Morgunblaðið - 06.04.2003, Blaðsíða 35

sé nokkur hundruð metrum austan
við Dæluhúsið á Landeyjasandi við
hlið í sandrifin nokkuð vestan við
ósa Markarfljóts. Það sem kemur
mörgum á óvart er ætlaður kostn-
aður þar sem reiknað er með
tveimur milljörðum plús eða mínus
í hafnaraðstöðuna og 700–900
milljónir í ferju sem væri um 50
metrar á lengd, 12 metra breið og
risti 3 metra. Núverandi Herjólfur
er 71 metri á lengd. Að sjálfsögðu
hljóta menn að reikna með því að
ferjumannvirki á Bakkafjöru væri
hluti af Vestmannaeyjahöfn, því
annað myndi kalla á óendanlega
tortryggni og hagsmunatog vegna
hugsanlegra hagsmunaárekstra í
frekari uppbyggingu í framtíðinni.
Á hinn bóginn er mjög líklegt að ef
til koma jarðgöng milli lands og
Eyja eða ferjuhöfn að þá kunni
Vestmannaeyjar, Rangárvallasýsla
og Vestur-Skaftafellssýsla að sam-
einast í eitt sveitarfélag. Ef ný
Bakkafjöruferja gengur 11–12 míl-
ur væri siglingatíminn rétt tæpar
30 mínútur en auðvelt er að auka
vélarafl þannig að hefðbundinn
siglingatími væri um 20 mínútur
eða sami tími og það myndi taka
að aka 20 km löng göng milli lands
og Eyja.
Ótrúlega hagstætt að byggja
ferjuhöfn á Bakkafjöru
Í fyrstu tillögum Siglingastofn-
unar er gert ráð fyrir ferjulægi
innst á milli tveggja garða sem
byggðir verða 500 metra langir út
frá ströndinni, samsíða með 150
metra á milli. Siglingaleið ferjunn-
ar frá Vestmannaeyjum væri
þannig að skipið stefndi á hlið sem
opnast um 1.000 metrum austan
við ferjulægið sjálft. Þá kæmi
skipið að hliði sem er um 700
metra frá landi, beygði þvert til
vesturs með ströndinni og að
ferjulæginu þar sem beygt yrði
þvert í stjór inn í höfnina.
Lyklarnir að þessum möguleik-
um eru fyrst og fremst þeir að
Vestmannaeyjar sjálfar verja sigl-
ingaleiðina milli Eyja og Bakka-
fjöru í erfiðustu vindáttunum sem
valda mestu hafróti og hitt er að af
náttúrunnar völdum eru hlið á
Bakkafjöru sem virðast mjög stöð-
ug. Umfangsmiklar öldumælingar
Siglingastofnunar fyrir allar áttir
hafa til að mynda leitt í ljós að
þegar ölduhæð er 8,5 metrar fyrir
vestan og austan Eyjar í sunnan-
og suðvestanáttum og suðaust-
anáttum þá er ölduhæð á siglinga-
leiðinni Eyjar-Bakki aldrei meiri
en 4 metrar. Út frá þessu er stærð
skips miðuð og með tilliti til flutn-
ingagetu. Í fyrstu tillögum er mið-
að við 400 farþega og u.þ.b. 25–30
bíla í ferð. Fjórar ferðir á dag með
25 bíla jafngilda flutningsmögu-
leikum Herjólfs með bíla til Þor-
lákshafnar í dag, en auðvelt er að
fjölga ferðum á svo stuttri sigl-
ingaleið sem Bakkaleiðin er.
Reiknað er með af grjótið í
Bakkafjörugarðana verði tekið við
Seljaland eða um 20 km frá ferju-
læginu. Reiknað er með 570 þús-
und rúmmetrum af grjóti í sjó-
varnargarðana og að dýpka þurfi
innan garða um 300 þúsund rúm-
metra. Kostnaður er sem fyrr seg-
ir ætlaður um 2 milljarðar plús eða
mínus í hafnarmannvirkið og 850
millj.kr. í skip, eða alls um 3 millj-
arðar króna sem er um helmingur
af því sem um þessar mundir fer í
Herjólf á 7 árum miðað við eðli-
lega endurnýjun, stofnkostnað,
fjármagnskostnað, styrki og rekst-
ur. Ferjuaðstaða á Bakkafjöru er
því borðleggjandi dæmi fjárhags-
lega. Gísli Viggósson verkfræðing-
ur hjá Siglingastofnun sem hefur
stýrt undirbúningi málsins frábær-
lega, hefur sagt að þetta verkefni
sé mest krefjandi verkefni sem
Siglingastofnun hefur tekist á við
og einnig það skemmtilegasta.
