Morgunblaðið - 15.06.2002, Side 16

ÁRBORGARSVÆÐIÐ
16 LAUGARDAGUR 15. JÚNÍ 2002 MORGUNBLAÐIÐ
GRUNNSKÓLA Hveragerðis var
formlega slitið miðvikudaginn 5. júní
í Hveragerðiskirkju, með útskrift
nemenda 10. bekkjar. Guðjón Sig-
urðsson skólastjóri sagði m.a. í ræðu
sinni að í vetur hefðu 380 nemendur
stundað nám við skólann. Það er
mesti fjöldi frá upphafi og virðist
sem nemendum muni enn fjölg-
anæsta skólaár.
Næsta skólaár mun einsetning
skólans verða að veruleika, því í vet-
ur hefur verið unnið að stækkun
skólans. Breytingar verða því á
skólaselinu, það mun eingöngu
starfa eftir hádegi. Í haust verður
komið af stað foreldrarölti í sam-
vinnu við lögreglu og bæjaryfirvöld.
Hlutverk þess er að vera sýnileg um
helgar þegar unglingarnir okkar eru
úti.
Jóhann Ísleifsson fráfarandi for-
maður skólanefndar þakkaði fyrir
samstarfið og óskaði nemendum og
skólanum velfarnaðar í framtíðinni.
Hrönn Guðmundsdóttir, ávarpaði
nemendur 10. bekkjar og færði þeim
uglu að gjöf frá foreldrafélaginu.
Formaður nemendaráðs, Sigríður
Ólöf Ríkharðsdóttir, þakkaði fyrir
hönd nemenda árin 10 sem þeir hafa
stundað nám við skólann. Hún sagði
að 10. bekkingar kveddu skólann
sinn með söknuði og þökkuðu fyrir
þolinmæðina sem þeim hefði verið
sýnd í gegnum árin. Skólanum bár-
ust nokkrar góðar gjafir.
Skólabjöllunni hringt
Að ávörpum loknum, söng ung-
lingakórsins og hljóðfæraleik lúðra-
sveitar tónlistarskólans fengu nem-
endur afhent laun vetrarins,
einkunnir sínar. Harpa Rún Garð-
arsdóttir náði bestum árangri á sam-
ræmdum prófum og fékk að launum
margar góðar gjafir.
Í áraraðir hafa fyrirtæki og stofn-
anir í bænum gefið nemendum, sem
hlotið hafa einkunninna 9 eða þar yf-
ir, gjafir við skólaslit. Þetta eru alltaf
sömu fyrirtækin og setja forráða-
menn þeirra svip sinn á skólaslitin
þegar þeir afhenda verðlaunin.
Skemmtileg hefð sem vonandi á eftir
að haldast lengi. Þegar gömlu skóla-
bjöllunni hafði verið hringt og skóla-
stjóri slitið skólanum formlega, var
öllum gestum boðið til veislu í skól-
anum. Þar höfðu nemendur 9. bekkj-
ar og foreldrar þeirra framreitt dýr-
indis krásir sem gestir gæddu sér á.
Mesti nem-
endafjöldi
frá upphafi
Morgunblaðið/Margret Ísaksdóttir
Harpa Rún Garðarsdóttir fékk verðlaun fyrir árangur á samræmdum
prófum. Aldís Hafsteinsdóttir afhenti verðlaunin f.h. Kjöríss.
Grunnskólinn einsetinn næsta vetur
Hveragerði
NÝ STARFSSTÖÐ Olíuverslunar Ís-
lands mun rísa á Arnbergi á Sel-
fossi, vestan Ölfusár. Nýja stöðin,
sem opnuð verður síðla hausts, verð-
ur hin glæsilegasta með góðu rými
fyrir veitingasölu. Stöðin rís við hlið
núverandi þjónustustöðvar sem ver-
ið hefur á Arnbergi frá 1969.
Það var Ólafur Jónsson fyrrver-
andi forstjóri Steypustöðvar Suður-
lands sem tók fyrstu skóflustunguna
en hann var um árabil umboðs-
maður BP á Selfossi og benti Olís á
Arnberg sem framtíðarstað.
Bygging hinnar nýju stöðvar
krefst þess að ganga verður á hól
sem þar er fyrir og verður hann
færður til. Álfasérfræðingurinn
Erla Stefánsdóttir var fengin til liðs
við Olís að kanna hvort álfarnir í
hólnum væru sáttir við þessar breyt-
ingar. Í fréttatilkynningu frá Olís
kemur fram að Erla telur að í hóln-
um búi ýmsar vættir og er nið-
urstaða hennar sú að ábúendur
muni færa sig um set í sátt.
„Með byggingu þessarar nýju
stöðvar er ætlunin að þjónusta
gamla og nýja viðskiptavini enn bet-
ur með opnun stöðvar sem hýsir
bæði rekstrarvöruverslun og hefð-
bundna þjónustustöð,“ sagði Ingvar
Guðmundsson útibússtjóri Olís á
Selfossi.
