Morgunblaðið - 15.06.2002, Blaðsíða 4

HALLDÓR Ásgrímsson utan-
ríkisráðherra, sem snæddi
morgunverð með forstjóra Al-
coa í gær ásamt forsætisráð-
herra, segir að sér hafi litist vel
á hann og það sem hann hafi
haft fram að færa. Koma hans til
landsins sýndi þá miklu alvöru
sem væri í allri vinnu Alcoa
vegna fyrirhugaðs álvers í
Reyðarfirði.
„Þeir leggja mikla áherslu á
góða aðstöðu starfsmanna og
umhverfismál og forstjórinn
lýsti því að eitt nýjasta fyrirtæki
þeirra væri inni í þjóðgarði. Mér
líst mjög vel á þeirra fyrirætl-
anir,“ sagði Halldór við Morg-
unblaðið. Hann sagði að hug-
myndir um þjóðgarð norðan
Vatnajökuls hefðu komið til tals
á morgunverðarfundinum. „Við
sögðum þeim að þessi mál væru
öll til athugunar. Að mínu mati
fer þetta ágætlega saman en
þarf frekari undirbúnings við.“
Halldór sagði að allt það sem
gerst hefði í kringum Alcoa til
þessa væri afar jákvætt. Hins
vegar vissu menn af langri
reynslu að áður en endanleg
ákvörðun hefði verið tekin, væri
ekki hægt að fullyrða neitt.
Halldór Ásgrímsson
utanríkisráðherra
Koma for-
stjórans
sýnir al-
vöru Alcoa
FRÉTTIR
4 LAUGARDAGUR 15. JÚNÍ 2002 MORGUNBLAÐIÐ
VEÐRIÐ hefur leikið við íbúa Suð-
ur- og Vesturlands undanfarnar
tvær vikur. Telst það óvenjulegt
hér á landi að góðviðri standi svo
lengi, að sögn Þórönnu Pálsdóttur,
aðstoðarforstöðumanns á veð-
urfarsdeild Veðurstofu.
„Það hefur aldrei sést annað eins
síðan mælingar hófust,“ segir Þór-
anna aðspurð um hitastigið í höf-
uðborginni sem af er júní. „Að-
stæður sem þessar hafa sést áður,
en aldrei í fyrri hluta júnímánaðar.
Hlýr loftmassi streymir frá Evrópu,
líkt og gerist oft í júlí, en þykir
óvenjulegt í júní.“ Ástæður þessa
virðast tilviljanakenndar, og ekki
hægt að ráða neitt um sumarið í
kjölfarið. „Því miður fylgir íslenskt
veðurfar engri stefnu, svo það er
ekki hægt að lofa neinu um veðrið í
sumar,“ sagði Þóranna að lokum.
Hrafn Guðmundsson, veðurfræð-
ingur á spádeild Veðurstofu, segist
sjá fyrir endann á góða veðrinu, að
minnsta kosti í bili. „Helgin verður
ágæt, en fram undan eru skúrir á
þeim svæðum sem notið hafa sólar
undanfarnar vikur,“ segir Hrafn,
og bætir við að útlitið fyrir 17. júní í
Reykjavík sé ekki jafnbjart og und-
anfarið. „Við höfum ráðið úr spán-
um að von sé á vaxandi vindi og
rigningu, en það er ekkert öruggt í
þessum efnum,“ sagði Hrafn að lok-
um.
Einmuna-
tíð líklega
að ljúka
Morgunblaðið/Árni Sæberg
Góð stemmning ríkti í góða veðrinu á Austurvelli í gær eins og verið hefur undanfarna daga.
AÐEINS voru karlmenn í heiðurs-
verði lögreglunnar á Keflavíkur-
flugvelli þegar tekið var á móti Ji-
ang Zemin, forseta Kína, á
fimmtudag.
