Morgunblaðið - 22.12.2001, Blaðsíða 20
SUÐURNES
20 LAUGARDAGUR 22. DESEMBER 2001 MORGUNBLAÐIÐ
HVERGI MEIRA ÚRVAL AF
ÍSLENSKRI MYNDLIST
Rauðarárstíg 14,
sími 551 0400
Kringlunni,
sími 568 0400
Smáralind,
535 0400
www.myndlist.is
— Þorsteinn Helgason —
HEILBRIGÐISSTOFNUN Suður-
nesja hefur fengið á þessu ári gjafir
að verðmæti á sjötta tug milljóna
króna, sérstaklega tæki í hina nýju D-
álmu sem formlega var opnuð v í gær.
Við hátíðlega athöfn í D-álmunni,
sem efnt var til í gær, var saga barátt-
unnar fyrir viðbyggingu sjúkrahúss-
ins í Keflavík og byggingarsaga henn-
ar rakin nokkuð. Kom fram hjá
Jóhanni Einvarðssyni, framkvæmda-
stjóra Heilbrigðisstofnunarinnar, að
hana mætti rekja aftur til ársins 1970
er stjórn sjúkrahússins óskaði fyrst
eftir að aðbúnaður starfsfólks yrði
bættur með stækkun húsnæðis. Tók
Jóhann þannig til orða að baráttan
hefði kostað svita, erfiðleika og þurft
hefði að taka slag. Gengið hefði rólega
að ná verkefninu fram „en nú erum
við komin í höfn og það er aðalatrið-
ið“, sagði Jóhann við athöfnina.
Húsnæði sjúkrahússins nærri því
tvöfaldast með tilkomu D-álmunnar.
Húsið er 3.000 fermetrar að flatar-
máli, á þremur hæðum, auk geymslu-
lofts. Fyrsta hæðin hefur nú verið
tekin í notkun en þar er meðal annars
sjúkra- og iðjuþjálfun og aðstaða fyrir
rannsóknir og starfsfólk. Á annarri
hæðinni, sem tekin verður í notkun 1.
júní á næsta ári, verða 24 sjúkrarúm
fyrir langlegusjúklinga. Húsnæðið er
tilbúið en eftir er að kaupa rúmin og
önnur húsgögn. Þriðja hæðin er
skemmra á veg komin og ekki liggur
enn fyrir hvernig hún verður nýtt eða
hvenær hún kemst í notkun. Hug-
myndir eru uppi innan sjúkrahússins
um að byggja þar upp skurðstofur
sjúkrahússins, sem þarfnast endur-
nýjunar, og taka húsnæði þeirra í
staðinn undir langlegudeild.
Verðmætar gjafir
Það kom fram við athöfnina í gær
að bygging D-álmunnar hefur lengi
verið mikið áhugamál hjá Suður-
nesjamönnum. Það kemur meðal ann-
ars fram í fjölda gjafa sem félagasam-
tök, fyrirtæki og einstaklingar hafa
fært Heilbrigðisstofnuninni, ekki síst
vegna hinna nýju húsakynna. Áætlar
framkvæmdastjórinn að verðmæti
tækja sem gefin hafa verið á árinu sé
á sjötta tug milljóna króna. Getur
hann þess til samanburðar að sjúkra-
húsið fái að meðaltali tvær milljónir á
ári á fjárlögum ríkisins til tækja-
kaupa. Stærsta gjöfin er frá D-álmu-
samtökunum, sem 32 félagasamtök á
Suðurnesjum standa að, en þau færa
stofnuninni tæki og búnað í nýju álm-
una að verðmæti um 25 milljónir kr.
Skúli Þ. Skúlason, varaformaður
Sambands sveitarfélaga á Suðurnesj-
um, sagði að opnun D-álmunnar væri
jólagjöf til Suðurnesjamanna og sagði
að hún markaði þáttaskil í heilbrigð-
isþjónustu á svæðinu.
Við lok athafnar blessaði Ólafur
Oddur Jónsson sóknarprestur húsið
og starfsemina.
