Morgunblaðið - 23.03.2001, Blaðsíða 33

ERLENT
MORGUNBLAÐIÐ FÖSTUDAGUR 23. MARS 2001 33
ÍHALDSMENN í Bretlandi kröfð-
ust á mánudag rannsóknar á því
hvort Geoffrey Robinson, fyrrver-
andi aðstoðarráðherra í fjármála-
ráðuneytinu, hefði gefið þinginu
rangar upplýsingar um háa peninga-
greiðslu frá fjölmiðlajöfrinum Ro-
bert Maxwell. Málið þykir hið vand-
ræðalegasta fyrir ríkisstjórn
Verkamannaflokksins.
Hafin var rannsókn á fjárreiðum
Robinsons árið 1997 og komu þá
meðal annars fram vísbendingar um
að aðstoðarráðherrann hefði ekki
gert grein fyrir greiðslu upp á 200
þúsund pund, eða sem svarar 25
milljónum króna, fyrir störf sem
stjórnarformaður eins af fyrirtækj-
um Maxwells, Hollis Industries.
Íhaldsmenn sökuðu Robinson um að
hafa reynt að afneita greiðslunni til
að breiða yfir tengsl sín við hinn al-
ræmda Maxwell sem lést árið 1991.
Robinson neitaði þó ávallt stað-
fastlega að hafa tekið við fénu og
fullyrti að mistök hefðu verið gerð í
bókhaldi fyrirtækisins.
Í nýrri bók eftir Tom Bower, sem
ber titilinn „The Paymaster“, er því
hins vegar haldið fram að skjalfestar
sannanir séu fyrir því að greiðslan
hafi verið reidd af hendi. Fullyrt er
að fundist hafi reikningur, sem Rob-
inson er sagður hafa sent frá heimili
sínu, með stimplinum „greitt“. Önn-
ur gögn eru einnig sögð hafa komið í
ljós við rannsókn viðskipta- og iðn-
aðarráðuneytisins. Kaflar úr bók
Bowers hafa verið birtir í dagblaðinu
The Daily Mail.
Robinson neitaði þessum ásökun-
um í yfirlýsingu sem hann sendi frá
sér á mánudagskvöld. „Svar mitt
hefur alltaf verið skýrt: hvorki ég né
nokkur tengdur mér hefur tekið við
þessu fé.“ Í yfirlýsingunni vék Rob-
inson ekki að skjölunum sem sögð
eru sýna fram á greiðsluna.
Spjótin beinast að
viðskiptaráðherranum
David Heathcoat-Amory, sem fer
með viðskipta- og iðnaðarmál í
skuggaráðuneyti Íhaldsflokksins,
fór fram á að þingið hæfi rannsókn á
málinu. Sagði hann „nær órækar
sannanir“ vera fyrir því að Robinson
hefði tekið við fénu og því virtist sem
hann hefði „logið að neðri deild
þingsins“ varðandi málið.
Árið 1999 ákvað viðskipta- og iðn-
aðarráðuneytið að aðhafast ekki
frekar vegna rannsóknarinnar á
fjármálum Robinsons en árinu áður
hafði hann, ásamt Peter Mandelson,
neyðst til að segja af sér ráðherra-
embætti vegna láns sem hann veitti
þeim síðarnefnda.
„Rógburður“
Því er haldið fram í The Daily Mail
að Stephen Byers, viðskipta- og iðn-
aðarráðherra, hafi „stungið undir
stól“ skýrslu um fjárreiður Robin-
sons. Alastair Campbell, talsmaður
Tony Blairs forsætisráðherra, vísaði
þessu á bug sem „rógburði“ og sagði
ráðherrann íhuga málshöfðun gegn
dagblaðinu.
Málið er talið koma sér afar illa
fyrir Verkamannaflokkinn nú þegar
búist er við að kosningar verði haldn-
ar innan tveggja mánaða.
Fyrrverandi aðstoðarfjármálaráðherra enn ásakaður
Málið óheppilegt fyrir
ríkisstjórn Blairs
London. The Daily Telegraph.
