Morgunblaðið - 23.01.2001, Blaðsíða 64

64 ÞRIÐJUDAGUR 23. JANÚAR 2001 MORGUNBLAÐIÐ
ALEXEI Shirov er eins og flestir
vita upprunalega frá Lettlandi.
Hann er af rússnesku bergi brot-
inn, en eftir að Lettland fékk sjálf-
stæði varð staða rússneska minni-
hlutans veikari og til að mynda átti
öllum þegnum þjóðarinnar að vera
skylt að kunna að mæla á lettneskri
tungu. Þessu vildi Shirov ekki una
og flutti búferlum til Spánar og hef-
ur síðan 1996 teflt fyrir sitt nýja
heimaland.
Þrátt fyrir að skari af heims-
meisturum og fyrrverandi heims-
meisturum sé á Corus-skákmótinu í
Wijk aan Zee hefur Spánverjinn
látið sér fátt um finnast og er efstur
á mótinu eftir sjö umferðir með 5½
vinning. Á hæla hans koma síðan
Garríj Kasparov og Vladimir
Kramník með 5 v. Í humátt á eftir
þeim kemur Alexander Morozevich
með 4½ v. Eins og endranær hefur
Shirov teflt margar skemmtilegar
skákir þar sem allt virðist leika á
reiðiskjálfi. Að þessu sinni hafa
flækjurnar reynst honum hagstæð-
ar og spennandi verður að fylgjast
með því hvort honum tekst að halda
forskotinu en það verður við ramm-
an reip að draga þar sem hann á
töluvert sterkari andstæðinga eftir
en flestir keppinautar hans. Besta
skákin hans til þessa í mótinu var
gegn Hollendingnum Jeroen Piket.
Hvítt: Alexei Shirov
Svart: Jeroen Piket
1. e4 e5 2. Rf3 Rf6. Rússneski
leikurinn hefur átt miklum vinsæld-
um að fagna á undanförnum árum
líkt og Berlínarafbrigði spænska
leiksins, en heimsmeistarinn Vlad-
imir Kramnik hefur hafið báðar
þessar byrjanir til vegs og virðing-
ar. 3. Rxe5 d6 4. Rf3 Rxe4 5. d4 d5
6. Bd3 Bd6 7. O-O O-O 8. c4 c6 9.
He1 Bf5 10. Dc2 Bg6 11. c5 Bc7 12.
Rc3 Rf6?! Þetta virðist vera nýjung
í stöðunni, en getur ekki talist skyn-
samleg þar sem hvítur fær töluvert
meira rými til athafna. 12...f5 hefði
verið eðlilegra. 13. Bg5 Rbd7
14. Re5! Hvítur nær undirtökun-
um á miðborðinu með þessu.
14...Bxd3 15. Dxd3 Dc8 16. f4! Ba5
17. Dg3 Kh8 18. Dh4 Bxc3 19. bxc3
Re4 20. He3 Rxg5 21. Dxg5 h6 22.
Dh5 Rf6. Svartur virðist hafa varið
stöðu sína af mikilli útsjónarsemi
og ætlar í næsta leik að koma
drottningu sinni á virkan reit. Það
byggist á því að 23. Rxf7 gangi ekki
upp eftir 23...Kh7 og svartur vinnur
mann. Hvað á hvítur þá til bragðs
að taka?
23. Rxf7+! Hárrétt ákvörðun sem
byggð er á nákvæmum útreikning-
um. Aðrir leikir hefðu glatað frum-
kvæði hvíts. 23...Kh7 Slæmt væri
að leika 23... Kg8 sökum 24. Rxh6+
gxh6 25. Dg6+ Kh8 26. Dxh6+ Rh7
27. He7 og hvítur mátar. 24. Rg5+
Kg8 25. Dg6! Á þessu byggðist
mannsfórn hvíts. Svörtu mennirnir
verða sem lamaðir eftir að hrókur-
inn hvíti kemst á sjöundu reitaröð-
ina. 25...hxg5 26. He7! Re8 27.
Hae1! Dg4 Svartur reynir að koma
drottningunni í vörnina, en hann
yrði annars óverjandi mát eftir t.d.
27... gxf4 28. Hxg7+ Rxg7 29. He7.
28. fxg5 28. Hxg7+ gekk ekki upp
sökum 28...Rxg7 29. He7 Dd1+ 30.
Kf2 Hxf4+ og það er svartur sem
mátar.
