Morgunblaðið - 01.10.2005, Qupperneq 2

2 LAUGARDAGUR 1. OKTÓBER 2005 MORGUNBLAÐIÐ
FRÉTTIR
KYRRÐ OG FRIÐUR UNDIR JÖKLI
www.iceland.as
Upplýsingar í síma 893 6653
VARA VIÐ HRÆÐSLU
Alþjóðaheilbrigðisstofnunin,
WHO, varaði í gær við því að rekinn
væri hræðsluáróður í tengslum við
hugsanlegan faraldur fuglaflensu í
mönnum. Ef slíkur faraldur kæmi
upp væri gert ráð fyrir að allt að 7,5
milljónir manna gætu dáið og alþjóð-
legur viðbúnaður væri miðaður við
þá tölu en í reynd gæti enginn fullyrt
neitt um hættuna. Daginn áður hafði
einn af talsmönnum WHO sagt að
„5–150 millj. manna“ gætu dáið.
Samþykktu þjóðarsátt
Tillaga um þjóðarsátt og sak-
aruppgjöf eftir mannskæð átök síð-
ustu 13 árin milli stjórnarhers og
bókstafstrúar-múslíma í Alsír var
samþykkt í þjóðaratkvæði sem fram
fór á fimmtudag. Niðurstöður voru
birtar í gær, um 97% sögðu já við til-
lögunni og kjörsókn var tæplega
80%.
Beiðni um gjaldþrotaskipti
Beiðni um gjaldþrotaskipti Slipp-
stöðvarinnar á Akureyri var lögð
fram hjá Héraðsdómi Norðurlands
eystra í gær, af lögmanni fyrirtæk-
isins. Starfsmenn fyrirtækisins áttu
að fá laun sín greidd á fimmtudag og
í gær en fengu ekki. Gripu þeir því
til aðgerða í gærmorgun og lokuðu
athafnasvæði félagsins og kyrrsettu
flutningabifreið á vegum Lands-
virkjunar.
Þvert gegn markmiðum
Efnahagsstefna ríkisstjórn-
arinnar gengur að mati Sigríðar
Ingibjargar Ingadóttur, hagfræð-
ings hjá Alþýðusambandi Íslands,
þvert á markmið síðustu kjarasamn-
inga, en markmið þeirra var að
stuðla að efnahagslegum stöðugleika
og jafnvægi á vinnumarkaði, sem
hvort tveggja væru grundvöllur
uppbyggingar og fjölgunar starfa.
Y f i r l i t
Í dag
Fréttaskýring 8 Umræðan 40/47
Úr verinu 18 Kirkjustarf 48/49
Viðskipti 20 Minningar 50/57
Erlent 22/23 Skák 60
Minn staður 24 Myndasögur 62
Akureyri 25 Dagbók 62/65
Árborg 26 Víkverji 62
Landið 28 Velvakandi 63
Höfuðborg 28 Staður og stund 64
Úr vesturheimi 30 Leikhús 66
Menning 33, 66/73 Bíó 70/73
Daglegt líf 34/35 Ljósvakamiðlar 74
Ferðalög 36/37 Staksteinar 75
Forystugrein 38 Veður 75
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 
  



 


& 

 
 

'() *

 +,,,

 








 

 