Ástæða er til þess að þakka Sigl-
ingastofnun fyrir markviss vinnu-
brögð og frumkvæði í þessu máli
til þess að flýta niðurstöðum.
Haustið 2004 reiknar Siglinga-
stofnunin með að skila af sér end-
anlegum niðurstöðum. Ef svo fer
sem horfir að málið sé jákvætt þá
myndi Siglingastofnun nota hrygg-
inn úr árinu 2005 í líkanaprófun og
byggingu ferjuaðstöðu á Bakka-
fjöru gæti þá lokið í árslok 2006
eða fyrri hluta árs 2007. Það eru
aðeins 3–4 ár.
Sérsmíðað skip háð
aðstæðum er lykilatriði
Þriðji valkosturinn sem kanna
ber til hlítar fyrir haustið 2004 er
endurnýjun Herjólfs á leiðinni
Eyjar Þorlákshöfn. Því miður hafa
ákveðin gylliboð verið í gangi að
undanförnu í þeim efnum, en við
getum aldrei gengið út frá öðru en
því að Vestmannaeyjaferja flytji
eftir þörfum fólk, bíla, flutninga-
vagna og gáma og að skipið henti á
þeirri erfiðu siglingaleið sem er oft
á tíðum milli Eyja og Þorláks-
hafnar. Allt annað er út í hött,
enginn einn þáttur í þessu efni
þolir að vera veikur,og menn mega
ekki eyða tíma eða orku í að berja
höfðinu við steininn í þeim efnum.
Það á að vera nógur tími á næstu
18 mánuðum að kanna valkosti í
nýsmíði sem hentar Eyjum-Þor-
lákshöfn. Menn hafa fylgst grannt
með þróun í þeim efnum og upp-
lýsingar eru aðgengilegar. Ef nú-
verandi skip hefði verið byggt
samkvæmt upprunalegri teikn-
ingu, en ekki minnkað með vald-
boði Steingríms J. Sigfússonar þá-
verandi samgönguráðherra, þá
væri vandinn ekki eins aðkallandi
og siglingatíminn hefði verið
styttri og rekstrarkostnaður
minni. En það er búið og gert. All-
ar bráðabirgðaákvarðanir sem
kosta mikið myndu tefja fyrir
mesta mögulega hraða í því að
bylta samgöngum á þessari leið
með göngum, ferjuaðstöðu eða ný-
smíði stærri og hraðgengari Herj-
ólfs. Baráttan um fjármagnið er
svo hörð að það gengur ekki að
vera með mörg kostnaðarsöm járn
í eldinum í einu. Þess vegna verð-
ur að gera þá kröfu til samgöngu-
ráðherra og Vegagerðarinnar að
ferðum Herjólfs verði fjölgað eftir
þörfum því nóg svigrúm er til
þess, að þjónustan verði bætt og
gerð meira aðlaðandi og tafir telj-
ist til undantekninga. Með því
móti er hægt að þreyja þorrann
um stund með væntingar um betri
tíð í haga í sjónmáli.
Vanda verður næsta val
Það var af hinu góða að sam-
gönguráðherra skipaði starfshóp
um samgöngur milli lands og Eyja
og skýrsla hópsins er fróðleg og
leggur margt ágætt til, en það var
mikil skammsýni af ráðherra og
nefndinni að taka ekki jarðganga-
möguleikann ítarlega inn í sína
umfjöllun og það má líka benda á
undarlegar niðurstöður í einu og
öðru svo sem því að segja að Ís-
landsflug hafi eytt þeim vanda sem
skapaðist þegar Flugfélag Íslands
hætti flugi fyrirvaralaust til Vest-
mannaeyjar eftir hálfrar aldar við-
skipti við Eyjamenn. Flug milli
Reykjavíkur og Vestmannaeyja
hefur nánast verið í molum síðan
og tengsl við erlenda sem innlenda
ferðamenn í flugi eru horfin út í
veður og vind. Það hlýtur því að
vera forgangsefni í þessum þætti
að semja Flugfélag Íslands aftur
inn í þjónustu við Vestmannaeyjar.
Annað er ekki boðlegt í stöðunni,
hvorki af hálfu samgönguyfirvalda
né Flugfélags Íslands.
Það verður að sætta sjónarmið
þeirra sem vilja fara sér hraðar og
þeirra sem vilja fara sér hægar.
