Morgunblaðið - 23.03.2001, Blaðsíða 60

MINNINGAR
60 FÖSTUDAGUR 23. MARS 2001 MORGUNBLAÐIÐ
Útfararþjónustan ehf.
Stofnuð 1990
Rúnar Geirmundsson
útfararstjóri
Símar 567 9110 og 893 8638
www.utfarir.is
runar@utfarir.is
✝ GuðmundurHólm Valdi-
marsson fæddist í
Keflavík 2. nóvem-
ber 1928. Hann lést
á Heilbrigðisstofnun
Suðurnesja 17. mars
síðastliðinn. For-
eldrar hans voru
Valdimar Einarsson
frá Þorsteinsstöðum
í Miðdölum, Dala-
sýslu, f. 28.2. 1904,
d. 15.2. 1985, og
Guðmundína Sigur-
björg Guðmunds-
dóttir frá Akrahóli
á Hvalsnesi, f. 2.3. 1898, d.
20.11. 1977. Systir Guðmundar
er Ragnheiður, f. 3.11. 1925.
Hinn 15. júlí 1953 kvæntist
Guðmundur Valgerði Þorgeirs-
dóttur frá Lambastöðum í
Garði, f. 20.1. 1931. Foreldrar
hennar voru Þorgeir Magnússon
og Helga Jónína Þorsteinsdótt-
ir. Guðmundur og Valgerður
eignuðust þrjár dætur: 1) Sig-
urbjörg, gift Sævari Kjartans-
syni, börn þeirra eru Guðmund-
ur Valur, maki María
Guðmundsdóttir, og eiga þau
fjögur börn. Kjartan, maki
Birna Sigurgeirs-
dóttir og eiga þau
þrjár dætur. Vil-
borg, maki Garðar
Einarsson, og eiga
þau þrjú börn. 2)
Guðmundína Ester,
gift Sigurði Guð-
mundssyni, börn
þeirra eru Svein-
björg Þóra, maki
Sævar Leifsson og
eiga þau þrjú börn.
Helga, maki Helgi
Haraldsson og eiga
þau þrjár dætur.
Guðmundur, maki
Karen Friðjónsdóttir og eiga
þau þrjú börn. Sonja, unnusti
Bergþór Hólmarsson. 3) Helga
Jónína, gift Magnúsi Inga Jóns-
syni, börn þeirra eru Þorgeir,
Magnús og Ísabella, fyrir átti
Magnús Guðmund Inga, Guð-
laugu og Sigríði Karólínu.
Guðmundur starfaði sín
fyrstu ár á Vörubílastöð Kefla-
víkur en síðan starfaði hann í
yfir 40 ár hjá Varnarliðinu á
Keflavíkurflugvelli.
Útför Guðmundar fer fram
frá Keflavíkurkirkju í dag og
hefst athöfnin klukkan 16.
Nú kveð ég þig í hinsta sinn
elsku pabbi minn. Ekki grunaði
mig að tíminn væri kominn, þegar
ég heimsótti þig á spítalann á
föstudaginn, en þar hafðir þú verið
í fimm daga. Ég er svo sár yfir því
og bið þig fyrirgefningar á að hafa
ekki verið hjá þér þegar þú skildir
við. Ég veit, pabbi, að þér líður vel
núna og fylgist vel með öllum þín-
um stóra hópi afkomenda sem eru
orðnir þrjátíu talsins. Mikið er
sárt að börnin mín skuli ekki fá
lengri tíma með þér. Magnús er
alltaf að gá að þér í herberginu
sem þú varst svo mikið í til að
kyssa þig og skilur ekkert í því að
þú skulir ekki vera þar. Pabbi
minn, ég þakka þér fyrir allt sem
þú hefur gert fyrir mig og mína
fjölskyldu.
Guð geymi þig og varðveiti. Ég
elska þig.
Þín dóttir
Helga Jónína.
