Morgunblaðið - 15.06.2002, Blaðsíða 32

LISTIR
32 LAUGARDAGUR 15. JÚNÍ 2002 MORGUNBLAÐIÐ
TÓNLEIKARÖÐ Camerarctica og
Norræna hússins í tilefni 10 ára af-
mælis hópsins heldur áfram á morg-
un, sunnudag.
Á efnisskrá tónleikanna eru fimm
verk eftir Danann Carl Nielsen:
„Börnin leika“ fyrir einleiksflautu,
Fantasía fyrir klarinettu og píanó og
sönglögin „Studie efter naturen“,
„Vise af Mogens“ og „Sænk kun dit
hoved, du blomst“. Norðmaðurinn
Edvard Grieg á þrjú sönglög á efnis-
skránni: „Jeg elsker dig“, „En
svane“ og „En drøm“ og eftir Finn-
ann Jean Sibelius verða sungin söng-
lögin „Våren flyktar hastigt“, „Säf,
säf, susa“ og „Flickan kom ifrån sin
älsklings möte“. Í lokin eru svo verk
eftir Jórunni Viðar: „Sætröllskvæði“
við gamlan danskvæðatexta, og út-
setningar á íslenskum þjóðlögum:
„Táta, Táta, teldu dætur þínar“,
„Barnagælur“ og „Nú er hlátur ný-
vakinn“ f. sópran, flautu, klarinett,
selló og píanó.
Flytjendur eru Marta Halldórs-
dóttir, sópransöngkona og Örn
Magnússon, píanóleikari ásamt
hluta Camerarctica hópsins en það
eru þau Ármann Helgason, klarin-
ettuleikari, Hallfríður Ólafsdóttir,
flautuleikari, og Sigurður Halldórs-
son, sellóleikari. Eins og áður hefjast
tónleikarnir klukkan 14.00 og eru um
klukkustundarlangir en Norræna
húsið og kaffistofan eru opin frá
kl.12.00 til kl.17.00.
Camerarctica
flytur nor-
ræna tónlist
Marta Halldórsdóttir sópran-
söngkona og Örn Magnússon
píanóleikari.
SÍÐASTI sýningardagur rússnesku
sýningarinnar „Hin nýja sýn“ í
Listasafni Íslands er á mánudag.
Verkin koma frá einu helsta lista-
safni Rússa, Tretjakov-safninu í
Moskvu. Á sýningunni eru um 80
verk frá árunum 1880–1930 eftir
rúmlega 50 listamenn.
Í fréttatilkynningu segir að að-
sókn hafi verið góð að sýningunni
enda sé hér á ferð fágætt tækifæri til
að fá yfirlit yfir merkilegan kafla í
listasögunni og sjá með eigin augum
verk sem mörkuðu spor í hana. Enn
fremur segir í tilkynningu að rúss-
nesku listamennirnir hafi verið
brautryðjendur á sínum tíma og sýn-
ingar á verkum þeirra séu alls staðar
vel sóttar.
Venjulega er safnið lokað á mánu-
dögum en nú er gerð undantekning
vegna þjóðhátíðardagsins og safnið
opið á venjulegum tíma 17. júní, kl.
11–17.
Hinni nýju
sýn að ljúka
BÓKMENNTAVERÐLAUN Hall-
dórs Laxness, sem Vaka-Helgafell
stofnaði til í samráði við fjölskyldu
skáldsins, verða veitt í sjötta sinn í
haust. Efnt var til samkeppni um
besta handritið að skáldsögu eða
safni smásagna og var skilafrestur
til 1. maí sl. Dómnefnd um verð-
launin hefur nú lokið störfum. Alls
bárust hátt í þrjátíu handrit í
keppnina og voru þau merkt dul-
nefni en rétt nafn höfundar látið
fylgja með í lokuðu umslagi. Úrslit
verða tilkynnt í haust, sama dag
og verðlaunahandritið kemur út
hjá Vöku-Helgafelli. Verðlaunin
nema 500.000 krónum en venjuleg
höfundarlaun bætast við þá upp-
hæð. Þá fær höfundurinn að auki
sérstakan verðlaunapening og
skrautritað verðlaunaskjal.
