Morgunblaðið - 23.03.2001, Blaðsíða 24
LANDIÐ
24 FÖSTUDAGUR 23. MARS 2001 MORGUNBLAÐIÐ
Stöðvarfirði - Hafnar eru fram-
kvæmdir við gerð nýs vegar um
Kamba og Færivallaskriður á milli
Stöðvarfjarðar og Breiðdalsvíkur.
Það var Arnarfell ehf. á Akureyri sem
ætti lægsta tilboðið í lagningu vegar
um skriðurnar. Níu tilboð bárust í
verkin en tilboð Arnarafells var upp á
139,5 milljónir króna sem var 79,5%
af kostnaðaráætlun Vegagerðarinn-
ar. Við verkið þarf allnokkurn tækja-
kost því flytja þarf til yfir 400 rúm-
metra af efni við erfiðar aðstæður.
Akfær malarvegur var fyrst gerð-
ur yfir skriðurnar árið 1962 en veg-
urinn hefur æði oft verið erfiður yf-
irferðar í gegnum árin, sérstaklega
yfir haust- og vetrarmánuði vegna
hruns úr fjallinu.
Verktakinn hefur komið sér fyrir
og sett upp vinnubúðir á Kambsnesi
og er reiknað með um tíu manna
vinnuflokki en eitthvað fleirum þegar
verkið verður komið í fullan gang. Í
lok ársins er áætlað að undirbygg-
ingu vegarins undir slitlag verði lokið
og þar að auki lagt bundið slitlag á
700 metra við Stöðvarfjörð og 1600
metra kafla Breiðdalsvíkurmegin við
skriðurnar. Meðan á framkvæmdum
stendur getur umferð raskast eitt-
hvað en reynt verður að haga þeim
þannig að minnst röskun á umferð
verði um veginn. Verklok eru áætluð
15. júlí 2002.
Vegaframkvæmdir um
Kamba og Færivallaskriður
Morgunblaðið/Bjarni Gíslason
Unnið við vegaframkvæmdir nýs vegar um Kamba og Færivallaskriður.
Mývatnssveit - Það færist sífellt í
vöxt að ferðamenn komi í Mývatns-
sveit og leigi sér þar vélsleða með
leiðsögn og fari í skemmri eða lengri
ferðir út frá hótelunum í Reynihlíð
eða á Skútustöðum. Hópurinn á
myndinni, sem í voru Dalvíkingar,
var að njóta útsýnis af miðjum Syðri-
Flóa á laugardaginn í lognblíðunni.
Stór hópur frá Bandaríkjunum
var rétt að koma í sveitina sama dag
og ætlaði fólkið að ferðast um á vél-
sleðum eina þrjá daga út frá Skútu-
stöðum. Veðrið hefur leikið við okk-
ur alla helgina og sleðafæri er ágætt
á vatninu og inn til landsins. Sleða-
leigur eru starfandi í tengslum við
Sel Hótel á Skútustöðum og Hótel
Reynihlíð.
Morgunblaðið/BFH
Sleðaver-
tíðin á fullu
við Mývatn
Stykkishólmi - Kristinn Gestsson
bifvélavirki í Stykkishólmi hefur bú-
ið sína starfstíð í Hólminum og hefur
fengist við ýmislegt um dagana.
Lengst af vann hann við bílavið-
gerðir og rak verkstæði um langt
árabil. Svo gerðist hann bókakaup-
maður þegar hann og Ingveldur Sig-
urðardóttir kona hans tóku við bóka-
verslun foreldra hennar. Samhliða
því starfi gerði hann út trillu með
góðum árangri. Nú hefur hann hætt
slíku vafstri og er farinn að vinna í
bílskúrnum sínum. Í vetur hefur
hann verið að útbúa minkagildrur
sem hann hefur hannað að mestu
leyti sjálfur.
Hann á sumarbústað í Sauraskógi
í Helgafellssveit og þar hefur verið
mikið um mink. Það var hvati þess að
hann fór að smíða gildrurnar. Að
sögn Kristins er ekki komin reynsla
á veiðihæfni tækjanna. Hann setti út
nokkrar í vetur, en þær fóru í kaf í
snjó. Nú fer hann aftur af stað og er
spenntur að vita um árangurinn.
Hann er þó viss um að gildrurnar
komi að notum og er tilbúinn að leyfa
fleirum að reyna sem áhuga hafa á
halda minknum í skefjum. Kristinn
hefur líka verið að sinna því að smíða
vagna undir smábáta og hefur þegar
framleitt nokkra vagna og hefur
hann ekki verið í vandræðum með að
losna við þá.
Smíðar minkagildrur og
vagna undir smábáta
Morgunblaðið/Gunnlaugur Árnason
Kristni Gestssyni í Stykkishólmi er ýmislegt til lista lagt. Í vetur hefur
hann verið að smíða minkagildrur og vagna undir smábáta. Á myndinni
má sjá framleiðslu hans; minkagildrurnar og vagninn.
Egilsstöðum - Gísli Gunnarsson
sagnfræðiprófessor hélt fyrir
skemmstu fyrirlestur í Skriðu-
klaustri í Fljótsdal um jarðeign-
ir og efnahag í Múlasýslum við
lok 17. aldar.
Samkvæmt tölfræðilegri út-
tekt hans á jarðabókinni fyrir
Múlaþing frá 1695 er munurinn
á Múlaþingi annars vegar og
landinu hins vegar mikil eign
prestsetra í Múlaþingi, nær eng-
in eign biskupa og engin kon-
ungseign í jörðum.
Fimmti hver Austfirðingur
var niðursetningur á þessum
harðindatíma.116 menn áttu
jarðir og voru 12 þeirra utanhér-
aðsmenn. 80% allra húsráðenda
áttu ekki neina jörð og 18% áttu
einhverja jarðahluta. 6% bjuggu
á eigin jörðum, 4% á lénsjörðum,
þ.e. prestsetrum og í Skriðu-
klaustri, og 90% manna voru
leiguliðar. 26 starfandi prestar
voru á Austurlandi á þessum
tíma.
Gísli hefur undanfarið dvalið
við rannsóknarstörf í fræði-
mannsíbúðinni í Skriðuklaustri.
Fimmti hver Austfirðingur var niðursetn-
ingur samkvæmt jarðabók árið 1695
Tölfræðileg úttekt
á Múlaþingi