Morgunblaðið - 13.09.2003, Side 47
FRÉTTIR
MORGUNBLAÐIÐ LAUGARDAGUR 13. SEPTEMBER 2003 47
Kennsla í
byrjenda- og
framhaldsflokkum
hefst dagana 22. til
27. september nk.
10 vikna námskeið.
Stúlknaflokkur
Íslandsmeistari kvenna, Guðfríður Lilja Grétarsdóttir
annast kennslu.
Alþjóðlegir titilhafar annast alla kennslu.
Kennt verður frá kl. 17.00 - 19.00 alla virka daga
og frá kl. 11.00 - 12.30 um helgar.
Kennslugögn innifalin í öllum flokkum.
Nánari upplýsingar og skráning alla virka daga frá
kl. 10.00-13.00 í síma 568 9141.
Athugið systkinaafsláttinn
VERSLUNIN Next í Kringlunni
náði nýlega þeim áfanga að taka á
móti þrjúhundruðþúsundasta við-
skiptavininum frá því verslunin
var opnuð 10. apríl í vor.
Af þessu tilefni var efnt til fjöl-
skylduhátíðar í versluninni og
þrjúhundruðþúsundasta gestinum
var fagnað með gjafakörfu og
30.000 kr. vöruúttekt í Next.
Á myndinni sjást Sigríður Vil-
hjálmsdóttir og Ólafur Arnar
Friðbjörnsson taka við verðlaun-
unum ásamt tveggja ára dóttur
sinni Arndísi Birtu úr höndum
Ragnhildar Önnu Jónsdóttur og
Sverris Berg Steinarssonar, eig-
enda Next.
300.000. viðskipta-
vininum fagnað
TVÖ heimsmeistaramót í samkvæm-
isdönsum í flokki fullorðinna 35 ára og
eldri verða haldin um helgina og
munu 3 danspör frá Íslandi taka þátt í
þeim. Í dag, laugardeginum, 13. sept-
ember, verður keppt í sígildum sam-
kvæmisdönsum og taka 2 danspör
þátt í þeirri keppni fyrir Íslands hönd.
Það eru Björn Sveinsson og Bergþóra
María Bergþórsdóttir, Dansíþrótta-
félagi Hafnarfjarðar og Jón Eiríksson
og Ragnhildur Sandholt, Gulltoppi.
Á morgun, sunnudaginn 14. sept-
ember verður keppt í suður-amerísk-
um dönsum og taka einnig 2 danspör
þátt í þeirri keppni fyrir Íslands hönd.
Það eru Björn Sveinsson og Bergþóra
María Bergþórsdóttir, Dansíþrótta-
félagi Hafnarfjarðar, og Eggert Cla-
essen og Sigrún Kjartansdóttir,
Dansdeild ÍR (Íþróttafélags Reykja-
víkur). Keppnin er haldin rétt fyrir
utan Prag í Tékklandi, í borginni Ústí
nad Labem.
Keppa í
samkvæm-
isdönsumBJÖRN Thoroddsen gítarleikari og
danski klarinettuleikarinn Jörgen
Svare leika ásamt bassaleikaranum
Jóni Rafnssyni á tónleikum á Búð-
arkletti í Borgarnesi í kvöld. Efnis-
skráin samanstendur að mestu af
þekktum djasslögum auk nokkurra
frumsaminna ópusa, en nú í vikunni
kom út með þeim félögum geisla-
diskurinn „Jazz airs“. Tónleikarnir
hefjast kl. 22 og er miðasala við inn-
ganginn.
Svare-Thoroddsen-
tríó í Borgarnesi
EFTIRFARANDI athugasemd hef-
ur borist frá Jóni Kristjánssyni fiski-
fræðingi:
„Athugasemd við málflutning
Hjálmars H. Árnasonar í Morgun-
blaðinu 5. september sl. Í frásögn frá
opnum stjórnmálafundi Framsóknar-
flokksins á Egilsstöðum er haft eftir
honum: „Við erum með Jón Krist-
jánsson fiskifræðing og vísindamenn-
ina á Hafrannsóknastofnun og þessir
aðilar eru að veita ráðgjöf eftir bestu
þekkingu og sannfæringu. Vandinn
er að vísindin eru svo ónákvæm og
margir þættir sem spila saman. Því
eigum við að fá erlendan þriðja aðila
til þess að fara yfir þetta.“ Með þessu
er hann að gefa í skyn að ég hafi kom-
ið að stjórn fiskveiða.
