Morgunblaðið - 15.06.2002, Blaðsíða 13

AKUREYRI
MORGUNBLAÐIÐ LAUGARDAGUR 15. JÚNÍ 2002 13
www. .is
ÍBÚÐIR TIL SÖLU • ÍBÚÐIR TIL LEIGU • TÆKJALEIGA • ÚTBOÐ
KÍKTU
Á NETIÐ
Hofsbót 4
1. hæð hússins nr. 4 við Hofsbót á Akureyri er til sölu eða leigu í
einu eða tvennu lagi. Stærð 293,8 fm. Laus um mánaðamótin
júní/júlí. Húsið er reist árið 1988 og er í fyrsta flokks ástandi.
Sími 461 1500,
fax 461 2844,
netfang petur@fast.is
Allar nánari upplýsingar hjá undirrituðum.
GILDRAN heitir ný kvikmynd
eftir Örn Inga Gíslason sem
frumsýnd verður í Borgarbíói
þjóðhátíðardaginn 17. júní kl.
13.30. Ung stúlka á Akureyri,
Sólveig Sigurðardóttir samdi tón-
listina og leikur jafnframt eitt af
aðalhlutverkunum.
Örn Ingi sagði að hann hefði í
fyrstu ætlað sér að gera 30 mín-
útna stuttmynd, en þegar upp var
staðið verið með tæplega tveggja
tíma kvikmynd í höndunum.
Myndin fjallar um ungt fólk og
ævintýri þess í Færeyjum og á Ís-
landi. Örn Ingi var fámáll um
söguþráðinn, en í aðalhlutverkum
eru fimm ungar stúlkur, 14–15
ára gamlar og fá áhorfendur að
kynnast lífi þeirra eitt sumar.
Þær hreppa ferðavinning til Fær-
eyja á veitingahúsi sem þær
sækja og stóra spurningin snýst
um hvort þær fái fararleyfi og þá
á hvaða forsendum. Þær koma
svo í ljós í lok myndarinnar. „Það
var með ólíkindum hvað gaman
var og gefandi að vinna að þess-
ari mynd með öllu þessu góða
fólki,“ sagði Örn Ingi. Alls koma
um 60 manns fram í myndinni
sem leikarar, en fyrir bregður
fjölda fólks því m.a. var tekið upp
um verslunarmannahelgina á Ak-
ureyri og Fiskideginum mikla á
Dalvík.
Styrkur fékkst frá Barnamenn-
ingarsjóði, m.a. á þeim for-
sendum að um er að ræða mynd
þar sem ofbeldi og fíkniefni koma
ekki við sögu. Akureyrarbær
veitti einnig styrk.
Í aðalhlutverkum eru auk Sól-
veigar sem áður er nefnd, Freyja
Pálína Jónatansdóttir, Adda
Soffía Ingvarsdóttir, Hrafnhildur
Björnsdóttir, Vilhjálmur B.
Bragason, Úlla Árdal, Petra
Björk Pálsdóttir og Jón Ingi Ein-
arsson. Handrit, leikstjórn,
myndataka, hljóð- og mynd-
vinnsla var í höndum Arnar Inga.
Myndin verður sýnd alla næstu
viku kl. 18.
Gildran, ný akureyrsk kvikmynd verður frumsýnd í Borgarbíói 17. júní
Sumarævintýri
ungra stúlkna
Morgunblaðið/Kristján
Örn Ingi Gíslason hjá Arnarauga og Adda Soffía Ingvarsdóttir, einn af
aðalleikurum myndarinnar, með kynningarspjald fyrir myndina.
MENNTASKÓLANUM á Akureyri
verður slitið í 122. sinn 17. júní næst-
komandi og verða 99 stúdentar
brautskráðir að þessu sinni. Tómas
Ingi Olrich menntamálaráðherra og
fyrrverandi aðstoðarskólameistari
og frönskukennari við skólann verð-
ur heiðursgestur við skólaslit.
Opið hús verður í skólanum frá kl.
14 til 17. Verkefni nemenda og loka-
verkefni nýstúdenta verða til sýnis,
þá gefst kostur á að skoða listaverk í
eigu skólans, höggmyndir á lóð og
málverk og önnur verk innandyra,
en skólinn hefur á rúmum 120 árum
eignast fjölda listaverka.
Hátíðarsamkvæmi verður í
Íþróttahöllinni að kvöldi 17. júní, en
að vanda munu nýstúdentar halda í
miðbæinn um miðnæturskeið og
taka nokkur dansspor á Ráðhús-
torgi.