Okkur bræðurna langar að
skrifa nokkrar línur til minningar
um ástkæran afa okkar Guðmund
Valdimarsson sem lést síðasta
laugardag. Á svona stundu verður
manni alltaf orða vant, því það er
margt sem flýgur um hugann en
erfitt er að festa á blað. Það rifjast
samt ýmislegt upp, en margt af því
viljum við eiga með okkur sjálfum
og afa.
Efst í okkar huga kemur þó
hinn mikli áhugi hans á bílum og
það flottum bílum.
Alla tíð sem við bræðurnir mun-
um eftir honum átti hann alltaf
flotta bíla og hélt þeim ávallt svo
hreinum að undur þótti og fengum
við sjaldan að koma nálægt bíl-
unum. Við minnumst einnig með
söknuði allra ferðalaganna sem
farin voru hér áður fyrr, þegar öll
halarófan hélt af stað með svarta
ruslapoka á toppgrindinni og fleiri
lítra af vatni til að vökva hópinn,
þar fór afi yfirleitt fremstur í
flokki við undirbúninginn. Viljum
við fá að þakka afa fyrir allar þær
ánægjustundir sem við áttum með
honum og munu lifa í minningunni.
Leiddu mína litlu hendi,
blíði Jesú, þér ég sendi
bæn frá mínu brjósti, sjáðu,
blíði Jesú, að mér gáðu.
Þínir afastrákar
G. Valur og Kjartan.
GUÐMUNDUR HÓLM
VALDIMARSSON
Við bræðurnir vilj-
um með fáeinum orð-
um minnast afa okk-
ar, Ragnars
Jónssonar.
Allir eiga sína föstu
punkta í tilverunni og svo lengi
sem við strákarnir munum eftir
okkur, hafa Stella amma og afi í
Hraunbænum verið þar á meðal.
Nú er afi farinn og stórt skarð
höggvið í okkar fjölskyldu. Þó svo
að sorgin og söknuðurinn sé mikill
eigum við margar ljúfar minningar
tengdar afa. Ofarlega í huga okkar
allra er mynd af honum sitjandi í
eldhúsinu með kaffibolla og sígar-
ettu horfandi út um gluggann.
Ekki svo að skilja að afa leiddist
lífið og tilveran, þvert á móti var
hann lífsglaður og fáir með kímni-
gáfu á við hann. Hann átti það til
að gera góðlátlegt at í sínum nán-
ustu og kraumaði þá hláturinn í
honum, en ávallt var allt í góðu
gamni gert.
RAGNAR
JÓNSSON
✝ Ragnar Jónssonfæddist í Nesi í
Norðfirði 29. sept-
ember 1924. Hann
varð bráðkvaddur á
heimili sínu 11. mars
síðastliðinn og fór
útför hans fram frá
Fossvogskirkju 19.
mars.
Afi var rólyndis-
maður og nægjusam-
ur. Það eru ekki mörg
ár síðan þau hjónin
keyptu sér nýjan bíl
sem meðal annars var
útbúinn vökvastýri og
þótti afa það nánast
bylting eftir að hafa
einungis átt Lödur
fram að því sem hafa
nú ekki þótt ökutækja
þægilegust að keyra.
Afi var einstaklega
barngóður og örlátur
og nutum við bræð-
urnir góðs af því enda
var hann alltaf tilbúinn að spila og
tefla við okkur þegar við komum í
heimsókn. Um tíma bjuggum við
erlendis og þótti okkur fátt
skemmtilegra en að fá ömmu og
afa í heimsókn, enda þá tekið til
óspilltra málanna við taflmennsk-
una. Afi var hógvær og talaði
sjaldnast um sjálfan sig en hlust-
aði þeim mun frekar á aðra og var
áhugasamur um það sem fjölskyld-
an tók sér fyrir hendur. Hann
mætti oft til að fylgjast með okkur
strákunum, hvort sem það var við
skák-, ísknattleiksmót eða aðrar
uppákomur. Auk þess fylgdist
hann vel með fréttum og því sem
helst bar á góma í samfélaginu
hverju sinni. Hann hafði unun af
að setjast niður í stofunni og taka
sér góða bók í hönd og eyddi hann
miklum tíma við lestur ævisagna
og annars fróðleiks. Er við bræður
komum í heimsókn, sat afi ósjald-
an í stólnum sínum í stofunni, ef
ekki við lestur bóka, þá glímandi
við krossgátur sem hann hafði
mikið gaman af að leysa.
