Morgunblaðið - 23.03.2001, Blaðsíða 56

HESTAR
56 FÖSTUDAGUR 23. MARS 2001 MORGUNBLAÐIÐ
FREMSTIR FYRIR GÆÐI
Milli manns og hests...
... er
arhnakkur
Fermingargjafir
í miklu úrvali
Frábær
fermingartilboð
ÝMIS mót og uppákomur verða um
helgina hjá hestamönnum. Reið-
hallarsýning verður á Blönduósi og
mót á svæði Fáks, Gusts og Sörla á
laugardag og á Snæfellsnesi á
sunnudag. Að minnsta kosti tíu
stóðhestar með fyrstu verðlaun
koma fram á reiðhallarsýningunni í
Arnargerði á Blönduósi á morgun,
laugardag, og fleiri gætu bæst við
að sögn Ægis Sigurgeirssonar sýn-
ingarstjóra.
Spennandi stóðhestar
og hryssur
Þessir frægu stóðhestar eru þeir
Smári frá Skagaströnd, Hróður frá
Refsstöðum, Skinfaxi og Glófaxi frá
Þóreyjarnúpi, Randver frá Nýjabæ,
Garpur frá Auðsholtshjáleigu,
Adam frá Ásmundarstöðum og þrír
synir Gusts frá Hóli, þeir Kjarni frá
Árgerði, Frakkur frá Mýnesi og
Kraftur frá Bringu. Á sýningunni á
morgun kemur svo í ljós hverjir
bætast í hópinn.
Fram koma líka úrvals hryssur
og má þar fyrsta nefna Birtu frá Ey
sem Gísli Gíslason keppti á á
stjörnutöltinu á Akureyri um síð-
ustu helgi. Þar gerði hún stormandi
lukku og vakti greinilega mesta at-
hygli áhorfenda þótt hún lenti í
öðru sæti. Hryssan sem lenti í
fjórða sæti á stjörnutöltinu, Freydís
frá Glæsibæ, sem Jón Kristófer Sig-
marsson keppti á, mætir einnig til
leiks.
Boðið verður upp á ýmis fleiri at-
riði og má búast við að mesta
spennan verði í skeiðkeppninni,
enda hafa frægir knapar eins og Jó-
hann „vakri“ Þorsteinsson, Logi
Laxdal, Hjörtur Bergstað og Sig-
urður Matthíasson boðað komu sína
og hafa þeir verið að espa hver ann-
an upp síðustu daga. Skeiðað verð-
ur í gegnum höllina og verður raf-
ræn tímataka notuð. Tímarnir
birtast á töflu um leið svo búast má
við mikilli spennu hjá áhorfendum,
enda hafa þessir knapar úr úrvali
góðra skeiðhesta að velja.
Af öðrum atriðum má nefna að
hestakonur verða með sögutengt
atriði og hestamaður verður heiðr-
aður. Sýningin hefst klukkan 14.00.
Vetrarleikar og Barkamót
Á laugardaginn verður Fákur
með vetraruppákomu á Víðivöllum.
Sörli heldur einnig Vetrarleika,
sem er innanfélagsmót haldið á
Sörlavöllum. Þá verður Barkamót-
ið, opið töltmót, í Reiðhöll Gusts í
Glaðheimum. Á sunnudaginn held-
ur Snæfellingur stigamót á Hellis-
sandi.
Morgunblaðið/Valdimar
Stóð-
hestaval á
Blönduósi
Smári frá Skagaströnd er einn fjölmargra stóðhesta sem mætir á reiðhallarsýninguna í Arnargerði á Blönduósi
á morgun. Hér er hann sýndur af eiganda sínum, Unnsteini Jóhannssyni.
ÞAÐ eru hestamannafélögin Storm-
ur á Vestfjörðum og Hending á Ísa-
firði sem ætla að halda ársþing
Landssambands hestamannafélaga
á Ísafirði 12. og 13. október næst-
komandi. Þetta verður í fyrsta sinn
sem ársþing LH verður haldið á
Vestfjörðum.
Þegar Sigþór Gunnarsson, for-
maður Storms, steig í pontu á árs-
þinginu í Mosfellsbæ síðastliðið
haust og tilkynnti að þessi tvö hesta-
mannafélög á Vestfjörðum hefðu
áhuga á að halda ársþingið 2001 fór
kliður um salinn. Að sögn Sigþórs
var þeim að sjálfsögðu fúlasta alvara
enda hefði þetta einnig komið til tals
á milli manna á ársþinginu í Borg-
arnesi 1999. Það hafi líka þótt við
hæfi að bjóðast til að halda þingið
árið 2001 í tilefni þess að Stormur
verður 30 ára hinn 29. ágúst. Haldið
verður sérstaklega upp á afmælið á
þingslitafagnaðinum á laugardags-
kvöldinu.
