Morgunblaðið - 23.03.2001, Blaðsíða 18

AKUREYRI
18 FÖSTUDAGUR 23. MARS 2001 MORGUNBLAÐIÐ
TVEIR liðsmenn Slökkviliðs Ak-
ureyrar, þeir Gunnlaugur Búi
Sveinsson og Tryggvi Gestsson,
voru kvaddir með virktum í hófi á
slökkvistöðinni nýlega, en þeir
hafa báðir látið af störfum fyrir
nokkru eftir áratuga langa þjón-
ustu. Þá kvöddu slökkviliðsmenn
einnig Birgi Finnsson aðstoð-
arslökkviliðsstjóra sem lét af
störfum fyrir nokkru en hann hef-
ur tekið við nýju starfi hjá
slökkviliði höfuðborgarsvæðisins.
Tryggvi starfaði fyrst sem bíl-
stjóri á Akureyri en gekk til liðs
við Slökkvilið Akureyrar á sjötta
áratugnum, en hann starfaði sam-
fleytt í liðinu í 34 ár. Gunnlaugur
Búi hefur verið viðriðinn slökkvi-
liðið frá unga aldri en Sveinn
Tómasson faðir hans var slökkvi-
liðsstjóri í áratugi og fylgdi strák-
urinn föður sínum í útköll allt frá
18 ára aldri. Hann lærði síðan vél-
virkjun og vann í smiðju, m.a. hjá
Atla en var jafnframt í varaliði
slökkviliðsins. Alls var hann í 14
ár í smiðjunni en gekk þá til liðs
við Slökkvilið Akureyrar sem fast-
ur starfsmaður. Þeir Gunnlaugur
Búi og Tryggvi voru lengi á sömu
vaktinni, en báðir gegndu síðari
hluta ferils síns stöðu varðstjóra.
Gefjunarbruninn
minnisstæður
Eins og nærri má geta hafa þeir
félagar marga hildina háð í bar-
áttu við eldsvoða á Akureyri og í
nágrannabyggðum og segja þeir
margs að minnst frá þeim tíma.
Langstærsti eldsvoðinn var þegar
verksmiðjuhús Gefjunar brunnu í
byrjun árs 1969 en húsin þar
gjöreyðilögðust í kjölfar hans.
Eldurinn kom upp að kvöldlagi og
stóð barátta slökkviliðsmannanna
alla nóttina og fram á næsta dag
en síðan blossaði eldur aftur upp
næsta kvöld. Strekkingsvindur var
og 13 stiga frost, þannig að vatnið
átti það til að frjósa í slöngunum.
„Ég var heima við og fann allt í
einu brunalykt og sé svo reykinn,
þannig að ég hljóp strax niður á
stöð og tók SA-2 út og ók í hvelli
uppeftir, ég beið ekkert eftir að
vera kallaður út,“ segir Tryggvi
um Gefjunarbrunann, en SA-2 var
einn af bílum slökkviliðsins. Alls
komu 6 menn frá slökkviliðunum í
Reykjavík og Keflavík til að að-
stoða kollega sína á Akureyri í
þessum eldsvoða. Gunnlaugur Búi
minnist einnig bruna í Sjöfn í
kringum 1950, sem á þeim árum
var í Kaupvangsstræti, en aðeins
útveggir stóðu uppi eftir að eld-
urinn hafði verið slökktur.
„Það mátti litlu muna að við
misstum menn í þessum bruna,“
sagði hann, en innandyra voru
margvísleg efni og slökkviliðs-
menn ekki eins vel útbúnir við
störf sín og nú er. Naumlega náð-
ist að draga út tvo menn sem
fyrstir höfðu farið inn í logandi
húsið, en þeir voru fluttir á
sjúkrahús. Minnist Gunnlaugur
Búi þess að hafa setið uppi á rjúk-
andi húsveggnum og sprautað nið-
ur á glæðurnar ásamt félaga sín-
um. Síðar hafi þekkt kona í
bænum kvartað við föður hans,
slökkviliðsstjórann, yfir meðferð-
inni á drengnum!
Þeir félagar segja miklar breyt-
ingar hafi orðið á starfsemi
slökkviliðsins, en nú séu mun fleiri
á vakt en áður en einnig nefna
þeir að fatnaður slökkviliðsmanna
hafi tekið miklum breytingum til
batnaðar í áranna rás. Áður hafi
menn verið í þungum hlífðarfötum
og vatnið gjarnan runnið niður af
kápunni ofan í stígvélin sem voru
fljót að fyllast. Fatnaðurinn nú sé
mun þægilegri. Þeir nefndu líka
útkallskerfið sem tekið hefur gíf-
urlegum breytingum. Gunnlaugur
Búi minnist þess að Landssíminn
annaðist þau í eina tíð, en þá
hringdu bjöllur heima hjá liðs-
mönnum með tilheyrandi hávaða.
Slökkviliðsmenn þurfa oft og
tíðum í sínu starfi að horfast í
augu við dapurlegri hluta tilver-
unnar og segja þeir félagar að
vissulega hafi þeir ekki farið var-
hluta af því.
Eitt það erfiðasta sem Gunn-
laugur Búi kvaðst hafa reynt var
þegar ung kona og tvö ung börn
hennar fórust í eldsvoða á Ak-
ureyri í janúar árið 1968. Hann
var þá einn á vaktinni, liðið var
kallað út og hann hraðaði sér á
staðinn, en ekkert var hægt að
gera.
„Þetta hefur ekki alltaf verið
dans á rósum, þessi ár í slökkvilið-
inu,“ sagði hann og bætti við að á
þessum tíma hefði ekki nokkur
maður svo mikið sem heyrt orðið
áfallahjálp, en sér hefði ekki veitt
af slíkri aðstoð eftir atburðinn.