D-álma Heilbrigðisstofnunar Suðurnesja formlega opnuð
Gefa tæki að verð-
mæti 50–60 milljónir
Morgunblaðið/Helgi Bjarnason
Aðalbjörg Stefánsdóttir klippir á borðann og nýtur við það aðstoðar
Ernu Björnsdóttur hjúkrunarforstjóra, Ólafs Ragnars Grímssonar, for-
seta Íslands, og Jóns Kristjánssonar heilbrigðisráðherra.
Keflavík
GREIÐSLUR frá Hitaveitu Suður-
nesja gera það að verkum að Grinda-
víkurbær eykur ekki skuldir sínar á
næsta ári þrátt fyrir verulegar
kostnaðarhækkanir, óbreytta út-
svarsprósentu og þónokkrar fram-
kvæmdir.
Fyrri umræða um fjárhagsáætlun
Grindavíkurbæjar fór fram í bæjar-
stjórn í vikunni. Síðari umræða er
áformuð 23. janúar.
Tekjur aukast
vegna fjölgunar
Samkvæmt áætluninni verða
tekjur Grindavíkurbæjar liðlega 600
milljónir á næsta ári. Er það 15%
hækkun frá yfirstandandi ári þrátt
fyrir að álagningu gjalda sé haldið í
óbreyttu horfi. Meðal annars er ekki
nýtt heimild til hækkunar útsvars.
Tekjuaukningin stafar af auknum
tekjum vegna almennra launahækk-
ana hjá íbúunum og fjölgun íbúa, að
sögn Einars Njálssonar bæjarstjóra.
Gjöld nema liðlega 520 milljónum
kr., þar af eru vaxtagjöld rúmar 10
milljónir kr. Fræðslumálin eru lang-
stærsti einstaki útgjaldaflokkurinn, í
hann fara tæp 53% af útgjöldunum.
Útgjöld hækka um tæp 13% milli
ára, ekki síst vegna hækkunar launa
starfsmanna. Tekjuafgangur bæjar-
sjóðs er áætlaður samkvæmt þessu
liðlega 81 milljón á næsta ári.
Áætluð gjaldfærð fjárfesting er
rúmar 58 milljónir og eignfærð fjár-
festing tæpar 100 milljónir. Áætlað-
ur útboðskostnaður vegna nýs leik-
skóla við Dalbraut er 3 milljónir kr.
og afborganir langtímalána á næsta
ári 60 milljónir. Þessi útgjöld verða
fjármögnuð með tekjuafgangi, 81
milljón, útborguðum eignarhlut í
Hitaveitu Suðurnesja, 71 milljón,
með 15 milljóna kr. arðgreiðslu frá
hitaveitunni og nýjum lánum bæj-
arsjóðs upp á tæplega 54 milljónir
kr.
Nýtt hverfi og leikskóli
Áformað er að byggja nýjan leik-
skóla við Dalbraut, í stað þess sem
þar er nú. Auglýst hefur verið eftir
áhugasömum verktökum í forvali.
Að sögn Einars Njálssonar liggur
ekki enn fyrir hvort leikskólinn
verður byggður sem einkafram-
kvæmd eða af bænum sjálfum. Því
sé ekki vitað hversu mikum fjármun-
um þurfi að ráðstafa til þess. Verði
niðurstaðan sú að bærinn sjálfur
muni fjármagna bygginguna verði
að taka upp fjárhagsáætlun.
Af helstu framkvæmdum á vegum
Grindavíkurbæjar á næsta ári má
nefna að áætlað er að verja 40 millj-
ónum til að byggja nýjar götur, þar
af fara 25 milljónir í gatnagerð nýs
hverfis sem byggt verður við Dal-
braut. Bærinn leggur 35 milljónir í
stofnfé Saltfiskseturs Íslands sem
mun byggja sýningarskála á næsta
ári og setja upp saltfisksýningu. Þá
eru 22 milljónir ætlaðar til að greiða
fyrir framkvæmdir við skólalóð
grunnskólans en þegar er búið að
framkvæma verkið. Loks má nefna
að lagt verður í nokkurn kostnað við
að endurnýja dreifikerfi vatnsveitu
og heimtaugar.
