Morgunblaðið - 15.06.2002, Blaðsíða 61

MORGUNBLAÐIÐ LAUGARDAGUR 15. JÚNÍ 2002 61
DAGBÓK
Mörkinni 6, sími 588 5518
Fyrir 17. júní
Fallegar yfirhafnir í úrvali
20-50%
Opnum kl. 9
virka daga
laugardaga
frá kl. 10-15
afsláttur
STJÖRNUSPÁ
eft ir Frances Drake
TVÍBURAR
Afmælisbörn dagsins:
Þér falla viðskiptamál vel en
þarft að gæta þín að ganga
ekki of hart fram á annarra
kostnað. Árið gæti reynst
þér happadrjúgt.
Hrútur
(21. mars - 19. apríl)

Þú ert orðinn á eftir í sam-
skiptunum við ættingja og
vini. Brettu nú upp ermarn-
ar og láttu sem flesta heyra
frá þér í síma eða með tölvu-
pósti.
Naut
(20. apríl - 20. maí) 
Það er margur leyndardóm-
urinn sem manninn langar til
að finna. Mundu bara að
sönn leit beinist inn á við að
manns innri manni.
Tvíburar
(21. maí - 20. júní) 
Þig langar til að brjótast út
úr viðjum vanans. Láttu það
eftir þér því að vilji er allt
sem þarf til þess að stefna í
rétta átt.
Krabbi
(21. júní - 22. júlí) 
Varastu að láta berast með
straumnum. Þegar upp er
staðið hefur sá einn hreinan
skjöld sem er trúr sjálfum
sér. Stattu á þínu.
Ljón
(23. júlí - 22. ágúst) 
Það er engin ástæða til þess
að fela allar sínar tilfinning-
ar. Oft virkar það betur að
vera opinskár og láta tilfinn-
ingar sínar í ljós.
Meyja
(23. ágúst - 22. sept.) 
Það mun reyna verulega á
þig í dag, en þú ert tilbúinn í
slaginn og hefur ráð til þess
að sjá fram úr erfiðleikun-
um. Sýndu bara innri styrk.
Vog
(23. sept. - 22. okt.) 
Endurskoðaðu vinnulag þitt
og finndu aðferð sem skilar
þér árangri. Það er eins og
þér verði ekkert úr verki,
þótt nóga hafir þú kraftana.
Sporðdreki
(23. okt. - 21. nóv.) 
Þér hefur orðið á í messunni
og stendur nú uppi með bux-
urnar á hælunum. Reyndu
ekki að fela mistökin heldur
bættu úr þeim með bros á
vör.
Bogmaður
(22. nóv. - 21. des.)
Það er til þín horft um for-
ustu í ákveðnu máli. Taktu
hana að þér hvað sem þér
sjálfum finnst um það. Þú
munt rísa undir ábyrgðinni.
Steingeit
(22. des. - 19. janúar)

Þú þarft að huga að framtíð-
inni og tryggja stöðu þína
sem best. Mundu að verður
er verkamaður launa sinna
og það á við um þig sem aðra.
Vatnsberi
(20. jan. - 18. febr.) 
Þér finnst eins og allir vilji
sækja eitthvað til þín. Þú
verður að brynja þig og ein-
beita þér að þeim sem raun-
verulega þarfnast hjálpar
þinnar.
Fiskar
(19. feb. - 20. mars) 
Það er eitt og annað sem þú
átt ógert en verður að ráða
fram úr því eins fljótt og
mögulegt er. Gakktu skipu-
lega til verks.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
„ENGINN nema Helgi
hefði unnið þetta spil.“
Segir sá sem ætti að vita –
Guðmundur Sv. Her-
mannsson, makker Helga
Jóhannssonar til margra
ára. Guðmundur hafði í
huga þessi þrjú grönd,
sem komu upp á landsliðs-
æfingu á mánudaginn:
Austur gefur; allir á
hættu.