Íhaldsmenn krefj-
ast rannsóknar á
málum Geoffreys
Robinsons
ÝMSIR stjórnmálaskýrendur
hafa látið í ljós þá skoðun að sig-
ur vinstrimanna í borgarstjóra-
kosningunum í París á sunnudag
sé mikið áfall fyrir Jacques
Chirac Frakklandsforseta, sem
gegndi borgarstjórastöðunni í
átján ár, í ljósi þess að forseta-
kosningar fari fram á næsta ári.
Fréttaritari BBC í París er þó á
öðru máli og segir ósigurinn í
borginni vera það besta sem gæti
hafa komið fyrir franska hægri-
menn á þessum tímapunkti.
Robert Wain segir að hægri-
menn hafi ekki átt trúverðugan
fulltrúa í borgarstjóraembættið í
París. Philippe Séguin, frambjóð-
andi gaullistaflokks Chirac,
RPR, hafi staðið sig svo illa í
kosningabaráttunni að stuðn-
ingsmenn hans hafi „reitt hár sitt
af pirringi“ og Jean Tiberi, frá-
farandi borgarstjóri og fyrrver-
andi fulltrúi RPR, sem bauð sig
fram í óþökk flokksins, sé í aug-
um borgarbúa ímynd þeirra spill-
ingarmála sem tröllriðið hafi
borgarstjórninni á undanförnum
árum. Hann segir heldur ekki
hafa komið til greina að fá utanað-
komandi stjórnmálamann, til dæmis
Edouard Balladur, til að taka við
starfi borgarstjóra, þar sem litið yrði
svo á að hann hefði ekki umboð til að
gegna embættinu.
Því segir Wain að það hefði komið
hægrimönnum sjálfum í koll ef þeir
hefðu náð meirihluta í kosningunum
og haldið völdum í borginni. Spilling-
armálin hefðu þá áfram hangið eins
og myllusteinn um háls hægriflokk-
anna og verið þeim til trafala í þing-
og forsetakosningunum á næsta ári.
„Vanda hægrimanna má lýsa í
einu orði – París. Það er úrelt og
forsmáð stjórnkerfi sem við skilj-
um nú að baki,“ hafði BBC eftir
Alain Madelin, formanni hins
hægrisinnaða Frjálslynda lýð-
ræðisflokks.
Áfallið gæti þjappað
hægrimönnum saman
Fréttaritari BBC telur að eftir
að vinstrimenn hafi tekið við
stjórnartaumunum í París muni
kjósendur smám saman hætta að
tengja hægriflokkana við spill-
ingu í höfuðborginni. Áfallið við
að tapa París í hendur vinstri-
manna geti jafnframt hvatt
hægrimenn til að sameina krafta
sína fyrir kosningarnar á næsta
ári, sem sé löngu tímabært.
Wain segir jafnvel að sú kenn-
ing að úrslitin í París séu álits-
hnekkir fyrir Chirac eigi sér
frekar stoð í hugarflugi frétta-
manna en í raunveruleikanum.
Chirac hafi á síðastliðnum sex ár-
um fest sig í sessi í forseta-
embættinu og ósigur eftirmanns
hans í embætti borgarstjóra hafi
ekki áhrif á stöðu hans.
„Flestir Frakkar líta á Chirac sem
forseta landsins en ekki sem fyrrver-
andi borgarstjóra í París,“ hefur
Wain eftir Philippe Mechet, for-
stjóra skoðanakannanafyrirtækisins
Sofres.
Ósigurinn í París hægri-
mönnum til framdráttar?
AP
Jacques Chirac Frakklandsforseti greiðir
atkvæði í síðari umferð sveitarstjórnar-
kosninganna sl. sunnudag.
GEORGE W. Bush, forseti Banda-
ríkjanna, getur ekki lengur notað
tölvupóst til samskipta við vini og
kunningja. The New York Times
greindi frá því nýverið að nokkru
áður en Bush sór embættiseið hafi
hann sent 42 vinum sínum tölvu-
skeyti og sagt þeim að lögfræð-
ingar sínir hafi tjáð sér að öll tölvu-
skeyti sem hann sendi sem forseti
gætu flokkast sem opinber gögn.