Formaður dómnefndar var Pét-
ur Már Ólafsson, bókmenntafræð-
ingur og útgáfustjóri Vöku-Helga-
fells, en með honum í nefndinni
sátu Kolbrún Bergþórsdóttir bók-
menntagagnrýnandi og Sigurður
G. Valgeirsson bókmenntafræðing-
ur.
Þeir sem sendu inn handrit í
samkeppni þessa árs geta nú nálg-
ast ritverkin hjá Vöku-Helgafelli,
Suðurlandsbraut 12, gegn því að
nefna nafn verks eða dulnefni höf-
undar. Höfundunum er bent á að
vitja verka sinna fyrir 1. ágúst en
eftir þann tíma verður handrit-
unum eytt.
Dómnefnd
lýkur störfum
Bókmenntaverðlaun
Halldórs Laxness
BLAÐAMAÐUR Morgunblaðsins
hélt að hann hefði fengið rangar
upplýsingar um heimilisfangið á
staðnum þarsem átti að afhenda ís-
lenska hljómsveitarstjóranum
Guðna A. Emilssyni heiðurs-
verðlaun Masaryks þegar hann átt-
aði sig á því að það var við hliðina á
tékknesku forsetahöllinni en það
reyndist síðan vera raunin.
Þótt Vaclav Havel, forseti Tékk-
lands, hafi ekki verið á staðnum var
athöfnin öll hin virðulegasta, enda
Masaryk-verðlaunin gömul verð-
laun sem hafa heiðrað listamenn úr
öllum listageirum. Þó hafa verð-
launin, rétt einsog öll tékkneska
þjóðin, verið holl tónlistarmönnum
frekar en öðrum. Verðlaunin eru
nefnd eftir fyrsta forseta Tékk-
lands, Tómasi G. Masaryk, sem var
heimspekiprófessor. Ráðið hefur
alltaf verið ópólitískt og þrátt fyrir
þrýsting frá yfirvöldum á tímum
kommúnismans komst það upp með
að heiðra listamenn sem annars
voru útskúfaðir af yfirvöldum.
En af nokkrum frægum mann-
eskjum, sem verðlaunaðar hafa ver-
ið á undanförnum árum, má nefna
Milos Forman, Zdenek Mahler, Ole
Dammegörd og Luciano Pavarotti.
Nú í ár voru meðal annarra verð-
launaðir málarinn Júrí Gorbatsjov
(sem rétt náði til athafnarinnar í
tíma með flugi frá New York) og
myndhöggvarinn Anna Chromý.
Verðlaunaafhendingunni lauk
með því að tékkneski þjóðsöng-
urinn var sunginn og menn stóðu
upp og vottuðu þjóðinni og söng
hennar virðingu sína.
Boðið að taka við
hljómsveit í Grikklandi
Af fólki mátti heyra að Guðni
hefði vakið athygli með stjórn sinni
á kammersveitinni Suk sem hann
hefur nú stjórnað í tæp þrjú ár.
Verulega athygli vakti hann þegar
hann komst með hljómsveitina á
virtustu tónleikahátíð Tékklands
„Vorið í Prag“ árið 2000, þar sem
hljómsveit hans frumflutti verk eft-
ir M. Hybler og Z. Lukás. En þar
sem Guðni stjórnar ekki aðeins Suk
kammersveitinni heldur einnig
tveimur hljómsveitum í Þýskalandi,
lék blaðamanni forvitni á því hvern-
ig gengi að stjórna þremur hljóm-
sveitum í tveimur löndum.