Tryggvi svarar hiklaust játandi
þegar hann er spurður hvort hann
myndi velja sér starf slökkviliðs-
mannsins að ævistarfi hefði hann
kost á að byrja upp á nýtt, en
Gunnlaugur Búi segir nei. „Ég
hefði orðið prestur, ég held að sú
reynsla sem maður hefði orðið sér
úti um í þessu starfi gæti nýst vel
á þeim vettvangi,“ segir hann.
Hann segist þó sáttur við sitt ævi-
starf, en nefnir að á yngri árum
hafi sér staðið til boða að fara til
Þýskalands að læra meira í
tengslum við starf sitt sem vél-
virki. „Ég þorði ekki að fara þá,
var kominn með konu og tvö ung
börn og fannst ég ekki geta farið í
burtu. En þetta voru ágæt ár hjá
slökkviliðinu og vonandi hefur
maður gert eitthvert gagn.“
Morgunblaðið/Kristján
Gunnlaugur Búi Sveinsson á fágætt safn mynda og greina frá eldsvoðum á Akureyri síðast-
liðin 100 ár. Hér glugga þeir í nokkrar möppur, hann og Tryggvi Gestsson.
Stærsti bruni sem þeir Gunnlaugur Búi og Tryggvi komu að varð í Gefjunarhúsinu á Gler-
áreyrum í ársbyrjun 1969. Eins og sést á myndinni logaði húsið stafna á milli.
Ekki alltaf
dans á rósum
Morgunblaðið/Kristján
Þrír fyrrverandi starfsmenn Slökkviliðs Akureyrar voru kvaddir með formlegum hætti í síðustu viku, f.v.
Gunnlaugur Búi Sveinsson og Tryggvi Gestsson, sem látið hafa af störfum fyrir aldurs sakir, og Birgir Finns-
son, fyrrverandi aðstoðarslökkviliðsstjóri, sem gengið hefur til liðs við Slökkvilið höfuðborgarsvæðisins. Með
þeim á myndinni, lengst til hægri, er Tómas Búi Böðvarsson slökkviliðsstjóri.
Tveir liðsmenn Slökkviliðs Akureyrar kvaddir eftir langa og dygga þjónustu
DALVÍKURKIRKJA var endur-
vígð síðastliðinn sunnudag að við-
stöddu fjölmenni. Biskup Íslands,
Karl Sigurbjörnsson, vígði kirkj-
una og predikaði og sr. Magnús
Gamalíel Gunnarsson sóknarprest-
ur og sr. Jón Helgi Þórarinsson
þjónuðu fyrir altari.
Undanfarnar vikur, eða allt frá
2. janúar, hafa staðið yfir gagnger-
ar endurbætur á Dalvíkurkirkju.
Að sögn Kristjáns Ólafssonar
sóknarnefndarmanns gengu fram-
kvæmdir mjög vel og voru að
mestu unnar af heimamönnum, ut-
an hönnunin sem var í höndum
Hauks Haraldssonar og Fanneyjar
Hauksdóttur hjá Arkitekta- og
verkfræðistofu Hauks ehf. Meðal
annars var skipt um gólf í kirkj-
unni, í það settar hitalagnir og
parketlagt. Skipt var um kirkju-
bekki og rými milli þeirra aukið, og
söngloftið var innréttað og þar
settir bekkir þannig að kirkjan tek-
ur svipaðan fjölda í sæti eftir sem
áður eða um 180 manns. Nýtt altari
var smíðað, nýjar grátur settar
upp og skipt um þiljur.
Þá var sett upp nýtt hljóðkerfi í
kirkjunni og á báðum hæðum safn-
aðarheimilisins, svo nú geta um
380 manns hlýtt á messur eða aðr-
ar athafnir. Áætlaður kostnaður
við framkvæmdirnar er um 15
milljónir króna.
Morgunblaðið/Helgi Jónsson
Karl Sigurbjörnsson biskup
endurvígði Dalvíkurkirkju.
Dalvíkurkirkja
endurvígð
FIMM tilboð frá fjórum fyrirtækj-
um bárust í framkvæmdir í gatna-
gerð og lagnir á Klettaborg og hluta
Dalsbrautar, þar sem rísa mun ný
íbúðabyggð á Akureyri.
Öll tilboðin, þar á meðal eitt frá-
vikstilboð, voru undir kostnaðar-
áætlun og það lægsta, frá GV-gröf-
um ehf., var 15 milljónum króna
lægra en kostnaðaráæltun, eða 68%.
Tilboðið frá GV-gröfum hljóðaði
upp á um 30,8 milljónir króna en
fyrirtækið átti einnig frávikstilboð
upp á um 34,2 milljónir króna.
Kostnaðaráæltun bæjarins var um
45,6 milljónir króna. Möl og sandur
hf. bauð 32,1 milljón króna, eða um
70%, G. Hjálmarsson hf. bauð 33,2
milljónir króna, eða um 73%, og
Jarðverk ehf. bauð 45,5 milljónir
króna, eða um 99,7%.
Tilboðið nær til ný- og endur-
byggingar 970 lengdarmetra af göt-
um og 140 lengdarmetra af stígum
ásamt tilheyrandi holræsa- og
vatnslögnum. Einnig ræsagerðar,
grjótvarnar lækjarfarvegs og hljóð-
manar.
Í deiliskipulagi svæðisins er gert
ráð fyrir að þar verði 55 íbúðir, 19
einbýlishús og 36 íbúðir í tveggja
hæða raðhúsum. Svæðið er norðan
og vestan undir brekkum við
Kringlumýri og Kotárgerði.
Framkvæmdir á Klettaborg
Lægsta tilboð 68%
af kostnaðaráætlun