28...Dh4 29. g3 Dh3 30. Hxb7
Df5 31. De6+! Dxe6 32. Hxe6 Hf7
33. Hxf7 Kxf7 34. Hxc6 Hb8 Þrátt
fyrir að svörtum hafi tekist að kom-
ast í endatafl er staða hans ákaflega
gleðisnauð, enda hefur hvítur fjög-
ur peð upp í riddarann ásamt því að
hafa virkari stöðu. Í framhaldinu
sýnir og sannar Shirov yfirburða-
tækni sína.
35. Ha6! Hb7 36. h4 Rc7 37. Hd6
Rb5 38.g6+ Ke7 39. Hxd5 Rxc3 40.
He5+ Kf6 41. c6 Hb1+ 42. Kg2
Hb2+ 43. Kf3 og svartur gafst upp
enda getur fátt stöðvað frípeð hvíts.
Hart barist á Skákþingi
Reykjavíkur
Að loknum sjö umferðum á Skák-
þingi Reykjavíkur er Björn Þor-
finnsson efstur með 6½ vinning af 7
mögulegum. Næstur kemur Bene-
dikt Jónasson með 5½ vinning, en
hann er sá eini sem hefur tekist að
komast hjá því að bera lægri hlut
fyrir Birni. Skák þeirra var nokkuð
söguleg. Björn var að reyna að
knýja fram sigur í endatafli þar sem
liðsafli var jafn og einungis hrókur,
biskup og tvö peð hjá hvorum.
Hann lék þá af sér biskupnum og
upp kom staða þar sem Benedikt
hafði hrók, biskup og peð gegn
hróki Björns. Báðir voru í tíma-
hraki og tókst Birni að véla peðið af
Benedikti en skömmu áður hafði
biskupinn getað hirt hrók andstæð-
ingsins, er hann lék honum beint í
dauðann. Eftir þennan darraðar-
dans kom upp staða með hrók og
biskup gegn hrók. Sú staða er yf-
irleitt jafntefli, en fljótlega fékk
Benedikt fræðilega unnið tafl sem
honum þó tókst ekki að vinna úr.
Niðurstaðan varð að lokum jafntefli
í ævintýralegri skák!
Stefán Kristjánsson hefur átt
góða spretti á mótinu og verður
hann að teljast líklegur til að veita
efstu mönnum harða keppni ásamt
alþjóðlegu meisturunum Jóni Vikt-
ori Gunnarssyni og Sævari Bjarna-
syni, en þeir eru að ná sér á strik
eftir slæma byrjun. Aðrir keppend-
ur munu láta þessa fimm hafa mikið
fyrir því að halda sér á toppnum og
er það næsta víst að allt getur
gerst. Í fjórðu umferð mættust
tveir af efnilegustu skákmönnum
þjóðarinnar í eftirlætisafbrigði ann-
ars þeirra í Sikileyjarvörn.
Hvítt: Stefán Kristjánsson
Svart: Sigurður Páll Steindórs-
son
1. e4 c5 2. Rf3 d6 3. d4 cxd4 4.
Rxd4 Rf6 5. Rc3 a6 6. f3 Á þessum
leik hefur Stefán mikið dálæti, en
hann miðar að því að undirbúa hið
fyrsta g2-g4 framrásina og í fram-
haldinu að langhrókera á kóngs-
væng. 6...e6 Fyrir utan þetta er
6...e5 traustur og vinsæll leikur. Í
framhaldi textaleiksins hefst mikið
vopnakapphlaup á báðum vængjum
borðsins. 7. Be3 b5 8.g4 h6 9. Dd2
Rbd7 10. O-O-O Bb7 11. h4 b4 12.
Ra4 Da5 13. b3 Rc5 Svartur virðist
setja hvítan í vanda með þessum
leik en fræðin og reynslan hafa sýnt
að hvítur á auðvelt með svara hon-
um.
14.a3! Nýtir sér leppunina til að
losa riddarann á a4 út úr prísund-
inni. 14...Rxa4 15.axb4 Dc7 16.
bxa4 d5 17. e5 Rd7 Ekki mátti
svartur þiggja peðið með 17...Dxe5
þar sem eftir 18. Bf4 á drottningin
ekki sér undankomu auðið.18. f4
Rb6 19. f5 Rxa4 20. fxe6 Rc3 21.
exf7+ Kxf7 22. Bd3 Bxb4. Óskyn-
samlegt væri að þiggja skiptamun-
inn þar sem eftir t.d. 22...Rxd1 23.