Sigþór sagðist hafa hitt marga
þingfulltrúa eftir þessa tilkynningu
og ekki fundið annað en að menn
væru spenntir fyrir að koma vestur.
Ferðakostnaður þingfulltrúa yrði
ekkert meiri en þegar þeir færu t.d.
til Egilsstaða á ársþing.
Ákveðið hefur verið að flýta
þinginu um hálfan mánuð frá því
sem venja er, m.a. með tilliti til veð-
urs og færðar. Annars sagði Sigþór
að þótt margir héldu að flug til Vest-
fjarða félli oft niður væri það alls
ekki svo. Hann hefði fengið gögn hjá
Flugfélagi Íslands og í ljós komið að
flug fellur niður vegna veðurs aðeins
í örfá skipti á ári. Enda er það svo
að ef vindátt er óhagstæð á Ísafirði
er gott að lenda á Þingeyri og aðeins
um hálftímaakstur þar á milli.
Nóg gistirými og
íþróttahúsið klárt
Þingið verður haldið í íþróttahús-
inu á Torfnesi og er allt gistirými í
göngufæri. Sigþór sagði að nóg
gistirými væri fyrir hendi en samið
hefur verið við fyrirtækið Vestur-
ferðir á Ísafirði sem sjá mun um að
semja um gistingu og flug og taka
við pöntunum frá þingfulltrúum
þegar þar að kemur.
Veður hefur verið gott til útreiða
á Vestfjörðum í vetur. Sigþór sagði
að snjóað hefði eina helgi en snjóinn
hefði tekið fljótt upp og að undan-
förnu hefði verið vorblíða. Í fyrri-
nótt snjóaði í logni og var 10 sm
jafnfallinn snjór yfir öllu í Dýrafirð-
inum.
„Fólk reynir að hreyfa hestana
eins og það getur. Því miður fækk-
aði hestafólki mikið hér um slóðir og
í hesthúsahverfinu á Söndum í
Dýrafirði fækkaði hrossum úr 65 í
25. Þeir sem enn eru til staðar reyna
sitt besta og ætlar Dropi, sem er
deild innan Storms, að fara að halda
árshátíð sína. Í deildinni eru um 20
manns. Félagslífið er með ágætum
og deildin Gnýr í Bolungarvík held-
ur t.d. alltaf þorrablót á hverju ári.
Álitleg tryppi og
batnandi hestakostur
Allt mótahald liggur niðri hjá
okkur á veturna. Hending heldur
félagsmót sitt í júní en Stormur um
miðjan júlí. Aðstaðan er víða ágæt
og á Söndum er mjög góð aðstaða.
Þar eru góðar reiðleiðir og góðar
girðingar og við erum því vel í stakk
búin til að taka á móti ríðandi fólki,“
sagði hann.
„Nú erum við að öðlast betri
skilning á nauðsyn góðra reiðvega
og erum að fá reiðveg inn á skipu-
lagið frá Söndum og yfir á Ísafjörð.
Við fáum að nota gamla vegi bæði
yfir Breiðadals- og Gemludalsheiði
og lagður verður reiðvegur fyrir
firðina.
Aðspurður sagði Sigþór að hesta-
kostur Vestfirðinga hefði batnað
mikið hin síðari ár. Fyrir nokkrum
árum gengu þeir í Hrossaræktar-
samband Vesturlands og fá góða
stóðhesta á svæðið annað hvort ár. Í
þessi skipti hefur tekist að fá um 25
hryssur undir hestana og sagði hann
að mörg álitleg tryppi væru nú í
uppvexti, m.a. undan Kolfinni frá
Kjarnholtum og Gusti frá Hóli.
Metnaðurinn væri greinilega að
aukast og hefðu t.a.m. Bolvíkingar
gert svolítið af því að fara og leita
sér að góðum hestefnum til að
temja. Þessi hross væru nú að koma
fram á mótum þar sem þau stæðu
sig vel og hefðu aukið áhuga manna
á því að eignast góð hross.
Vestfirðingar halda
ársþing LH í haust
Hestamenn hafa hingað til ekki flykkst til
Vestfjarða til að ræða málefni sín. Kannski
hafa þeir í fyrstu ekki tekið orð Sigþórs
Gunnarssonar alvarlega þegar hann á síð-
asta ársþingi LH sagði að félögin á Vest-
fjörðum vildu halda næsta ársþing. Ásdís
Haraldsdóttir ræddi við hann um vænt-
anlegt þing og vestfirska hestamennsku.
