Morgunblaðið - 13.09.2003, Síða 1

STOFNAÐ 1913 247. TBL. 91. ÁRG. LAUGARDAGUR 13. SEPTEMBER 2003 PRENTSMIÐJA ÁRVAKURS HF. mbl.is
Johnny
Cash látinn
Ferillinn spannaði nær hálfa öld og
hann tók upp 1.600 lög Fólk 58
Aukinn áhugi fyrir kvennafótbolta í
samræmi við gott gengi Íþróttir 52
Vonir um sæti
í úrslitum
Heildarútgáfa í
þremur bindum
Aðeins þrjú leikrita Guðmundar Steins-
sonar höfðu áður birst á bók Lesbók 6
Mikilvægasta máltíð dagsinsÖRYGGISRÁÐ Sameinuðu þjóðanna
samþykkti í gær að aflétta viðskipta-
þvingunum sem ákveðnar voru gegn
Líbýu fyrir ellefu árum.
Þar með var formlega bundinn endi
á refsiaðgerðir alþjóðasamfélagsins
gegn ríkisstjórn Muammars Gaddaf-
ís, sem sannað þykir að hafi staðið að
baki sprengitilræði sem grandaði far-
þegaþotu Pan Am-flugfélagsins yfir
Lockerbie í Skotlandi árið 1988 og
fleiri mannskæðum hryðjuverkum.
Fulltrúar Bandaríkjanna og
Frakklands sátu hjá við atkvæða-
greiðsluna í öryggisráðinu, en banda-
rísk stjórnvöld vildu með því undir-
strika mótmæli sín gegn mann-
réttindabrotum Líbýustjórnar og
meinta tilburði hennar til að koma sér
upp gereyðingarvopnum, og franska
stjórnin vill viðhalda þrýstingi á
stjórnina í Trípólí að ganga frá samn-
ingum um hækkaðar skaðabætur til
aðstandenda fórnarlamba sprengju-
tilræðis í franskri farþegaþotu sem
fórst árið 1989.
Samþykki hinna 13 ríkjanna sem
eiga fulltrúa í öryggisráðinu við að af-
létta þvingunaraðgerðunum, aðallega
banni við flugi og vopnasölu, var þó
frekar táknræns eðlis þar sem fram-
kvæmd aðgerðanna hafði verið slegið
á frest fyrir rúmum fjórum árum, eft-
ir að Líbýustjórn framseldi tvo menn
sem ákærðir voru fyrir að vera við-
riðnir Lockerbie-tilræðið.
Aðgerðum gegn Líbýu aflétt
Sameinuðu þjóðunum. AP.
FORMLEGAR viðræður í samráðs-
nefnd um virkjanasamning við Kára-
hnjúkavirkjun hafa siglt í strand og
lausnar er ekki að vænta nema Imp-
regilo greiði erlendum starfsmönnum
laun samkvæmt gildandi virkjanasamn-
ingi og að ekki verði ráðnir starfsmenn í
gegnum erlendar starfsmannaleigur.
Þetta segir Þorbjörn Guðmundsson,
framkvæmdastjóri Samiðnar, sem sæti
á í samráðsnefndinni. Þorbjörn segist
jafnframt vera þeirrar skoðunar að
Impregilo hafi í raun engan áhuga á að
ráða Íslendinga til starfa. Á virkjana-
svæðinu séu nærri 600 starfsmenn en
þar af séu Íslendingar aðeins um eitt
hundrað. Þorbjörn segir verkalýðsfélög
vera að ráða ráðum sínum og að í næstu
viku muni skýrast til hvaða aðgerða
verði gripið. Þorbjörn segist vona að
launamálin muni leysast með atbeina yf-
irvalda og eftirlitsaðila; þrýstingur það-
an og áhugi á málinu sé loks að kvikna.
Viðræður
í samráðs-
nefnd sigla
í strand

Segir Impregilo/4
ÚRVALSVÍSITALA Kauphallar Ís-
lands endaði í 1.801 stigi við lok við-
skipta í gær, og er það í fyrsta skipti
frá því 4. apríl árið 2000 sem vísitalan
fer yfir 1.800 stig. Vísitalan hefur
hækkað um 20% frá miðju ári og um
33% frá áramótum.
Hæsta lokagildi Úrvalsvísitölunnar
frá upphafi er 1.888,7 stig 17. febrúar
árið 2000 og er hún nú tæplega 5% und-
ir því gildi. Lægsta lokagildi sínu, eftir
að hún fór að lækka á fyrri hluta árs
2000, náði vísitalan 24. ágúst árið 2001,
en þá fór hún í 988,6 stig. Frá þeim
tíma hefur hún hækkað um 82%.
 