Sannleikurinn er sá að ég hef ekki
veitt honum eða öðrum er tengjast
stjórn fiskveiða neina ráðgjöf. Hins
vegar hef ég gagnrýnt núverandi ráð-
gjöf Hafró um langt sinn, talið hana
ranga og bent á hvernig mætti gera
betur. Ekkert hefur verið eftir því
farið, helst að ég hafi hlotið bágt fyrir.
Huggun er þó harmi gegn ef fram-
sóknarmenn vilja nú skreyta sig með
mínum fjöðrum.“
Athugasemd
Skyndihjálpardagur Rauða kross-
ins er í dag, laugardaginn 13. sept-
ember, en dagurinn er liður í al-
þjóðlegu átaki sem nær til 100 landa.
Í tilefni af skyndihjálpardegi Rauða
krossins verða fjölmörg samtök,
stofnanir og fyrirtæki með kynn-
ingar í Smáralind í Kópavogi í dag,
þeirra á meðal Slysavarnafélagið
Landsbjörg, Blóðbankinn, Neyð-
arlínan, Lögreglan, Vegagerðin,
Landspítalinn - háskólasjúkrahús,
Toyota, Landssamband slökkviliðs-
og sjúkraflutningamanna, Slökkvilið
höfuðborgarsvæðisins, Engey og
Hvellur, auk Rauða kross Íslands.
Býflugur og hunang í Fjölskyldu-
og húsdýragarðinum Egill Sig-
urgeirsson, formaður hins Íslenska
býflugnaræktendafélags, og Tómas
Óskar Guðjónsson, líffræðingur og
forstöðumaður FHG, halda síðari
kynningu sína og fræðslu á íslenskri
býflugnarækt í Fjölskyldu- og hús-
dýragarðinum í dag, laugardag, kl.
14.30 til 15.30. Þar gefst fólki tæki-
færi að sjá og fræðast um lifandi bý-
flugur í lokuðu sýningarbúri og
smakka hunang frá tveimur íslensk-
um býflugnabúum. Annað búið er
frá Rúnari Óskarssyni á Kjalarnesi
og hitt frá Agli sem er með bú á
Vatnsenda. Gestum gefst kostur á að
bera hunangið frá þessum tveimur
búum saman og kaupa litla krukku á
kr. 300. Hunangið verður til sölu í
Fjölskyldu- og húsdýragarðinum
meðan birgðir endast.
Kynningin verður haldin í Vísinda-
veröldinni við Kaffihúsið.
Haustgönguferðir á Þingvöllum Í
dag, laugardaginn 13. september,
verður farið í gönguferð með strönd
Þingvallavatns þar sem hugað verð-
ur að litbrigðum haustsins en einnig
fjallað um lífríki Þingvallavatns.
Gönguferðin hefst kl. 13 við Öx-
arárbrú hjá Valhöll og verður gengið
í Lambhaga. Gönguferðin tekur um
2 klst. Nánari upplýsingar eru veitt-
ar í þjónustumiðstöð og á heimasíðu
þjóðgarðsins, www.thingvellir.is.
Þátttaka í dagskrá þjóðgarðsins á
Þingvöllum er ókeypis og allir eru
velkomnir.
Bindindisfélag ökumanna, BFÖ,
efnir til norrænnar ráðstefnu á
Hótel Örk helgina laugardaginn 13.
og sunnudaginn 14. september undir
yfirskriftinni „Sober in traffic, sa-
fety and responsibility“. Ráðstefnan
er haldin í tilefni af 50 ára afmæli
BFÖ á þessu ári. Á ráðstefnunni
verða m.a. flutt erindi um umferð-
aröryggi, atferli manna í umferðinni
og ölvunarakstur.