Einar bæjarstjóri segir að farið
hafi verið nokkuð varfærnislega í
áætlanagerð, án þess þó að rýra
verulega framkvæmdamöguleika.
Muni heilmikið um þá peninga sem
komi frá Hitaveitu Suðurnesja. Það
geri það að verkum að hægt sé að
ráðast í framkvæmdir án þess að
auka skuldir bæjarsjóðs.
Skuldir ekki
auknar þrátt fyrir
fjárfestingar
Grindavík
HÚSIÐ á Týsvöllum 1 í Keflavík
var útnefnt Jólahús Reykjanes-
bæjar 2001, við athöfn sem fram fór
í Kjarna í gær.
Markaðs-, atvinnumála- og menn-
ingarskrifstofa Reykjanesbæjar
stóð fyrir vali á Jólahúsi Reykjanes-
bæjar. Tilnefningar bárust um 30
hús. Auk verðlauna fyrir þrjú best
skreyttu húsin voru veittar við-
urkenningar fyrir bestu rað-
húsaskreytinguna, bestu fjölbýlis-
húsaskreytinguna, jólalegustu
götuna og mesta jólahúsið. Þá voru
í fyrsta skipti veitt verðlaun fyrir
fallegasta jólaglugga verslana í
Reykjanesbæ.
Hjónin Grétar Ólason og Þórunn
Sigurðardóttir, Týsvöllum 1, voru
talin eiga best skreytta húsið þetta
árið, Jólahús Reykjanesbæjar 2001.
Þau fengu 25 þúsund króna inneign
frá Hitaveitu Suðurnesja í verð-
laun. Upphæðin mun ganga upp í
rafmagnskostnað fyrir jólamán-
uðinn og veitir víst varla af þegar
svo mikið er skreytt.
Annað sæti hlutu íbúar Hamra-
garðs 9 og hlutu þeir 15 þúsund
króna inneign frá Hitaveitunni, en
Borgarvegur 15 varð í því þriðja og
hlaut hann 10 þúsund krónur.
Fallegasti jólaglugginn er í Ótrú-
legu búðinni, Hafnargötu 15.
Íbúar Reykjanesbæjar leggja
jafnan mikið upp úr skreytingu
húsa sinna fyrir jólin, enda er bær-
inn vel upplýstur um þessar mund-
ir. Mikið er um að fólk leggi leið
sína í bæinn til þess að líta á herleg-
heitin, enda er nánast hvert einasta
hús uppljómað
af jólaseríum.
Jólahússeig-
andinn, Grétar
Ólason, segist
alltaf hafa
skreytt mikið
fyrir jólin. „Við
förum að spá í
það í byrjun
nóvember ár
hvert, hvernig
við ætlum að
skreyta það ár-
ið. Eiginkona
mín, Þórunn
Sigurðardóttir,
átti þá hug-
mynd að hafa allar perur hvítar í
ár,“ segir Grétar. Hann er með 12–
14 þúsund perur á húsinu og við
það, en segist hafa sankað þessu að
sér í gegnum árin.
Eins og verðlagið er í dag segir
Grétar að ætla megi að heild-
arkostnaður við skreytingarnar
væri nokkur hundruð þúsund. „Ég
hugsa aldrei um kostnaðinn. Ég hef
bara mjög gaman af því að skreyta
fyrir jólin, en það er ekki ólíklegt
að ég hafi það frá móður minni, því
þegar ég bjó hjá henni var alltaf
mikið skreytt,“ segir jólabarnið,
Grétar Ólason.
Jólahúsið í Reykjanesbæ er skreytt með 12–14 þúsund perum.
Jólahúsið
útnefnt
Morgunblaðið/Sigríður Hjálmarsdóttir
Hjónin Grétar Ólason og Þórunn Sigurðardóttir
ásamt Erlu Guðrúnu Grétarsdóttur, Soffíu Klemens-
dóttur, Júlíusi Jónssyni og Kjartani Má Kjartanssyni.
Reykjanesbær