Morgunblaðið - 01.10.2005, Page 60

60 LAUGARDAGUR 1. OKTÓBER 2005 MORGUNBLAÐIÐ
FRÉTTIR
Píanókennsla
Kenni 1. til 6. stig í píanóleik.
Get bætt við mig nokkrum nemendum.
Upplýsingar í síma 553 0211.
Jakobína Axelsdóttir, píanókennari,
Austurbrún 2 (9 5), 104 Reykjavík.
Uppboð
Framhald uppboðs á eftirfarandi eign verður háð á henni
sjálfri sem hér segir:
Grandavegur 47, 202-4816, Reykjavík, þingl. eig. Sigríður Gústavsdótt-
ir, gerðarbeiðandi Landsbanki Íslands hf., fimmtudaginn 6. október
2005 kl. 10:30.
Sýslumaðurinn í Reykjavík,
30. september 2005.
Kennsla
Félagslíf
Svölur
Fyrsti félagsfundur vetrarins
verður haldinn í sal Flugvirkjafé-
lagsins í Borgartúni 22, 3. hæð,
þriðjudaginn 4. okt. kl. 19:30.
Húsið opnað kl. 19:00. Vinnu-
fundur. Pökkun jólakorta. Marg-
ar hendur vinna létt verk.
Stjórnin.
2.10. Þríhyrningur. Brottför
frá BSÍ kl. 9:00. Fararstj. María
Berglind Þráinsdóttir. V. 2.900/
3.400 kr.
3.10. Myndakvöld í Húnabúð,
Skeifunni 11, 3. hæð kl. 20:00.
Sýndar verða myndir úr jeppa-
og hellaskoðunarferð á Laka-
svæðið. Eftir sýninguna verður
glæsilegt kökuhlaðborð. Að-
gangseyrir er 700 kr.
7.-9.10. Vonarskarð - Jeppa-
ferð. Fararstjóri Guðrún I.
Bjarna- dóttir. V. 4.200/4.900 kr.
14.- 16.10. Óvissuferð.
Hjá Útivist er löng hefð fyrir að
fara í óvissuferð til fjalla um
þetta leyti árs. Að þessu sinni er
ferðin tvískipt og tveir fararstjór-
ar, Marrit Meintema og Anna
Soffía Óskarsdóttir. Sjá nánar á
www.utivist.is
Raðauglýsingar
sími 569 1100
HAUSTMÓT Taflfélags
Reykjavíkur hófst sl. sunnudag í
Skákheimili félagsins í Faxafeni
12, Reykjavík. Á mótinu er teflt um
meistaratitil TR og eru þátttak-
endur 47, sem tefla í tveimur lok-
uðum 10 manna flokkum og opnum
27 manna flokki, 9 umferðir í öllum
flokkum.
Þegar þessar línur eru ritaðar
hafa verið tefldar tvær umferðir.
Í A-flokki eru Snorri G. Bergs-
son og Heimir Ásgeirsson efstir,
með 1½ v. hvor.
Í B-flokki hafa fjórir keppendur
hlotið 1½ v., en það eru Sverrir
Sigurðsson, Eiríkur Björnsson,
Ólafur Gísli Jónsson og Hrannar
Baldursson.
Í C-flokki hafa fimm keppendur
unnið báðar skákirnar, Atli Freyr
Kristjánsson, Helgi Brynjarsson,
Snorri Snorrason, Þorsteinn Leifs-
son og Svanberg Már Pálsson.
Það má búast við skemmtilegri
keppni á mótinu og ættu skák-
áhugamenn að leggja leið sína í
Skákheimilið, en teflt er á sunnu-
dögum, byrjað kl. 14, og á miðviku-
dögum og föstudögum hefst taflið
kl. 19.30. Hlé verður gert á mótinu
7. og 9. október, vegna Íslandsmóts
skákfélaga.
Við skulum sjá skemmtilega
skák úr 2. umferð í A-flokki. Heim-
ir Ásgeirsson stóð sig mjög vel í
landsliðsflokki á Skákþingi Íslands
í síðasta mánuði og hann byrjar vel
á Haustmótinu.