Í ljós hefur komið að Bush notaði
tölvuskeyti mikið, skrifaði stutt
skilaboð og hafði ekki miklar
áhyggjur af kommusetningu. Hann
skrifaði undir skeytin gwb. The
New York Times segir að hann hafi
tjáð vinum sínum: „Þar sem ég vil
ekki að einkasamtöl mín komist í
hendur manna sem eru að reyna að
koma mér í vandræði er eina leiðin
að hætta að hafa samskipti í net-
heimum. Mér finnst þetta leitt. Ég
hef haft gaman af því að ræða við
ykkur, hvert og eitt.“
En vera má, að þessar ráðlegg-
ingar lögfræðinganna séu Bush fyr-
ir bestu. „Forsetinn er hreinskilinn
náungi og ég var hreinskilinn við
hann,“ sagði Patrick Oxford, lög-
fræðingur í Houston, við The New
York Times. „En gamlir vinir eru
ekki alltaf eins þagmálir og þeir
ættu að vera.“
Forveri Bush í Hvíta húsinu, Bill
Clinton, forðaðist að nota tölvupóst
í forsetatíð sinni. En Monica Lew-
insky, sem Clinton átti umtöluð
samskipti við, var ekki jafnvarkár.
Tölvuskeyti frá henni voru notuð
sem sönnunargögn gegn Clinton
þegar hann var ákærður fyrir emb-
ættisafglöp.
En Bush getur huggað sig við að
hann mun ekki verða fyrir þeirri
tölvuskeytaholskeflu sem ríður yfir
bandaríska þingið. Samkvæmt
nýrri athugun fjölgar þeim tölvu-
skeytum sem send eru til þingsins
um eina milljón á mánuði.
„Fyrir tveim árum litu starfs-
mannastjórar í Hvíta húsinu ekki á
tölvupóst sem vandamál. Ári síðar
var þetta orðið stærsta vandamálið
sem þeir áttu við að etja,“ sagði
Rick Shapiro við fréttastofu AP.
Bush
notar ekki
tölvupóst
Reuters
Bræðurnir Jeb og George W.
Bush. Þeir eru hættir að skiptast
á tölvupóstsskeytum.
BÚIST er við að þúsundir knatt-
spyrnuáhugamanna sæki heims-
meistaramótið í knattspyrnu, sem
haldið verður í Japan og Suður-
Kóreu á næsta ári. Væntanlega
verða flestir gestanna prúðir og
stilltir eins og vera ber, en yfirvöld í
Japan óttast þó að einhverjir óláta-
seggir slæðist með.
Því hafa um 100 japanskir lög-
reglumenn verið sendir á námskeið
hjá breskum starfsbræðrum, þar
sem þeir læra að fást við fótbolta-
bullur. Það kann reyndar að vera
meiri ástæða til að búa lögreglu-
menn í Japan undir viðureign við
erlendar fótboltabullur en víðast
hvar annarsstaðar, því þar fara
knattspyrnuleikir alla jafna mjög
prúðmannlega fram. Það er til
dæmis vinsæl skemmtun hjá ást-
föngnum pörum að fara á völlinn,
öskur og skammaryrði heyrast
ekki, ölvun sést varla á nokkrum
manni og það er jafnvel ekki óal-
gengt að áhorfendur hjálpi til við að
hreinsa stúkurnar eftir leiki.
Fréttaritari The Daily Telegraph
í Tókýó hefur eftir samlöndum sín-
um sem þar eru búsettir að þeir eigi
þá ósk heitasta að leikir enska
landsliðsins fari fram í S-Kóreu, en
ekki í Japan, því þeir óttist að
breskar fótboltabullur eyðileggi þá
rómantísku og göfugu mynd sem
flestir Japanir hafi af Englandi.
Undirbúningur Japana fyrir HM í knattspyrnu
Ráð við fótboltabullum
Tókýó. The Daily Telegraph.