Morgunblaðið - 01.05.2001, Síða 30

ÚR VERINU
30 ÞRIÐJUDAGUR 1. MAÍ 2001 MORGUNBLAÐIÐ
Ársfundur
Dagskrá fundarins
sbr. 5.gr.
samflykkta sjó›sins,
er svohljó›andi:
Ársfundurinn ver›ur haldinn í Gullteigi á Grand Hótel Reykjavík
mánudaginn 28. maí nk. og hefst kl: 17:00
1. Sk‡rsla stjórnar.
2. Kynning ársreiknings.
3. Tryggingafræ›ileg úttekt.
4. Fjárfestingarstefna sjó›sins.
5. Tillögur til breytinga á samflykktum sjó›sins.
6. Kosning stjórnar.
7. Laun stjórnarmanna.
8. Kosning endursko›enda.
9. Önnur mál.
Allir sjó›félagar og rétthafar eiga rétt til setu á fundinum.
Tillögur um breytingar á samflykktum flurfa a› berast stjórn sjó›sins me› skriflegum hætti tveim
vikum fyrir a›alfund. Eftir flann tíma geta fleir sjó›félagar sem vilja kynna sér tillögur til breytinga
á samflykktum sjó›sins fengi› flær afhentar á skrifstofu sjó›sins e›a sendar í pósti.
Reykjavík, 30. apríl 2001
Stjórn Íslenska lífeyrissjó›sins.
535 2000 www.landsbref.is
Stjórn Íslenska lífeyrissjó›sins bo›ar hér me›
til ársfundar Íslenska lífeyrissjó›sins.
„KRÖFUR sjómanna um eðlilega
verðmyndun eru ekki einungis rétt-
lætismál fyrir sjómenn, sem grund-
völlur hlutaskiptakerfisins, heldur
einnig þjóðþrifamál sem leiðir til
eðlilegrar samkeppni milli ein-
stakra útgerða annars vegar og
fiskvinnslunnar hins vegar.“ Þetta
kemur fram í álytkun baráttufund-
ar sem haldinn var sl. laugardag á
vegum Sjómannafélags Reykjavík-
ur, Matsveinafélags Íslands, Skip-
stjóra- og stýrimannafélagsins Öld-
unnar og Vélstjórafélags Íslands.
Á fundinum var lýst yfir fullum
stuðningi við samninganefndir sjó-
manna í yfirstandandi kjaradeilu
þeirra við útvegsmenn og skorað
var á samninganefndir að hvika í
engu frá kröfum gagnvart útvegs-
mönnum. Taldi fundurinn að ára-
löng en árangurslaus barátta sjó-
manna fyrir eðlilegri verðmyndun á
sjávarfangi, þar sem veiðar og
vinnsla eru á sömu hendi, hafi leitt
til þeirrar niðurstöðu að önnur kjör
sjómanna, svo sem kauptrygging,
stighækkandi orlofsgreiðslur miðað
við starfsaldur, greiðslur í styrktar-
og sjúkrasjóði viðkomandi félaga
og auknir uppsagnarfrestir, hafi
ekki verið í samræmi við kjaraþró-
un á hinum almenna vinnumarkaði.
Ekki komið til móts við kröfur
Fundurinn gagnrýndi þau vinnu-
brögð viðsemjenda sjómanna, LÍÚ,
að koma í engu til móts við kröfur
sjómanna og halda fast í verðmynd-
unarkerfi á sjávarfangi sem veiti
einstökum útvegsmönnum færi á að
niðurgreiða afurðir sínar til fisk-
vinnslunnar á kostnað sjómanna; að
halda fast í samkeppnishamlandi
verðmyndunarkerfi á sjávarfangi
sem á engan hátt gefi til kynna
raunverulegt aflaverðmæti úr sjó.