Hvítt: Björn Þorsteinsson
Svart: Heimir Ásgeirsson
Sikileyjarvörn
1. e4 c5 2. Rf3 Rc6 3. d4 cxd4 4.
Rxd4 Rf6 5. Rc3 e5 6. Rdb5 d6 7.
Bg5 a6 8. Ra3 b5 9. Bxf6 gxf6 10.
Rd5 f5 11. g3 –
Upp er komið eitt vinsælasta af-
brigðið í Sikileyjarvörn. Björn vel-
ur gamla leið til að koma andstæð-
ingi sínum út úr nýjustu fræðum.
Algengt er að leika 11. c3 Bg7 12.
exf5 Bxf5 13. Rc2 0–0 14. Rce3 Be6
15. Bd3 f5 16. 0–0 Ha7 o.s.frv.
11. … Bg7 12. Bg2 0–0 13. exf5
Bxf5 14. Re3 Re7 15. Rxf5 Rxf5
16. Bxa8?!–
Björn tekur skiptamuninn strax,
en 16. Dh5 (eða 16. Dd3) 16. … Rd4
17. c3 b4 18. cxd4 bxa3 19. bxa3!?
Da5+ 20. Kf1 Hab8 21. Be4 virðist
gefa hvíti betri möguleika.
16. … Dxa8 17. 0–0 Rd4 18. f3
e4 19. fxe4 Dxe4 20. Dd3 –
Eftir 20. c3 b4 21. Rc4 bxc3 22.
Rxd6 De3+ 23. Hf2 cxb2 24. Hb1
De6 stendur svartur mun betur,
vegna frípeðsins á b2 og opinnar
kóngsstöðu hvíts.
20. … Re2+ 21. Kf2 Bd4+ 22.
Ke1 Dxd3 23. cxd3 He8 24. Kd2
Bxb2 25. Hab1 Bc3+
Ekki gengur 25. … Bxa3, vegna
26. Hfe1 og riddarinn á e2 fellur.
26. Kc2 –
Skárra er að leika 26. Kd1, en
það dugar ekki til að bjarga hvítu
stöðunni, t.d. 26. … Bg7!
(26. … Rd4 27. Rc2) 27. Hb3 (27.
He1 Rc3+ 28. Kc2 Hc8!) 27. …
Rc3+ 28. Hxc3 Bxc3 og svartur á
peði meira og unnið endatafl.
26. … b4 27. Rc4 –
Eða 27. d4 He3 28. Hfd1d5 29.
Hd3 Rxd4+ 30. Hxd4 Bxd4 31.
Hxb4 Bc5 og svartur á unnið tafl.
Hrókur hans hótar að ráðast að
hvítu peðunum með 32. … He2+
og hvítu mennirnir geta litla vörn
veitt, því að þeir eru illa staðsettir,
sérstaklega riddarinn á a3.
27. … Rd4+ 28. Kd1 He2
og hvítur gafst upp.
Hann er fastur í netinu og á ekk-
ert skynsamlegt svar við hótun
svarts 29. … d5, ásamt 30. …
Hd2+, ef riddarinn hreyfir sig.
Heimsmeistaramótið
í Argentínu
Heimsmeistaramót FIDE, al-
þjóðaskáksambandsins, hófst sl.
þriðjudag í San Luis í Argentínu
og því lýkur 16. október nk. Á
mótinu tefla 8 stórmeistarar tvö-
falda umferð, 14 skákir hver, um
heimsmeistaratitilinn. Fjórum
meisturum var boðið til mótsins,
tveimur efstu mönnum frá síðasta
móti, Kasmidzhanov, heimsmeist-
ara frá Úzbekistan, og Adams,
Englandi, svo og Kramnik (Rúss-
landi) og Leko (Ungverjalandi). Til
viðbótar áttu fjórir efstu menn á
sigalista FIDE (meðaltal í júlí 2004
og janúar 2005) rétt til að tefla, en
það eru Kasparov (Rússlandi), An-
and (Indlandi), Topalov (Búlgaríu)
og Morozevitsj (Rússlandi).
