Morgunblaðið - 23.12.2004, Blaðsíða 64

„SNJÓTÆKNI“, aðferð til að vinna með frosið
hráefni án þess að þíða það upp, er byltingarkennd
aðferð í meðferð slíks hráefnis, að mati Sveinbjörns
Jónssonar, framkvæmdastjóra Aðlöðunar hf. Hef-
ur þessi aðferð vakið athygli erlendis. Nú hefur
verið sótt einkaleyfi fyrir Aðlöðun hf. á aðferðinni í
35 löndum.
Sveinbjörn fann upp aðferðina og þróaði hana
ásamt Karli Jóhanni Ásgeirssyni, vélsmiði. Með
henni er kleift að vinna með hverskonar frosið hrá-
efni án þess að þíða það upp. Hráefnið er rifið niður
í agnir á meðan það er frosið svo úr verður eins
konar „snjór“ og í hann má síðan blanda öðrum efn-
um og stjórna stærð og lögun framleiðslueining-
anna. Allt þetta fer fram í frosti sem tryggir virkni
tiltekinna ensíma og þar af leiðandi heldur hráefnið
bragðgæðum sínum eins vel og kostur er.
Fyrsta áfanga hlutafjáraukningar lokið
Sveinbjörn fann upp tæknina í tengslum við
verkefni um þróun beitu og var reist verksmiðja til
að framleiða pokabeitu með aðferðinni á Ísafirði.
Starfsemi verksmiðjunnar hefur aftur á móti legið
niðri vegna fjárskorts en nú er lokið fyrsta áfanga
hlutafjáraukningar Aðlöðunar hf. undir handleiðslu
KPMG og hefst framleiðslan á ný í næsta mánuði.
Sótt um einkaleyfi í 35 löndum
Vinna Aðlöðunar með frosið hráefni til beituframleiðslu vekur athygli
Sveinbjörn segir beituframleiðslu aðeins vera
einn af mörgum möguleikum sem snjótæknin bjóði
upp á. Þannig sé þróun á aðferðinni við þurrfóð-
urgerð þegar komin á ákveðinn rekspöl og lofi
góðu, sérstaklega í fóðurframleiðslu fyrir fiskeldi.
Eins sé ekkert sem komi í veg fyrir að aðferðin
verði notuð í matvælaiðnaði og þegar hafi borist
fyrirspurnir um tæknina frá erlendum mat-
vælaframleiðendum. KPMG mun einnig annast
frekari fjármögnun fyrirtækisins vegna annarra
væntanlegra umsvifa.
 „Snjótæknin“/C2–C3
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 23. DESEMBER 2004 VERÐ Í LAUSASÖLU 220 KR. MEÐ VSK.
Lágmúla og Smáratorgi
opið kl. 8-24
alla daga
Heilsukoddar
Heilsunnar vegna
Opið til 23 í kvöld
ALDREI hefur verið lagt hald á
meira magn af amfetamíni og kókaíni
hérlendis en á þessu ári og fíkniefna-
mál hafa heldur aldrei verið fleiri.
Það sem af er þessu ári hafa lög-
regla og tollgæsla lagt hald á tæplega
16 kíló af amfetamíni og ríflega fimm
kíló af kókaíni, samkvæmt upplýsing-
um frá ríkislögreglustjóra. Þetta er
50% meira af amfetamíni en áður hef-
ur verið lagt hald á á einu ári og um
270% meira af kókaíni en áður hefur
náðst á einu ári. Kókaínið sem náðst
hefur á þessu ári er jafnmikið og lagt
var hald á öll fimm árin á undan.
Mesta magn fíkniefna næst þegar
komið er upp um smygltilraunir. Þar
sem slík mál eru tiltölulega fá, um
150 á þessu ári, geta nokkur stór mál
hleypt meðaltalinu verulega upp og
skekkt samanburð milli ára. Að mati
Ásgeirs Karlssonar, yfirmanns fíkni-
efnadeildar lögreglunnar í Reykja-
vík, fer þó ekki á milli mála að neysla
amfetamíns og kókaíns hefur stöðugt
vaxið undanfarin ár. Fjölgað hafi
þeim kókaínneytendum sem nota
efnið í tengslum við skemmtanir og
taki það einungis við sérstök tæki-
færi.
Samkvæmt upplýsingum frá ríkis-
lögreglustjóra hefur fíkniefnabrotum
fjölgað stöðugt frá árinu 2001. Þá
voru rúmlega 900 fíkniefnabrot skráð
hjá lögreglu en á þessu ári hafa um
1.600 slík brot verið skráð í málaskrá
lögreglu. Flest málin eru vegna
vörslu og neyslu eða rúmlega 1.100.