Skólahátíð
Menntaskólinn
á Akureyri
HÁSKÓLINN á Akureyri braut-
skráir í dag, laugardag, 134 kandí-
data á háskólahátíð sem hefst í
Íþróttahöllinni á Akureyri kl. 10.30.
Þá verða níu kandídatar braut-
skráðir á háskólahátíð í Ísafjarðar-
kirkju kl. 11 á þjóðhátíðardaginn, 17.
júní. Samtals verða því brautskráðir
frá Háskólanum á Akureyri 143
kandídatar.
Háskólahátíð
HIÐ árlega kaffihlaðborð Kven-
félagsins Baldursbrár verður 17. júní
í safnaðarsal Glerárkirkju og stendur
það yfir frá kl 14. til 17. Á sama tíma
er listmunasýning Önnu Gunnars-
dóttur en hún vinnur mikið með ull,
skinn, og roð. Þá verður málverka-
sýning Ólafar Árnadóttur sem sýnir
myndir frá Akureyri, Húsavík og víð-
ar. Einnig munu þrjár ungar stúlkur
leika á fiðlur kl 15. Kvenfélagskonur
eru enn að safna fyrir steinda glugg-
anum í Glerárkirkju, en ákveðið er að
vígja hann í desember n.k.
Allir eru hjartanlega velkomnir til
að njóta í mat og list.
Kaffihlaðborð
Baldursbrár
SKÁKÞING Norðlendinga fer fram
í Grímsey helgina 22. og 23. júní nk.
og er þetta í fyrsta sinn sem skák-
þingið er haldið í eynni. Mótið er
jafnframt helgarmót á vegum Skák-
sambands Íslands, sem mun halda
nokkur slík mót um landið í ár.
Einnig fer fram Hraðskákmót
Norðlendinga á sunnudeginum.
Teflt verður í félagsheimilinu
Múla. Skáningu lýkur miðvikudag-
inn 19. júní en hún fer fram hjá Gylfa
Þórhallssyni, sími 862-3820, netfang
ghka@simnet.is og á skrifstofu
Skáksambands Íslands, sími 568-
9141, netafang siks@itn.is.
Skákþing
Norðlendinga
í Grímsey
„FERÐAFUÐA“ er heiti á sýningu
sem opnuð verður í Ketilhúsinu í
Kaupvangsstræti á laugardag, 15.
júní, kl. 17.
Um er að ræða sýningu á smá-
myndum, en heitið þýðir hringja eða
sylgja eða það sem lokar hringnum
og var það valið sem yfirskrift sýn-
ingarinnar sem er á ferðalagi hring-
inn í kringum landið. Lagt var af
stað frá Reykjavík, haldið til Ísa-
fjarðar og nú verður sýnt á Akur-
eyri, áður en farið verður til Seyð-
isfjarðar og Vestmannaeyja svo
dæmi séu tekin.
Á hverjum stað er listamönnum úr
byggðarlaginu boðið að taka þátt í
sýningunni þannig að um 70 lista-
menn alls eiga verk á sýningunni í
Ketilhúsinu. Hugmyndin er að
mynda tengsl milli landshluta og
skapa samræður og samskipti þeirra
á milli.
„Ferðafuða“ í
Ketilhúsi
MEÐ ÞVÍ að lesa hjúkrunaráætlun
sína á almennu máli geta sjúklingar
öðlast þekkingu sem hefur eflandi
áhrif á þá. Þetta er niðurstaða í rann-
sókn Kristínar Þórarinsdóttur sem í
dag verður brautskráð úr meistara-
námi í hjúkrunarfræði við Háskól-
ann á Akureyri. Námið er samvinnu-
verkefni háskólans og
Manchesterháskóla í Bretlandi.
Rannsókn Kristínar nefnist:
Merkingarbært lesmál: reynsla
sjúklinga sem farið hafa í gerviliða-
aðgerð á mjöðm af hjúkrunaráætlun
á almennu máli. Leiðbeinandi henn-
ar var dr. Kristján Kristjánsson.
Tilgangur rannsóknarinnar var að
kanna hvaða merkingu sjúklingar,
sem farið hafa í gerviliðaaðgerð á
mjöðm leggja í reynsluna af því að
hafa fengið hjúkrunaráætlun sína
skráða á almennum máli fyrir inn-
lögn og haft hana hjá sér í sjúkra-
húsdvöl sinni.