Kasparov er hættur atvinnu-
mennsku í skák og Kramnik mætti
ekki heldur til leiks. Í þeirra stað
tefla Svidler (Rússlandi) og sterk-
asta skákkona allra tíma, Júdít
Polgar, en þau vinna sér sæti, skv.
stigum.
Tefldar hafa verið tvær umferðir
þegar þetta er skrifað, og staðan er
þessi:
1.–2. Anand (2.788) og Topalov
(2.788) 1½ v;
3.–6. Svidler (2.738), Adams
(2.719), Morozevtsj (2.707)
og Kasimdzhanov (2.670),
1 v. hver;
7.–8. Leko (2.763) og Polgar
(2.735) ½ v. hvort.
Það verður spennandi að fylgj-
ast með mótinu. Flestir spá Anand
sigri, en um það er erfitt að spá, því
baráttan verður örugglega hörð og
ekkert má út af bera á svo sterku
móti. Eitt er þó alveg víst, að sviti
og tár eiga eftir að renna, áður en
heimsmeistari verður krýndur í
Argentínu um miðjan næsta mán-
uð.
SKÁK
Taflfélag Reykjavíkur
Haustmót TR
Skákheimili TR, Faxafeni 12,
25. september–19. október 2005
Haustmót Taflfélags
Reykjavíkur hafið
Bragi Kristjánsson
HÁTT í 900 hundruð ungmenni frá
19 stöðum á landinu taka þátt í 24.
landsmóti Samtaka íslenskra skóla-
lúðrasveita um helgina. Mótið fer
fram á Akranesi, en það var haldið í
fyrsta sinn á Seltjarnarnesi árið
1969. Í lok mótsins munu allir þátt-
takendurnir leika saman í einni risa-
stórri skólalúðrasveit og mun lúðra-
þyturinn næsta víst berast um allan
Skagann.
Í dag munu skólahljómsveitir
spila víðs vegar um bæinn, heima-
fólki og gestum til upplyftingar og
ánægju. Um kvöldið verður svonefnt
Jagúarball þar sem félagar úr
Lúðrasveit æskunnar spila og
endurtaka tónleika sem hópurinn
hélt 18. september sl.
Á landsmótinu munu allar hljóm-
sveitirnar taka þátt í stóru nám-
skeiði sem ber nafnið „Skapandi tón-
listarmiðlun“. Leiðbeinendur á
námskeiðinu verða Sigrún Sævars-
dóttir-Griffiths og Paul Griffiths. Á
námskeiðinu verður samið stórt og
skemmtilegt tónverk sem frumflutt
verður við mótsslit og munu öll ung-
mennin taka þátt í flutningi verks-
ins. Mótsslitin verða í Íþróttahúsinu
við Vesturgötu kl. 14 á sunnudeg-
inum.
Landsmót Samtaka
lúðrasveita á Skaganum
VERKALÝÐSFÉLAGIÐ Hlíf lýsir
undrun sinni á þeirri ráðstöfun að
hækka laun bankastjóra Seðlabank-
ans úr kr. 1.233.000 í kr. 1.563.000.
„Hækkunin, sem er um 330 þúsund
krónur, er í algjöru ósamræmi við
hækkanir á launatöxtum félaga innan
Alþýðusambands Íslands, enda jafn-
gildir hún meira en þreföldum lág-
marks dagvinnulaunum verkamanns
á almennum vinnumarkaði. Þetta er
verðbólguhvetjandi ráðstöfun, sem
undirstrikar ábyrðarleysi og tvískinn-
ungshátt ráðamanna þjóðarinnar.
Það er því hámark ósvífninnar þeg-
ar Seðlabankinn sendir frá sér grein-
argerð þar sem talað er um nauðsyn
þess að hið opinbera leggi sitt af
mörkum í baráttunni við að tryggja
að verðbólgumarkmið kjarasamninga
haldi. Hvorki Seðlabankinn né ríkis-
stjórnin hafa sýnt aðgát í meðferð
fjármuna þjóðarinnar og þess vegna
hrannast vandamálin upp.“
Stjórn Hlífar gagnrýnir þá stefnu
opinberra aðila að auka launamuninn
í landinu, sem hljóti að leiða til þess að
verkalýðsfélög innan ASÍ knýi á um
samsvarandi hækkun launa fé-
lagsmanna sinna.