Metmagn af
fíkniefnum tekið
 Kröftugir/8
TÍU kórar komu saman á Austurvelli í Reykjavík í gærkvöldi til að syngja
saman og með áhorfendum. Sungin voru þekkt jólalög og jólasálmar en
síðan dreifðust kórarnir um miðborgina til að syngja áfram á götum úti.
Kórarnir hafa að undanförnu gengið um miðborgina og sungið en versl-
anir í miðborginni voru opnar til tíu í gær og verða opnar til ellefu í kvöld,
á Þorláksmessu, en þá verða m.a. nokkrar brass-sveitir í miðborginni.
Morgunblaðið/Þorkell
Tíu kórar sungu á Austurvelli
NÝTT nautgripasláturhús í
Queensland í Ástralíu, sem byggir
á úrbeiningarvinnslukerfi Marels,
er eitt það fullkomnasta í heimi.
Afkastaaukningin sem fæst með
kerfinu frá Marel var forsendan
fyrir því að nautgripasláturhúsið
Oakey Abattoir, sem er dótturfyr-
irtæki japanska risans Nippon
Meat Packers, ákvað að leggja í
tæplega tveggja og hálfs milljarðs
króna fjárfestingu við nýtt slát-
urhús.
Við vígslu sláturhússins sagði
Yoshikiyo Fujji, forseti Nippon
Meat Packers, að rekjanleiki kerf-
isins frá Marel væri geysilega mik-
ilvægur liður í að viðhalda mark-
aðsstöðu Nippon Meat Packers á
Japansmarkaði. Sagði hann jap-
anska matvælaiðnaðinn vera far-
inn að gera auknar kröfur þar að
lútandi eftir að kúariða leiddi til
innflutningsbanns á bandarísku
nautakjöti.
Mikil viðurkenning
Hörður Arnarson, forstjóri Mar-
els, segir afar mikla viðurkenningu
felast í því að Nippon Meat Pack-
ers hafi talið að ekkert annað fyr-
irtæki en Marel kæmi til greina
þegar kom að vali á úrbeining-
arvinnslukerfi. Segir hann kjötiðn-
aðarfyrirtæki um allan heim fylgj-
ast grannt með Oakey Abbattoir
og hversu mikilli hagkvæmn-
isaukningu kerfi Marels muni skila
sláturhúsinu.
Marel sækir
til Eyjaálfu
 Tímamótasamningur/B4
LANDEIGENDUR í Reykjahlíð í
Mývatnssveit hafa höfðað mál gegn
Landsvirkjun og íslenska ríkinu þar
sem þeir fara fram á að felld verði úr
gildi ákvörðun iðnaðarráðherra um
að veita Landsvirkjun leyfi fyrir
rannsóknum og nýtingu á auðlindum
í jörðu og fyrirheit um forgang að
nýtingarleyfi í landi Reykjahlíðar í
Skútustaðahreppi. Verður málið
þingfest í Héraðsdómi Reykjavíkur
11. janúar.
Í stefnunni kemur fram að í maí
2002 veitti iðnaðarráðuneyti Lands-
virkjun leyfið í landi Reykjahlíðar án
þess að eigendum hefði verið greint
frá því og andmælaréttur verið virt-
ur. Þá byggist krafan og á því að ráð-
herra hafi verið vanhæfur til leyfis-
veitinga í þágu Landsvirkjunar (LV)
þar sem ríkið eigi 50% hlut í LV.
Ljóst sé að landeigendur eigi for-
gang til rannsókna og nýtingar jarð-
hita.
Hafa samið við OR
Fram kemur í stefnu landeigend-
anna að þeir hafi markvisst unnið að
því að kanna möguleika á að nýta
jarðhitaréttindi í landi sínu og iðn-
aðarráðherra hafi verið kynntar
áætlanir landeigenda um virkjun
jarðhita sem sé utan þess svæðis sem
samið var um við ríkið með samningi
landeigenda árið 1971. Í vor hafi iðn-
aðarráðherra verið kynnt staða und-
irbúningsvinnu að Sandabotnavirkj-
un og í október hafi honum síðan
verið kynnt að samkomulag hefði
tekist milli landeigenda og Orkuveitu
Reykjavíkur (OR) um að standa að
rannsókn á Sandabotnasvæði sem og
Gjástykki og að unnið væri að samn-
ingum landeigenda og OR.
Stefna
Lands-
virkjun og
ráðherra