Að sögn Jóhanns R. Benedikts-
sonar, sýslumanns á Keflavíkur-
flugvelli, er ástæðan sú að yfirlög-
regluþjónninn sem hafði umsjón
með heiðursverðinum vildi að allir í
honum væru álíka háir svo hóp-
urinn væri heildstæður. Lögreglu-
konurnar hjá embættinu hafi ekki
uppfyllt kröfur um hæð og það
hefðu í raun ekki allir lögreglu-
mennirnir gert heldur. Því hefði
verið óskað eftir lögreglumönnum
frá embættinu í Keflavík til að taka
þátt í heiðursverðinum. Jóhann seg-
ir að venjulega séu konur í heið-
ursverðinum en í þetta skipti hafi
einfaldlega viljað svo til að þar voru
eingöngu karlar. Hann tekur skýrt
fram að þetta sé alls ekki gert að
kröfu Kínverja.
Uppfylltu
ekki kröfur
um hæð
AÐALFORSTJÓRI bandaríska ál-
fyrirtækisins Alcoa, Alain J.P. Belda,
segist í samtali við Morgunblaðið telja
góðar líkur á að fyrirtækið reisi álver í
Reyðarfirði. Belda kom í stutta heim-
sókn til Íslands í gær ásamt fylgd-
arliði þar sem hann hitti m.a. að máli
Davíð Oddsson forsætisráðherra og
Halldór Ásgrímsson utanríkisráð-
herra og skoðaði fyrirhugaða álver-
slóð við Reyðarfjörð. Heimsókn
Belda hófst á því að hann snæddi
morgunverð í Ráðherrabústaðnum
við Tjarnargötu með Davíð og Hall-
dóri, ásamt fleiri háttsettum stjórn-
endum Alcoa, m.a. John Pizzey að-
stoðarforstjóra. Að þeim fundi
loknum ræddi Belda við Morgunblað-
ið, áður en hann flaug austur á land í
fylgd Valgerðar Sverrisdóttur iðnað-
arráðherra, Finns Ingólfssonar,
seðlabankastjóra og formanns við-
ræðunefndar í álversmálum, og fleiri
fulltrúa stjórnvalda. Halldór Ás-
grímsson ætlaði að fara austur en
varð að hætta við vegna breytinga á
dagskrá heimsóknar forseta Kína.
Belda segist með heimsókn sinni
hafa viljað sjá aðstæður á Íslandi með
eigin augum og ræða við ráðamenn
þjóðarinnar, áður en ákvarðanir yrðu
teknar um framhaldið. Ekki hafi
veðrið skemmt fyrir móttökunum, en
Belda hefur ekki áður komið til Ís-
lands. Hann segir að fundurinn með
Davíð og Halldóri hafi verið mjög
góður, líkt og móttökur stjórnvalda
hafi verið frá því að fyrirtækið fór að
skoða álversmöguleika á Íslandi.
Ráðamenn hafi sýnt málinu mikinn
áhuga og stuðning.
„Alcoa leggur mikla áherslu á að
skoða öll verkefni mjög vandlega þar
sem við þurfum að taka tillit til um-
hverfismála, félagslegra þátta og að
sjálfsögðu viðskiptasjónarmiða. Á
stjórnarfundi fyrirtækisins 12. júlí
verður verkefnið kynnt og fyrir þann
tíma verð ég að vera búinn að skoða
allar aðstæður,“ segir Belda. Hann
segist hafa fylgst vel með þeirri vinnu
sem starfsmenn Alcoa hafa unnið hér
á landi. Sú vinna haldi áfram og henni
verði vonandi lokið fyrir stjórnfund-
inn og í síðasta lagi 18. júlí, þegar gild-
istími viðræðuáætlunar rennur út.
„Ég tel góðar líkur á því að við reis-
um álver í Reyðarfirði. Verkefnið fer
fyrir stjórn Alcoa í næsta mánuði og á
næstu sex mánuðum ætti það að
liggja skýrar fyrir. Við vonumst þá til,
með samþykki stjórnvalda hér, að
geta hafist handa við byggingu ál-
versins,“ segir Belda. Honum líst því
vel á verkefnið hér á landi og telur að
eins og álverið og orkuöflunin frá
Kárahnjúkavirkjun sé hugsuð, sé um
umhverfisvæna framkvæmd að ræða
sem falli vel að stefnu fyrirtækisins
um sjálfbæra þróun. Velja þurfi
gaumgæfilega á milli þess að vernda
og nýta náttúruna og sé hún eingöngu
vernduð stöðvi það allan hagvöxt og
framþróun.