Ný starfs-
stöð
Olís rís
Selfoss
Morgunblaðið/Sigurður Jónsson
Ólafur Jónsson, sem tók fyrstu skóflustunguna, og Hugborg Kjartansdóttir, kona hans, ásamt forsvarsmönnum Olíuverslunar Íslands hf.
NÝKJÖRIN bæjarstjórn Árborg-
ar kom saman til fyrsta fundar 12.
júní. Á fundinum var Þorvaldur
Guðmundsson kosinn forseti bæj-
arstjórnar og Ásmundur Sverrir
Pálsson formaður bæjarráðs.
Í upphafi fundar las Þorvaldur
upp eftirfarandi yfirlýsingu: „Bæj-
arfulltrúar af B-lista Framsókn-
arflokks og S-lista Samfylkingar-
innar í bæjarstjórn Árborgar hafa
stofnað til meirihlutasamstarfs.
Samstarfið tekur til kosningar for-
seta bæjarstjórnar, varaforseta,
skrifara bæjarstjórnar, kosningar
bæjarráðs og annarra nefnda á
vegum bæjarstjórnar Árborgar
fyrir kjörtímabilið 2002–2006.
Einnig hafa fulltrúar þessara
flokka gert með sér málefnasamn-
ing sem tekur á helstu áherslu-
atriðum varðandi rekstur og upp-
byggingu í Árborg og byggir hann
á stefnuskrám beggja flokkanna.
Staða bæjarstjóra í Árborg hefur
verið auglýst til umsóknar en þar
til bæjarstjóri hefur verið ráðinn
mun bæjarritari, Helgi Helgason,
gegna stöðu bæjarstjóra. Nýr
meirihluti bæjarstjórnar Árborgar
horfir björtum augum til framtíð-
arinnar og er reiðubúinn að takast
á við fyrirliggjandi verkefni í sam-
vinnu við starfsfólk og íbúa sveit-
arfélagsins.“
Gegnir starfi
bæjarstjóra
fyrst um sinn
Selfoss
LANDSBANKI Íslands og JÁ-verk-
takar á Selfossi hafa gert með sér
samning um fjármögnun bygginga-
framkvæmda fjölbýlishúss við Foss-
veg 4 á Selfossi. Jafnframt mun
Landsbankinn bjóða væntanlegum
kaupendum íbúða í húsinu upp á
mögulega lánsfjármögnun á eftir
íbúðalánasjóði. Lánsfjárhæðin getur
numið allt að 85% veðhlutfalli sam-
kvæmt staðfestu kauptilboði. Hið
nýja fjölbýlishús er með 20 íbúðum
og eru kaupendur þegar farnir að
festa sér íbúðir.
Friðgeir Baldursson útibústjóri
Landsbanka Íslands á Selfossi sagði
grundvöll samningsins við JÁ-verk-
taka vera jákvæða reynslu af sam-
skiptum við þá og síðan það að mikil
uppbygging væri á Selfossi og bank-
inn tryði því að byggðin myndi
styrkjast og eflast á næstu árum.
Hann sagði og að það væri mat
manna að á Selfossi væru góð skil-
yrði til að þróa upp sprotastarfsemi í
menntun og framleiðslu. Fjölbrauta-
skóli Suðurlands þætti framsýnn
skóli og hugmyndaríkur. Auðvelt
væri að sjá tengsl skólans eflast við
Háskóla Íslands. Það myndi svo aft-
ur treysta byggðina og festa hana í
sessi.
Tiltrú á svæðinu
Friðgeir sagði það ekki bara vera
bankann sem hefði þessa tiltrú á
svæðinu heldur einnig lífeyrissjóði.
Það væru öll bankaleg rök sem
segðu að þetta væri framtíðarsvæði.
Gert er ráð fyrir að hið nýja fjöl-
býlishús að Fossvegi 4 verði tibúið í
september 2003. „Sem fyrr þá ætlum
við okkur að skila íbúðunum á rétt-
um tíma, á umsömdu verði, þannig
að kaupendur geta verið vissir um að
þeirra áætlanir standist,“ sagði Gísli
Ágústsson, einn forsvarsmanna JÁ-
verktaka.
Samstarf um
byggingu
fjölbýlishúss
Morgunblaðið/Sigurður Jónsson
Frá undirritun fjármögnunarsamnings Landsbankans og JÁ Verktaka
á Selfossi. Nína Guðbjörg Pálsdóttir, sérfræðingur í fyrirtækjaviðskipt-
um, Friðgeir Baldursson, útibússtjóri Landsbankans á Selfossi, Gísli
Ágústsson, JÁ Verktökum, og Jón Árni Vignisson, JÁ Verktökum.
Selfoss