Eins og margir af kynslóð afa
var hann vinnusamur, ósérhlífinn,
samviskusamur og húsbóndahollur
en því fengu stjórnendur og aðrir
starfsmenn Málningarverksmiðj-
unnar Hörpu að kynnast enda
starfaði hann þar í ríflega 40 ár,
eða frá 1954 til 1995 er hann lét af
störfum sökum aldurs. Sá elsti
okkar bræðra fékk að kynnast
þessari hlið afa er hann vann með
honum eitt sumar á þeim tíma
þegar verksmiðja Hörpu var við
Skúlagötu. Myndin af honum í
hvítum vinnugalla með málning-
arslettum og bláa derhúfu kemur
upp í hugann. Það var kannski
engin furða að afi væri rólegur
heima fyrir enda þreyttur eftir
langa vinnudaga. Eftir erfiðisvinnu
allt sitt líf var líkamlegt slit farið
að segja til sín hin síðari ár, en afi
var þó ávallt hress í anda.
Okkur bræðrum er efst í huga
þakklæti fyrir allar þær góðu
stundir sem við áttum með afa.
Minningin um góðan mann mun
lifa í huga okkar.
Ragnar, Ingvar og Egill.
Kveðja frá
Hörpu hf.
Ragnar Jónsson lést á heimili
sínu hinn 11. mars sl. Hann var
starfsmaður Hörpu hf. í meira en
41 ár og lét af störfum hjá fyr-
irtækinu í árslok 1995 að eigin ósk,
þá kominn yfir sjötugt.
Ragnar var einstaklega farsæll í
starfi sínu, traustur, reglusamur
og áreiðanlegur í öllum efnum.
Menn minnast þess ekki að hann
hafi nokkurn tímann vantað dag í
vinnu. Hann var einn af þeim sem
alltaf var unnt að treysta á og allt-
af var treyst á.
Hann var vanafastur og til
marks um það vildi hann ávallt
vera kominn til vinnu fyrstur
manna á morgnana. Hann yfirgaf
ekki verksmiðjuna fyrr en hann
var viss um að allt væri í föstum
skorðum og eins og það átti að
vera.
Ragnar Jónsson var vinsæll og
vel liðinn af samstarfsfólki sínu
enda geðgóður og afar velviljaður
maður. Stjórnendur Hörpu hf.
mátu mannkosti hans mikils og
ekki síst áratugalanga tryggð við
fyrirtækið og alúð í öllum störfum.
Við söknum öll góðs vinar og er-
um þakklát fyrir að hafa átt sam-
leið með honum.
Frú Sigríði Ingvarsdóttur, son-
unum Jóni Ingvari og Guðmundi
og öðrum ástvinum vottum við
dýpstu samúð. Blessuð sé minning
Ragnars Jónssonar.
Helgi Magnússon, fram-
kvæmdastjóri Hörpu hf.
KIRKJUSTARF
Í KVÖLD, föstudagskvöldið 23.
mars, kl. 20:00 verður byltingar-
messa ungs fólks í Dómkirkjunni.
Nú vill kirkjan gefa ungu fólki
tækifæri til að umbylta og flytja
messu eftir þeirra tónlistarsmekk
og með þeirra orðfæri. Þar sem
þetta ágæta unga fólk er arftakar í
kirkjunni verður rödd þeirra að fá
að hljóma og fullorðna fólkið verður
að kunna að hlusta.
Í byltingarmessunni á föstudags-
kvöldið mun hljómsveitin godzpeed
spila. Það er ung og fersk hljóm-
sveit sem flytur fagnaðarerindið á
kröftugan hátt. Hinn einstaki kvar-
tett Quatras sanctas flytur líka
nokkur mögnuð gospel-lög. Tó-
nelskir unglingar úr KSS leiða al-
mennan söng. Tvær ungar stúlkur
úr Neskirkju flytja samtalspredik-
un og ungur menntaskólanemi flyt-
ur frumsamin ljóð.
