Morgunblaðið - 23.03.2001, Blaðsíða 2

FRÉTTIR
2 FÖSTUDAGUR 23. MARS 2001 MORGUNBLAÐIÐ
GESTIR Laugardalslaugarinnar voru þungt hugsi og
skeyttu lítið um léttvægt hjal. Sundlaugarnar hafa
enda löngum þótt afbragðsvettvangur til skrafs og
ráðagerða um þjóðmálin þar sem lausnir finnast á sér-
hverjum vanda. Hætt er við að ekki verði jafnhlýtt í
laugunum um helgina og var lengst af í vikunni.
Morgunblaðið/Jim Smart
Nutu veðurblíðunnar
ekki þurft nema einn hlýjan dag til
að snjóinn tæki upp að fullu. Það er
því ótrúlega ljúft að vera búinn með
þennan áfanga.“ Guðmundur hefur
fram til þessa lagt megináherslu á að
nýta hagstætt gönguveður til að
ljúka fyrsta áfanganum.
Í dag, föstudag, tekur Guðmundur
hvíld og leggur aftur af stað á morg-
un áleiðis að næsta áfanga sem er
Hveravellir. Býst hann við að kom-
ast þangað um miðja næstu viku ef
allt gengur vel. Hann hefur nú lagt
að baki 165 km af 600, eða sem sam-
svarar 27,5% af heildarvegalengd-
inni til Vopnafjarðar.
GUÐMUNDUR Eyjólfsson skíða-
göngumaður í leiðangrinum „Frá
strönd til strandar 2001“ lauk fyrsta
áfanga leiðangursins í gærkvöld er
hann kom niður að Brú í Hrútafirði
eftir níu daga göngu frá Hornvík.
Þar biðu hans nýjar vistir og vara-
hlutir.
„Það er mikill áfangasigur að hafa
lokið Vestfjarðahálendinu og það
mátti ekki tæpara standa með snjóa-
lög,“ sagði Guðmundur. Í gær var
hann 11,5 klst á gangi og var þreytt-
ur en ánægður í dagslok. „Á stórum
svæðum gekk ég þar sem ekki var
nema 5 cm þykkur snjór. Það hefði
Fyrsta áfanga
skíðagöngu lokið
HÆSTIRÉTTUR hefur staðfest
dóm Héraðsdóms Reykjavíkur um
að vísa frá dómi kröfu skipafélags-
ins Reederei Nord Klaus E. Old-
endorff Ltd. um að staðfest verði
lögbann sem sýslumaðurinn í
Reykjavík lagði á sínum tíma við
því að félagsmenn í Sjómanna-
félagi Reykjavíkur hindruðu lestun
og losun skipsins MV Nordheim í
Sundahöfn í Reykjavík í nóvember
1999.
Rakið er í dómi Hæstaréttar að
í lögregluskýrslu sé haft eftir Jón-
asi Garðarssyni, formanni Sjó-
mannafélags Reykjavíkur, að Al-
þjóðasamband flutningaverka-
manna hafi óskað eftir því að
vinna við skipið yrði stöðvuð og
fyrir dómi staðfesti hann að þessi
samtök hefðu tekið ákvörðun um
aðgerðirnar en ekki Sjómanna-
félagið.
Ekki í stöðu til að gefa
skuldbindandi yfirlýsingu
Borgþór Kjærnested, starfsmað-
ur Alþjóðasambands flutninga-
verkamanna hér landi, bar á sama
veg um þetta og Jónas, en í lög-
regluskýrslu er hins vegar skráð
að hann hafi sagt „þá félaga vera í
nafni Sjómannafélags Reykjavíkur
að stöðva uppskipun úr skipi
þessu“.
Hæstiréttur taldi að ekki væri
talið að Borgþór hefði haft stöðu
hjá Sjómannafélaginu til að gefa
skuldbindandi yfirlýsingu fyrir
félagið. Þá þótti Hæstarétti ekki
að skipafélaginu hefði tekist að
öðru leyti að sýna fram á að Sjó-
mannafélagið hefði staðið fyrir að-
gerðunum og var félagið því sýkn-
að vegna aðildarskorts.