Undrandi á
hækkun launa
bankastjóra
RÓSA Björk Halldórsdóttir hjá
Hundaræktarfélagi Íslands segir að
hundaeign á Íslandi hafi aukist um
20% milli ára. Áhugi á hundarækt
hafi aukist mikið á síðustu árum, en
hún hvetur hundaeigendur til að
hugsa vel um hundana sína; finna
þeim verkefni og tilgang í lífinu,
eins og hún kemst að orði.
Hundaræktarfélag Íslands hefur
gert samning um sýningarhald í
Reiðhöllinni í Víðidal og verður
fyrsta sýningin haldin um þessa
helgi.
Sýningar félagsins hafa áður ver-
ið hjá Hestamannafélaginu Gusti en
fara nú fram í mun stærra húsnæði
og verður sýningin því mun um-
fangsmeiri.
Úrvalsdeild er ein af deildum fé-
lagsins, en í henni eru vinnuhundar,
og í tilefni af þessari stóru sýningu
ætlar deildin að kynna vinnuþátt og
eðli hinna ýmsu tegunda.
Rósa segir að á sýningunni gefist
gott tækifæri til að kynna sér
hundategundirnar, ekki síður fyrir
fólk sem sé að hugleiða að fá sér
hund. Mikilvægt sé að velja sér teg-
und eftir lífsstíl hvers og eins.
Morgunblaðið/Jón Svavarsson
Anna Francesca Bianchi með hunda af tegundinni Siberian Husky.
Hundaeign eykst um 20%
STJÓRN kjördæmasambands
Reykjavíkurkjördæmis suður leggur
í ályktun áherslu á að Ísland standi
við framboð sitt til öryggisráðs Sam-
einuðu þjóðanna. Ísland hafi undan-
farin ár tekið að sér veigamikil hlut-
verk í samfélagi þjóðanna og verið
áberandi í alþjóðlegu samstarfi.
„Það er mat stjórnar sambandsins
að Ísland eigi fullt erindi í örygg-
isráð Sameinuðu þjóðanna og hafnar
málflutningi þess efnis að Ísland hafi
ekki burði til að sitja í ráðinu. Ísland
er með ríkustu þjóðum í heimi, land
byggt öflugu fólki sem skarar fram
úr í alþjóðlegum samanburði.“
Stjórn sambandsins fagnar
„dugnaði og elju Halldórs Ásgríms-
sonar forsætisráðherra við að kynna
framboð Íslands í öryggisráðið og
fagnar jafnframt þeirri þverpólitísku
sátt sem náðst hafi um málið.
Vilja að Ísland standi við
framboð til öryggisráðs
EFTIRFARANDI er áskorun sem
var send til þingmanna frá stjórn
Ungra vinstri grænna:
„Stjórn Ungra vinstri grænna
skorar á alla þingmenn og konur að
taka fyrir og samþykkja strax í upp-
hafi komandi þings frumvarp sem
jafnar að fullu réttindi samkyn-
hneigðra á við gagnkynhneigða. Það
er löngu orðið tímabært að það
ójafnrétti sem samkynhneigðir hafa
búið við verði leiðrétt. Í ljósi þessa
leggur stjórn Ungra vinstri grænna
til að frumvarpið verði samþykkt
strax í upphafi þingahalds og með at-
kvæðum allra kjörinna fulltrúa á Al-
þingi.
Einnig færi vel á því að fulltrúar
allra flokka væru flutningsmenn
frumvarpsins. Með því yrðu þau
skilaboð send út í samfélagið, á tákn-
rænan hátt, að hér á landi verði
ójafnrétti og fordómar ekki liðnir
lengur.“
Samkynhneigðir öðlist
jafnrétti að lögum