Hxd1 Dxe5 24.Bf4 hefur hvítur af-
bragðs sóknarfæri. 23. Hdf1+ Kg8
24. Df2. Þótt ótrúlegt megi virðast
hafa skákmennirnir ungu verið að
fylgja þekktri teóríu fram til þessa
leiks. Þegar svo er veltur á öllu að
skilja þær flækjur sem upp koma
eftir að teóríu-þekkingunni lýkur.
24...Re4? Þetta eru mistök sem
kosta svartan skákina. FIDE-
heimsmeistarinn Viswanathan An-
and hefur teflt tvær skákir þar sem
þessi staða kom upp en stýrt hvor
sínum hernum! Í báðum skákunum
varð framhaldið eftirfarandi:
24...Ba3+ 25. Kd2 Re4+! 26. Bxe4
dxe4 27. Df5 (Í sýningareinvígi
þeirra Anands og Shirov í Sydney á
síðasta ári lék Spánverjinn 27. g5
og eftir 27...Bd5 28. gxh6 Bb2 29.
Hb1 Bc3+ varð niðurstaðan jafn-
tefli nokkru síðar) 27.. Bb4+ 28.
Kd1 Dc4 29. Re6 Dd5+ 30. Ke2
Dc4+ og keppendur þráléku í skák-
inni Anand – Gelfand, Heimsbikar-
mót FIDE 2000. 25. Df5! He8
Nauðsynlegur leikur þar sem eftir
t.d. 25.. Ba3+ 26. Kd1 He8 27. e6
Dg3 28. Df7+ Kh7 29. Hf3 Db8 30.
Hf6! verður svartur mát í næsta
leik. 26. e6 Da5 27. Df7+ Kh7 28.
Rb3! Svartur hótaði að máta með
28... Da1. 28..Da3+ 29. Kd1 He7
Hvítur stendur frammi fyrir því að
taka erfiða ákvörðun þar sem óljóst
er hvernig halda eigi áfram sókn-
inni og í sömu svipan að verjast
gagnsókn andstæðingsins.
30. Bxe4+! Þótt þessi leikur virð-
ist órökréttur fjarlægir hann
hættulegasta mann svarts og
þvingar fram vinningsstöðu.
30...dxe4 31. Df5+ Kg8? Meira við-
nám hefði verið fólgið í 31. g6 og at-
hyglisvert hefði verið að sjá hvernig
hvítur hefði leyst úr þeirri stöðu.
32. Df4 væri nærtækur leikur en
eftir 32...Hd8 33. Ke2 Kg8 er ekki
ljóst hvort hvítur standi til vinn-
ings. Önnur hugmynd er að fórna
drottningunni og virðist sem hvítur
standi vel að vígi eftir 32. Df7+
Hxf7 33. Hxf7+ Kg8 34. Hxb7 Bd6
35. Hd7 32. g5! og svartur gafst upp
enda stutt í það að hann verði mát-
aður.
Röð efstu manna á Skákþingi
Reykjavíkur er þessi þegar fjórar
umferðir eru til loka mótsins:
1. Björn Þorfinnsson 6½ v. 2.
Benedikt Jónasson 5½ v. 3. Sævar
Bjarnason 5 v. + fr. 4.–10. Sigurður
P. Steindórsson, Davíð Kjart-
ansson, Sigurbjörn Björnsson, Jón
Viktor Gunnarsson, Helgi E.
Jónatansson, Róbert Harðarson og
Arnar E. Gunnarsson 5 v.11. Stefán
Kristjánsson 4½ v. + fr. o.s.frv.
Næsta umferð verður tefld á mið-
vikudaginn og hefst klukkan 19.30.
Teflt er í húsnæði Taflfélags
Reykjavíkur, Faxafeni 12.
Spánverjinn öflugi
efstur í Wijk aan Zee
SKÁK
W i j k a a n Z e e
CORUS-SKÁKMÓTIÐ
13.–28.1 2001
AP
Daði Örn Jónsson
Helgi Áss Grétarsson
Alexei Shirov við upphaf annarrar skákarinnar í Teheran á fimmtudag.
Bæjarlind 6, sími 554 6300
www.mira.is
ÞAÐ ÞEKKJA
ALLIR
ÚTSÖLURNAR
Í
Opið virka daga kl. 10-18, laugardaga kl. 10-16,
sunnudaga kl. 13-16
www.mbl.is