Það á að vera hægt með því að all-
ir þrír valkostirnir verði til af-
greiðslu á næstu 20 mánuðum. Það
vita allir sem þekkja okkar kerfi
að ef við viljum stækka Herjólf nú
fyrir 1100 milljónir (1⁄3 af því sem
Bakkafjörudæmið kostar) eða
leigja notað skip í tilraunaskyni á
forsendum sem þjóna ekki öllum
nauðsynlegum kröfum sem við
hljótum að gera, þá erum við ein-
faldlega að kasta frá okkur í bið og
tafir möguleikum á Bakkafjöru eða
jarðgöngum.
Valið á milli ferjuhafnar
eða jarðganga
Ég er ekki í nokkrum vafa um
það að næsta skref í stórbættum
samgöngum milli lands og Eyja
verður annaðhvort ferjuaðstaða á
Bakkafjöru eða jarðgöng. Jarð-
göng eru fýsilegri kostur en mögu-
leikinn ræðst af rannsóknum í
sumar. Það er einnig alveg ljóst að
það getur ekki liðið langur tími
þar til komið verður á ferjusigl-
ingum milli Þorlákshafnar og til
dæmis Skotlands. Í það verkefni
þarf að ganga snarlega Það er
ekki spurning um hvort, heldur
hvenær og það mun ekkert gera
annað en að styrkja ferðamanna-
þjónustu á Íslandi og styrkja
ferjusiglingar milli Færeyja og
Seyðisfjarðar. Það er úrelt að
hugsa bara um eitt í einu.
Það er í rauninni með ólíkindum
að við skulum á næstu grösum
eiga möguleika á að velja um
þrennt í byltingu samgangna milli
lands og Eyja og að það skuli vera
hægt að gera það með ferskum
hætti á sama tímapunkti. Nýtt
skip þýðir 4 ár ef vel er að verki
staðið, ferjuaðstaða á Bakkafjöru
sömuleiðis 4 ár, jarðgöng 6–7 ár.
Það er ekki hægt að sleppa tæki-
færinu að velja um þetta þrennt í
lok næsta árs ef menn eru ekki að
neinu hangsi.
Höfundur er stjórnmálamaður,
blaðamaður og tónlistarmaður.
SKOÐUN
MORGUNBLAÐIÐ SUNNUDAGUR 6. APRÍL 2003 35
FASTEIGNA
MARKAÐURINN
ÓÐINSGÖTU 4. SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri, lögg. fasteignasali,
Guðmundur Th. Jónsson, lögg. fasteignasali, Unnar Smári Ingimundarson, viðskiptafr. og lögg. fasteignasali
OPIÐ Í DAG FRÁ KL. 13-15
Fjölnisvegur
Þetta virðulega steinhús á þessum
eftirsótta stað er til sölu. Húsið, sem
er kj., tvær hæðir og ris, er samtals
u.þ.b. 400 fm og skiptist þannig: Á
aðalhæð eru 4 saml. glæsilegar stofur
með útgangi á lóð til suðurs, stórt eld-
hús með borðkrók, forstofa, hol og
gestasnyrting. Á efri hæð eru 5 rúm-
góð herb., vandað nýlega endurn.
baðherb. með hita í gólfi, hornbaðkar með nuddi og flísalagður sturtuklefi.
Stórar ca 40 fm suð-vestursv. út af hjónaherb. Í risi hússins er óinnréttað
manngengt rými sem býður upp á ýmsa möguleika. Í kj. er þvottaherb. og
geymsla auk einstaklingsíb. með sérinngangi. 24 fm bílskúr sem er upphitaður
og með rafmagni. Ræktuð afgirt lóð til suðvesturs. Uppl. aðeins veittar á skrif-
stofu.
Garðastræti
Heil húseign við Garðastræti. Húsið
er tvær hæðir auk kjallara og er í
góðu ásigkomulagi. Tvær 4ra herb.
111 fm íbúðir eru á efri og neðri
hæð. Efri hæðin er öll nýlega tekin í
gegn. Í kjallara eru 4 herb. auk
þvottaherb., tveggja geymslna og kyndiklefa. 4 bílastæði fyrir framan hús.
Allar uppl. veittar á skrifst.
Steinagerði
Nýkomið í sölu 130 fm einbýlishús
á einni hæð á þessum eftirsótta
stað auk 42 fm bílskúrs. Húsið
skiptist í forstofu, flísal. baðherb.,
eldhús, saml. stofur og 3 herb. auk
þvottaherb. og búrs. Ræktuð lóð.
Verð 22,0 millj.