Sjómannafélagið sýkn-
að af kröfu um lögbann
VÉLSLEÐAMÓT Mótorsportsam-
bands Íslands, sem halda átti í Öskju-
hlíð í Reykjavík næstkomandi helgi,
hefur verið flutt til Dalvíkur vegna
langvarandi snjóleysis, sem gert hef-
ur vetraríþróttamönnum lífið leitt á
láglendi í vetur. Vélsleðamenn hafa
þurft að flytja annað mót til í vetur
vegna snjóleysisins, þegar móti, sem
halda átti á Dalvík í lok febrúar, var
valinn staður á Egilsstöðum.
Þúsundir tonna af snjó fluttar
til Dalvíkurbæjar
„Þetta er þriðja árið í röð þar sem
snjór er tiltölulega lítill, en við höfum
ekki kynnst því fyrr að það snjói nán-
ast ekkert í byggð,“ segir Jón Birgir
Jónsson, formaður Landssambands
íslenskra vélsleðamanna.
Á mótinu sem verður á Dalvík um
helgina keppa tæplega 40 vélsleða-
menn og hafa nokkur þúsund tonn af
snjó verið flutt til innanbæjar til að
ljúka við að gera brautina tilbúna fyr-
ir keppni.
Vélsleðamenn leggja áherslu á að
halda mótin innan bæjarfélaga í stað
þess að velja þeim stað til heiða og
fjalla þar sem nægur er snjórinn.
Marínó Sveinsson, umsjónarmaður
mótsins, segir alla aðkomu að mótun-
um og þjónustu á staðnum gera við-
burðina mun meira spennandi fyrir
áhorfendur en ef mótin væru haldin
fjarri byggð.
Vélsleðamót flutt
til Dalvíkur vegna
snjóleysis syðra
ÍSLENSK erfðagreining hefur
undanfarna mánuði eflt mjög þá
deild fyrirtækisins sem vinnur
að gagnavinnslu á genarann-
sóknum að sögn Páls Magnús-
sonar, framkvæmdastjóra sam-
skipta- og upplýsingasviðs ÍE.
Frá því í haust hafa þrettán
stærðfræðingar, þar af níu með
doktorsgráðu, auk þriggja
doktora í eðlisfræði, verið ráðnir
til fyrirtækisins. Þessir starfs-
menn tilheyra svokölluðum
gagnarannsóknarhópi sem er
ætlað að þróa aðferðir og túlka
gögn sem verða til við aðrar
rannsóknir fyrirtækisins, að
sögn Páls. Alls eru tuttugu
menn í þessum hópi en Páll seg-
ir að efling gagnarannsókna
tengist nýlegum samningi ÍE
við Roche Diagnostics. Starf-
semi hans fellur undir upplýs-
ingatæknisvið fyrirtækisins.
Páll segir að flestir séu þessir
starfsmenn Íslendingar sem
koma úr störfum eða námi er-
lendis en hafi áður talið sig hafa
takmarkaða möguleika á störf-
um við sitt hæfi hér á landi.
63 starfsmenn ÍE eru
með doktorspróf
Að sögn Páls eru starfsmenn
ÍE 492, þar af 467 fastráðnir.
Meðalaldur þeirra er 32 ár, tveir
þriðju eru háskólamenntaðir.
Þar af eru 63 með doktorspróf,
81 hefur meistaragráðu, 10
læknar starfa hjá fyrirtækinu
og 81 hefur lokið öðru háskóla-
námi.
Starfsmenn ÍE að nálgast 500
Níu doktorar í
stærðfræði ráðnir
Keflavík og KR leika til úrslita
segir þjálfari ÍR / B3
Þjálfari Búlgaríu óttast íslensku
sóknarmennina / B2
Fylgstu
með
nýjustu
fréttum
www.mbl.is
4 SÍÐUR
Sérblöð í dag

Á FÖSTUDÖGUM