 

 
 
   








 




    

   !"     
Úrvalsvísitala
yfir 1.800 stig
LÍKUR eru á, að mynd af morðingja
Önnu Lindh, utanríkisráðherra Sví-
þjóðar, sé að finna á upptökum eft-
irlitsmyndavéla í NK-vöruhúsinu í
Stokkhólmi þar sem Lindh var
stungin. Er myndin tekin á annarri
hæð en árásin átti sér stað. Að sögn
lögreglunnar og sænskra fjölmiðla
passar lýsingin á morðingjanum vel
við tiltekinn mann á upptökunum.
Leif Jennekvist, sem fer með
rannsókn málsins, sagði, að myndin
og lýsing vitna á morðingjanum féllu
saman en myndin var tekin rétt fyrir
árásina á Lindh og á hæðinni fyrir
ofan. Telur lögreglan nú, að ekkert
bendi til, að Önnu Lindh hafi verið
fylgt eftir og því líklegast, að um
skyndiákvörðun morðingjans hafi
verið að ræða.
Sum sænsku blaðanna sögðu í
gær, að dreifa ætti myndinni meðal
lögreglumanna en ekki kom fram
hvort hún yrði samtímis birt opin-
berlega.
„Við teljum mjög ólíklegt, að hér
sé um einhvern nýgræðing á glæpa-
brautinni að ræða,“ sagði Leif
Jennekvist, en í fyrrinótt yfirheyrði
lögreglan nokkra menn, sem lýsing-
in á morðingjanum þótti geta átt við.
Þar á meðal var 32 ára gamall maður
með langan afbrotaferil en honum
og öðrum var sleppt að yfirheyrslu
lokinni. Dagblaðið Expressen sagði,
að handarför hans hefðu fundist á
rúllustiga í versluninni en talsmaður
lögreglunnar gerði lítið úr því.
Þegar morðinginn flýði burt eftir
að hafa stungið Lindh í handlegg,
kvið og brjóst, skildi hann eftir sig
morðvopnið, hnífinn, húfu og skyrtu-
bol. Var unnið að DNA-rannsókn á
því í gær og búist við, að niðurstöður
lægju fyrir á næstu dögum. Í gær
virtist ekki ljóst hvort morðinginn
hefði skilið fingraför eftir á hnífin-
um.
Í sænskum fjölmiðlum var í gær
varla minnst á annað en morðrann-
sóknina. Lítið fór fyrir umfjöllun um
þjóðaratkvæðagreiðsluna um inn-
göngu Svíþjóðar í evrópska efna-
hags- og myntbandalagið, sem fram
fer á sunnudag, en Lindh var mikill
talsmaður þess að Svíar tækju upp
evruna.
Lítil áhrif á viðhorf Svía
Andstaða við evruna er óbreytt
meðal sænskra kjósenda samkvæmt
skoðanakönnun frá SIFO-stofnun-
inni, sem birt var í gær. Samkvæmt
könnuninni hyggjast 50% Svía
greiða atkvæði gegn evru-aðildinni.
Þá sögðust 39% ætla að greiða at-
kvæði með evrunni.
Samkvæmt þessu hefur morðið á
Lindh ekki haft áhrif á afstöðu Svía
til evrunnar. Könnunin var fram-
kvæmd að kvöldi fimmtudagsins. Í
síðustu könnun SIFO í byrjun vik-
unnar sagðist 51% vera á móti evr-
unni en 37% hlynnt. Munurinn á
könnunum tveimur er innan skekkju-
marka. Toivo Sjören, forstöðumaður
SIFO, sagði við blaðamenn í gær að
ekki væri hægt að útiloka að morðið
myndi eftir sem áður hafa áhrif á nið-
urstöðuna. Til dæmis væri hugsanlegt
að andstæðingar evrunnar myndu
síður mæta á kjörstað í ljósi að-
stæðna.
Mynd hugsanlega fund-
in af morðingja Lindh
Reuters
AP
 Skyndiákvörð-
un að baki?
 Óbreytt and-
staða við evru
Stokkhólmi. Morgunblaðið, AFP, AP.

Pólitík/32
TUGÞÚSUNDIR hlýddu á minningar-
ávarp Görans Perssons, forsætisráðherra
Svíþjóðar, um hina myrtu Önnu Lindh ut-
anríkisráðherra á Sergelstorgi í miðborg
Stokkhólms í gær. Skoraði hann á landa
sína að láta ekki morðið fæla þá frá því að
fara á kjörstað á sunnudag til að greiða at-
kvæði um það hvort taka beri upp evruna,
sameiginlegan gjaldmiðil Evrópusam-
bandsríkja, í Svíþjóð. Sagði hann það vera
leið til að votta baráttu Lindh fyrir gildum
lýðræðisins virðingu. Frá athöfninni, þar
sem söngkonan Eva Dahlgren flutti
söngva tileinkaða minningu Lindh, var
sjónvarpað beint um allt landið og víðar.
Sorgarstund
♦ ♦ ♦