Prestarnir Jóna Hrönn Bolla-
dóttir og Yrsa Þórðadóttir stýra
messunni ásamt Bolla Pétri Bolla-
syni guðfræðingi.
Við hvetjum fólk til að leggja leið
sína í Dómkirkjuna á föstudags-
kvöldið. Væri ekki upplagt að ung-
lingarnir drægju „gamla settið“ frá
sjónvarpinu og byðu þeim til kirkju
þar sem ungt fólk setur sterkan
svip á helgihaldið! Að messunni
standa Neskirkja, Dómkirkjan,
miðborgarstarf KFUM&K, ÆSKR
og KSS. Þetta er helgihald þar sem
allir fjölskyldumeðlimir geta sam-
einast og notið samfélagsins við
Drottin og hver við annan. Eftir
messuna er fólki boðið yfir í Loft-
stofuna, Austurstræti 20, í kaffi og
kakó. Láttu sjá þig og upplifðu já-
kvæða og skapandi unglingamenn-
ingu í miðborginni.
Fátækt og
einsemd á Íslandi
MÁLÞING í samvinnu við Hjálpar
starf kirkjunnar, Rauða kross Ís-
lands, fræðsludeild Biskupsstofu og
Öryrkjabandalag Íslands undir
heitinu „Fátækt og einsemd á Ís-
landi“ verður haldið í Laugarnes-
kirkju laugardaginn 24. mars kl.
13–16.
Markmið okkar er að halda
áfram skynsamlegri umræðu um
þetta mikilvæga málefni og mun
hópur góðra fyrirlesara flytja stutt
erindi frá hinum ýmsu sjónarhorn-
um.
Helga G. Halldórsdóttir, skrif-
stofustjóri innanlandsdeildar Rauða
krossins, flytur framsögu sem hún
nefnir „Þriðja aflið“. Fulltrúar Ör-
yrkjabandalags Íslands, Guðrún K.
Þórsdóttir djákni og Einar Andr-
ésson frá Sjálfsbjörg á höfuðborg-
arsvæðinu fjalla um „Einsemd fatl-
aðra“ og að máli þeirra loknu mun
Halaleikhópurinn sýna brot úr
verkinu „Nakinn maður og annar í
kjólfötum“ eftir Dario Fo. Að loknu
kaffihléi mun Ágúst Þór Árnason
heimspekingur spyrja: „Eru efna-
leg og félagsleg réttindi algild
mannréttindi á borð við stjórnmála-
leg og borgaraleg réttindi?“ Þá
mun Harpa Njáls félagsfræðingur
fjalla um „Mikilvægi stefnumótunar
til að draga úr fátækt“ en Ragn-
heiður Sverrisdóttir djákni mun
loks greina frá nýjum hugmyndum
í safnaðarstarfi sem lúta að kær-
leiksþjónustu kirkjunnar. Vígslu-
biskup Skálholtsstiftis, sr. Sigurður
Sigurðarson, setur málþingið en
fundarstjóri verður sr. Bjarni
Karlsson sóknarprestur, sem jafn-
fram stýrir almennum umræðum.
Hvetjum við fólk til að fjölmenna
til þessa málþings.
Undirbúningsnefnd.
Samkoma
Byrgisins í Hafnar-
fjarðarkirkju
Í KVÖLD, föstudagskvöldið 23.
mars, fer fram samkoma í Hafn-
arfjarðarkirkju á vegum vakning-
arhreyfingarinnar og hjálparstarfs
Byrgisins og hefst hún kl. 20.00.