Betri andleg líðan og jákvæðar
líkamlegar framfarir
Helstu niðurstöður voru þær að
þátttakendur öðluðust þekkingu af
því að lesa hjúkrunaráætlun sína á
almennu skiljanlegu máli sem hafði
eflandi áhrif á þá. Þau komu að mati
þátttakenda fram í bættri andlegri
líðan, jákvæðum áhrifum á líkamleg-
ar framfarir, frjálsari samskiptum
og virkari þátttöku í meðferð. Þá
taldi meirihluti þátttakenda það efl-
andi að geta stöðugt fylgst með með-
ferð sinni með því að lesa hjúkrunar-
áætlunina. Fram kom að flestum
fannst skorta upplýsingar um mögu-
leg viðbrögð sín þegar heim kom.
Einnig fannst mörgum að bæta
mætti myndum inn í hjúkrunaráætl-
unina og sameina hana öðru fræðslu-
efni. Auk þess að lýsa reynslu sinni
af hjúkrunaráætluninni lýstu þátt-
takendur reynslu sinni af heilbrigð-
isþjónustunni í heild og var ánægjan
almenn. Í því samhengi var sérstök
ánægja með starfsfólk og eins lýsti
fólk að vonum ánægju með að verkir
minnkuðu eftir aðgerðina.
Liður í þróun til að
bæta þjónustuna
Sjúklingar sem fara í gerviliðaað-
gerðir á mjöðm eða hnjám á FSA fá
nú hjúkrunaráætlanir sínar sendar
heim fyrir aðgerðir. Þá stendur nú
yfir þátttökurannsókn á bæklunar-
deild FSA sem hjúkrunarfræðingar,
sjúkraliðar og sjúkraþjálfarar taka
þátt í. Tilgangur hennar er að inn-
leiða hjúkrunaráætlanir af þessu
tagi og er sérstök áhersla lögð á að
þessir fagaðilar ræði áætlanirnar við
sjúklingana. „Liður í þessari þróun á
FSA er að bæta þjónustu við sjúk-
linga hvað varðar fræðslu og stöðuga
upplýsingagjöf um meðferð, sam-
skipti, samráð og möguleika á virkri
þátttöku í meðferð,“ sagði Kristín.
Eflandi að lesa
hjúkrunaráætlun
á almennu máli
Morgunblaðið/Kristján
Kristín Þórarinsdóttir hjúkrunarfræðingur og Hólmfríður Hólmgeirs-
dóttir skoða hjúkrunaráætlun Hólmfríðar.
♦ ♦ ♦
♦ ♦ ♦
KÓR Glerárkirkju syngur á Gler-
ártorgi í dag, laugardaginn 15.
júní, kl. 14.
Kórinn efldist mjög á liðnum
vetri og kom þar ýmislegt til. Nýj-
ar raddir hafa styrkt hópinn, sem
og bjartsýni og eljusemi organista
og kórstjóra, Hjartar Steinbergs-
sonar, ásamt tiltrú hans á sitt fólk.
Þetta, að viðbættri óbilandi hvöt
kórfélaga til að syngja saman og
skemmta bæði sér og öðrum, hefur
skilað kórnum vel undan vetri, seg-
ir í frétt frá kórnum.
Á leið til Ungverjalands
Framundan eru spennandi dagar
hjá kórnum sem heldur í ferðalag
til Ungverjalands í næstu viku.
Ætlunin er að halda þar tónleika,
kynnast ungverskum kórsöng og
menningu og dvelja þar við söng og
leik fram í byrjun næsta mánaðar.
Kórfélagar munu flytja sálumessu,
„Requiem“ op. 48, eftir Gabriel
Fauré, og njóta liðsstyrks þar-
lendra einsöngvara og orgelleikara
við þann flutning. Þá syngur kór-
inn íslensk þjóð- og dægurlög,
kirkjulega tónlist, negrasálma,
bítlalög og fleira sem unnið hefur
verið að í vetur. Sungið verður upp
úr þeim hluta efnisskrárinnar á
Glerártorgi. „Þetta er okkur kær-
komið tækifæri til að stíga á stokk,
og í leiðinni fjáröflun, þar sem
Glerártorg mun veita okkur fjár-
stuðning fyrir sönginn. Kunnum
við verslunarmiðstöðinni bestu
þakkir fyrir,“ segir Hjörtur Stein-
bergsson stjórnandi.
Kór Glerár-
kirkju syngur
á Glerártorgi
♦ ♦ ♦