 
BLEIK ljósadýrð umvafði Bessa-
staði í gærkvöldi þegar Orkuveita
Reykjavíkur kveikti á bleikri lýs-
ingu við forsetabústaðinn til þess
að minna á að októbermánuður er
helgaður alþjóðlegu árveknisátaki
gegn brjóstakrabbameini.
Bleik lýsing verður einnig sýni-
leg annars staðar á landinu í
byrjun október, m.a. á Selfossi,
Akranesi, Ísafirði, Austfjörðum
og í Keflavík þar sem Bergið
verður bleikt. Með hliðstæðum
hætti verða lýst upp um tvö
hundruð mannvirki í fjörutíu
löndum í tilefni átaksins, m.a.
Empire State-byggingin í New
York, Niagara-fossarnir og Harr-
od’s í London.
Það er Estée Lauder sem
stendur fyrir átakinu, en hægt er
að kaupa bleikar slaufur í rúm-
lega þrjátíu verslunum hér á
landi sem selja vörur fyrirtæk-
isins auk þess sem tekið verður
við frjálsum framlögum í sér-
merkta söfnunarbauka. Öllum
ágóða af sölunni verður varið til
verkefna sem valin verða í sam-
ráði við Krabbameinsfélagið og
Samhjálp kvenna, sem eru sam-
tök kvenna sem greinst hafa með
krabbamein í brjóstum.
Morgunblaðið/Brynjar Gauti
Bleikir Bessastaðir
VEGAGERÐINNI verður falið að hefja undirbún-
ing að gerð jarðganga undir Óshlíð og er stefnt að
því að framkvæmdir geti hafist haustið 2006. Rík-
isstjórnin samþykkti í gær tillögu Sturlu Böðvars-
sonar samgönguráðherra um aðgerðir á Óshlíðar-
vegi. Samgönguráðherra mun einnig beina því til
Vegagerðarinnar að eftirlit með Óshlíð verði aukið.
Hann mun og beita sér fyrir því að komið verði á
fullnægjandi GSM-sambandi á þessum vegarkafla.
Í minnisblaði, sem lagt var fyrir ríkisstjórnina,
kemur fram að hætta á grjóthruni á Óshlíðarveg sé
mest í svonefndum Skriðum. Langur vegskáli eða
jarðgöng eru það eina sem talist getur varanleg
lausn á grjóthrunsvandanum þar. Jarðgöngin,
ásamt forskálum, yrðu um 1.220 metra löng milli
Einbúa og Hrafnakletta. Áætlaður kostnaður við
gerð þeirra er einn milljarður króna.
Óviðunandi ástand
Jónas Guðmundsson, sýslumaður í Bolungarvík,
sagðist sem formaður Almannavarnanefndar Bol-
ungarvíkur fagna skjótum og hraustlegum við-
brögðum ríkisstjórnarinnar. Almannavarnanefndin
sendi ráðuneytinu bréf vegna hættu á framskriði í
Óshyrnu og grjóthruns á veginn. Bréfið barst sam-
gönguráðuneytinu 20. september síðastliðinn. „Það
hefur verið óviðunandi ástand á veginum undir Ós-
hyrnu og verður á meðan ekki er gripið til aðgerða,“
sagði Jónas. Hann sagði að boðaðar aðgerðir taki á
versta kaflanum á veginum og mesta grjóthruninu.
Þarna hafi ekki fallið mörg snjóflóð en grjóthrunið
sé verst. „Ég óttast að margir hlutar Óshlíðar verði
áfram varasamir, en þetta er óneitanlega versti
kaflinn,“ sagði Jónas. „Ég treysti því að ráðist verði
í framkvæmdir sem verða góður hluti af heildar-
lausn. Það þarf að skoða fjölmörg atriði áður en lega
ganganna verður endanlega ákveðin. Almanna-
varnanefnd Bolungarvíkur er reiðubúin að leggja
sitt af mörkum í þeirri vinnu.“
Byrjað á jarðgöngum undir
Óshlíð strax næsta haust
Eftir Guðna Einarsson
gudni@mbl.is
SJÓVÁ-Almennar tryggingar hafa
ákveðið að endurskipuleggja útibúa-
og umboðsmannakerfi félagsins hér á
landi til einföldunar og í hagræðing-
arskyni. Gert er ráð fyrir að breyting-
arnar taki gildi um næstu áramót.
Þorgils Óttar Mathiesen, forstjóri
Sjóvár-Almennra, segir að tilkynnt
hafi verið um breytingar á umboðs-
manna- og útibúaneti félagsins um
miðja vikuna. Þarna væru á ferðinni
ákveðin hagræðing og skipulags-
breytingar til einföldunar á kerfinu.
Komið væri á sex svæðisútibúum og
umboðum fækkað verulega frá því
sem verið hefði. Þá væri sumum um-
boðunum breytt á þann veg að settar
væru á laggirnar þjónustuskrifstofur.
Þorgils Óttar sagði að útibúin væru
ellefu í dag að meðtöldum höfuðstöðv-
unum í Kringlunni. Þeim myndi
fækka í níu. Þá hefðu umboðin verið
29 talsins og þeim myndi fækka niður
í sex, en að auki yrði gerður samn-
ingur um þjónustuskrifstofur við tíu í
viðbót þannig að segja mætti að um-
boðunum fækkaði um nálega helm-
ing.
Þorgils Óttar sagði að þá væru sett
á laggirnar sex svæðisútibú og öll um-
boðin og þjónustuskrifstofurnar
heyrðu undir þau. Þannig yrði skipu-
lagið einfaldara og hagkvæmara en
það hefði verið. Breytt skipulag væri
einfaldlega í takt við kröfur nútímans.
„Þetta umboðsmannakerfi er búið
að vera mjög lengi við lýði, þannig að
það þarf ekki að koma á óvart að á því
séu gerðar breytingar,“ sagði Þorgils
Óttar ennfremur.
Hann sagði að stærstu breytingar
væru að útibúið í Hafnarfirði yrði
sameinað höfuðstöðvunum í Kringl-
unni frá og með 1. febrúar næstkom-
andi og að útibú félagsins á Sauðár-
króki yrði lokað um áramótin og
útibúið á Akureyri myndi sjá um
þjónustu á því svæði.
Sjóvá endurskipu-
leggur útibúakerfið
LAUSASÖLULYF sem innihalda
kódein verða tekin úr umferð hér á
landi og verða þau einungis til sam-
kvæmt lyfseðli frá og með deginum
í dag. Þetta er gert til að sporna við
morfín- og kódeinfíkn, sem hefur
aukist undanfarin ár, og til að koma
í veg fyrir að kódeinfíklar gangi
milli apóteka og safni sér fjölda 10
töflu pakkninga með Parkódíni eða
Íbukód sem hingað til hafa verið
seldar í lausasölu.
Þessi ráðstöfun er gerð eftir til-
lögu vinnuhóps á vegum Lyfja-
stofnunar og Landlæknisembætt-
isins. Eftir sem áður geta
verkjasjúklingar fengið þessi lyf
gegn lyfseðli.
Kódeinlyf ekki
lengur í lausasölu
ÁKVEÐIÐ hefur verið að ríkis-
stjórnarfundir sem fram fara á
föstudögum verði framvegis haldn-
ir í Ráðherrabústaðnum. Munu ráð-
herrar þá koma þar fyrst saman til
óformlegs fundar áður en sjálfur
ríkisstjórnarfundurinn hefst.
„Við ætlum að nýta þetta ágæta
hús. Þar er aðstaða fyrir rík-
isstjórnina og við munum koma þar
saman fyrr á morgnana til þess að
tala saman með óformlegum hætti,
þannig að ríkisstjórnarfundir á
föstudögum verði sambland af
óformlegum og formlegum fund-
um. Það er nýmæli,“ sagði Halldór
Ásgrímsson forsætisráðherra.
Ríkisstjórnarfundir eru að jafn-
aði haldnir tvisvar í viku yfir vetr-
artímann.
Ríkisstjórnar-
fundir í Ráð-
herrabústað