Morgunblaðið - 08.03.2002, Side 14

HÖFUÐBORGARSVÆÐIÐ
14 FÖSTUDAGUR 8. MARS 2002 MORGUNBLAÐIÐ
FJÖLNOTA íþróttahúsið í
Smáranum í Kópavogi er
nánast á áætlun. Að sögn
Jóns Júlíussonar, íþróttafull-
trúa í Kópavogi, er gert ráð
fyrir að hægt verði að hefja
lagningu gervigrass og ann-
ars í kringum 20. mars nk.,
en um mánuði síðar er stefnt
að formlegri opnun með sér-
stakri sýningu.
Skóflustunga að húsinu
var tekin 3. júlí í fyrra en
framkvæmdir hófust ekki af
fullum krafti fyrr en í sept-
ember. Síðan hefur vinnan
gengið mjög vel og tíðin ekki
spillt fyrir.
Kópavogsbær stendur að
byggingunni. Hún er um
9.200 fermetrar að stærð
með knattspyrnuvelli í fullri
stærð auk þess sem gert er
ráð fyrir aðstöðu fyrir flestar
íþróttagreinar. Jón Júlíusson
segir að fyrst og fremst sé
verið að byggja fyrir æsku
bæjarins enda muni íþrótta-
félög bæjarins hafa forgang
að tímum í húsinu.
Fjölnota íþróttahúsið á áætlun
Kópavogur
Morgunblaðið/Kristinn
ÞAÐ getur verið erfitt að
vera bara sex ára og vera
að byrja í fyrsta bekk. Það
er ekki nóg með að allir í
skólanum séu ókunnir, að
flestir krakkarnir séu miklu
stærri en maður sjálfur og
að allt í einu sé bara einn
kennari sem eigi að passa
upp á allan bekkinn heldur
á maður líka að sitja kyrr
lungann úr deginum og
læra í stað þess að una sér í
frjálsum leik með vinum
sínum.
Þetta getur verið mikið
álag fyrir litla sál og því
hafa skólayfirvöld í Hamra-
skóla og á leikskólanum
Klettaborg í Grafarvogi
haft á síðustu árum sam-
starf um að auðvelda börn-
unum þessar breytingar en
skólarnir standa hlið við
hlið. Að sögn Hrundar
Hlöðversdóttur, deild-
arstjóra yngsta stigs í
Hamraskóla, er þessi sam-
vinna orðin hluti af stefnu
skólanna og felst m.a. í
heimsóknum barnanna á
milli skólanna. Þannig fara
elstu börnin í leikskólanum,
sem hefja eiga skólagöng-
una árið eftir, í reglulegar
heimsóknir út í Hamraskóla
til að kynnast húsnæðinu,
kennurunum og andrúms-
loftinu.
Aðlöguninni er þó ekki
lokið þar með. „Krakkarnir
í fyrsta bekk í Hamraskóla,
sem voru flest í Klettaborg
árið áður, fara síðan í heim-
sókn út á leikskóla,“ segir
Hrund. „Við látum mánuð
líða af skólastarfinu áður
en börnin fara í heimsóknir
á leikskólann. Þar fara þau
inn á sínar deildir og finna
svolítið að þau tilheyri þar
ekki lengur. Þeim finnst
ofsalega skemmtilegt og
gaman að hitta aftur leik-
skólakennarana sína og
þetta hjálpar mikið, sér-
staklega krökkum sem eru
ekki alveg tilbúnir að byrja
í skóla en það eru alltaf
nokkrir í hverjum árgangi
sem eru svolítil leik-
skólabörn ennþá.“ Hrund
segir að krakkarnir virðist
ekki fá „heimþrá“ eða sökn-
uð eftir gamla staðnum við
þetta.
Aðlögun fyrir foreldra
Samstarfið nær einnig til
undirbúnings kennara,
skólastjórnenda og foreldra
með fundahöldum. „Á
hverju hausti er haldinn
fundur áður en skólastarfið
hefst og þar hittast deild-
arstjóri yngsta stigs í
Hamraskóla og þeir kenn-
arar sem verða með yngstu
bekkina og svo leikskóla-
kennararnir á Klettaborg
sem eru með elstu börnin
þar. Eins fara kennararnir í
Hamraskóla í leikskólann til
að kynna sér starfið sem
þar fer fram og leikskóla-
kennararnir heimsækja
Hamraskóla.
Síðan hafa skólastjórarnir
í báðum skólunum samstarf
sín á milli. T.d. fer skóla-
stjóri Hamraskóla ásamt
leikskólastjóranum á Kletta-
borg á fund foreldra elstu
barnanna þar í janúar.“
Hún segir samstarfið
þannig ná inn á heimilin
enda þurfi foreldrar einnig
á aðlögun að halda því þær
eru miklar breytingarnar
sem verða á högum barna
þeirra við flutninginn á
milli skólanna. „Þau eru bú-
in að vera elst í heilan vet-
ur í tiltölulega einangruðu
umhverfi og allt í einu
koma þau í þetta stóra
rými. Það er ekki eins mik-
ill frjáls leikur og var á
leikskólanum en ekki má
gleyma að undirbúnings-
starfið, sem fer fram í
Klettaborg með elstu börn-
unum, er hreint frábært og
þar eru þau undirbúin
markvisst fyrir það að byrja
í skóla.“
Hrund segist ekki í vafa
um að þessi samvinna skól-
anna hjálpi börnunum í að-
löguninni að grunnskóla-
starfinu. „Við höfum ekki
gert neina rannsókn á ár-
angrinum en við höfum
heyrt á foreldrum að þeir
eru mjög ánægðir með
þetta.“
Samstarf Hamraskóla og Klettaborgar um aðlögun barna
Úr leikskóla í grunnskóla
Morgunblaðið/Sverrir
Hrund Hlöðversdóttir, deildarstjóri yngsta stigs í Hamraskóla, og nemendur í baksýn.
