Morgunblaðið - 13.09.2003, Blaðsíða 24

LANDIÐ
24 LAUGARDAGUR 13. SEPTEMBER 2003 MORGUNBLAÐIÐ
Í STYKKISHÓLMI var nýlega hald-
in ráðstefna um Eyrbyggja-sögu.
Stofnun Sigurðar Nordals stóð fyr-
ir þessari ráðstefnu. Mjög góð að-
sókn var og voru þátttakendur um
90 manns.
Á laugardeginum héldu heima-
menn erindi sem fjallaði um ým-
islegt efni sem talið er að tengist
Eyrbyggja-sögu í nágrenni Stykk-
ishólms. Ráðstefnugestir fóru síðan
á söguslóðir í Helgafellssveit og tók
sú ferð 4 klukkustundir.
Á sunnudeginum voru flutt 7 er-
indi fræðimanna um Eyrbyggju.
Viðfangsefni fyrirlesara voru fjöl-
breytt og víða komið við. Elín Bára
Magnúsdóttir fjallaði m.a. um
valdaferil Snorra goða á Helgafelli.
Eyrbyggja er átakasaga, þar sem
Snorri átti í höggi við andstæðinga
sína um völd. Snorri fór óhefð-
bundnar leiðir í sinni valdabaráttu.
Hann var ekki hetja, hann tók ekki
þátt í bardögum og hann vildi ekki
deyja með sæmd. Það er ólíkt því
sem sagt er frá í öðrum Íslend-
ingasögum frá þessum tíma þar
sem hetjumennskan réð ríkjum.
Andstæðingar Snorra voru meiri
kappar og hetjur. Viðhorf Snorra
stuðlaði að vexti og viðgangi sam-
félagsins.
Í erindi Ármanns Jakobssonar
sem hann nefndi „Vofa ellinnar: Af
hverju er Þórólfur bægifótur svona
vondur?“ dró hann mynd af gam-
almennum í Íslendingasögum og
ræddi hugmyndir manna um ellina.
Þórólfur bægifótur hefur verið
mesti eiginhagsmunamaður sem
fram kemur í Íslendingasögum.
Hann hataðist við allt í kringum sig.
Gamlir menn voru draugar áður en
þeir dóu, því þeir gátu ekki skapað
heldur tortímt.
Úlfar Bragason, forstöðumaður
stofnunar Sigurðar Nordals, var
ráðstefnustjóri. Að hans mati tókst
samkoman í Stykkishólmi mjög vel.
Fyrirlestrarnir voru góðir og
mörgum spurningum velt upp án
þess að svör fengjust við þeim eins
og við mátti búast. Þetta var gott
sagnaþing í héraði.
Um 90 manns sóttu Eyrbyggjuráðstefnu í Stykkishólmi
Snorri goði fór óhefðbundn-
ar leiðir í valdabaráttu
Morgunblaðið/Gunnlaugur Árnason
Helgi Skúli Kjartansson flutti erindi um „Langsótt tengsl Eyrbyggju út og suður“ á ráðstefnunni. Jónas Krist-
jánsson handritafræðingur lét sig ekki vanta á ráðstefnuna og fylgdist með af áhuga úr sæti sínu í fremstu röð.
Stykkishólmur
SÉRA Ragnheiður Karitas Péturs-
dóttir var sett í embætti sóknar-
prests Ingjaldshólsprestakalls á
Snæfellsnesi við guðsþjónustu í
Ingjaldshólskirkju sunnudaginn 31.
ágúst. Séra Ingibergur J. Hannes-
son prófastur þjónaði fyrir altari og
annaðist innsetningu séra Ragnheið-
ar í prestsembættið. Síðan flutti nýi
presturinn stólræðuna. Þetta var há-
tíðleg stund og fjöldi fólks viðstadd-
ur. Að lokinni athöfninni bauð sókn-
arnefndin upp á kirkjukaffi í
safnaðarheimili kirkjunnar.
Í byrjun október nk. á Ingjalds-
hólskirkja eitt hundrað ára bygging-
arafmæli og verður haldið upp á þau
tímamót með hátíðarguðsþjónustu í
kirkjunni og samkomu í Félagsheim-
ilinu Röst á Hellissandi sunnudaginn
5. október.
Ingjaldshólsprestakall nær yfir
byggðirnar á Hellissandi og Rifi.
Morgunblaðið/Hrefna Magnúsdóttir
Ingibergur J. Hannesson og
Ragnheiður Karitas Pétursdóttir.
Nýr prest-
ur á Hell-
issandi
Hellissandur
ÞRIÐJA úthlutun úr Blika-
staðasjóði fór fram á Hvann-
eyri miðvikudaginn 3. septem-
ber sl. Sveinn Ragnarsson,
sem er í meistaranámi í fóð-
urfræði hrossa við sænska
landbúnaðarháskólann, hlaut
að þessu sinni styrk úr sjóðn-
um, samtals að upphæð kr.
350.000.
Sú rannsókn Sveins sem
liggur til grundvallar námsins
fer fram við Hólaskóla og
fjallar um mat á meltanleika
gróffóðurs í íslenskum hross-
um og nálgun á viðhaldsþörf-
um þeirra. Rannsóknin er unn-
in í nánu samstarfi sænska
landbúnaðarháskólans, Hóla-
skóla og Rannsóknarstofnunar
landbúnaðarins.