Einnig gagnrýndi fundurinn þau
vinnubrögð samninganefndar út-
vegsmanna að halda deilunni fastri
með því að setja á oddinn kröfur
um skertan hlut sjómanna við
fækkun í áhöfn fiskiskipa. Núver-
andi hlutaskiptakerfi byggist að
þessu leyti á öryggissjónarmiði og
hagnaður útvegsmanna við fækkun
í áhöfn stefni þeim sjónarmiðum í
voða.
Þá skoraði fundurinn á stjórn-
völd að grípa ekki inni í yfirstand-
andi kjaradeilu en leyfa samnings-
aðilum að útkljá sín mál í friði.
Morgunblaðið/Júlíus
Eðlileg verðmynd-
un er þjóðþrifamál
Baráttufundur
sjómanna
um stöðu samn-
ingamála
STJÓRN Fishery Products Interna-
tional á Nýfundnalandi í samvinnu
við Clearwater, Sölumiðstöð hrað-
frystihúsanna, og Derrick Rowe hef-
ur ákveðið með hvaða hætti staðið
verður að aðalfundi FPI í því skyni,
að hann fari sem skipulegast fram.
Samkvæmt samkomulagi fyrirtækj-
anna kom stjórn FPI saman 29. apríl
til að kanna hvort einhverjir hlut-
hafa, sem ráða samtals yfir meira en
15% hlutafjárins, hafi „haft með sér
samráð“ en er það óheimilt og leiðir
til missis atkvæðisréttar.
Aðalfundur FPI verður haldinn í
dag, þriðjudaginn 1. maí og þá geng-
ið til atkvæðagreiðslu vegna stjórn-
arkjörs. Ef í ljós kemur, að mótfram-
boð við sitjandi stjórn hefði fengið
meirihluta þótt á daginn kæmi, að
Clearwater, SH og Derrick Rowe
hefðu haft með sér samráð, skal litið
svo á, að mótframboðið hafi sigrað.
Ef niðurstaðan verður sú, að mót-
framboðið fær því aðeins meirihluta,
að atkvæði Clearwaters, SH og
Derricks Rowes verði talin með, skal
fresta aðalfundinum með stuðningi
þessara fyrirtækja til 29. maí. Í milli-
tíðinni mun stjórn FPI koma saman
til að skoða fyrrnefnd samráðsmál.
Á fundinum 29. maí verður önnur
atkvæðagreiðsla í samræmi við at-
hugun og niðurstöðu stjórnarinnar
hvað varðar samráðsmálin.
Fyrirtækin eru sammála um, að
með þessum hætti geti stjórnin best
rækt skyldur sínar gagnvart fyrir-
tækinu og hluthöfunum. Forsaga
þessa máls er sú að fyrir um einu og
hálfu ári reyndu SH Clearwater og
Barry Group yfirtöku á FPI, sem
mistókst. Síðan þá hafa þessir aðilar
keypt mikið af hlutabréfum í FPI og
Sölumiðstöðin nú til dæmis um 15%
hlutafjár og hópurinn sem reyndi yf-
irtökuna á um 40% samtals. Það hef-
ur síðan verið í umræðunni að koma
með framboð gegn sitjandi stjórn á
aðalfundinum í dag.
Samkomulag um
framkvæmd aðal-
fundar FPI
KRISTINN Pétursson, fiskverkandi
á Bakkafirði og fyrrverandi alþing-
ismaður, fagnar málaefnalegri um-
ræðu um brottkast á fiski. Hann seg-
ir að fram komi svipaðar vís-
bendingar um umfang brottkasts í
skoðanakönnun Gallup á brottkasti,
sem birt var fyrir helgi, og í könnun
sem hann lét gera árið 1990. Það sé
hinsvegar sorglegt að það taki meira
en áratug að fá menn til að tala um
svona hluti af ábyrgð.
Könnun sem Skáís gerði fyrir
Kristin á meðal sjómanna á fiski-
skipaflotanum og birt var í febrúar
árið 1990 gaf til kynna að árið 1989
hafi rúmum 53.000 tonnum af bol-
fiski verið hent frá borði íslenska
flotans. Kom í könnuninni fram að
langmestu hafi verið hent af þorski
eða rúmum 26.000 tonnum.