Snekkjuvogur
Nýkomið í sölu 244 fm raðhús sem
er kj., hæð og 1 herb. í risi. Húsið er
vel staðsett í lokaðri götu í nálægð
skóla. Á hæðinni eru forst., saml.
stofur, eldhús, 4 herb. og baðher-
bergi. Kjallari er undir öllu húsinu og
býður upp á ýmsa möguleika t.d.
að útbúa séríbúð. Ræktuð lóð m. timburpalli og skjólveggjum. Hiti í stétt-
um fyrir framan hús og í tröppum. Verð 26,5 millj.
Tjarnargata
Mjög glæsileg neðri hæð og kj. í
hjarta borgarinnar. Eignin er sam-
tals 322 fm og er tvær íb. í dag. Á
hæðinni, sem er öll nýlega endurn.,
eru hol með arni, gestasalerni, rúm-
gott eldhús með góðri borðaðst.,
stofa og borðstofa, rúmgott svefn-
herb. og flísal. baðherb. Gegnheilt
parket og náttúrusteinn á gólfum. Suðursvalir. Í kj., sem er tvískiptur, er
annars vegar ca 80 fm íbúð með sérinngangi og hins vegar er þvottahús,
geymsla, baðherb. og 1 herb. auk fataherb. Auðvelt er að sameina kjall-
ara í eitt rými. Nýlegar raf- og vatnslagnir. Verð 37,5 millj
Bláskógar
284 fm efri hæð og hluti neðri hæð-
ar í þessu fallega tvíbýlishúsi í
Seljahverfi. Stór stofa, arinstofa,
borðstofa auk sjónvarpsstofu, 2
baðherb. auk gestasalernis, rúm-
gott eldhús og 2-3 góð herb. Nýlegt
massíft parket á gólfum, granít í gluggakistum. Stórar suðursvalir, mikið
útsýni af efri hæð. Hiti í stétt og innkeyrslu. 54 fm bílskúr. Húsið í góðu
ásigkomulagi að utan. Áhv. húsbr. 5,0 millj. Verð 31,9 millj.
Lækjasmári - Kópavogi
Mjög falleg og vönduð 111 fm 4ra
herb. íbúð á 2. hæð auk stæðis í
bílageymslu. Stór stofa, eldhús m.
góðri borðaðst., 3 góð herb. og
flísal. baðherb. auk þvottaherb. og
búrs. Góðar innrétt., parket og flísar
á gólfum. Góð staðsetning við opið
svæði. Stutt í skóla og leikskóla.
Áhv. húsbr. 5,3 millj. Verð 17,8 millj.
Furugrund - Kópavogi
Mjög falleg og björt íbúð á efri hæð
í fallegu fjölbýlishúsi auk rúmgóðs
parketlagðs herb. með góðum
gluggum í kj. Íbúðin sem er 75 fm
skiptist í forstofu/gang, rúmg. eld-
hús, stofu með stórum suðursv.,
flísalagt baðherb. með baðkari og
tvö rúmgóð herb. Nýleg gólfefni eru
á allri íbúðinni. Áhv. 5,3 millj. Verð
12,1 millj.
Hlíðarhjalli - Kópavogi
Stórglæsileg, björt, vel skipulögð
og mikið endurnýjuð 57 fm 2ja
herb. íbúð á efstu hæð með stórum
suðursv. og miklu útsýni. Íb. sem
skiptist í hol, eldhús, baðherb.,
þvottaherb., svefnherb. og stofu er
öll parketlögð fyrir utan að baðherb.
og þvottaherb. eru flísalögð. Stór
sérgeymsla í kjallara auk sam.
hjóla- og vagnageymslu. Hús að utan og íbúð í mjög góðu ásigkomulagi.
Áhv. byggsj./húsbr. 5,1 millj. Verð 11,2 millj.
www.hofdi.is
Suðurlandsbraut 20
Sími 533 6050
Bæjarhrauni 22
Sími 565 8000
Opið hús í dag á milli kl. 14.00 og 17.00
Sléttahraun 24 – 1. h. v.
Í dag býðst þér og þínum að
skoða þessa gullfallegu 90 fm
þriggja herbergja íbúð sem er
á 1. hæð. Sérþvottahús í íbúð-
inni. Íbúðin getur losnað fljót-
lega. Áhv. hagstæð lán kr. 8,6
millj. Verð 11,6 millj.
Sesselja og Ólafur bjóða
ykkur velkomin.
Runólfur Gunnlaugsson viðskiptafræðingur, löggiltur fasteigna- og skipasali
Vöggusæn
gur
vöggusett
PÓSTSENDUM
Skólavörðustíg 21
sími 551 4050
Reykjavík