Norður
♠ K87
♥ DG108
♦ Á52
♣864
Vestur Austur
♠ ÁD4 ♠ G32
♥ 64 ♥ K932
♦ G1086 ♦ 93
♣G1097 ♣Á532
Suður
♠ 10965
♥ Á75
♦ KD74
♣KD
Helgi var í suður og
vakti á 14–16 punkta
grandi eftir pass austurs.
Guðmundur spurði um há-
liti og lauk sögnum með
þremur gröndum þegar
Helgi neitaði hjartalit. Í
AV voru feðgarnir Karl
Sigurhjartarson og Snorri
Karlsson.
Snorri kom út með lauf-
gosa og Karl drap með ás
og spilaði litlu laufi til
baka. Helgi gerði sér grein
fyrir því að legan þyrfti að
vera góð. Hann spilaði
strax spaða að kóng
blinds. Snorri velti vöng-
um nokkra stund, en ákvað
svo að dúkka – lét fjar-
kann – og Helgi átti slag-
inn á spaðakóng. Nú
svínaði Helgi tvisvar fyrir
hjartakóng og spilaði svo
hjarta á ásinn.
Aftur varð Snorri að
taka erfiða ákvörðun.
Hann var með ÁD í spaða,
G10 fjórða í tígli og 109 í
laufi. Allt spil sem hann
vildi halda í. Eftir langa
yfirlegu henti Snorri laufi.
Helgi er tilfinningaspilari
og ákvað með sjálfum sér
að tígullinn gæti ekki legið
3–3 eftir þessa þróun mála
og spilaði spaða! Snorri
fékk slaginn og tók slag á
lauftíu og Helgi henti tígli,
trúr sannfæringu sinni.
Snorri spilaði svo tígul-
gosa, sem Helgi tók heima
og spilaði enn spaða til
Snorra. Fjórði spaðinn var
loksins frír og það var ní-
undi slagur sagnhafa.
Guðmundur Her-
mannsson hefur mikið til
síns máls: Við hinir hefð-
um spilað tígli eftir að hafa
fengið slag á spaðakóng-
inn.
BRIDS
Umsjón Guðmundur Páll
Arnarson
LJÓÐABROT
ÚR HULDULJÓÐUM
Smávinir fagrir, foldar skart,
fífill í haga, rauð og blá
brekkusóley, við mættum margt
muna hvort öðru að segja frá.
Prýðið þér lengi landið það,
sem lifandi guð hefur fundið stað
ástarsælan, því ástin hans
alls staðar fyllir þarfir manns.
- - -
Vissi ég áður voruð þér,
vallarstjörnur um breiða grund,
fegurstu leiðarljósin mér,
lék ég að yður marga stund.
Nú hef ég sjóinn séð um hríð
og sílalætin smá og tíð.
Munurinn raunar enginn er,
því allt um lífið vitni ber.
Jónas Hallgrímsson
Árnað heilla
Myndrún, Akureyri
BRÚÐKAUP. Gef-
in voru saman
laugardaginn 8.
júní sl. í Neskirkju
í Aðaldal þau
Freyja Hálfdánar-
dóttir og Jón
Gunnar Þorsteins-
son. Prestur var
séra Þorgrímur
Daníelsson. Heimili
þeirra er í Króka-
byggð 4, Mos-
fellsbæ. Með þeim
á myndinn er sonur
þeirra Þorsteinn.
Hlutavelta
Þessar duglegu stúlkur héldu tombólu og söfnuðu 1.104 kr.
til styrktar Rauða krossi Íslands. Þær heita Hafdís Birna
Guðmundsdóttir og Rebekka Rún Jóhannesdóttir.
Morgunblaðið/Arnaldur
1. e4 c6 2. d4 d5 3. Rd2
dxe4 4. Rxe4 Bf5 5. Rg3
Bg6 6. h4 h6 7. Rf3 e6 8.
Re5 Bh7 9. Bd3 Bxd3 10.
Dxd3 Rf6 11. Bf4 Da5+ 12.
Bd2 Bb4 13. c3
Be7 14. b4 Dc7
15. 0–0 Rbd7
16. f4 a5 17.
bxa5 Hxa5 18.
Rc4 Ha4 19. f5
Staðan kom
upp á EM
kvenna sem
lauk fyrir
skömmu í
Varna. Alisa
Maric (2.455)
hafði svart
gegn Eka-
terinu Kova-
levskayu
(2.482). 19 …
Hxc4! 20. fxe6 fxe6 21.
Dxc4 Dxg3 22. Dxe6 Kd8
23. Bf4 Dxc3 24. Had1
Rd5 25. Bd6 Bf6 26. Hf3
Dc2 27. He1 Dd2 28. Ha3
Dxd4+ 29. Kh1 Dxh4+ 30.
Hh3 Dd4 31. Ha3 Rc7 32.
Be7+ Kc8 33. Dh3 Bxe7
34. Hxe7 Dd1+ 35. Kh2
Dd6+ og hvítur gafst upp.
SKÁK
Umsjón Helgi Áss
Grétarsson
Svartur á leik.
80 ÁRA afmæli. Nk. mánudag, 17. júní, er áttræður Jón-mundur Stefánsson, Brekkugötu 9, Ólafsfirði. Eig-
inkona hans er Kristín Þorsteinsdóttir. Af því tilefni bjóða
þau hjónin vinum og vandamönnum upp á kaffi í Tjarn-
arborg, Ólafsfirði, sunnudaginn 16. júní frá kl. 15–19.
MORGUNBLAÐIÐ
birtir tilkynningar um
afmæli, brúðkaup,
ættarmót og fleira les-
endum sínum að
kostnaðarlausu. Til-
kynningar þurfa að
berast með tveggja
daga fyrirvara virka
daga og þriggja daga
fyrirvara fyrir sunnu-
dagsblað. Samþykki
afmælisbarns þarf að
fylgja afmælistilkynn-
ingum og/eða nafn
ábyrgðarmanns og
símanúmer. Fólk get-
ur hringt í síma 569-
1100, sent í bréfsíma
569-1329, eða sent á
netfangið ritstj
@mbl.is.
Einnig er hægt að
skrifa:
Árnað heilla,
Morgunblaðinu,
Kringlunni 1, 103
Reykjavík
FRÉTTIR
VORÚTSKRIFT Viðskipta- og
tölvuskólans fór fram dagana 27.
apríl og 25. maí í Háskólabíói. Út-
skrifaðir voru dag- og kvöldbekkir
nemenda sem innrituðust haustið
2001. Laugardaginn 27. apríl voru
útskrifaðir 109 nemendur í dag-
bekkjum og laugardaginn 25. maí
voru útskrifaðir 49 nemendur í
kvöldbekkjum.
Útskrifaðir voru alls 158 nem-
endur af fimm brautum og að venju
voru veitt verðlaun fyrir námsár-
angur. Hæstu einkunnir hlutu El-
ísabet Straumland og Lýdía Huld
Grímsdóttir í almennu skrifstofu-
námi, Drífa Sumarliðadóttir í al-
hliða tölvunámi, Hjalta Sigríður
Jónsdóttir og Fanney Þorsteins-
dóttir í fjármála- og rekstrarnámi,
Kristín Linda Sveinsdóttir og
Gunnlaugur Þorgeirsson í mark-
aðs- og sölunámi og Ásta Móses-
dóttir og Helga Fjóla Sæmunds-
dóttir í stjórnunar- og
viðskiptanámi.
Kveðjuræður nemenda eru hluti
af hefðinni í Viðskipta- og tölvu-
skólanum þar sem nemendur fá síð-
asta tækifærið til að tjá hug sinn til
skóla og kennara og fluttu fáeinir
nemendur kveðjuræður.
Viðskipta- og tölvuskólinn er
einkarekinn framhaldsskóli og
hófst starfsemi skólans árið 1974
með stofnun Einkaritaraskólans.
Flestir nemendur Viðskipta- og
tölvuskólans stunda námið með
annarri vinnu. Skólinn hefur hlotið
viðurkenningu menntamálaráðu-
neytisins sem framhaldsskóli, en
nemendur skólans fá þó aðeins brot
af því framlagi sem nemendur op-
inberra skóla njóta. Rekstur skól-
ans er því að miklu leyti kostaður af
skólagjöldum nemenda.