Í skoðanakönnun sem Gallup
gerði á meðal sjómanna og birt var í
síðustu viku kom fram að brottkast á
bolfiski á síðasta ári nam samtals um
25 þúsund tonnum en þar af má ætla
að um 15 þúsund tonnum hafi verið
hent af þorski aftur í hafið.
„Ég fagna því að farið sé að vinna
málefnalega að því að leysa brott-
kastvandann og að forysta LÍÚ er
ekki lengur í afneitunarhlutverkinu.
Nýja könnunin er vísbending og
segir heilmikið um stöðu mála. Það
er líka fagnaðarefni að sjávarútvegs-
ráðherra skuli líta á brottkast sem
vandamál og vilji taka á því. Ég vona
hinsvegar að hann bregðist ekki við
með því að herða eftirlit. Það magn-
ar aðeins spennuna í kerfinu. Það
verður að slaka á innri spennu kvóta-
kerfisins ef menn vilja ná tökum á
vandanum. Ég sé til dæmis fyrir mér
að ef krókabátar verða kvótasettir í
aukategundum á næsta fiskveiðiári
valdi það aukinni spennu og nýjum
brottkasthvata. Það er staðreynd
sem menn mega ekki horfa
framhjá,“ segir Kristinn.
Kenndu kvótakerfinu um
Samkvæmt niðurstöðum könnun-
ar Skáís árið 1990 var um 36.000
tonnum fleygt fyrir borð skuttogar-
anna, þar af 16.600 tonnum af þorski.
Frá borði báta var fleygt 14.650
tonnum, þar af 8.300 af þorski og
smábátasjómenn fleygðu 2.000 tonn-
um, þar af 1.400 tonnum af þorski.
Könnun Gallup sýndi að á síðasta
ári nam brottkast af bolfiski tæpum
26 þúsund tonnum. Þar af var um
11.832 tonnum hent af bolfiski af ís-
fisktogurum, 6.913 tonnum af snur-
voðarbátum, 2.725 tonnum af frysti-
skipum, 2.541 tonni af smábátum,
2.243 tonnum af línubátum og 923
tonnum af netabátum.
Í könnun Skáís kom fram að sjó-
menn töldu að leita mætti skýringar
á brottkastinu til kvótakerfisins, það
setti þeim þröngar skorður og þeim
væru í mörgum tilfellum aðeins
mögulegar tvær leiðir, að fleygja afl-
anum eða koma með hann að landi og
fá sekt fyrir. Verðmæti brottkasts-
ins árið 1989 var talið um einn millj-
arður króna.
LÍÚ ekki leng-
ur í afneitun
Kristinn Pétursson fagnar
umræðu um brottkast
FÉLAG íslenskra skipstjórnar-
manna lýsti á aðalfundi sínum sl.
laugardag yfir fullum stuðningi við
samninganefnd Farmanna- og fiski-
mannasamband Ísland í kjaradeil-
unni við Landssamband íslenskra
útvegsmanna. Fundurinn hvatti
samninganefndina til að standa þétt
með öðrum samtökum sjómanna við
að verjast ósanngjörnum málflutn-
ingi LÍÚ varðandi mönnunarmál.
Þá lýsti fundurinn því yfir að fisk-
verðsdeilan yrði ekki leyst nema að
fiskverð tengist verði á uppborðs-
mörkuðum eða að allur fiskur verði
seldur á uppboðsmarkaði. Aðrar
leiðir muni ekki leiða til sátta. Þá
krafðist fundurinn þess af stjórn-
völdum að þau veiti mönnum frið til
að vinna að samningum og lýsti
óánægju sinni með að sjávarútvegs-
ráðherra noti hvert tækifæri sem
gefst til að hóta lögum á sjómanna-
deiluna.
Fullur stuðning-
ur við FFSÍ