Grafarvogur
FRAMKVÆMDIR við fyrsta
áfanga fráveitukerfis Mos-
fellsbæjar hefjast í vor en um
er að ræða byrjun á tengingu
fráveitukerfis Mosfellsbæjar
við fráveitukerfi Reykjavíkur.
Verklok við fráveitutengingar
til Reykjavíkur eru áætlaðar
2006 og verður þá öll strand-
lengjan laus við skolp.
Í fyrsta áfanga er um að
ræða holræsi milli Varmár-
rotþróar og Holtaþróar.
Verkfræðistofan Hönnun hf.
sá um hönnunina og í fram-
haldi gerði hún kostnaðar-
áætlun sem var upp á
51.626.000 krónur. 17 tilboð
bárust í verkið og eru hafnar
viðræður við Heimi og Þor-
geir ehf., en fyrirtækið bauð
lægst, 31.880.300 kr. Hæsta
tilboð var 57.659.467 kr., en
þrjú tilboð voru yfir kostnað-
aráætluninni.
Þröstur Karlsson, formað-
ur tækninefndar Mosfells-
bæjar, segir að samkvæmt
fjárhagsáætlun sé gert ráð
fyrir að framkvæmdir verði í
tvennu lagi og verður greiðsla
miðuð við það, þó heimilt sé að
ljúka verkinu fyrr. Hluti
framkvæmdanna á að hefjast
í vor en áætlað er að ljúka
áfanganum á næsta ári.
Hugmyndin er að ljúka öllu
verkinu í þremur áföngum.
Þröstur Karlsson segir að
annar áfangi verði boðinn út
seint á næsta ári til fram-
kvæmdar 2004 en áætluð
verklok séu 2006. Hann segir
að þar sem fráveitukerfið fari
í gegnum hesthúsabyggð og
íþróttasvæði hestamanna-
félagsins Harðar þurfi að
vinna verkið í sátt og sam-
lyndi við hestamenn og miða
framkvæmdatíma þar við lok
hestamannatímabilsins síð-
sumars, en að öðru leyti sé
verktíminn nokkuð frjáls hjá
verktakanum.
Fráveitukerfi Mos-
fellsbæjar tengist
Reykjavíkurkerfinu
Mosfellsbær
FRÉTTABLAÐ Hafnar-
fjarðar er nú aðgengilegt á
rafrænu formi í fyrsta sinn
en nýjasta tölublaðið kom út
í gær.
Blaðið er á heimasíðunni
www.hafnarfjordur.is undir
Útgefið efni, en til að lesa
það þar þarf Acrobat Read-
er. Þetta er fyrsta tölublað
fjórða árgangs, en þar er að
finna ýmsar upplýsingar um
starfsemi Hafnarfjarðarbæj-
ar. Meðal efnis má nefna
frétt um 25 ára afmæli leik-
skólans Víðivalla, greinar um
grunnskólahátíð og vígslu fé-
lagsaðstöðu fyrir eldri borg-
ara í Hafnarfirði, fjallað er
um þjónustustarfsemi launa-
deildar og bætta þjónustu
með rafrænni stjórnsýslu,
sagt frá menningar- og
ferðamálaþingi sem fram fer
á morgun og því að Engi-
dalsskóli hefur nú öðlast
Græna flaggið svokallaða
fyrir umhverfismál auk þess
sem birt er grein um for-
varnaráætlun og gerð grein
fyrir nýju svæði fyrir íbúða-
byggð á Völlum.
Fréttablað bæjarins
á rafrænu formi
Hafnarfjörður
BÚFÉNAÐI í Kópavogi
fjölgaði milli áranna 2000 og
2001 ef marka má skýrslu
forðagæslumanns bæjarins.
Fjölgaði hrossum um 2,2%,
sauðfé um 3,1% en fjöldi varp-
hæna og lífunga var sá sami í
fyrra og árið áður.
Í yfirliti forðagæslumanns
er sérstaklega sundurgreind-
ur fjöldi hrossa eftir því hvar
þau er að finna en alls voru
1.734 hross innan bæjarmark-
anna í fyrra en 1.697 árið áð-
ur. Kemur fram að flest voru
hrossin á félagssvæði Gusts í
Glaðheimum eða 1069, á
Heimsenda voru 500 hross, í
Vatnsendahverfi 157 hross
sem er fjölgun um 60,2% frá
árinu 2000 og loks eru 8 hross
á Gunnarshólma sem er tölu-
verð fækkun þar sem þar voru
33 hross árið 2000. Segir í yf-
irlitinu að töluvert sé um
flutning á hestum milli húsa.
Sé litið á annan búfénað
kemur fram að alls er fjöldi
sauðfjár 133 en fuglar eru
12.400 talsins, þar af varp-
hænur 6.900 og lífungar 5.500.
Engar endur voru taldar í
skýrslunni.
Segir í umsögn forðagæslu-
mannsins að hey séu yfirleitt
góð og ekki annað fundið en
að fóðrun sé vel fullnægt í
bænum.
Búfénaði fjölgar
Kópavogur
Morgunblaðið/Árni Sæberg
Varphænur eru samtals 6.900 í Kópavogi samkvæmt
skýrslu forðagæslumanns bæjarins.