Morgunblaðið - 06.04.2003, Blaðsíða 29

LISTIR
MORGUNBLAÐIÐ SUNNUDAGUR 6. APRÍL 2003 29
96%
fitusnau
ður
Mest seldiísdrykkur í USA!
Kringlunni (Stjörnutorg) og Ingólfstorgi
Tilboðið gildir þessa helgi.
ísálfar
í úrvali!
ískexloka
Smoothies!
Hellingur
af ídýfum!
ferskur og nána
st fitulaus!
UM ÞESSAR mundir standa yfir í
Hafnarborg sýningar tveggja
myndlistarmanna undir yfirskrift-
inni Með lífsmarki, en þar sýna
Ólöf Oddgeirsdóttir og Hlíf Ás-
grímsdóttir teikningar, ljósmyndir
og hversdagslega hluti sem þær
hafa fært inn í rýmið, og eru sum
verkin unnin í samvinnu listamann-
anna tveggja. „Við ákváðum að
láta hugmyndir okkar renna sam-
an, ekki bara á sýningunni, heldur
líka í þessum verkum,“ segir Hlíf
og bendir á tvær stórar teikningar,
sem standa andspænis hvor ann-
arri, önnur inn á milli verka Ólaf-
ar, en hin milli verka Hlífar.
Lífið er til staðar í öllu
Í Apótekinu, þar sem verk Ólafar
eru staðsett, gefur að líta blýants-
teikningar og afhoggna björk sem
stendur í salnum miðjum, sem virð-
ist vera fyrirmyndin að myndunum
á veggjunum. „Í mínum verkum er
ég að fást við hugmyndina um líf.
Ég felldi þetta gamla tré í garð-
inum mínum og hjó það aðeins til
og var þá að hugsa um teikninguna
sem verður til við það. Þegar tréð
hafði staðið hér inni í safninu í
nokkra daga, fór allt að lifna við í
því, það skriðu köngulær út á gólf
og urðu til vefir, við lítinn fögnuð
starfsmannanna hér! En þetta er í
raun grunnhugmyndin sem ég vildi
koma til skila á sýningunni, lífið
sem er alls staðar og í öllu. Maður
veit alltaf að það er þarna, þó að
það beri stundum lítið á því við
fyrstu sýn,“ útskýrir Ólöf.
Sýningarnar bera hina viðeig-
andi yfirskrift Með lífsmarki, því
Hlíf er ekki síður að fást við lífið í
sínum verkum en Ólöf. „Þetta er
fimmta sýningin sem ég vinn út frá
rýminu á sýningarstaðnum. Þá hef
ég tekið hversdagslega hluti og
borið þá saman við það sem þar er
innanstokks,“ segir hún. Í stað
bjarkar Ólafar, hefur Hlíf komið
fyrir stórum haug af glæru plasti í
miðjum Sverrissal. Plastið kemur
svo fyrir bæði á blýantsteikningum
og ljósmyndum, ásamt öðrum hlut-
um á borð við innkaupakerru og
dekk, sem Hlíf hefur rekist á í
Hafnarfjarðarfjörunni. „Mér
fannst nærtækt að skoða höfnina,
þar sem við erum að sýna í Hafn-
arborg. Hlutirnir, eins og plastið,
eru hlutir sem eru til staðar í nátt-
úrunni þótt þeir séu aðskotahlutir,
og hún hefur tekið það að sér. Það
finnst mér svo spennandi og þann-
ig tengist plastið líka heitinu Með
lífsmarki. Harðgerður gróður nátt-
úrunnar hefur tekið það að sér og
gert það að hluta af sér, eins og
sést á ljósmyndunum. Það sama
gildir um hina hlutina, eins og inn-
kaupakerruna,“ segir hún.
Teikningin afhjúpar mann
Bæði Hlíf og Ólöf hafa bakgrunn
sem málarar, en hafa að sögn alltaf
verið mjög tengdar teikningunni.
„Ég er síkrotandi, það er sama
hvað ég er að gera, horfa á sjón-
varpið eða tala í símann,“ segir
Ólöf og hlær. „Ætli við endum ekki
sem tvær krotandi gamlar konur,
talandi í símann,“ bætir Hlíf við.
En á alvarlegri nótum segja þær
blýantsteikninguna vera nokkuð
afhjúpandi listform. „Maður upp-
lifir sig á vissan hátt svolítið nak-
inn þegar maður sýnir blýants-
teikningar, því það er varla hægt
að hugsa sér milliliðalausari miðil.
Þegar maður vinnur með máln-
ingu, eins og vatnsliti eða olíu, get-
ur maður skýlt sér á vissan hátt á
bakvið efniviðinn – þar getur hið
óvænta alltaf skotið upp kollinum.
En okkur fannst kominn tími til
að hafa bara teikninguna sem aðal-
atriði. Hún hefur verið undiralda
hjá okkur báðum mjög lengi og
tími til kominn að hún fengi að
standa ein og sér,“ segja Ólöf og
Hlíf að lokum.
Sýningunum lýkur hinn 14. apríl.
Lífsmark
í Hafnar-
borg
Morgunblaðið/Jim Smart
Með lífsmarki er yfirskrift sýninga Hlífar Ásgrímsdóttur og Ólafar Odd-
geirsdóttur sem nú standa yfir í Hafnarborg.