Í DAG
Dansnámskeið hjá Þjóðdansa-
félagi Reykjavíkur Gömlu-
dansanámskeið eru á mánudags-
kvöldum kl. 20, frá 29. september.
Kennd eru undirstöðuatriði í
gömludönsunum og farið í gegnum
ýmis afbrigði af þeim. Námskeiðin
eru bæði fyrir byrjendur og þá
sem kunna gömlu dansana. Verð
fyrir 10 skipti er kr. 6.000 og er
veittur 10% hjónaafsláttur.
Barna- og unglinganámskeið eru á
þriðjudögum frá 30. september.
Kennt er í mörgum aldurhópum
frá 5 ára aldri. Kenndir eru gömlu
dansarnir, þjóðdansar, söngdansar
o.m.fl. Námskeiðin eru í 10 skipti
og er veittur systkinaafsláttur.
Þjóðdansar eru á fimmtudögum kl.
20, frá 2. október, og er ekkert
þátttökugjald.
Opið hús er haldið hjá félaginu
annað hvert þriðjudagskvöld kl.
20.30-23, frá 30. október. Gömlu
dansarnir dansaðir og dansstjóri
stjórnar. Verð fyrir kvöldið er kr.
500.
Dansnámskeið á vegum félagsins
eru fyrir alla aldurshópa og fara
fram í húsnæði félagsins á Álfa-
bakka 14a. (Fyrir ofan sparisjóð-
inn.) Allar nánari upplýsingar og
innritun hjá Þjóðdansafélagi
Reykjavíkur.
Þjóðdansafélag Reykjavíkur var
stofnað 17. júní 1951. Megin hlut-
verk félagsins er að kanna og
kynna þann menningararf sem
þjóðin á í þjóðdönsum og öllu sem
að þeim lýtur. Félagið mun m.a.
standa fyrir Norrænu þjóð-
dansamóti í júní á næsta ári. Einn-
ig leigir félagið út þjóðbúninga og
er búningaleigan opin á mánudög-
um og fímmtudögum kl. 17-19 seg-
ir í fréttatilkynningu.
Opið golfmót Samfylkingar í
Hafnarfirði verður haldið föstu-
daginn 19. september á golfvelli
Golfklúbbsins Keilis í Hafnarfirði.
Leikið eftir Texas Scramble, betri
bolti. Byrjað að ræsa kl. 12.
Skráningu lýkur miðvikudaginn
17. september. Verðlaun verða
veitt. Þátttaka tilkynnist á netfang
skrifstofa@xs.is
Feldenkrais-námskeið verður
haldið helgina 20.-21. september, í
sal FÍH, Rauðagerði 27 í Reykja-
vík. Leiðbeinandi verður Sibyl Ur-
bancic. Á námskeiðinu verður
kennt eftir hópkennsluaðferð
Moshe Feldenkrais: „Awareness
through Movement“ (skynjun
gegnum hreyfingu). Hver og einn
athugar hreyfivenjur sínar og
kynnist öðrum valkostum með
hjálp leiðbeinandans. Feldenkrais-
aðferðin nýtist öllum sem áhuga
hafa á líkamsbeitingu.
Námskeiðið fer fram á íslensku og
er öllum opið, byrjendum sem
lengra komnum. Þrjár kennslu-
stundir verða hvorn dag: kl. 10.30-
12, kl. 12.30-14 og kl. 14.30-16.
Þeir sem áhuga hafa á einkatímum
geta sótt þá virka daga fyrir há-
degi frá 15. september til 3. októ-
ber í Söngskólanum í Reykjavík
Snorrabraut 54. Verð er kr. 5.000
fyrir allt námskeiðið, kr. 2.500 fyr-
ir einn dag og kr. 1.000 fyrir stak-
an tíma. Skólaafsláttur er 50%.
Upplýsingar og skráning:
Á skrifstofu Félags íslenskra
hljómlistarmanna (Björg).
Á NÆSTUNNI