„Ja, maður æfir með Tékkunum
fyrir hádegi, brunar svo til Þýska-
lands og æfir með Þjóðverjunum
eftir hádegi,“ svarar Guðni og hlær.
Guðni er í ofanálag tíður gesta-
stjórnandi víða um Evrópu, en hann
er nýkominn frá Þessalóníku í
Grikklandi þar sem hann hélt tón-
leika 7. júní og mun halda í tón-
leikaför til Ítalíu með aðra af sínum
tveimur þýsku hljómsveitum núna í
júlí og halda síðan til Vestur-Afríku
í haust þar sem hann mun halda
sextán tónleika á fjórum vikum. Í
samræðum okkar kemur í ljós að
hann hefur fengið spennandi tilboð
um að taka við sem annar stjórn-
andi hljómsveitarinnar í Þess-
alónikíu, þótt þess sé eiginlega
krafist að hann hafi passa frá ESB
til að mega taka við stöðunni. En
þar sem tilboðið er svo nýtt, vill
Guðni ekki segja ákveðið um hvort
af þessu verði.
Færa svona verðlaun þér eitt-
hvað spennandi?
„Ánægju og hlýju. Að fá svona
verðlaun veitt gefur manni aukinn
kraft í því sem maður er að vinna
við,“ segir stjórnandinn og snýr sér
síðan hægt aftur að myndhöggv-
aranum Önnu Chromý sem hann
hafði verið að tala við, og ekki er
annað að heyra en þau séu þegar
farin að skipuleggja samstarf.
Guðni kemur með hugmynd að
því að fá fimm tónskáld, eitt frá Ís-
landi, annað frá Tékklandi og síðan
í það minnsta tónskáld frá þremur
öðrum löndum til að semja tónverk
eftir myndverkum hennar. Öfugt
við fótboltamót, eru menn ekki að
berjast um verðlaun hér, heldur
berjast við að skapa eitthvað sam-
an. Og þótt virðingin og heiðurinn
af slíkum verðlaunum sé mikils
virði, er það kannski ekki síst mik-
ilvægt að listamenn hittist og finni
samstarfsgrundvöll.
Getur veitt manni aukinn kraft
Guðni A. Emilsson hljómsveitarstjóri hlaut á
fimmtudag heiðursverðlaun Masaryks í Prag.
Börkur Gunnarsson var við athöfnina.
Guðni Emilsson tekur við viðurkenningu sinni í Prag.
tala saman og ég sagði
honum frá mínum högum,
og því að ég hefði misst
manninn minn 1998 og
dregið mig svolítið í hlé
eftir það. Ég geng alltaf
með bækur á mér, og árið
2001 gaf ég út bók þar sem
ég kveð manninn minn og
þakka honum. Ég var með
næst síðustu bókina mína
með mér og gaf Søren ein-
tak, og síðan höfum við
verið að vinna talsvert saman.
Hann vildi fá að þýða bókina og
kynnti ljóð úr henni á Íslend-
ingahátíð fyrr á árinu. Nú síðast
kom boð frá honum um að fá mig
til að lesa 17. júní. Hann er búinn
að þýða bókina og er sennilega
búinn að finna útgefanda að henni
í Svíþjóð. Það er hugsanlegt að
bókin verði gefin út á þremur
málum, íslensku, dönsku og
sænsku; við ræðum það úti núna.“
Á hátíðinni í Frederiks Bastion
17. júní verður fjölbreytt hátíð-
ANNA S. Björnsdóttir
skáld, verður meðal
gesta á hátíðinni Norden
i fokus sem haldin verð-
ur í Kaupmannahöfn að
kveldi þjóðhátíðardags-
ins 17. júní. Þar les
Anna úr ljóðum sínum
og Søren Sørensen les
ljóð hennar þýdd á
dönsku.
„Ég hef átt þess kost
að komast á rithöfund-
anámskeið á Biskops-Arnö í Sví-
þjóð þrisvar sinnum. Þar hitti ég
eitt sinn Søren Sørensen sem er
mikill spútnikk og aðdáandi Ís-
lands. Sjálfur er hann ljóðskáld
og þýðandi, en einnig listmálari.
