Morgunblaðið - 06.04.2003, Blaðsíða 24

24 SUNNUDAGUR 6. APRÍL 2003 MORGUNBLAÐIÐ
FATLAFÓL, fatlafól, flakk-andi um á tíu gíra spítt-hjólastól ...“ Við göngum ákröftugar söngraddirnar íanddyri Menntaskólans
að Laugarvatni. Gólfflöturinn er
þéttsetinn – varla hægt að stinga
niður fæti. „Fyrirgefið þið, getið
þið bent okkur á skrifstofu skóla-
meistarans?“ Í sömu andrá er lokið
upp dyrum á vinstri hönd. Halldór
Páll Halldórsson, skólameistari,
stendur í gættinni. „Ég get svarið
að þetta var ekki planað,“ segir
hann og getur ekki varist hlátri yfir
vandræðagangi gestanna. „Söng-
salur er alltaf að frumkvæði nem-
endanna. Núna er mikið álag á
þeim og því freistast þeir til að
krækja sér í smáhlé. Ég samþykki
framtakið með einu skilyrði – að
sungið sé almennilega.“
Ævarandi vinátta
„Ég var sjálfur í skólanum á sín-
um tíma – útskrifaðist sem stúdent
af náttúrufræðibraut árið 1977,“
segir Halldór Páll eftir að hafa hall-
að aftur hurðinni á skrifstofunni.
„Ég er reyndar ekki úr sýslunni
heldur af Snæfellsnesinu. Eftir
skylduna og landspróf frá Reyk-
holti í Borgarfirði var annaðhvort
að leita á náðir ættingja í Reykjavík
eða fara hingað á heimavist. Einn af
eldri bræðrum mínum hafði verið á
Laugarvatni og bar skólanum vel
söguna. Önnur ástæða fyrir því að
ég ákvað koma hingað var að ég
taldi þroskavænlegt að vera á
heimavist. Þegar ég lít til baka er
ég sannfærður um að ég hafi haft á
réttu að standa – og sérstaklega í
tengslum við mannleg samskipti.
Maður getur ekki bara hlaupið burt
í fýlu þegar eitthvað bjátar á heldur
verður að horfast í augu við vand-
ann og leysa úr honum á heimavist.
Sú reynsla hefur nýst mér vel á lífs-
leiðinni bæði í starfi og einkalífi,“
segir Halldór Páll.
Hann víkur að samheldni innan
bekkjanna. „Í huga þeirra sem hafa
tilheyrt ákveðnum hópi bæði í bekk
og á heimavist í skóla eins og í
Menntaskólanum að Laugarvatni
hefur orðið bekkjarsystkini allt
aðra og dýpri merkingu heldur en
oft gerist almennt. Ég veit ekki
hvort þú áttar þig á því hvað ég er
að fara, en ég er að tala um ævar-
andi vináttu,“ segir hann og veltir
því fyrir sér hvort þessi sterku
bönd á milli nemendanna hafi vald-
ið því hvað gamlir nemendur séu
ræktarlegir við skólann sinn.
„Framlag þeirra til skólastarfsins,
tryggð þeirra og vinátta, er í senn
þakkar- og aðdáunarverð.
Það er lífsstíll að vera ML-ingur
enda eiga gamlir nemendur héðan
sitt nemendasamband, Nemel –
sem er mjög virkt.“
Stóð á tímamótum
Að loknu stúdentsprófi hugðist
Halldór Páll hefja nám í jarðeðl-
isfræði við HÍ en ekkert varð úr
þeim áformum. Hann tók spenn-
andi atvinnutilboði frá Orkustofn-
un, leiddist út í kennslu og hélt ekki
áfram námi fyrr en nokkrum árum
síðar. Eftir að hafa lokið kennara-
námi í KHÍ hélt hann áfram að
starfa við grunn- og framhaldsskóla
og aflaði sér samhliða aukinnar
þekkingar á sviði raungreina, m.a.
30 eininga stærðfræðinámi við HÍ
og námi í rekstri og stjórnun. „Í
hreinskilni sagt stóð ég á ákveðnum
tímamótum eftir að hafa lokið 18
eininga rekstrar- og viðskiptanámi
með starfi frá Endurmenntunar-
stofnun HÍ vorið 2001. Ég hafði
unnið við stærðfræði- og eðlisfræði-
kennslu og verið deildarstjóri við
Fjölbrautaskóla Suðurlands á Sel-
fossi í ein 14 ár og klæjaði í lófana
að takast á við nýtt verkefni. Á
svipuðum tíma og ég var að velta
vöngum yfir því hvar best væri að
bera niður var auglýst eftir skóla-
meistara að Laugarvatni í eins árs
námsleyfi Kristins Kristmundsson-
ar. Eftir nokkra umhugsun og
hvatningu frá mínum nánustu
ákvað ég að að sækja um starfið og
láta reyna á hvernig bakgrunnur
minn nýttist í skólastarfinu. Eftir
að Kristinn ákvað að draga saman
seglin var ég ákveðinn í að sækjast
eftir að halda áfram að vinna að
þróunar- og uppbyggingarstarfi við
skólann og var skipaður til fimm
ára að undangenginni umsókn.“
Klassískur og í stöðugri þróun
„Sérstaða skólans felst einkan-
lega í því að 90% nemenda eru á
heimavist,“ segir Halldór Páll og
tekur fram að ekki megi gleyma því
hversu skólinn sé ríkur af gömlum
hefðum. „Almennt er hægt að segja
að Menntaskólinn að Laugarvatni
sé klassískur menntaskóli í stöð-
ugri þróun. Meginverkefni skólans
er að búa nemendur undir hefð-
bundið háskólanám. Hér hafa lengi
verið sterkar námsbrautir, náttúru-
fræðibraut og málabraut.
