Morgunblaðið - 06.12.2003, Síða 32
ÁRBORGARSVÆÐIÐ
32 LAUGARDAGUR 6. DESEMBER 2003 MORGUNBLAÐIÐ
HJÓNIN Sigþrúður Sæmunds-
dóttir og Eyjólfur Harðarson
kokkur opnuðu ásamt fleirum
Snúllabar fyrir skömmu í Hvera-
gerði. Snúllabar er í hjarta bæj-
arins, þar sem áður fyrr var Hótel
Hveragerði. Þau Eyfi og Þrúða,
eins og bæjarbúar kalla þau, hafa
tekið tvo sali á leigu og ætla að
hafa opið þrjú kvöld í viku,
fimmtudags-, föstudags- og laug-
ardagskvöld. Einnig ætla þau að
hafa lifandi tónlist og trúlega mun
húsbóndinn ekki láta sitt eftir
liggja í þeim efnum, enda verið í
bransanum lengi. Fjöldi gesta var
við opnun Snúllabars og voru
menn ánægðir með að húsið skyldi
vera opnað aftur eftir nokkurt
hlé.
Morgunblaðið/Margret Ísaksdóttir
Eyfi kokkur á Snúllabar.
Snúllabar opnaður
Hveragerði | Í tengslum við 1. des-
ember, fullveldisdag Íslendinga,
ákváðu kennarar unglinganna í
Grunnskólanum að brjóta upp
kennsluna. Að sögn Sævars Þórs
Helgasonar, samfélagsfræðikennara
og verkefnisstjóra, var ákveðið að
þemað yrði söguleg atriði frá 1830-
1950.
Krökkunum var skipt upp í tutt-
ugu og fjóra hópa og í hverjum hópi
voru nemendur úr öllum þremur
árgöngunum og var 10 verkefnum
deilt niður á hópana. Verkefnin voru
líf fólks, sjálfstæðisbaráttan, réttindi
kvenna og barna, vesturfarar, bók-
menntir, Jón Sigurðsson, 1. desem-
ber 1918, þorpsmyndanir, atvinna
og náttúruhamfarir og náttúrurann-
sóknir. Með hverju verkefni fylgdu
stikkorð sem auðveldaði nemendum
leit að heimildum. Einnig var keypt-
ur aðgangur að fréttum á mbl.is og
fundust heimildir þar. Hópavinnan
stóð yfir í þrjá daga og síðan var
uppskeruhátíð, þá komu allir hóp-
arnir og lögðu fram sín verkefni og
kynntu vinnu sína í máli og mynd-
um.
Skipuð var sérstök dómnefnd sem
samanstóð af Magnúsi Ágústssyni,
formanni skólanefndar, Hlíf Arndal,
forstöðumanns bæjarbókasafnsins,
og formaður dómnefndar var Yngvi
Karl Jónsson, íþrótta- og tómstunda-
fulltrúi bæjarins. Hópurinn sem
varð í 3. sæti sýndi sína vinnu með
veggspjöldum og glærusýningu og
útvarpsþáttur var tjáningarform
þeirra sem lentu í 2. sæti.
Hópurinn sem sigraði var skip-
aður þeim Guðbjörgu Ýr, Hannesi
Pétri, Sonju Ósk, Stefáni Hauki,
Þorsteini Óla og Hjalta Knúti. Að
mati dómnefndar var kynning
þeirra mjög góð og greinilegt að
samstarf hópsins var mjög gott, en
þau kynntu verk sitt með vegg-
spjöldum, glærusýningu og upp-
lestri. Krökkunum í hópunum sem
lentu í þremur efstu sætunum verð-
ur boðið út að borða á Pizza 67.
Skemmtileg tilbreyting í svartasta
skammdeginu og góð aðferð til að
nemendur kynnist á nýjum nótum.
Þemadagar unglinganna
Morgunblaðið/Margret Ísaksdóttir
Sigurvegarar: Hópurinn, sem lenti í 1. sæti, ásamt dómurunum, þeim Yngva, Magnúsi og Hlíf.