Við skiptumst á myndum og bók-
um, en svo liðu nokkur ár. Í mars
í fyrra var mér boðið á Íslend-
ingahátíð í Lundi í Svíþjóð. Á leið-
inni út gisti ég eina nótt í Kaup-
mannahöfn og tók svo bátinn yfir
til Svíþjóðar. Situr þá ekki Søren
Sørensen í bátnum. Við fórum að
ardagskrá auk ljóðalestursins.
Leikarinn Jarl Forsman les kafla
úr Njálu og Gunnlaugs sögu
Ormstungu, Íslenski kvennakór-
inn í Kaupmannahöfn undir stjórn
Sigríðar Eyþórsdóttur syngur,
sendiherrann, Helgi Ágústsson,
flytur hátíðarávarp og fleiri gestir
íslenskir og danskir koma við
sögu.
Anna S. Björnsdóttir hefur sjálf
ort á dönsku og stundað þýðingar
í tíu ár. Hún hefur einnig dvalið á
Álandseyjum og verið þar gestur
á tveimur hátíðum á undanförnum
árum og lesið úr verkum sínum.
„Ég er orðin svolítið þekkt á
Álandseyjum. Ég komst ekki á
hátíðina í fyrra, en þá settu þeir
mynd af mér á auglýsinguna um
hátíðina. Ég verð úti í Danmörku
núna, og mig grunar að ég eigi
eftir að taka mér far með Birka
Prinsess og mæta á svæðið. Ís-
lendingum er mjög vel fagnað á
Álandseyjum, eins og í Dan-
mörku.“
Ljóðin bíða útgáfu
á Norðurlöndunum
Anna S. Björnsdóttir les ljóð sín á
17. júní-hátíð í Kaupmannahöfn
Anna S.
Björnsdóttir
rithöfundur
JÓHANNA Bogadóttir opnar í dag
sýningu á eigin verkum í Klettahlíð
7, Hveragerði.
Í fréttatilkynningu segir að sýn-
ingin sé enn að þróast og geti tekið
breytingum á sýningartímanum.
Sýnd verða verk sem eru unnin á
mismunandi stöðum og tímum á
vinnustofu og á heimili þar sem ekki
eru skýr mörk á milli. Verkin eru
ýmist unnin beint á veggi, eldhús-
verk, útiverk, málverk eða skissur
auk fleiri listmuna.
Sýningin stendur til 30. júní og er
opin frá 15 til 18 og á öðrum tímum
eftir samkomulagi.
Á heimili og
vinnustofu
ÓPERUSTÚDÍÓ Austurlands sýnir
óperuna Cosi fan tutte eftir Mozart í
Borgarleikhúsinu í kvöld kl. 20.00 og
á morgun kl. 17.00, í leik- og hljóm-
sveitarstjórn Keith Reed.
Tveir söngvarar skipta með sér
hverju hlutverki. Þeir eru eftirfar-
andi: Fiordiligi: Kristín R. Sigurð-
ardóttir og Hallveig Rúnarsd. Dora-
bella: Ildiko Varga og Erla Dóra
Vogler. Guglielmo: Þorbjörn Björns-
son og Árni Björnsson. Ferrando:
Þorbjörn Rúnarsson og Þorsteinn
Helgi Árbjörnsson. Despina: Xu
Wen og Lindita Óttarsson. Don Alf-
onso: Herbjörn Þórðarson og Man-
fred Lemke.
Sýningin var frumsýnd á hátíðinni
Bjartar nætur á Eiðum um liðna
helgi.
Cosi fan
tutte í Borg-
arleikhúsinu
Morgunblaðið/Sverrir
Frá æfingu á Cosi fan tutte í
Borgarleikhúsinu.
♦ ♦ ♦