FLUGFÉLAGIÐ Bláfugl er nú að
taka við flutningi hrossa til út-
landa að mestu leyti af Cargolux.
Cargolux fer aðeins eina ferð í
viku frá Evrópu um Ísland og til
Bandaríkjanna á miðvikudögum,
en áður fór önnur vél á sunnudög-
um. Því verður aðeins möguleiki að
fljúga með hross til Bandaríkjanna
einu sinni í viku eftir þessa breyt-
ingu.
Ferðum til og frá Evrópu fjölgar
hins vegar því Bláfugl mun fljúga
út alla daga nema laugardaga.
Flogið verður frá Keflavík til
Leeds-Bradford á Bretlandi, þaðan
til Kölnar í Þýskalandi, síðan aftur
til East-Midland í Bretlandi og
þaðan aftur til Keflavíkur mánu-
daga til föstudaga en beint til Lúx-
emborgar á sunnudögum. Fyrsta
ferðin verður næsta sunnudag.
Að sögn Konráðs Gíslasonar hjá
Flugflutningum ehf., sem hefur
umboð bæði fyrir Cargolux og Blá-
fugl ásamt fleiri félögum, verður
aðbúnaður fyrir hrossin sá sami og
í Cargoluxvélinni. Um er að ræða
mun minni vél sem tekur 18 tonn á
móti 125 tonnum hjá Cargoluxvél-
inni. Eftir á að koma í ljós hvort
hægt verði að fá leyfi til að fljúga
með hross beint til þessara flug-
hafna í Bretlandi en það hefur ekki
verið gert áður.
Hann sagðist ekki búast við að
þetta hefði mikil áhrif á flug með
hross til Bandaríkjanna. Hingað til
hefði hver farmur með hross ekki
verið stór. Því væri auðvelt að
safna hrossum saman og flytja þau
einu sinni í viku þangað.
Bláfugl tekur
við hrossa-
flutningum
HESTAMIÐSTÖÐ Íslands hefur
afhent Benedikti Líndal 250.000
króna styrk vegna gerðar mynd-
bands hans, Frumtamning, sem
kom á markað síðastliðið haust.
Það skilyrði var sett að mynd-
bandið þyrfti að fá viðurkenningu
Hólaskóla og Félags tamninga-
manna sem kennsluefni til að það
hlyti styrkinn.
Samkvæmt upplýsingum frá
Hestamiðstöð Íslands hlaut mynd-
bandið mjög góða dóma hjá báðum
þessum umsagnaraðilum og stefn-
ir Hólaskóli á að nýta myndbandið
sem kennsluefni í framtíðinni.
Tamningamyndband
sem kennsluefni
AF einhverjum ókunnum ástæðum
hefur einn mótadagur Fáks í vetur
fallið niður í dagskrá vetrarins víðast
hvar og þar á meðal á mótaskrá
Landssambands hestamannafélaga.
Um er að ræða opna töltkeppni og
opna svokallaða nýhrossakeppni
sem fram fer hinn 7. apríl nk. Biðja
Fáksmenn alla hlutaðeigandi að
bæta þessu móti inn í mótaskrá sína
og þá sem áhuga hafa á þátttöku að
taka daginn frá. Þess má geta að
mótið verður haldið í samvinnu við
framkvæmdaraðila og þátttakendur
á alþjóðlegri dómararáðstefnu sem
haldin verður í Reykjavík þessa
helgi.
Nýhrossakeppni
og dómararáð-
stefna hjá Fáki
SIGURÐUR Sæmundsson í Holts-
múla var ráðinn einvaldur íslenska
landsliðsins í hestaíþróttum á fundi
Landsliðsnefndar LH í gærkvöldi.
Þröstur Karlsson formaður nefnd-
arinnar sagði að Sigurður hefði sam-
þykkt að falla frá öllum hugmyndum
um að keppa sjálfur og helga sig al-
farið vali og stjórn landsliðsins og
undirbúningi þess fyrir Heimsmeist-
aramótið í Austurríki í sumar. Hann
tekur við embættinu strax í dag.
Einnig fjallaði nefndin um móts-
stað fyrir úrtökumótið fyrir HM sem
haldið verður um miðjan júní í sumar
og var ákveðið að það yrði haldið á
félagssvæði Fáks í Víðidal.
Sigurður ráð-
inn landsliðs-
einvaldur
♦ ♦ ♦