Belda hefur mikinn áhuga á um-
hverfismálum og hann segir Alcoa
taka þau mál mjög alvarlega og af
mikilli ábyrgð. „Við þurfum að hugsa
um hagsmuni barna okkar, næstu
kynslóðar,“ segir Belda.
Bera þarf virðingu fyrir nátt-
úrunni og nýta gæði hennar
Hann segist gera sér grein fyrir því
að íslensk stjórnvöld hafi til langs
tíma áformað stóriðju á Austurlandi
og það sé verkefni sem hafi tekið
breytingum á sama tíma. Nú hafi ver-
ið reynt að takmarka umhverfisáhrif
sem allra mest og segir Belda að sér
lítist vel á Kárahnjúkavirkjun.
„Það er svipað farið með Ísland og
Brasilíu, þar sem ég þekki vel til, að
horfa þarf til þess sem náttúran gefur
af sér, og bera virðingu fyrir henni, en
jafnframt að nýta sér gæði hennar.
Hið sama á við um til dæmis fiskveið-
arnar, sem Íslendingar eru þekktir
fyrir.“ Fulltrúar Alcoa hafa verið í
viðræðum við fulltrúa umhverfis-
verndarsamtaka og einnig hitt að
máli fulltrúa stofnana á borð við um-
hverfisráðuneytið, Skipulagsstofnun
og Náttúrufræðistofnun Íslands.
Meðal þess sem fyrirtækið hefur
skoðað eru hugmyndir um þjóðgarð
norðan Vatnajökuls. Belda segir að
ákvörðun um þjóðgarð sé að sjálf-
sögðu í höndum stjórnvalda en Alcoa
styðji þá hugmynd heilshugar. Fyr-
irtækið muni ekki segja stjórnvöldum
fyrir verkum í þeim efnum. Hann seg-
ir að á nokkrum stöðum í heiminum
sé Alcoa með álver við þjóðgarða eða
sambærileg svæði og reynslan af því
sé mjög góð. Aðspurður hvort hann
hafi áhyggjur af andstöðu umhverf-
isverndarsamtaka við áform Alcoa
hér á landi, segir Belda að mótmæli
séu ætíð til staðar. Til séu samtök sem
séu á móti öllum framkvæmdum,
jafnvel samtök sem ekki hafi aðsetur í
þeim löndum sem framkvæma á í.
Þetta muni án efa koma upp hér á
landi en Belda segist ekki hafa sér-
stakar áhyggjur af því.
Belda og aðrir fulltrúar Alcoa fóru
af landi brott til Bandaríkjanna um
miðjan dag í gær, eftir að hafa skoðað
aðstæður á Austfjörðum og rætt þar
m.a. við talsmenn sveitarfélaganna
Fjarðabyggðar og Austur-Héraðs.
Alain J.P. Belda, aðalforstjóri Alcoa, í samtali við Morgunblaðið
Morgunblaðið/Helgi Garðarsson
Alain J.P. Belda, aðalforstjóri Alcoa, skoðar teikningu af fyrirhug-
uðu álveri við Hraun í Reyðarfirði, ásamt Valgerði Sverrisdóttur iðn-
aðarráðherra og fulltrúum heimamanna á Austfjörðum.
Morgunblaðið/Arnaldur
Ráðherrarnir Davíð Oddsson og Halldór Ásgrímsson snæddu morgunverð í Ráðherrabústaðnum með stjórnendum
Alcoa-fyrirtækisins í gærmorgun og gegnt þeim sitja, frá vinstri, Alain J.P. Belda forstjóri, John Pizzey aðstoð-
arforstjóri, Michael Baltzell aðalsamningamaður og Pat Atkins, framkvæmdastjóri umhverfissviðs.
Góðar líkur á að við reis-
um álver í Reyðarfirði