Útskrift Viðskipta-
og tölvuskólans
JARÐFRÆÐIFERÐ verður farin
í Hnappadal með Hauki Jóhann-
erssyni jarðfræðingi á morgun,
sunnudag.
Ekið verður frá Reykjavík um
Hvalfjarðargöng, þaðan að Snorra-
stöðum í Hnappadal. Gengið á
Eldborgina sem er fallegur spor-
öskjulaga gígur, um 200 m á lengd
og um 50 m á dýpt. Eldborg í
Hnappadal gaus snemma á nú-
tíma, fyrir um 8.000 árum. Síðan
verður haldið að Gullborg og geng-
ið á borgina sjálfa og skoðaðar
hraunmyndanir í grenndinni. Far-
ið verður að Oddastaðavatni og
skoðað þversnið í tertíeran jarð-
lagastafla. Fararstjóri Haukur Jó-
hannsson. Brottför kl: 8.00 frá BSÍ
og komið við í Mörkinni 6.
17. júní sunnudagur. Leggja-
brjótur: Þingvellir – Myrkavatn –
Brynjudalur, gömul þjóðleið. Um
15–16 km löng , 5–6 klst. ganga,
hæðaraukning um 300 m, mesta
hæð 467 m y.s. Fararstjóri Jónas
Haraldsson. Brottför frá BSÍ kl:
10.30 og komið við í Mörkinni 6.
Jarðfræðiferð
í Hnappadal
ÁRSÞING Norræna hótel- og veit-
ingasambandsins stendur nú yfir á
Hótel Reynihlíð við Mývatn. Þar
mæta forystumenn viðkomandi
samtaka. Fulltrúar Samtaka ferða-
þjónustunnar munu sækja fundinn
sem haldinn er í löndunum fimm
til skiptis.
Á fundinum gerir hvert land
grein fyrir stöðu mála heimafyrir,
stöðu efnahagsmála, vinnumark-
aðsmála, stöðu ferðaþjónustunnar
og helstu hagsmunamála hótela og
veitingahúsa, s.s. skattamála.
Miklar umræður eru jafnan um
það sem helst er á baugi hjá bæði
Evrópusamtökunum og Alþjóða-
hótelsambandinu.
Norræna hótel- og
veitingasambandið
Ársfundur
haldinn á Mývatni
ÍSLENSKA kvennalandsliðið árit-
ar plaköt og hefur umsjón með
strandblaki í HM heiminum í
Smáralind í dag. Á sunnudag mæt-
ir íþróttatrúðurinn og leikmenn
Grindavíkur stýra knattþrautum
og sýna listir sínar.
Fjölmargt fleira verður til
skemmtunar í HM heiminum um
helgina. KSÍ hefur umsjón með
daglegum knattþrautum og að
þessu sinni verður áhersla á hjól-
hestaspyrnur.
Beinar útsendingar verða á risa-
tjaldi frá HM í knattspyrnu, jafnt
um morguninn sem á hádegi. Efnt
hefur verið til HM leiks og er
hægt að vinna 3 mánaða áskrift að
Sýn, Adidas HM fótbolta eða
gjafakort í Smáralind.
Kvenna-
landsliðið
í Smáralind
EININGAHÚS frá Dalkó verða til
sýnis í dag, laugardaginn 15. júní,
að Kvíaholti 16 í Borgarnesi. Þar
verður opið hús frá kl. 13 til 17 og
eru allir velkomnir.
Fulltrúar frá Dalkó og húsráð-
endur taka á móti gestum og svara
fyrirspurnum um húsin og þá
möguleika sem í boði eru. Enn
fremur verður kynning á bað- og
eldhúsinnréttingum frá Alno á
staðnum. Þeir sem ekki sjá sér fært
að mæta á staðinn geta kynnt sér
einingahúsin á heimasíðu fyrirtæk-
isins dalko.is eða kíkt í heimsókn í
Dalkó á Dalvegi 22 í Kópavogi, seg-
ir í fréttatilkynningu.
Dalkó kynnir
einingahús