Morgunblaðið - 10.01.2002, Page 56

FÓLK Í FRÉTTUM
56 FIMMTUDAGUR 10. JANÚAR 2002 MORGUNBLAÐIÐ
LAUGAVEGI, S. 511 1717 KRINGLUNNI, S. 568 9017
Menn:
Diesel
mao
Matinique
4 you
Paul Smith
Van Gils
Dico
Konur:
Kookai
Nice girl
Laura Aime
Diesel
Imitz
Tark
French Connection
Skór:
Billi Bi
Done shoes
Seller
Trend design
Vagabond
Lung Pao
Zinda
ÚTSALAN
hefst í dag
30-60% afsláttur
Opið til
kl. 21.00
Kringlunni
fimmtudag
Dæmi:
Nýtt kortatímabil
HVAÐ á að gera við svona bönd
eins og Creed? Með fyrstu plötu
sinni, My own Prison (’97), lögðu þeir
línurnar að eins konar síðgruggi, þar
sem þeir hljómuðu eins og straum-
línulagaðir Pearl Jam, hvar Scott
Stapp söngvari tók hina oft og tíðum
óþolandi grugg-
rödd til nýrra hæða
(„I’ve created my
own prisooooojo-
jojoooooooooon
yeeaaaahh!“). Það
þarf kannski ekki
að koma á óvart að þetta endurunna
grugg sló í gegn og um þessar mund-
ir er Creed ein vinsælasta rokksveit
heims, mörgum „alvöru“-þenkjandi
tónlistaráhugamönnum til gremju.
Ég var í þeim hópi, svo sannar-
lega, alveg þar til ég var eitt sinn að
hjóla í vinnuna, hlustandi á X-ið. Í
eyrunum var „With Arms Wide
Open“ af Human Clay (’99) og
skyndilega laust því í hausinn á mér.
Var ég ekki farinn að „fíla“ Creed allt
í einu! Ég sór strax að segja ekki
neinum frá – þar til nú.
Creed er að virka á tveimur stig-
um. Í fyrsta lagi eru þeir hlægilegir –
myndböndin uppskrúfuð dramatík,
hvar Stapp baular upp í vindinn, ber
að ofan í leðurbuxum. En – ég veit
ekki, kannski er þetta einhver angi af
pervertisma – er frekar erfitt að
heillast ekki af því hvað meðlimir
sjálfir virðast alvörugefnir í þessu.
Nema að þeir séu að grínast sjálfir.
Sem ég efast reyndar stórlega um.
Að þessum forsendum gefnum eru
Creed að virka – 100%. Maður brosir
út í annað, um leið og maður bara
hristir hausinn og leyfir rokkinu að
ná taki á manni.
Að sjálfsögðu er ekkert verið að
finna upp hjólið á þessari nýjustu
plötu, hér eru menn við sama sölu-
vænlega heygarðshornið. En út-
færslan er frábær. Rokkararnir
rokka og ballöðurnar … humm …
ballaða. Maður leyfir sér svei mér þá
bara eina slettu hérna í lokin og seg-
ir: Creed „rúla“!

Tónlist
Uppveðrað og ógurlegt
Creed
Weathered
Wind Up/Epic
Þriðja plata Creed. Sígilt hetjurokk sem
virkar, bæði á kómískan hátt og ekki. Já
... þetta er skrýtið líf.
Arnar Eggert Thoroddsen
UPPISTAND er vaxandi grein inn-
an íslensks skemmtanaiðnaðar, en
það lýsir sér þannig að grínisti
stendur einn uppi á sviði fyrir
framan hóp áhorfenda og reytir af
sér gamansögur og leitar skop-
legra hliða á lífsins amstri.
Þeir Fóstbræður, Sigurjón
Kjartansson og Þorsteinn Guð-
mundsson, eru orðnir sjóaðir í
grínvolkinu og hafa verið að troða
upp að undanförnu á Sportbarnum
við gríðarlegan fögnuð. Ég hringdi
í Sigurjón Kjartansson, sjálfan her-
togann, og forvitnaðist um til-
högun þessara kvölda.
Þægilegheit
Hvað kom til að þið hófuð þetta
uppistand?
„Já … þetta voru bara svona
þægilegheit sem réðu þessu. Sport-
kaffi uppgötvuðum við í kringum
Fyndnasti maður Íslands keppnina
og sáum að þetta væri algerlega
frábær klúbbur til að fremja uppi-
stand í. Eins og best gerist erlend-
is. Okkur datt því í hug að það gæti
verið gaman að koma þarna fram
og troða upp. Mér sjálfum finnst
best að vera á sviðinu í svona 30–40
mínútur og Steini er á sama róli.
Þannig að til að fá eitt gott kvöld
út úr þessu er mjög sniðugt að slá
þessu saman í eitt kvöld, skilurðu?“
Og viðbrögðin hafa ekki látið á
sér standa …
„O nei.“
En þið eruð þá ekki saman uppi
á sviðinu? „Nei nei. Það er ekki
uppistand. Það er bara eitthvað
svona … Halli og Laddi. Nei … við
erum ekki Baldur og Konni!“
Þetta er kannski sígild spurning.
Er ekki erfitt að standa svona ber-
skjaldaður og segja brandara?
„(Hlátur) Þetta er mjög sígild
spurning einmitt. Ja … það fer nú
bara eftir því hvað er í gangi.
En … nei, ég held að þetta sé ekk-
ert erfitt. Ja … sko, kannski er
þetta erfitt fyrir einhvern Gunnar
úti íbæ. En þegar maður er orðinn
vanur þessu þá verður þetta bara
skemmtilegt.“
Nú er ég með spurningu úr sal
(eða frá samstarfsmanni réttara
sagt). Er þetta allt saman spunnið
eða eruð þið með fyrirfram skrifað
efni?
„Nei … þetta er nú ekki spurn-
ing sem þú spyrð uppistandara að.
Nei, auðvitað (hlær) er þetta yf-
irleitt … allt uppistand er skrifað
fyrirfram. En út frá því spinnst oft
eitthvað. Ég veit ekki um neinn
uppistandara sem fer á sviðið með
ekkert í höndunum. Maður er allt-
af með einhvern grunn.“
Kvöldið
Hið grínaktuga og galgopalega
glens hefst í kvöld kl. 22 en húsið
verður opnað kl. 20. Aldurstak-
mark er 20 ára en aðgangseyrir er
1.000 kr.
Morgunblaðið/Ásdís
Algert uppistand
Sigurjón Kjartansson og Þorsteinn
Guðmundsson með uppistand á Sportbar
Sigurjón og Þor-
steinn voru að
mála er ljós-
myndara bar að
garði, en höfðu
þó tíma til að
gægjast upp úr
dollunum.
arnart@mbl.is
Stretchbuxur kr. 2.900
Konubuxur frá kr. 1.690
Dragtir, kjólar,
blússur og pils.
Ódýr náttfatnaður.
Brandtex fatnaður
Nýbýlavegi 12, sími 5544433
Til að auglýsa á þessari síðu hafðu
samband við okkur í
síma 569 1111 eða sendu okkur
tölvupóst á augl@mbl.is