Morgunblaðið - 06.04.2003, Blaðsíða 50

50 SUNNUDAGUR 6. APRÍL 2003 MORGUNBLAÐIÐ

 

 
    

 


  


  






  BRÉF
TIL BLAÐSINS
Kringlunni 1 103 Reykjavík
Sími 569 1100

Símbréf 569 1329
Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í MBL. sunnudaginn 30. mars er heil
opna með fréttum af Íraksmálinu.
Vitnað er m.a. í nýjasta hefti þýska
vikuritsins De Zeit þar sem haft er
eftir vopnaeftirlitsmönnum SÞ, að
stefna Gerhards Schöders Þýska-
landskanslara í undanfara að stríð-
inu í Írak nú (Íraksdeilunni sl. ár)
hafi verið „brjálæðisleg“. Blaða-
mönnum De Zeit er heimilað að hafa
þetta eftir vopnaeftirlitsmönnum
SÞ, – ef nöfnum þeirra er haldið
leyndum. Spurningunni um hvort
hefði verið hægt að komast hjá hern-
aðaríhlutun, svara sumir vopnaeftir-
litsmanna játandi, – ef aðildarríki SÞ
hefðu staðið saman.
Á sömu síðu er óhugnanlegri frétt
undir nafninu „Stjónarfar óttans“.
Þar eru rakin dæmi um þær aðferðir
sem stjórn Saddams Husseins hefur
beitt, – til að halda völdum í landinu
með ógnarstjórn. Vitnað er í skýrslu
frá breska utanríkisráðuneytinu sl.
haust sem byggist m.a. á heimildum
frá Amnesty International, – Human
Right Watch og viðtölum við vitni.
Tilvitnun í fréttina:
„Beitt er kerfisbundnum pynting-
um með miskunnarlausum aðferðum
sem sannað þykir að hafi hlotið sam-
þykki á æðstu valdastöðum. Í hern-
um eru þess dæmi að menn hafi sér-
staklega það hlutverk „að brjóta
gegn heiðri kvenna“ – þeir eru
nauðgarar að atvinnu“.
„Ra’id Qadir Aga, – lýsir ástandi í
fangelsi þar sem fangar eru sveltir
þar til hárið dettur af og sjón og
heyrn daprast“ – svo er bein tilvitn-
un í hann: „Daginn eftir að skotið var
á Uday (son Saddams) voru rúmlega
átta þúsund manns í dauðaklefan-
um“ …„Rúmlega tvö þúsund manns
voru teknir af lífi um nóttina. Þeir
höfðu komið með fallexi sem hjó höf-
uð af 24 föngum á mínútu“.
Þvílík lýsing! Hvað fær menn til að
láta smíða slíkar „græjur“? Hvert
var markmið og tilgangur með þeirri
smíði og hver var arkitektinn?
Hegðun Frakka og Þjóðverja inn-
an SÞ verður sífellt meira undrunar-
og áhyggjuefni. Leyniþjónustur
þeirra ríkja, hljóta að hafa haft sama
aðgang að slíkum hrollvekjandi upp-
lýsingum og aðrar þjóðir innan SÞ?
Er ástæðan fyrir dularfullri fram-
göngu Schröders Þýskalandskansl-
ara í málinu hugsanlega sú, – að allt
miðist bara við að hann geti verið
kanslari áfram, – hvað sem það kost-
ar? Hossa bara áfram formanni
þýskra Grænfriðunga, (með vafa-
sama fortíð og grun um tengsl við
hryðjuverkasamtökin – Baader
Meinhof) – í stól utanríkisráðherra
Þýskalands og – skítt með skuld-
bindingar og trúnað við NATO og
SÞ – og viðbjóðinn sjá Saddam!
Þó að miður geðfelldur saman-
burður sé, – þá er hausari í fiskverk-
uninni hjá mér, – fyrir þorsk, – sem
getur mest hausað 27 þorska á mín-
útu.
KRISTINN PÉTURSSON,
Bakkafirði.
Hausað hjá Saddam
Frá Kristni Péturssyni:
Í MORGUNBLAÐINU um síðustu
áramót birtist grein um samkomulag
eldri borgara og ríkisins um launa-
greiðslur. Mér fannst nú þunnur
þrettándinn, eins og sagt var í eina
tíð, ég kannaðist við tvö nöfn af þeim
sem skrifuðu undir, þau voru Ólafur
Ólafsson og Benedikt Davíðsson.
Mig langar að spyrja ykkur, var ekki
hægt að ná betri samningum en
þessum? Ég er nýlegur eldri borgari
og þegar ég fékk útborgað þá varð
ég hissa því ég hafði heyrt annað.
Hækkun um 3,2%, skattur 38,54%,
ráðherrar með 7% hækkun. Það er
ekki sama Jón eða séra Jón. Mér
finnst alveg stórmerkilegt að teknir
séu skattar af 67.000 krónum. Erum
við ekki búin að fá nóg af góðæris-
skattakóngunum? Ég er hér með til-
lögu um skattleysismörk og breyt-
ingar á þeim.
Til dæmis: 10% skattur í staðinn
fyrir 38,54%
Skattleysismörk verði færð upp í
100.000 kr. á mánuði.
Við þurfum að leggja hörku í þessi
mál, kannski í lögfræðinga ef annað
dugar ekki!!!
Þetta er svo mikil ósvífni að taka
svona háa skatta af þessum fáu krón-
um sem gamlingjunum er ætlað að
lifa af.
Nú vil ég skora á alla eldri borgara
og öryrkja að nýta sér kosningarétt-
inn. Við eigum að vera um 25.000 alls
og ættum að geta gjörbreytt þessu
leikhúsi við Austurvöll í virðulegt Al-
þingishús. Ekki skil ég hvernig sama
fólkið getur kosið sömu flokkana ár
eftir ár.
Tökum sem dæmi: Forsætisráð-
herrann er að klára í sumar tólf ár,
gott hjá honum. Hann hefði þó getað
verið betri við þá aumu og smáu.
Að lokum: Nokkrar upplýsingar
sem fróðlegt er að skoða.
Sjálfstæðisflokkurinn – fyrir auð-
mennina en ekki þá smáu.
Framsóknarflokkurinn – með
ESB í kollinum.
Samfylkingin – einnig með ESB í
kollinum.
Vinstri grænir – ég mæli með hon-
um, þetta er flokkur fyrir alla.
Ég vona að eldri félagar og fleiri
vinir kjósi þennan flokk.
JÓNATAN ÁRNI
AÐALSTEINSSON,
Kjarrmóa 21,
Reykjanesbæ.
Ýmislegt þyrfti að hug-
leiða um laun og skatta-
kerfið, helst sem fyrst
Frá Jónatan Árna Aðalsteinssyni,
fyrrverandi verkstjóra og
ellilífeyrisþega: