Morgunblaðið - 13.09.2003, Side 6

FRÉTTIR
6 LAUGARDAGUR 13. SEPTEMBER 2003 MORGUNBLAÐIÐ
• Eldhúsinnréttingar
• Baðinnréttingar
• Fataskápar
I n n r é t t i n g a r
Borgartúni 28 • Sími 562 5000 • www.bjorninn.is
25%
afslá
tturl
„HÁHYRNINGARNIR gengu mjög
skipulega til verks. Þeir komu
fjórir saman og þegar þeir komu
auga á æðarkollurnar köfuðu þeir
og komu svo upp undir fuglunum
og gleyptu þá. Það sem þeir náðu
ekki með kjaftinum börðu þeir
með bægslum og sporðum.“ Þann-
ig lýsir Halldór Sveinbjörnsson,
ljósmyndari á Ísafirði, sjón sem
blasti við honum í gærmorgun, en
hann varð vitni að því þegar há-
hyrningavaða veiddi sér til matar
skammt frá landi við svokallað
Skarfasker þar sem hin gamla
sorpeyðingarstöð Ísfirðinga er.
Halldór varð var við háhyrn-
ingavöðuna snemma í gærmorgun.
Dýrin voru þá að „leika sér“ að
sel. „Háhyrningarnir höfðu verið
að kasta selnum á milli sín og bíta
hann. Selurinn slapp við illan leik
milli skerja,“ sagði Halldór sem
rétt missti af tækifæri til að
mynda samskipti háhyrninganna
og selsins.
Halldór sagði að eftir að há-
hyrningarnir höfðu lokið „þessari
morgunleikfimi“, eins og hann
kemst að orði, syntu þeir út með
Óshlíð og sneru sér að æðarkoll-
unum. „Þeir tíndu upp hverja ein-
ustu kollu sem þeir sáu. Þetta var
greinilega morgunverðarhlað-
borðið þeirra.“
Halldór horfði á þessar aðfarir
ásamt hópi Ísfirðinga. Hann sagði
að háhyrningarnir hefðu gleypt
tugi fugla meðan hann fylgdist
með þeim.
Halldór er einn reyndast kajak-
ræðari landsins og hefur víða far-
ið um Ísafjarðardjúp. Hann sagð-
ist hafa séð háyrninga áður, en
aldrei séð aðrar eins aðfarir.
Ekki áður verið myndað
hér við land
Gísli Víkingsson, líffræðingur
hjá Hafrannsóknastofnun, sagði
að það væri þekkt að háhyrningar
ætu sjófugla og væru að atast í sel,
en hann sagðist ekki vita til þess
að þetta hefði nokkrum tímann áð-
ur verið myndað hér við land.
„Háhyrningar lifa í föstum fjöl-
skylduhópum og í Kyrrahafinu
hafa rannsóknir bent til að það sé
sérhæfing milli hjarðanna. Sumir
hópar éti önnur sjávarspendýr og
þá allt upp í stærstu hvali, seli, sæ-
ljón og fugla. Síðan eru aðrir hóp-
ar háhyrninga sem sérhæfa sig í
fiski. Við vitum ekki hvort þetta
er eins hér við land, en þær tak-
mörkuðu upplýsingar sem við höf-
um benda til þess að þetta kunni
að vera eins hér,“ sagði Gísli.
Æðarkollurnar voru skelfingu lostnar og reyndu að flýja undan háhyrningunum í ofboði, en fæstum þeirra tókst það.
Háhyrningarnir gengu mjög skipulega til verks við veiðarnar.
Gleyptu
skelfdar æð-
arkollurnar
Morgunblaðið/Halldór Sveinbjörns
FJÓRAR umsóknir bárust félags-
málaráðuneytinu um stöðu ríkissátta-
semjara, en Þórir Einarsson er að
láta af störfum sökum aldurs. Um-
sækjendur eru Ásdís J. Rafnar
hæstaréttarlögmaður, Ásmundur
Stefánsson, framkvæmdastjóri og fv.
forseti ASÍ, Jörundur Ákason, kenn-
ari í Reykjavík, og Kristján Pálsson,
fv. alþingismaður Sjálfstæðisflokks-
ins.
Umsóknarfrestur um stöðu fram-
kvæmdastjóra Jafnréttisstofu rann
út á sama tíma og vegna sáttasemj-
ara, eða 10. september. Níu umsóknir
bárust ráðuneytinu og umsækjendur
eru Helena Þ. Karlsdóttir, forstöðu-
maður á Akureyri, Kristín Ólafsdótt-
ir, jafnréttisráðgjafi í Reykjavík,
Margrét María Sigurðardóttir, lög-
maður á Húsavík, Rósa G. Erlings-
dóttir, jafnréttisfulltrúi í Reykjavík,
Steinar Almarsson, mannfræðingur á
Akranesi, Steinunn Ketilsdóttir, við-
skiptafræðingur í Danmörku, Stein-
unn Snæland, fluggagnasérfræðingur
á Egilsstöðum, Svala Jónsdóttir, jafn-
réttisráðgjafi í Kópavogi, og Þórður
B. Sigurðsson, mannfræðingur í
Reykjavík.
Árni Magnússon félagsmálaráð-
herra mun skipa í báðar þessar stöð-
ur.
Fjórir sækja
um stöðu
ríkissátta-
semjara
Níu vilja stýra
Jafnréttisstofu
MARGIR hafa lagt leið sína og skoð-
að bíla á bílaútsölu Toyota sem
stendur yfir á efsta bílaplaninu í
Kringlunni. „Það hefur verið mjög
fjörlegt frá því við byrjuðum með út-
söluna og það seldust um hundrað
bílar fyrsta daginn sem er mjög
gott,“ segir Björn Víglundsson, sölu-
stjóri notaðra bíla hjá Toyota.
„Við ætlum að hætta á sunnudag-
inn eða þegar allt verður búið. En
það er alls ekki allt farið og enn hægt
að gera góð kaup enda fengjum við
ekki svona viðbrögð nema að vera
með sérstaklega góð tilboð. Við erum
að losa bíla sem við höfum átt of
lengi á lager og gerum það sem þarf
til þess að selja þá. Ódýrustu bílarnir
kosta frá 250-290 þúsund en þeir
dýrustu 4,5 milljónir þannig að það
er allur skalinn,“ segir Björn.
Seldu hundrað bíla fyrsta daginn
Morgunblaðið/Kristinn
ÁRIÐ 2002 var nýgengi kamfýló-
baktersýkinga það lægsta sem
mælst hefur eftir að það náði há-
marki árið 1999. Þetta kemur fram í
ársskýrslu Landlæknisembættisins
fyrir árið 2002.
Yfirdýralæknir hefur fylgst með
kamfýlóbaktermengun í kjúklinga-
rækt og sláturhúsum hér á landi með
kerfisbundnum hætti með það að
markmiði að koma í veg fyrir að
mengaðir ófrosnir kjúklingar komist
á markað. Þessi aðferð hefur skilað
þeim árangri að kamfýlóbaktertil-
fellum í mönnum hefur fækkað und-
anfarin ár, segir í ársskýrslunni.
Nýgengi
kamfýlóbakter-
sýkinga lágt
♦ ♦ ♦