Morgunblaðið - 06.04.2003, Side 23

bjuggu í Kaupmannahöfn út á
Amakri, Dronningsgade 2. Loks lét
hinn norski kaupmaður sig, rétti mér
sex fimmtíu króna seðla, sagði, að
þrír væru handa V.Í., en hinir handa
föður mínum, sem sendi mig. Þetta
var eini kaupmaðurinn sem ekki
skildi nauðsyn þess að verslunar-
stéttin stæði saman í órofa heild á
hinum viðsjálu tímum seinni heims-
styrjaldarinnar (1939–1945).
VI.
Þannig lauk innheimtustarfi mínu
fyrir V.Í. og má segja að ég hafi orðið
reynslunni ríkari hvað verslun snerti.
Síðar á ævinni var ég um tíma í vara-
stjórn V.Í. svo og í kjörnefnd og
starfaði þar með þeim Bjarna Jóns-
syni (1892–1985) í G.J. Fossberg og
Þorvaldi Þorsteinssyni (1917–1998) í
Sölufélagi garðyrkjumanna. Með
þeim valmennum var gott að starfa.
Svo undarlega gæti viljað til að Versl-
unarráð Íslands og greinarhöfundur
séu fædd í sama húsi, Kirkjustræti 8
B, því fyrsti stjórnarfundur V.Í. var
haldinn í húsi afa míns Sveins Jóns-
sonar (1862–1947) árið 1917, en ég
fæddist þar í húsi 6. júlí 1927. A.m.k.
sá ég mynd af Kirkjustræti 8 B í bók,
þar sem skilti var á fyrstu hæð:
„Verslunarráð Íslands“. Síðar mun
V.Í. m.a. hafa verið til húsa í Austur-
stræti 16, þá í Eimskipafélagshúsinu
á efstu hæð um það leyti, sem inn-
heimtan átti sér stað, og síðar að
Þverá við Laufásveg og loks í Húsi
verslunarinnar við Kringluna nr. 5.
VII.
Hinn 17. september 1967 á 50 ára
afmæli V.Í. hélt þáverandi viðskipta-
ráðherra Gylfi Þ. Gíslason öllum
meðlimum V.Í. hóf í Ráðherrabú-
staðnum í Tjarnargötu 32. Lauk hann
ávarpi sínu til okkar með eftirfarandi
sögu: „Það var einu sinni danskur
faktor, sem rak verslun skammt frá
höfninni í Reykjavík. Inn í búð hans
hafði reikað sjómaður einn, nokkuð
við skál: „Forsvind, De er fuld,“ segir
sá danski, en sjómaðurinn svaraði á
lýtalausri dönsku: „Jeg er fuld, men
det går af, men De er dansk og det
går aldrig av.“
-------
Með þessari sögu, sem Gylfi stað-
festi við mig, að rétt væri eftir höfð,
þá lýk ég endurminningum mínum
um Verslunarráð Íslands.
VIII.
Eftirmáli
Á 50 ára afmæli V.Í., árið 1967 var
gefið út afmælisrit, sem Pétur J.
Eiríksson ritstýrði. Þar er m.a. þenn-
an fróðleik að finna.
1) Stofnendur voru 156.
2) Þá voru 694 verslanir á landinu,
þar af 227 í Reykjavík.
3) Það var fulltrúaráðsfundur versl-
unarstéttarinnar, haldinn í
KFUM-húsinu við Amtmannsstíg
í Reykjavík þann 17. september
1917 sem gekk frá stofnun Versl-
unarráðsins.
4) Fyrsti stjórnarfundurinn var hald-
inn í Kirkjustræti 8 B.
5) Garðar Gíslason (1876–1959) stór-
kaupmaður var kosinn fyrsti for-
maður ráðsins.
6) Georg Ólafsson (1884–1941) cand.
polit var ráðinn skrifstofustjóri
V.Í. árið 1917 og gegndi því til árs-
ins 1921. Síðar bankastjóri Lb.
7) Sr. Sigurður Guðmundsson (1876–
1940) var ritari V.Í. frá 1919–1940.
Georg Ólafsson (1884–1959), cand.
polit., ráðinn skrifstofustjóri V.Í. árið
1917 og gegndi því starfi til 1921. Síð-
ar bankastjóri Landsbankans.
Hallgrímur Benediktsson stór-
kaupmaður (1885–1954). Formaður
V. Í. frá 1934–1949.
Garðar Gíslason stórkaupmaður
(1876–1959) var kosinn fyrsti for-
maður Verslunarráðs Íslands.
Höfundur er lögfræðingur í Reykjavík.
MORGUNBLAÐIÐ SUNNUDAGUR 6. APRÍL 2003 23
ATH: 100%
BÓMULL
CAMO
vöndu›u
sængurfatasettin
í felulitunum
loksins komin
aftur.
rosalega mjúk
ÞAÐ
HEITA
STA
Í DAG
!!