Íþróttabraut hefur verið þróun-
arverkefni við skólann frá árinu
2000. Íþróttabrautin felur í sér
þriggja ára starfsnám með áherslu
á fagbóklegar- og verklegar
íþróttagreinar ásamt náttúruvís-
indum, íslensku og ensku. Með eins
árs viðbótarnámi geta nemendur
svo lokið almennu stúdentsprófi
með áherslu á raun- eða hugvís-
indagreinar.“
Halldór viðurkennir að allnokkr-
ar fæðingarhríðir hafi fylgt upp-
byggingu íþróttabrautarinnar.
„Vert er að taka fram að íþrótta-
brautin er ekki leikvöllur íþrótta
heldur kröfuhörð braut ætluð til
undirbúnings undir frekara nám
við Íþróttafræðasetur KHÍ, sjúkra-
liðanám eða annað heilsutengt nám.
Einhverra hluta vegna virðast ekki
allir nemendur hafa áttað sig á
þessari staðreynd og því hefur tölu-
vert brottfall verið af brautinni
þessi fyrstu ár. Hins vegar hefur
aðsókn að brautinni eins og reynd-
Menntaskólinn að Laugarvatni 50 ára
Öflug framtíðarsýn
Menntaskólinn að
Laugarvatni á hálfrar
aldar afmæli laugardag-
inn 12. apríl. Anna G.
Ólafsdóttir og Kjartan
Þorbjörnsson brugðu
sér í heimsókn – hittu
núverandi og fyrrver-
andi skólameistara og
stallara nemenda-
félagsins.
Morgunblaðið/Golli
Íþróttaæfing nemenda í Menntaskólanum að Laugarvatni við Héraðsskólann. Fyrsti vísirinn að menntaskólanum var einmitt framhaldsdeild við Héraðsskólann
veturinn 1945—1946.
Páll M. Skúlason aðstoðarskólameistari og Halldór Páll Halldórsson skóla-
meistari eru báðir gamlir ML-ingar.
„ÉG ÁKVAÐ að fara í Menntaskól-
ann að Laugarvatni af því að pabbi
bar skólanum vel söguna og svo
langaði mig til að standa á eigin fót-
um á heimavist,“ segir Páll Vil-
hjálmsson, stallari nemendafélags
ML, og staðhæfir að skólinn hafi
gert gott betur en að standa undir
væntingum hans í upphafi. „Vistin í
Menntaskólanum að Laugarvatni
gefur nemendum gott veganesti út í
lífið. Ekki aðeins í bóklegum skiln-
ingi heldur einnig hvað varðar
mannleg samskipti. Nálægð nem-
enda hver við annan á heimavistinni
og svo við starfsmenn skólans hefur
afar jákvæð félagsleg áhrif og eykur
samheldni innan nemendahópsins.
Ekki er heldur óalgengt að fólk haldi
saman eftir menntaskólanámið.
Bestu vinir pabba voru með honum
að Laugarvatni.“
Páll segir að nemendafélag skól-
ans sé mjög virkt. „Við göngumst
fyrir alls konar skemmtilegum
uppákomum, t.d. erum við yfirleitt
með 7 til 8 böll á hverjum vetri. Ég
get nefnt að fyrir skömmu stóðum
við fyrir balli með Sálinni og Á móti
sól á Örkinni. Hér eru líka alls konar
skemmtilegar hefðir hafðar í heiðri.
Þú varðst vitni að Söngsalnum áðan.
Við erum með bjölluslag með svip-
uðum sniði og MR-ingar og svo setja
félögin Kamel og Kvemel sterkan
svip á félagslífið í skólanum.“
Hvaða félög eru þetta?
„Kamel er karlrembufélag og
Kvemel er kvenrembufélag Mennta-
skólans að Laugarvatni. Markmið
félaganna er að klekkja á félögum í
hinu félaginu.“
Þið eruð með busavígslu. Ekki
satt?
„Jú, busavígslan stendur alltaf yf-
ir frá miðvikudegi til föstudags.
Einn liður í henni er að fyrsta árs
nemar eru boðnir upp og eiga að
þjóna eldri nemendum í ákveðinn
tíma. Busarnir eru látnir gera alls
konar fáránlega hluti og svo er að
sjálfsögðu hefðbundin busavígsla
þar sem busunum er m.a. dýft ofan í
Laugarvatn.“
Ætlar þú að mæla með Mennta-
skólanum að Laugarvatni við börnin
þín í framtíðinni?
„Að sjálfsögðu þó að þau ráði því
auðvitað sjálf hvert þau fara í fram-
haldsnám.“
Gott veganesti út í lífið
Páll Vilhjálmsson stallari kemur alla leiðina frá Neskaupstað í ML.