Byrgið hefur fært starfsemi sína að
mestu í Klettaborgina á Miðnes-
heiði þar sem veitist vígi og skjól
fyrir þá sem átt hafa við vímuefna-
vanda að etja að ná áttum og hefja
nýtt og betra líf. Samkomur Byrg-
isins fara að jafnaði fram mánaðar-
lega í Hafnarfjarðarkirkju og hafa
verið fjölsóttar og gjöfular. Guð-
mundur Jónsson forstöðumaður og
sr. Gunnþór Ingason sóknarprestur
stýra samkomunni og lofgjörðar-
sveit á vegum Byrgisins leiðir söng
og leikur lofgjörðartónlist. Eftir
samkomuna, sem er öllum opin, er
Strandberg opið og boðið þar upp á
kaffi og meðlæti.
Prestar Hafnarfjarðarkirkju.
Hallgrímskirkja. Passíusálmalestur
kl. 12.15.
Laugarneskirkja. Morgunbænir kl.
6.45–7.05. Mömmumorgunn kl. 10–
12 í umsjá Hrundar Þórarinsdóttur
djákna. Kaffispjall fyrir mæður,
góð upplifun fyrir börn. Unglinga-
kvöld Laugarneskirkju, Þróttheima
og Blómavals kl. 20 fyrir 9. og 10.
bekk.
Langholtskirkja. Kirkjan er opin
til hljóðrar bænagjörðar í hádeginu.
Neskirkja. Kirkjustarf eldri borg-
ara á morgun, laugardag. Ekið um
vesturbæinn undir leiðsögn sr.
Halldórs Gröndal og fleiri. Kaffi á
Hótel Sögu. Lagt af stað frá Nes-
kirkju kl. 14. Kaffiveitingar. Munið
kirkjubílinn. Vinsamlegast tilkynnið
þátttöku í síma 511-1560.
Grafarvogskirkja. Al-Anon-fundur
kl. 20.
Hafnarfjarðarkirkja. Opið hús í
Strandbergi laugardagsmorgna.
Trú og mannlíf, biblíulestur og
kyrrðarstund.
Boðunarkirkjan, Hlíðarsmára 9.
Samkomur alla laugardaga kl. 11–
12.30. Lofgjörð, barnasaga, prédik-
un og biblíufræðsla þar sem ákveð-
ið efni er tekið fyrir, spurt og svar-
að. Barna- og unglingadeildir á
laugardögum. Súpa og brauð eftir
samkomuna. Allir velkomnir.
Landakirkja Vestmannaeyjum. Kl.
16.15 TTT-krakkar leggja upp í
ferðalag í Hlíðardalsskóla, mæting
á flugvöllinn.
Kirkjuskólinn í Mýrdal. Munið
samveru kirkjuskólans nk. laugar-
dag 10. febr. kl. 11.15–12 í Vík-
urskóla. Verið dugleg að mæta.
Sóknarprestur.
Frelsið, kristileg miðstöð. Föstu-
dagskvöld kl. 21. Styrkur unga
fólksins. Dans, drama, rapp, pré-
dikun og mikið fjör.
Sjöundadags aðventistar á Íslandi:
Aðventkirkjan, Ingólfsstræti: Bibl-
íufræðsla kl. 10. Guðsþjónusta kl.
11. Ræðumaður Jóhann Grétars-
son.
Safnaðarheimili aðventista, Blika-
braut 2, Keflavík: Biblíufræðsla kl.
10. Guðsþjónusta kl. 11. Ræðumað-
ur Eric Guðmundsson.
Safnaðarheimili aðventista, Gagn-
heiði 40, Selfossi: Biblíufræðsla kl.
10. Guðsþjónusta kl. 11. Ræðumað-
ur Gavin Anthony.
Aðventkirkjan, Brekastíg 17, Vest-
mannaeyjum: Biblíufræðsla kl. 10.
Loftsalurinn, Hólshrauni 3, Hafn-
arfirði: Guðsþjónusta kl. 11. Biblíu-
fræðsla kl. 12. Ræðumaður Björg-
vin Snorrason. Súpa og brauð að
samkomu lokinni.
Morgunblaðið/Brynjar Gauti
Byltingarmessa
ungs fólks í
miðborginni
Safnaðarstarf