í beyging-
arkerfi.
Námskeiðið hefst 15. febrúar
næstkomandi.
Námskeiðin eru öllum opin og er
ekki krafist sérstakrar kunnáttu eða
undirbúnings.
Námskeið á menningar-
sviði haldin hjá EHÍ
„MEIRIHLUTINN hefur aldrei
rétt fyrir sér fyrr en hann breytir
rétt,“ segir dr. Stokkmann í leikrit-
inu Fjandmanni fólksins eftir Ibsen
sem frumsýnt verður 2. febrúar í
Borgarleikhúsinu. Þessi orð eru yf-
irskrift umræðufundar sem Borgar-
leikhúsið efnir til annað kvöld, mið-
vikudagskvöld, kl. 20, í anddyri
Borgarleikhússins í tilefni frumsýn-
ingarinnar. Ingvar E. Sigurðsson og
Halldóra Geirharðsdóttir fara með
hlutverk Stokkmannhjónanna.
Á fundinum verður fjallað um lýð-
ræði, vald fjölmiðla og skoðana-
myndun í samfélaginu en þó fyrst og
fremst þá spurningu hvort meiri-
hlutanum beri að hlusta á og virða
skoðanir minnihlutans í lýðræðisríki.
Framsögumenn eru Herdís Þor-
geirsdóttir, sem fjallar um tengsl
fjölmiðla og valds, Magnús Þór Þor-
bergsson leikhúsfræðingur, sem
gerir grein fyrir erindi Ibsens við
samtímann og Egill Helgason sem
jafnframt stjórnar umræðum. Meðal
þátttakenda í umræðunum er Garð-
ar Sverrisson formaður Öryrkja-
bandalags Íslands og stjórnmála-
menn.
Leikarar Borgarleikhússins flytja
valin atriði úr Fjandmanni fólksins.
Rætt um lýðræði í
Borgarleikhúsinu
BREYTING hefur orðið í hlutverka-
skipan í sýningu Möguleikhússins á
leikritinu Lóma
eftir Guðrúnu Ás-
mundsdóttur.
Ingibjörg Stef-
ánsdóttir hefur
tekið við hlut-
verkum Ínu Rós-
ar og Gráluðu af
Hrefnu Hall-
grímsdóttur.
Þetta er fyrsta
hlutverk Ingi-
bjargar hjá
Möguleikhúsinu. Hún útskrifaðist
frá Neighborhood Playhouse School
of the Theatre í New York. Hún hef-
ur m.a. leikið í kvikmyndunum Vegg-
fóður og Vikingsagas og einnig í
Klukkustrengjum hjá Leikfélagi Ak-
ureyrar og Panodil fyrir tvo hjá
Leikfélagi Íslands.
Leikstjóri Lómu er Pétur Eggerz,
Aðrir leikarar í sýningunni eru Aino
Freyja Järvelä og Bjarni Ingvars-
son.
Leikaraskipti
í Lómu
Ingbjörg
Stefánsdóttir
FÉLAGIÐ Vinir Indlands
stendur fyrir dagskrá til
styrktar menntunar barna á
Indlandi á fimmtudag kl. 20 í
Kaffileikhúsinu í Hlaðvarpan-
um. Á dagskránni verða m.a.
sögur frá Indlandi, tónlist,
söngur og upplestur. Fram
koma Árni Ísleifsson píanóleik-
ari, Edda Heiðrún Backman
leikkona, Guðný Guðmunds-
dóttir fiðluleikari, Gunnar
Kvaran sellóleikari, Kjartan
Jónsson Indíafari, Melkorka
Freysteinsdóttir söngkona,
Selma Guðmundsdóttir píanó-
leikari, Signý Sæmundsdóttir
söngkona, Sigrún Þorsteins-
dóttir Indíafari og Þóra Fríða
Sæmundsdóttir píanóleikari.
Kynnir er Sólveig Sörensen.
Vinir Ind-
lands í
Kaffileik-
húsinu