Sveinn Ragnarsson útskrif-
aðist frá Landbúnaðarháskól-
anum á Hvanneyri árið 2001 og
kenndi síðan hrossarækt þar
og við hrossabraut Hólaskóla
fram að meistaranámi sínu.
Blikastaðasjóður
Blikastaðasjóðurinn var
stofnaður árið 1999 af Sigsteini
Pálssyni, fyrrverandi bónda á
Blikastöðum og fjölskyldu
hans, til minningar um Helgu
Jónínu Magnúsdóttur, fyrrver-
andi húsfrú á Blikastöðum og
hjónin Þ. Magnús Þorláksson
og Kristínu Jónatansdóttur,
fyrrum ábúendur á Blikastöð-
um. Heimili sjóðsins er á
Hvanneyri og er rektor Land-
búnaðarháskólans formaður
stjórnar.
Hlutverk sjóðsins er að
styrkja nemendur sem lokið
hafa háskólanámi frá Land-
búnaðarháskólanum á Hvann-
eyri til framhaldsnáms erlend-
is eða til rannsókna í
landbúnaðarvísindum eftir því
sem stjórn sjóðsins ákveður.
Einnig er heimilt að verðlauna
nemendur Landbúnaðarhá-
skólans fyrir framúrskarandi
árangur á burtfararprófi.
Landbúnaðarhá-
skólinn á Hvanneyri
Morgunblaðið/Davíð Pétursson
Sveinn Ragnarsson og Sig-
steinn Pálsson, einn af stofn-
endum Blikastaðasjóðsins.
Úthlutað
úr Blika-
staða-
sjóði
Skorradalur
ÞESSA dagana eru það ekki bara
börnin á Drangsnesi sem setjast á
skólabekk. Þar er nú haldið vélgæsl-
unámskeið á vegum fræðslumið-
stöðvar Vestfjarða. Námskeiðið gef-
ur réttindi fyrir rúmlega 500
hestafla vélar eða á báta undir 20
tonnum. Kennari á námskeiðinu er
Guðmundur Einarsson frá Ísafirði.
Kennt er í samkomuhúsinu Baldri.
Nemendur eru á öllum aldri og
koma víða að af landinu en flestir eru
þó frá Drangsnesi. Ein kona er á
námskeiðinu og lætur vel af sér inn-
an um alla þessa karla. Ánægja er
með námskeiðið og ekki slegið slöku
við lærdóminn enda mikið efni sem
þarf að fara yfir á stuttum tíma.
Nemendur víða að á
vélgæslunámskeiði
Drangsnes
Blaðbera
vantar
• Skerjafjörður
Upplýsingar fást í síma
569 1122
Hjá Morgunblaðinu starfa um 600 blaðberar á
höfuðborgarsvæðinu
Upplýsingar gefur Ólöf
Engilbertsdóttir í síma
569 1376.
ⓦ á Grenivík
BRÆÐURNIR Einar, Reynir og
Þröstur Jónssynir, garðyrkjubænd-
ur frá Reykjabakka hér í sveit, hafa
nýlega keypt vél til upptöku á káli.
Vélin er dönsk og er um mikla nýj-
ung að ræða, aðeins munu 15 slíkar
vélar hafa verið framleiddar ennþá.
Það er fyritækið Asa-Lif sem
smíðaði vélina en unnið hefur verið
að þróun vélar hjá fyrirtækinu til
að taka upp hvítkál og rauðkál síð-
astliðin þrjú ár. Reynir telur vélina
mikla tæknibyltingu á þessu sviði
og má líkja henni við þegar upp-
tökuvélar fyrir kartöflur og gul-
rætur komu á markaðinn.
„Vélin léttir mikið vinnu við upp-
tökuna og sparar vinnuafl,“ segir
Reynir. „Með vélinni er hægt að
taka upp álíka magn af káli á 2–3
klst. og 6 manns mundu taka upp á
einum degi. Hún vinnur vel í sléttu
landi og sker snyrtilega.
Uppskeruvélin kostaði tæpar
fjórar milljónir. Fleiri aðilar eru að
þróa vélar til kálupptöku þótt meg-
infjöldi erlendra garðyrkjubænda
búi við það að fá ódýrt vinnuafl til
þessara starfa,“ segir Reynir.
Þeir bræður rækta hvítkál og
rauðkál á um 7 hektörum lands auk
þess sem þeir rækta m.a. allmikið
af spergilkáli, gulrófum og gulrót-
um. Reynir segir að markaður fyrir
innlent grænmeti sé að aukast þó
að salan mætti gjarnan vera meiri.
Verð til bænda sé of lágt. Kostn-
aður við umbúðir og flutning sé
mikill og annar milliliðakostnaður
sé einnig mikill. Hann segir að
neytendur velji fremur íslenskt
grænmeti en innflutt enda ferskara
og engin eiturefni séu notuð hér.
Í Hrunamannahreppi er útirækt-
að grænmeti ræktað á um 100 hekt-
urum lands.
Ný tækni við skurð á káli
Hrunamannahreppur
Morgunblaðið/Sigurður Sigmundsson
Bræðurnir Einar, Þröstur og Reynir Jónssynir taka upp rauðkál.